金滿堂甜品

营业中

休息中

今晚又同好姊妹食飯，食完都唔想走住，皆因長氣既我們仲想傾落去，終於又去咗食糖水據說呢度榴槤甜品唔錯，我就叫咗椰香榴槤燉雪耳，呢碗甜品份量大小適中，榴槤好大嚿好鮮甜，配合清甜既椰汁下，真係超級好味，食完口中仲留有陣陣餘香，好味到想再食多增添

好耐冇去九龍灣淘大晚餐了, 食完飯行過少少有幾間甜品鋪, 見到九龍灣開了金滿堂, 就立即試試, 鋪仔細細都坐到廿/三十人, 環境都可以, 食品水準可以.今次試了...芒果糯米糍 - 顏色睇落一般, 但食落又幾好味, 芒果都幾甜, 糯米皮煙韌, 比起一些標榜長X糯米糍更好味.椰皇蛋白燉湯圓 - 有三粒芝麻湯圓, 味道ok.

這晚來到了九龍灣的金滿堂甜品，這家甜品店頗受歡迎，門口站滿了等待位子的客人，Mr.Cuisine和友人也在耐心等候。而店員非常細心，在排隊時給我們餐牌，讓我們先點選甜品。這裡的甜品種類不少，我仔細翻閱，最後選擇了龍珠二世。這個名字非常有趣，令人想起兒時最愛的一套卡通片。龍珠二世的材料包括芒果雪糕、芒果粒、小丸子和珍珠等等。每種材料各有特色，湊在一起配合得宜。首先嚐的是芒果雪糕，雪糕甜度剛好，入口細滑。小丸子和珠珍軟硬適中，很有嚼勁，一黑一白，各有千秋。至於新鮮芒果粒，不會酸溜溜的，果香十足，非常鮮甜。總括而言，甜品用心製作，味道很好，值得嘉許！

好多人，來到差不多必須等位，職員在門外就給客人餐牌選擇甜品糖水，入座後就上檯，省下客人坐下先選擇的時間，當然人齊先安排入座，要清靜傾偈，就莫選此店，食完就趕你走。總結，糖水好味 ，宇治金時，綠茶雪榚是我至愛，日本紅豆，大粒夾濃郁紅豆香味，我不吃榴蓮，友人說不錯。

麻麻地，見多來好評去試試，中伏。個楊枝甘露甜到喊…芒果酸既，食兩啖頂唔順，埋單走，冇下次！！老闆娘態度又差，出品又慢，唯一可取係員工服務態度幾有禮貌。相都冇影，不可一，不可再。

自上次光顧金滿堂就一試難忘,喜歡她的作品有誠意又有特色而且價錢亦很公道所以, 只要有機會經過便去拜訪今次到訪, 見又好像增添了更多甜點真是看得我眼花撩亂見今天是中秋, 秋意漸濃又見新推出的四大椰皇, 很補身見是整個椰皇上真是很吸睛最終選了"芒果大皇"見原個椰皇上放上一碟芒果一打開濃濃的椰香撲鼻而來微甜清香的椰奶中包藏了香滑的燉奶果真很滋潤, 於快來臨的秋天吃真的很合適可是芒果在此並未能發揮畫龍點睛之效反之有點格格不入芒果的功效只能在吃奶吃膩的時候清一清椰奶雖很清香, 但加上燉奶真的有點膩可能二人分享會較合適, 而且更甜蜜

金滿堂係自己中學成日補習後必去既甜品店，今日再去食，老實講真係有d失望。 我叫左個綠茶甜品，好可惜佢下面底層既冰好大粒好粗糙，咬到牙痛都未食得到，加上大大粒既冰會令到甜品既味道變淡，可以都唔太喜歡。上面既綠茶雪糕就不過不失啦，唔係好正宗香濃既綠茶雪糕，而係適合初嚐綠茶雪糕既人士，偏甜、偏奶味濃。

由於收到可靠的消息，有部分的食品會下架 誰猜到，我喜歡吃的其中二款都要有份 （希望大家喜歡的食品，不會下架）所以今晚跑去食一遍，我喜歡食的都不在十大人氣推介中⋯1. 榴連烏冬一上枱，陣陣榴連香味飄過來，正丫 有扮蔥粒的綠色啫喱，有舊榴連肉，加上沙冰底榴連汁配上牛奶味烏冬，真是一絕！ 由於烏冬由粿子做成，為了增強口感就加入了似西米的食品入去，令整個烏冬有爽口彈牙的口感！喜愛食榴連嘅人都知，榴連要夠凍先好食美味！整碗榴連汁都是沙冰，個榴連沙冰底似「思樂冰」咁入口即溶，隨即散發榴連味。真的好好味😋😋😋👍👍👍2. 焦糖奶茶刨冰個冰的外貌跟之前完全不同，製作方法都改了！之前係用碎冰做底，現在是薄片冰做底！有點似棉花冰，但比棉花冰更薄。雖然少左舊時「鑿」冰的樂趣，但口感同味道同時增加了！正

