金溪海鮮火鍋 (已結業)

** 此 食 肆 的 第 一 個 OK **今晚(19-9-2008 Fri)同家人睇完媽媽,又返荃灣食飯,大哥提議呢間,啊,好耐冇o黎食喇.約7:50pm到o黎,都有幾枱客,我o地四個人揀o左$108.00三餸一湯一炒菜套餐,有:1.燒腩肥瘦適中,皮脆,冇問題2.生炒排骨3.涼瓜魚腩 4.蒜蓉油麥菜 5.木瓜花生煲豬(月展)全部冇問題,一般叫o左3個飯埋單接著$120.00,抵食.

來呢個間酒樓食過幾次...覺得幾扺食...見佢地平時都幾多人....禮拜六日同假期最好都係打電去訂位.因為真係好多人,今次來食左$211...蝦醬通菜牛肉,粉絲什菜煲,豆腐枝竹炆班腩,砂鍋魚頭煲,5個白飯,湯,甜品係木瓜西米露,都幾扺....幾好味....係一個唔错既選...

昨晚係城門谷泳池游完水，同友人行了去石圍角找吃，見到間小菜店幾便宜，＄108三送一湯一甜品，不加一。叫了魚香茄子煲、八珍海鮮煲、炒唐高、西檸雞，甜品係番薯糖水。魚香不太辣，菜有些老，檸雞送飯一流。

全部係街坊生意,禮拜六日晚好爆.價錢都好抵.而且味道唔會輸畀大酒家.如果好紅酒,仲可以去旁邊惠康買兩支,唔收開瓶費. 我係街坊,當有客人探訪,如果唔係屋企玩煮飯仔,就一定去.岩岩又去完:大班兩味:$140,西芹炒班片唔錯,蒸頭腩有D過火.沙薑雞腳:$28,老媽最愛,我覺得有D過咸.炸百花釀豆腐:$XX,好味.香菜浸蜆:$38,真係唔錯.蜆肥合時候,香菜好配合.椒鹽墨魚咀:$38,最差,食剩半碟.清炒菜:$28,合時令菜.仲有其他菜,但係唔記得,sorry!+6個飯+5支啤合共:$460份量好足,六個人,每人唔洗$80. 問你點頂!!服務畀4分,但係唔好用五星級酒店去比較.街坊就係街坊,自己去諗下!