金滬庭京川滬菜館 (已結業)

前幾晚我同一班朋友去呢度食飯....這裡的食物都幾好食服務又唔錯!!一開始我們望住個menu都唔知食咩o既時候...有個著住黑色西裝o既女仔行過o黎問我o地想食o的咩.開頭我o地都以為佢一定會叫我o地食o的貴格唔飽o既野食..所以都唔想聽的...但係原來又唔係...佢介紹o左我o地食一個叫什錦暖窩俾我o地,話冬天最o岩食的..所以我們聽佢話叫o左一個來試.....出到o黎原來好似打邊爐咁的....感覺好溫暖(好食)^v^....佢又介紹o個日有個送做緊特價.....好似叫做咩雙方...好得意的..佢係有個甜豬肉放o係個包入面的...好特別...我都係第一次食..所以感覺幾新鮮...我o地都覺得o個個黑衫女子幾好service....又好有笑容(個笑容好燦爛^^)又有禮貌.....又教我o地點食個咩雙方....我地望佢個名好似姓胡的....我地下次都會再去幫襯的...

每次去金滬庭食dinner都好滿意今晚食左砂鍋魚頭、時菜炒雜菌、素菜餃、炸銀絲卷、清炒蝦仁每一個菜都好好~特別係清炒蝦仁勁爽口彈牙又入味~下次黎一定要再食!素菜餃都好正~不過係個雜菌o既黑菇有d苦味....但係份量夠多~乜都抵哂!

LUNCH想食好少少,所以黎左呢度~不過有D失望回鍋肉:唔夠辣~肉絲兩面皇:普通肉絲炒面一個~小籠包:唔夠多湯同埋D湯味道差左少少~青瓜海哲頭:海哲頭好爽,但份量不多~人蔘烏龍:好似冇咩甘味,冇屯門個間咁好飲~以前好好食架...今餐平平無奇,真係好擔心水準會一路差落去

09.06.07因為怕人多又貴所以提早兩星期預祝父親節, 不過似乎人人皆有此想法, 所以六點半已差不多高朋滿座。來到後點名入座, 殊不知沒有我的訂位記錄, 我好肯定我前一天有打去訂位, 但真的記不起是中午前或中午後打去, 由於我在訂位時間上的不確定, 帶位員A用很懷疑的眼光望我, 好像我在說謊似的….我當然不服氣啦, 在幾番解釋下帶位員B終肯補位給我們(可能見我們有七、八人之多才肯招呼我們吧?!); 入座後立即找來MENU上的電話號碼以確實我之前有沒有訂錯第二間, 答案是: 我沒有錯!! 號碼是完全正確的, 所以這件事令我覺得很委屈啊! 亦令我對此店打了一個折扣!!!!!!! 是晚點了:小籠包、三鮮窩貼: 75分(一般水準)風沙雞: 70分(有點乾, 想食脆雞皮的話不如叫炸子雞好了, 不過沒有哩, 而且雞類小菜甚少)沙碢津白: 70分(好奇怪, 上海菜有墨丸食, 很少見! )京蔥扒鴨: 70分(肉質OK, 略嫌醬汁太多; 不要與京蔥爆牛肉相比, 是兩回事)糖醋青衣柳: 70分(只能說夠醒胃罷了)雪菜毛豆百頁結: 70分(幾清淡, 啱晒老人家)薑米蛋白帶子炒飯: 65分(見不到亦吃不出

成班朋友一行10多人, 要找個合適的餐廳吃飯真不容易. 而我今次就負責找... 結果最後選了金滬庭.因為有10多個人, 所以我就提前contact餐廳寫menu, 想可以control到每人消費亦可以到時不用為點菜而花太多時間. 我對餐廳的員工態度好滿意, fax完個menu給我後會打電話confirm我是否收到, 跟住又會再問我想不想訂, 很好. 對食物都滿意呀, 用膳時的服務也很好. 地方闊落, 放bb車都得. 洗手間也乾淨.下次一大班人吃飯的話我都會再提議去這間.

