金滿堂甜品

营业中

休息中

自從搬來九龍灣後, 覺得雖然餐廳連鎖店樣樣都不缺, 甜品蛋糕店也有好幾家, 不過唯獨有一樣真的整個德福都沒有, 就是一家糖水鋪. 所以如果晚上想來碗糖水, 最近的地方也只能走來淘大的金滿堂吃.這晚甜癮又起, 雖然有點遠但仍忍不住的也要走過來.晚上8時多, 來到時食客巳坐滿9成. 其實淘大吃甜品的店不多, 不計雪糕類, 就只有許留山跟這家. 前者食過2次水準強差人意, 早巳BLACKLIST了. 反觀這家金滿堂一向都是未夠9點巳人潮湧湧, 就算是平日情況都是一樣.幸好我們不用等位, 來到剛好有張2人枱埋單. 看看餐牌, 最近多了好幾款新的甜品, 其中看到這個名叫榴槤女皇的很搶眼球, 單聽名字巳很有霸氣, 不得不點個來試試 榴槤女皇 (HKD$40)用椰皇來盛著椰汁蛋白, 再放下一舊榴槤肉, 份量都幾大個. 先嘗口椰汁, 味道幾清甜, 但椰奶香就淡了一點. 燉蛋白好滑又順喉, 奶味不算好重, 味道仍是比較淡口; 而中間的榴槤肉非常大舊, 用上金枕頭貨色, 榴槤香味四溢, 入口果然很軟棉, 而且味帶甘甜, 榴槤味道亦十分濃郁. 想不到榴槤加椰汁和蛋白又幾夾, 但整個甜品其實味道最搶的還是果王

和網友飯局後,再加推甜品, 本來去淘大花園的許留山, 但入到去叫咩無咩........連現在重點推介的幾款甜品都無......有無搞錯呀....不過錯有錯著, 就係咁我哋就出番門口,諗住今日無甜品食了,但出到門口,向右邊一望,有間好多人幫襯的甜品舖,原來係金滿堂, 原來九龍城之外,淘大都有一間^^於是我哋叫咗個蛋白杏仁露和芒果西米露, 嘩.......甜度適中,因為這間推介健康低糖的, 所以啱晒我, 價錢又合理,食咗咁耐仲好多人排隊等位之外,仲好多人等外賣添,回想番好彩頭先隔離舖無嘢賣咋,否則夾硬食完出到嚟先睇到依間舖頭就嬲死了

食完晚餐,再到金滿堂食糖水,去到都幾多人吓,要等多五,六枱先到我吔...妹妹叫榴槤XX全個椰皇上,內有啖啖榴槤同椰汁, 西米,還有好似蛋白的物体...食落唔會太甜,妹妹覺得好好食,連不太接受榴槤混其他食物的我,食過都覺得OK,可以一試雞蛋布甸外形好得意,但食落普通.....

一點半, 食完午餐,唔夠飽就來到這裡找一些下午茶醫下肚!全部都係廿塊左右, 好多好靚ge甜品都好想試呀,最驚喜就係冇乜人, 可以慢慢食, 冷氣又充足=] 店主很nice!介紹左我地一輪之後, 我和朋友選了"宇治金時"同"單戀傻小子"宇治金時真係好食到暈紅豆起有肉大粒甜甜的配珍珠麵條好好咬口!尤其個綠茶雪糕, 好cool!份量超大,2個人一齊分享才可以食完一大杯 =D單戀傻小子上有乳酪雪糕酸MAYMAY的 個人來說不太喜歡不過朋友說很好吃, 比宇治金時還要好!XD杯四邊還有心型ge士多啤梨味大菜糕, 尚算可愛單是外表, 已夠吸引!

榴槤飄香材料: 榴槤布甸, 榴槤肉, 榴槤汁, 蘭香子呢個一擺上枱就已經有股好香既榴槤味飄埋黎但一食落口, 個榴槤布甸真係冇味既成個甜品都係靠榴槤肉同榴槤汁去吊味但都已經夠晒漏...鐘意榴槤既朋友真係值得一試因為咁香既榴槤飄香, 唔係得好多個地方有 龍吐珠材料: 龍眼肉, 椰果, 西米, 椰汁, 龍眼沙冰雖然話就話係龍眼沙冰, 但就真係冇乜龍眼味, 只係得椰汁味但如果一食既時候加埋龍眼肉就真係會有淡淡既龍眼香味出左黎而且龍眼肉既份量真係好多, 絕對可以一啖有一粒龍眼肉呢個龍吐珠味道比起其他甜品都要淡口但適合我呢D唔想食濕毒既芒果既我 不過補充一句, 呢間野都比較多人去, 座位比較少所以可能未必俾你地可以坐係度慢慢傾計

我叫左個香蕉船，朱古力雪糕好好味，仲有芝麻！好似手作之店個d，好好味，個香蕉不會太熟，不然會好lum呢叫左個雪糕紅豆沙，竟然不會太甜，因為當兩樣甜品溝埋通常都會好甜，個雪糕好彩冇溶哂，紅豆又好味下次我一定要試其他。

