金泰皇泰國餐廳 (已結業)

在葵興的KCC上班很多時候也會到葵芳和荃灣一帶的食肆team lunch，只因選擇比較多一點吧，雖然乘地鐵較遠一點，但lunch的時間較自由，有著較好的work-life-balance，也不妨出去走一走。在荃灣地鐵站A出口附近的金泰皇佔地頗大，有著逾百雅座，而裝潢也頗有東南亞的氣色。這裡即使午餐時段也沒有太多人流，而且座位空間合理，較為舒適。儘管team lunch也不用煩惱著尋找座位。在午餐的時段選擇也蠻多，除了這雙面印刷的餐牌外，還有另一張A5大小的餐牌；價錢非常划算，由$38元至$43元不等，奉送熱飲，而凍飲也只是加$2元。是日奉送的餐湯為木瓜雪耳湯，我的那碗剛巧有數塊雪耳和木瓜，味道清清甜甜，沒有太味精的感覺。這次點了一個(SL3)特價午餐: 香炸海南雞配黃薑飯。這賣相也相當討好，可是質素非常一般。炸雞扒皮脆肉嫩，醃料味道足夠，沾上泰式辣醬後更為惹味，單是炸雞這一塊來說，也相當「給力」。可是黃薑飯既乾且有點硬，而且沒有飯香，更不要說「黃薑」吧，相信白飯更為可取。但整體來說，雖味道一般，但份量足夠，價錢合理，要求不高的話也是team lunch的其中一個好選擇。在用餐完畢也會奉

呢日好想食泰國菜,又想試新餐廳,又咁岩路過力生廣場,一於試下先。呢間泰國菜餐廳開左好耐,但一直都冇留意,反面去親都係旁邊個間浦和,可惜浦和ge質素每況愈下....上到去已經2點幾,冇咩人,清靜舒服,係撐枱腳/聚會好地方仲有份芝士丸拼恐龍蛋,唔記得左影,芝士丸好正,外脆內軟,恐龍蛋係魚肉包皮蛋,個人不太喜歡皮蛋所所以覺得一般

呢間泰國菜其實吃過好多次了, 但點解會繼續encore呢, 除左佢味道不錯之外, 佢比較容易有位, 坐位又比較舒適今次一行三人去開餐, 當然有必叫的生蝦啦繼續保持水準, 生蝦都算大隻, 不過d汁比較辣, 唔食得辣的朋友唔好點咁多之後黎既係蝦餅, 熱喇喇, 都幾彈牙, 配埋泰式辣醬好好味叫左一個細的海鮮冬蔭公, 少少辣, 可以接受, 如果唔食得太辣可叫佢少辣的 入面既料都幾多, 有蝦有魷魚, 有青口, 有菇等等, d菇吸晒d味, 好正之後蒜蓉包來了, 掛住食唔記得影相haha, 不過都是熱喇喇, 好香蒜蓉味, 必叫, 但係黎既timing唔係好岩, 因為重點咖哩都未到 但其實我地都等左好耐了, 最後問個侍應, 佢話我地冇order, 但明明佢覆番我地既時候係有架 不過唔緊要啦, 佢話盡快終於黎喇, 咖哩軟殼蟹, 原本想叫咖哩少大蜆的, 但係佢地冇貨 最後先叫左呢個, 但係我地個蒜蓉包已經凍晒囉  今次第一次食呢個軟殼蟹, 好咸好咸 冇下次呀最後黎多一條燒鰂魚, 都幾好味, 不過百幾蚊條魚咁細就好似有d唔抵食, 但又燒得幾好味, 不會太老, 仲係好juicy最後送既甜品都唔錯, 清清地,

未試過享用一餐不野味的泰國菜。叫了海鮮粉絲沙律、青咖哩雞及燒烏頭。先來青咖哩雞加白飯，雞是雪藏雞，口感一般，全靠青咖哩汁及配菜可食畢一碗白飯。接著來的是海鮮粉絲沙律，賣相 ok，但食第一口，已覺粉絲完全無味，海鮮細粒有辣味，像是分開煮，沒有落任何汁混在一起。等了很久，燒魚終於出現。條魚熱騰騰，但卻燒到好濕，出晒水，有點失望。點了買一送一的青檸梳打，這已是最基本的泰國飲品，但卻是意想不到的飲料，因只是一杯有汽的水加超濃縮檸檬水。完全唔覺得進了一間泰國菜館。失望！不會再來！