同老細食完晚飯，跟手話要帶我去食糖水，仲話唔跟去就走寶咁話，即管就去試吓咩咁吧閉…去到見到隔離左右都關晒門，唯獨得佢仲燈光火猛兼夾舖仔細細，竟然仲要等位好似真係有D料到先嚟個我的最愛榴槤女皇好正喎，本身想大家Share但好味到最後我獨個享受晒唔怪得我老細咁鍾意糖水但又咁Fit啦…原來尼間係以底糖少甜做招牌，所以咁受而家講求健康嘅人歡迎，抵佢冇得輸

晚上與女朋友往淘大金滿堂食朱古力心太軟，心太軟配上朱古力和曲奇雪糕，心太軟熱烘烘配，好味；雪糕亦好食，如果大一點就更好，最後講個賣相，用了綠茶士多啤利和朱古力醬整左個love的圖案，可見甜品師的窩心，我和女友睇到好開心，值得再來!

一早據聞金滿堂的甜品富創意又美味今日終於有機會一試 一坐下細閱MENU種類都頗多,, 一時間真係好難作決定最後點選了芒果烏冬芒果烏冬色彩繽紛,, 賣相吸引材料都好豐富椰汁烏冬好有水準好Q彈, 微甜不像一般糖水店淡而無味配上合時的芒果汁, 一絕!!

無論淘大開在幾多間糖水舖，依間糖水舖一到九點都係人頭湧湧，如果要食就要等位喇，其實佢D糖水比名牌糖水好味多多聲。咖啡媽媽，兩球雪糕$32，三球$40，咖啡迷必試！雪糕應該係自家溝裏面有合桃，咖啡啫喱香濃，個雪糕一試難忘！榴槤女皇真係有D失望，太小榴槤肉，唔太香，加椰子西米露，普通。金玉滿堂有驚喜，佢話係楊枝金露改良版，大粒西米特別，雪糕好好味 ，夏季配荔枝肉，冬季配椰果。

這晚和朋友晚上十一點多經過這裡，聽聞這間幾出名便進來了，可是要等位，等了差不多五分鐘～我叫了碗"白馬黃紫"，即是芒果椰汁紫糯米，芒果份量多，差不多有半個芒果吧~可惜有點酸⋯⋯總體來說也沒想像中好食，表現一般～

與友好們吃完不太滿意的生日飯後, 友人J建議轉場去金滿堂吃甜品, 因為水準較佳云云. 平日晚上未夠九時, 門口已經人山人海, 要攞籌等入座, 認真犀利!入到店內, 密密麻麻的枱椅坐無虛席! 除了友人J外, 我們都是第一次光顧, 這個"十大人氣甜品"餐牌的確有點用. 我們決定點不同的甜品, 可以多試幾款!蛋白杏仁露杏仁味很香, 入口除了有蛋花般的蛋白外, 還有頗香濃的杏仁味, 不太杰身但夠幼滑, 十分滋潤.金玉滿堂是店名為名的甜品, 其實是芒果雪糕+芒果+龍眼肉+楊枝甘露, 是很豐富的大雜燴. 芒果可能不合時, 所以有點酸; 楊枝甘露也頗足料, 芒果味濃郁, 愛吃芒果人士必點.咖啡果凍伴炭燒雪芭冰涼的咖啡果凍軟軟滑滑的, 有很濃郁的咖啡味; 咖啡雪芭很香滑, 除了有咖啡味之外, 入口有陣陣的炭燒味道, 既特別又美味!椰香芒果燉雪耳又是一個滋潤的甜品, 很足料, 每一口也吃到芒果和雪耳, 加上濃郁的椰香味, 相當不俗.各道甜品的水準相當不俗, 加上價錢比大部份新派甜品都要便宜, 怪不得平日晚上也要排隊. 眼見鄰座食客點的其他甜品, 看起來也很美味, 下次會再來試試. 

今日同男友係影藝睇完戲之後經過呢間糖水店，下午5點幾冇咩人，唔洗等位，見價錢唔算太貴就入去試食下。我男友叫左佢既招牌糖水，榴槤椰皇燉奶 $44，味道ok，幾有椰皇味，加埋榴槤都幾好食，但燉奶太水,唔似燉奶lo,好似飲緊椰皇奶咁。我就叫左椰皇燉奶小丸子 $40，同榴槤燉奶一樣，燉奶都係太水，好似飲緊椰皇奶咁，但味道都ok既，小丸子都ok。最後外賣叫左佢既招牌甜品，麥提沙糯米滋， $16，幾好食，價錢又吾算貴，值得一試！希望下次佢既燉奶吾好咁水，咁樣會好食好多！