影片
食家推介
今日lunch 见到佢平平地，就去试下啦叫左个生牛河，碗粉只系勉强叫做合格同好食又好大段距离，但系52蚊黎讲唔算难食好重点嚟喇成间铺D侍应都串都咩咁，又冇礼貌都算有个阿叔侍应仲要喺我面前撩鼻屎，当然系冇洗手啦我真系眼都突埋呢间野总结系味道唔好有期望，大X乐好过佢服务拍得住澳牛卫生一流，有鼻屎送
继续阅读
哗！今次食金满都，真系一个正字形容晒全部感受。海南鸡饭滑溜溜嘅鸡皮包住啖啖肉，真系惹味到不得了，随餐三色酱料一嚟，香浓芝麻酱、辣椒同姜蓉互相辉映，几乎令人停唔到口。饭粒每粒分明啲，又系油光闪闪，真系食到太饱唔够位！🍚讲到咖喱鸡饭，个咖喱香浓得嚟又唔过火辣，啖啖嫩滑鸡肉配埋淋漓尽致嘅咖喱汁，令人一口接一口，想停都难，完全衬托到鸡肉嘅滋味。😋🍛平日喺屋企都唔少得揾佢地叫外卖，啲越南风味嘢食实在太方便，又唔使出门口。每次个送餐员都好有礼貌，劲快嘅速度送到手，真系帮到大忙！🛵总括嚟讲，想食越式美食又唔驶行得太远，畀啲掌声俾金满都，又快、又正、又过瘾！下次无论系嚟堂食定叫外送，都一定要再过嚟直接落order！👍🏻
继续阅读
今日放假，但我同🤴🏻夜晚都各自有约见唔到，咁Lunch就要揾🤴🏻见一见啦！😙😙～～～越式时菜牛丸汤河粉🍜～～～牛丸有4大粒几弹牙🦷，系明显越南口味嘅汤底，胜在唔会过咸！😄😄～～～白汁焗海鲜意粉～～～白汁量好多就算食晒啲意粉都剩好多白汁，而且表面有焗烤过嘅痕迹，带有少少焦香味😃😃！另外跟意粉嘅海鲜都好多样，例如有虾🦐肉、鱿鱼🦑、蟹🦀️柳，可惜嘅系除咗虾🦐肉其他都比白汁嘅味盖过咗，不过都系合格以上😁😁
继续阅读
121022082022，我今日行经呢间位于荃湾工业区既越南菜式既店舖，见周围都没有野食就试下佢。首先坐位不多，要同另一个食客搭枱，都唔紧要啦，4人位打斜对面坐都ok，不过坐位太窄，我周不时撞到后面枱既客人，而那客人好似习以为常我相信是熟客。咁我点左个香茅鸡肉拼泰式鱼饼捞檬粉，同一杯冻檬茶，好快佢就同我讲没有鸡肉转猪肉，我就说ok。好快送到在我面前，卖相已经唔掂，猪肉得四片食落还要没有味，泰式鱼饼就系鲮鱼肉做大约是一粒牛丸既大小切开扮2粒仲要冻的。檬粉就必然加泰式捞檬汁可惜樽口太细只有汁，辣椒蒜蓉就卡住系个樽口，55蚊值唔值见人见智，但我可以肯定讲句我不会再黎。
继续阅读
呢间餐厅，乱落order 。 个啊姐做错野 ，仲大大声同我讲：我同事写错！ 唔可以cancel呢张order! 个啊姐的态度极差 。我来食野，佢落错单 ，仲大声夹恶，比气个客受。乜野叫做唔可以cancel order? 佢态度真系超差！间野的食物，已经唔系特别好食，仲要闹个客。咁样做生意都得！我以后唔会再去果度食。我从未试过系open rice 留言，但今次实在系太过份！ 所以要走上来，讲比大家知。希望大家唔好走去金满都比佢闹！
继续阅读