14年12月食過一次，覺得好味，今晚同女朋友決定 encore.雖然一般 Encore 的經驗都無第一次咁好，但這一次例外。兩個人叫左三個餸，炒金邊粉、蒜蓉包同咖喱蟹 !金邊粉先上，都幾大碟，但略嫌唔夠熱。由於肚餓同驚碟野凍左唔好食，轉眼間就清左佢碟。再上就係主角咖喱蟹啦 ! 睇相都開心啦， d 咖哩好香，唔辣的，配埋個蒜蓉包食一流。呢到個蒜蓉包都好出名，大家不妨一試啦，但佢 d 包上得好快，所以如果要配咖喱蟹食的話，可以等隻蟹上左先加單。最後，送左一客小甜品。簡單嚟講，好味又飽肚的一餐。金牌打手，食到頂住咁走

大除夕與好友往金泰皇食泰國菜，點了恐龍蛋，蝦醬炒飯、生菜包、炭燒朱頸肉和厚多士。恐龍蛋略嫌皮蛋不夠熱，蝦醬炒飯蝦醬味夠濃、生菜包略嫌太辣，減辣少少會好些、炭燒朱頸肉和厚多士好香口，好好味，尚可的泰國菜

琴晚因為朋友生日我就帶佢地黎試下, 我每次黎都一定會叫生菜包,燒雞同蒜蓉包,一拎起MENU睇到有四樣做緊優惠, 竟然我叫開個兩樣生菜包同燒雞都有優惠, 諗都唔駛諗即叫呀!! 另外我地仲叫左蒜蓉包, 咖喱炒蟹, 生蝦, 泰式鳳爪, 燒豬頸肉, 泰式芥蘭, 香草辣肉碎炒飯, 泰式炒金邊粉!!咖喱炒蟹同個蒜蓉包依然係絕配, 我地雖然食到好飽, 但都忍唔到口再叫多客生菜包同燒雞仲係KEEP到個水準, 今次仲要做緊優惠價, 簡直係抵食呀而其他食物都一樣好好味, 大家都吃到飽哂!!侍應見到我地食得7788即刻送上甜品來, 食埋個甜品就真係滿足哂喇!! (甜品係免費架)食物講完就到服務方面, 咁大個場雖然人手都係有D不足, 有時可能人太多不能即時來到我地張枱, 但我地都好明白佢地因為人手不足所以先至會咁樣, 但整體佢地都好有禮貌同盡快去為我地服務!!我D朋友食完都贊不絕口都話要黎再食過!! 好彩大家對今餐都滿意!! 總算冇帶錯佢地黎食哩餐飯!!

琴日約咗個女同女婿喺荃灣等，諗住搵間酒樓食飯，行到地鐵站旁邊之力生廣場見到有間金泰皇泰國菜，咪入去試試，我哋叫咗生蝦，柚子沙律，泰式鳳爪，串燒，蠔仔煎蛋同埋咖喱炒蟹，啲生蝦爽甜彈牙，超正，柚子沙律同鳳爪都唔錯，串燒口感同味道亦非常正宗，跟住黎果碟蠔仔煎蛋，粒粒蠔仔都大大粒，啲蛋又炒得滑，😋😋最後嗰碟咖喱炒蟹侍應放低之後，忍唔住都要加多碟蒜茸飽，D咖喱汁夾埋D飽一齊食，簡直無得彈，蟹鮮飽香脆。埋單時有個侍應仲送咗幾件泰式糕點比我哋，雖然飽到上心口，但甜品喎，又係免費送嘅點可以唔食呢。哈哈，👍估唔到送嘅都咁好味，結果買多盒打包番屋企。😁😁