每次經過都沒有機會試一下,所以決定跟朋友吃飯後甜品第一個印象不錯,服務員的服務態度很好,很有禮貌不過店舖有點小,座位有點窄和有點悶,所以選擇坐店外露天朋友點了樂天,我就點了椰汁xxx(忘記名字了)賣相一般,不太吸引,不過朋友說蠻好吃的,雪糕也可以自選味道而我點的椰汁xxx就一般,個人覺得還是甜了點,滿滿的椰汁味,不太吃到芒果的味道不過口感不錯,有嚼勁

很久沒有吃過金滿堂的甜品，所以就和男友來吃一下。剛剛到達那刻，見到很好多人，心想別要沒位子。我倆就被安排坐在店子裡的一角，不過沒所謂，這樣就不用看到別人的嘴臉我們分別點了心太軟和芒果綿花冰。心太軟只是忽然想吃，但沒有很驚喜。蛋糕表面有點乾，灑上了一點點的糖粉。朱古力蛋糕內的朱古力，是慢慢的流出來，但不太熱，只是溫溫的，不足以熔化冰淇淋。冰淇淋有點冰了很久的感覺，還有一點點的冰粒我配了綠荼和曲奇冰淇淋，但還是用芒果冰淇淋配會好點，沒有那麼膩不過草莓冰淇淋好像不見了，可惜可惜。盤子上的花樣，我還在想是否因為看到我和男友一起去，才這樣畫，我還吃了花上的醬，酸酸甜甜的。男友的綿花冰也不錯吃，芒果的冰淇淋薄片沒有很甜。配上２個配料　（我記得以前好像有３－４個配料？）Size也小了，不過男友還是很快樂的吃光光。這店是有很多東西吃，不過心太軟就未必再試了。給笑臉也是整個店來講

我地一行４人於和民食完每晚晚飯後諗住食甜品傾吓計，所以到附近的甜品舖，見到人頭湧湧既金滿堂甜品諗住係好嘢，所以等一等位都冇所有。點知坐低食緊冇耐，已經見到啲職員响我哋張枱旁不停行嚟行去，仲以為佢哋好忙，點知原來係等我哋一食完為收碗，收碗都冇所謂，我哋响度傾陣計，點知冇耐，負責帶位既職員走埋嚟問「你哋啲嘢食係咪未到齊？」我哋否認之後佢就話「咁我幫你哋埋單先啦，有10位客人等咗好耐。」之後佢二話不說就攞咗張單走，大佬呀，你哋為做生意我哋唔怪你，但唔會唔理我哋既感受，最起碼都問我哋介唔介意埋咗張單先啦，最離譜係我哋比咗錢，佢哋唔找錢，仲好迅速哋收埋我哋張枱，真係火都嚟埋請金滿堂甜品既人自重，亦請尊重你哋既客人！

1:30pm開鋪,而一開鋪o既時間就開始有tea set~所以食完個lunch隔無幾耐,順便入去食糖水先!! 共10款左右~因喉嚨有點痛的關係,食返暖笠笠的糖水較為佳~揀左我揀左Tea Set 清心丸紫米露(熱) $19 (本身$16, 因為想加另外的配料西米,另加$3)製作時間約6min,真的很熱~相信用微波爐翻熱吧!因聽到叮的一聲後無幾耐便上菜~清心丸共7-8粒,帶有彈牙的口感~而紫米露的熱度剛好,甜度更加讚~因為非常適中的甜味~相信糖份唔會很高~今次加左西米,希望個層次感更加豐富!!而西米的份量很多,西米與紫米露mix在一起時,非常軟綿綿,粒粒分明呢!! 幸福極了的滋味~服務態度還好的,室內環境衛生~

去到時系下午茶時間~~好幾款招牌甜品都有優惠~~~~~今日叫左心太軟伴綠茶同雲呢拿雪糕~~餐牌上寫到明要等10-15分鐘的~~等待期間往下其他品種既介紹~~時間都幾快過~~因為真系好多品種好多都像試呢不過好多都總店（九龍城）限定噶上菜啦~~~~~伴碟既畫好得意~~好有心機~~~影完相就即刻開始食~~抹茶雪糕好味~~而雲呢拿感覺就偏甜~~跟住系主角~整開個cake后就見到好多朱古力涌出來可惜個陷無乜溫度~達唔到冰火交融的感覺啊個cake亦差左少少口感~~~嗯...下次要去總店再試下!!!