舊同事請吃晚飯，賀她升職加薪。因大家都是荃灣人，於是就近近地在荃灣吃。同事一早已想定是去金滬庭吃，我亦冇謂唱反調。七點左加去到，非吸煙區已冇咩空位，看來生意也不錯。先叫壺人蔘烏龍，潤一潤喉。點菜方面，睇左好耐好耐先決定到，最後點了醉鴛鴦、咸肉湯年糕、花素餃、涼菜既青瓜海蜇頭及一壺人蔘烏雞花膠湯。涼菜當然先來，海蜇頭點芥辣幾特別，又幾開胃喎。咸肉湯年糕濕濕地，唔會太漏，又清清地，算ok。幸好是叫湯這個，如果叫炒年糕一定後悔。醉鴛鴦即醉雞和醉豬手，酒香味好夠，肉質都有口感，幾合味道。花素餃有五隻，好大隻。皮雖然是較厚，不過餡料都十足，亦不算差。人蔘烏雞花膠湯朋友大讚，確實，花膠幾多，人蔘味亦重，但我反而覺得是欠缺了點點的雞味。服務不錯，侍應都幾殷勤，也會主動提出幫我們滾番熱湯水，基本禮儀足夠有餘。埋單$317，有冇計錯數則從未諗過。反正唔係我找數，唔理佢啦！哈哈！

星期日跟屋企人食飯，又唔可以行得太遠(因有可愛嘅外甥女係度)，近近哋就嚟呢度...呢間長龍店，都唔知何解有咁多人去排...費解...叫到一枱都係，但食完都唔知食咗D乜...印象只係醉雞不俗，有酒香，雖然用嘅係雪藏雞；煎餃亦算唔差--- 有肉汁，皮亦煎得微脆。所以亦係我食得最多嘅一碟...其他?乏善足陳...

今日上完朋友家後,同男朋友去了金滬庭食飯!菜單有:雲白肉~好薄,自己鍾意食辣,所以覺得都好好味!海蜇頭~好爽,男朋友好喜歡! 花膠海蔘~見到已經嗅到好香,d味道好上海粗炒~就麻麻地~油好多!甜品:芝麻湯圓,高力豆沙芝麻湯圓d水冇味,同滾水冇分別,高力豆沙就好正,好得意!食品大至上都幾滿意,服務方面,見到雖然大多都係年青人,但他們都好有禮貌,介紹食品方面都幾長細,食完後仲有生果送添!我諗我會再黎食過!

1. 醉雞酒味夠好味2. 小籠飽皮夠薄, 多汁好味(推介)3. 擔擔麵好辣但係個麵第二到食唔到4. 蜜味雙方有腐竹脆脆地幾好味5. 花膠竹絲雞湯好味, 勁多花膠6. 高湯火腿時菜ok7. 豆沙窩餅ok 8. 高力雪糕好特別, 第二到未見過(推介)我9點後入座,原來仲有8折,勁低食一定再黎食過.........

咪以為check單,就唔怕比人收多錢。四月九日同家人幫襯金滬庭京川滬菜館(荃灣青山道號398號愉景新城商場第三層號舖) ; 賬單清楚列明每項收費,但係加埋總數竟然係多左$30, 仲再加一! 一共多收$33。向侍應投訴, 回應是電腦出錯, 立即退回現金$30; (仍多收$3加一)。我們表示已知他們不是第一次如此，這是明顯是行騙。我們質問侍應為何明知電腦有錯還不更正或用人手核對賬單才給客人,他們竟辯稱因不是每張單都會出錯, 所以不會人手核對賬單.(當然喇，銀碼少的賬單就不能多收, 以免露出馬腳。分明搏大霧! )當我要取走賬單時,他們便大為緊張, 說賬單不可取走, 要留作公司紀錄。客人怎會不許拿走賬單?我不理會他們取走賬單作投訴証據。可能其他食肆或商舖亦有此行徑。好彩資訊發達,我們從網上收到料早作防範,花點時間加o下數，才不至受騙。