第一次食金滿堂係九龍城總店吃泰菜後, 第二次再光臨便是無意中發現的九龍灣分店.這甜品店的介紹板淋漓滿目, 有很多平常未見的款式, 全都教人躍躍欲試; 楓公主喜歡咖啡的香味, 便選了"咖啡果凍伴雪芭" 這個甜品由兩球咖啡雪芭伴著置中的咖啡果凍， 每球雪芭都藏有趣香的合桃果肉， 每啖頰下、 便嚐到第一層咖啡的冰感，再嚼,、第二層滲有咖啡味的果仁肉更是比對出咖啡的濃香及合桃的仁香 雪芭凍度識中， 咖啡味剛剛好地與果仁的香和合，待雪芭隨著室溫溶化， 置中的咖啡果凍便會如身處咖啡湯中， 受著甜甜合桃香的咖啡甜汁滋潤， 一同送進口中，便會感受到第三層凍滑感，其味道是十分之配合， 其咖啡味洽到好處, 應該是我每次經過的必然之選。

睇完mr. 老實之後, 為食老婆豬嚷著要吃糖水, 禁係九龍灣, 當然要到金滿堂一食啦~~環境同服務在上個食評上說過, 有興趣人仕可觀看我上一次食評~~(不過因今次是10:00p.m.左右去到, 故此有很多人, 較為擠逼)食物方面, 老婆豬要了和上次一樣的榴槤翡翠杯, 我就要了金枝玉葉=楊枝金露加強版(根據官方引述)因榴槤翡翠杯在上次食評講過, 故在此不贅, 而金枝玉葉, 雖說是楊枝金露加強版, 但本人覺得同味道和配料上和普通的楊枝金露無太大分別, 要讚的是這個金枝玉葉的味道真的比較香, 但有一點要彈的是這杯金枝玉葉卻是温温的, 一點兒也不涷~~令人感覺大打折扣, 坦白說, 温温的楊枝金露就算更好食, 評分也是不合格的~~相信是因為人太多, 故此雪涷的時間不足~~總括而言, 這店俾我的感覺始終也不太好, 環境不算好坐, 食物質素不算特別好, 又不是特別抵食, 故此這店會否再去??答案是: 本人就不會了, 但因老婆仔喜歡食榴槤翡翠杯, 那有可能會因被"温馨提示"而再次幫襯呢~~

係九龍城食甜品好出名既金滿堂前排係九龍灣淘大開左分店.呢晚吃完個好飽既dinner但係無甜品落肚硬係爭d, 所以經過呢間店就嚷住要入去了.行到門口好彩地都唔洗等位, 見到咁多新奇既甜品配搭真係興奮, 樣樣都想試,都唔知點邊樣好.不過一入到去就好大陣榴槤味,聞到咁吸引我地就即刻叫個榴槤系列來試試.榴槤西米露另一半點的. 細細的一碗榴槤肉佈滿碗既面,好香榴槤味. 吃了一口, 西米露唔係好濃,但榴槤肉很柔軟是熟透的那種,2種配埋一起味道十分好. 西米比平常的要大粒一點, 咬落卜卜聲.榴槤飄香榴槤飄香比西米露的大碗.面頭有西米露再加一堆黑籽~很好吃很有趙頭. 中間是一個大大的榴槤布甸,吃了外頭一啖,有點淡, 再吃多一口, 嘩!!很濃的榴槤味, 仲有好柔軟既榴槤肉!!原來布甸內裡仲藏左一大堆榴槤肉, 真係充滿驚喜又好好食的一個甜品! 我地仲試左佢大力推廣既粿子味道有10幾種, 又令人心大心細. 最後我地挑了紅豆綠茶,芒果同荔枝3種味. 粿子好煙韌,食落有種清涼的感覺~紅豆綠茶味既綠茶偏濃, 紅豆反而唔係咁多; 芒果味道唔係好濃,有點淡; 最好食係荔枝,內裡真的有一粒粒很細的荔枝肉,味道很像真.呢

食完晚飯後, 再同老婆仔去食甜品了這間金滿堂十分出名呢, 無論係openrice或者朋友的口中也有人提起, 所以今次九灣一遊, 當然要試下啦環境方面, 店內唔算大, 但座位幾舒適, 唔會迫, 地方整潔食物方面我就要了一個"金玉滿堂", 而老婆仔就叫了一個"榴槤翡翠杯"等左約5分鐘, 我地d甜品到逹了~~但我個"金玉滿堂"真的令我有些失望了十分之普通的一個甜品, 內裡的料有一個芒果雪榚球, (只是普通的牛奶公司芒果雪榚味道), 芒果肉, (這個幾好, 肉夠香夠甜), 龍眼肉, (普通, 唔算甜和香), 有一些小丸子, (普通貨色), 芒果醬汁打底, (又是普普通通), 本人覺得作為一間出名甜品店的其中一個人氣推介, 但只是如此 (55分), 實在有點說不通呢~~而老婆仔個"榴槤翡翠杯"就幾好, 我試過少少, 果榴槤醬汁味道唔錯, 好夠味, 而榴槤肉味道十分濃郁, 而且冇乜渣, 一讚, 令外杯內有很多一些椰果,小丸子,水晶珠等一些好有嚼口的東西, 老婆仔十分喜歡, 覺得全個杯的配搭十分之好, 而我就覺得榴槤得份很好, 而椰果,小丸子,水晶珠等的部份就比較普通, 不過overall都有75分