睇番食評，原來我03年7月16號曾經寫過，相隔3年後的同一日再去食過。記得當時新開張，未夠6點已排隊等位。現在7點鐘客人才開始陸續入座。油炆荀-老豆的例牌菜，我平時不會食的，但今次老豆同老公都讚不絕口，我就嘗試了幾條，果然好入味又夠爽脆。無鍚脆鱔-近似螢光橙色的脆鱔，感覺上好人工色素。有勁脆勁熱的口感，但缺少蜜汁味道。砂鍋什箘獅子頭-湯底清甜，連各種菇類亦夠入味，又多黃芽白，獅子頭亦夠鬆化。黑醋排骨-與脆鱔一樣螢光橙色，黑醋味唔夠。紅燒小黃魚-魚肉幾滑，不過紅燒的法，不太合我口味。小籠包-皮唔算厚、多湯汁。上海湯麵-味道唔錯，保留舊式上海菜館的味道。川式三絲冷麵-麻醬完全唔香，就算加了芥辣，亦唔夠野味。麵身唔夠爽。雖然食物水準一般，服務方面就唔錯，無論經理、侍應及傳菜個個都幾有禮貌，在這方式可以加分。

晚飯八人套餐，比較特別的菜色包括:雲白玉(肉)配青瓜粉皮: 口感清新，辣度適中，不會得個辣字，粉皮爽口又滑溜，不錯。川式水煮青衣魚柳: 一大盆辣湯浸著青衣魚柳，青衣魚柳肉質嫩滑，但湯汁實在太辣了，連配菜粉絲、青瓜、三色椒全都吸收了辣汁，只有說不合口味。璋茶鴨: 鴨肉乾巴巴的，個人而言是潮式鹵水鴨/鵝較合口味。豆沙鍋餅: 做得不錯，內餡不太甜，外皮厚薄適中。

星期日晚飯，座無虛席。喝口人蔘烏龍茶，滿口甜香，人蔘烏龍真是很特別的茶。圍桌七人點了:蒜子菜川椒雞炆炒海蔘蒸黃花魚上湯獅子頭小籠包蛋白炒飯高力奶皇比較特別的是甜品高力奶皇，傳統的豆沙餡變成奶皇餡，且沒有了香蕉，奶皇餡香是香，但總認為傳統的豆沙高力較好吃。

由於工作地點關係,經常性都到呢度食晏,有時味更因工作關係都會帶客戶黎呢度晚飯,次次都食過番尋,今次帶好日都唔願出街食飯既亞媽去食,佢不斷話好食,重話下次要再去試o下第二d餸菜,又話介紹俾其他朋友雀友知~!哈哈~!唔係誇張架~!真係自問去其他分店如屯門同西環,都唔知點解同一品牌d食物素質同服務相差咁遠,其怪,不過大家都值得去試試~!p/s其實樓下兩位人兄既情況,會唔會真係人地無心之失呢?我去咁多次或朋友都從未遇上類似情況,而且我地每次消費都過千,要做手腳都唔難丫~!

請看看這賬單有可不妥?咪以為check單,點清每樣菜和價錢就唔怕比人收多錢。四月九日同家人幫襯金滬庭京川滬菜館(荃灣青山道號398號愉景新城商場第三層號舖) 賬單例得清清楚楚每項收費, 但係加埋總數竟然係多左$30, 仲再加一! 一共多收$33。向侍應投訴, 回應是電腦出錯, 立即退回現金$30 (仍多收$3加一)。我們表示已知他們不是第一次如此，這是明顯是行騙。我們質問侍應為何明知電腦有錯還不更正或用人手核對賬單才給客人, 他們竟辯稱因不是每張單都會出錯, 所以不會人手核對賬單. (當然喇，銀碼少的賬單就不能多收, 以免露出馬腳。)分明搏大霧! 當我要取走賬單時, 他們便大為緊張, 說賬單不可取走, 要留作公司紀錄。客人怎會不許拿走賬單? 我不理會他們取走賬單作投訴証據。可能其他食肆或商舖亦有此行徑。好彩資訊發達, 我們從網上收到料早作防範, 花點時間加o下數，才不至受騙。