之前未幫襯過，今次食完卻肯定無下次!先說食物，我點了咖哩炒大蜆、豬頸肉沙律、泰式炒椰菜苗、冬蔭功雞肉湯河及椰汁冰。咖哩大蜆- 明顯係白烚大蜆然後先放落咖哩，個咖哩味道合格，但蜆就一d都唔上味。豬頸肉沙律- 算是平常一點，可是豬頸肉明顯無細心處理過，在別家店吃到的是會先烤一下的，這店的卻沒有，所以一點也不香口。炒椰菜苗- 這些醬汁明顯是"泰式炒河"那些豆豉醬，可是水汪汪的，有幾好味可想而知。冬蔭功湯河- 做泰式做到這麼差的冬蔭功實在少見。冬蔭功味道淡，只得一個酸字。雞肉鞋烚烚，我很愛吃冬蔭功，但今次食左一半就放棄了。椰汁冰- 侍應話買一送一，以為咁抵？原來真係只有椰汁同冰的"椰汁冰"，其他甚麼也沒有。椰汁加冰收正常椰汁冰的價錢，唔怪得買一送一。最後送上兩件椰汁糕，終於忍無可忍，因為...是"醙"的! 搞錯，變了味的也可以拿出來奉客，這店不止食物味道差，連衛生也有問題!最可惡是那些所謂店員的態度。是態度，不是服務態度，因為根本沒有服務可言!1) 侍應夠膽死為左方便自己入機而企係個客後面落單，要個客拎轉背同佢講野，仲叫個客"大聲d，我聽到架啦!" 我以為自己身處大排檔。2) 向店員反映椰汁糕

呢到話係正宗泰國菜館，所以想試一試。我地試左明爐烏頭鍋、辣椒膏炒大蜆、香芒糯米飯、馬拉盞炒通菜、無國界蒜蓉飽、新鮮椰青、龍眼冰。整體黎講，都好滿意，價錢合宜，就食到相當的美食。明爐烏頭鍋，烏頭夠大條，而且一邊燒一邊食，條魚好夠滑，D汁鎖往係條魚到，好入味，魚的味道好鮮，多汁。辣椒膏炒大蜆很有火喉，湯底又正，就連D湯底都攞黎飲，扣人入心，大蜆真係真材實料。聽過名就覺得無國界蒜蓉飽好特別，但我就認為同普通平時食的蒜蓉飽沒有差別，無什麼驚喜，食到香芒糯米飯，同之前去過泰過的時候食味道好相似，尤其是係糯米飯，食到出充滿泰國的風味係度。馬拉盞炒通菜完全沒有失水準，可口之餘，仲有種很強烈同特別的香料加入去炒，很啱胃口。最後兩杯冰涼又解渴的飲品完滿地結束我地今晚的晚餐。

難得週末悠閒, 與親愛的友人外出走走。一車而到荃灣, 走去很久沒去的路德圍一趟, 想找找吃。可是未可找到吃, 車子已找不到位置, 不停繞在路德圍打轉。最後, 好不容易才在一個半小時錶位停著。晃了兩圈, 沒有什麼特別想吃, 於是便走到了很久沒去的力生廣場。鑽進了這個充滿亞裔小店的商場之中, 感覺就如處身熱帶雨林一樣的陌生。入內令人有種轉得頭昏的感覺, 不過我相信裡面是有是有很不錯的店舖的, 不過只是有點語言不通而已。可是穿過一眾叢林之後, 到了三樓卻又是另一件事情。在這個上層的角落卻坐著這家隱蔽的泰國餐廳。午餐, 點上一個泰式炒貴刁, 加上一個飲品。貴刁炒得略濕, 口感有點黏口。汁醬甜味太重, 在旁的花生碎也是太濕, 令香味及口感都未能滿足。雖然貴刁口感依然有彈性, 可是效果仍算不上好。而友人點的是一個冬陰公湯河粉, 這個卻是較好一點。湯底香辣而惹味, 口感圓滑而有如奶香, 香茅味道吸引。少少一點辣味的挑逗, 入口香味不錯。湯粉用料亦足, 大蝦有嚼勁發些許彈性, 講不上生猛新鮮, 但不差。草菇鮮香而爽口, 配上湯汁, 口味也不錯。只是唯一河粉口感太厚,而且湯汁並未能吸引粉中, 口感味道變

此店位於地鐵站附近的力生廣場內，場內滿是印尼店舖及東南亞人，所以需經過一番擠迫才能進入食店。由於光顧時間尚早，店內只有一枱食客。餐廳裝潢富泰式風格，但又帶點森林感覺，頗特別。食物種類不少，價錢大眾化。由於食客不多，上菜十分迅速。 Blanc1664生啤($38) 帶有果味的生啤，感覺清新。青咖喱牛肉($58) 牛肉已被梳打粉嗱至淡粉紅色，完全沒有肉香及質感。青咖喱香料味道頗重，但欠缺椰香，味道帶甜。質感較稀，不夠濃郁。冬陰功炒飯($48) 雖然顏色很橙，但只帶有淡淡的冬陰功味道。沒有冬陰功的酸辣刺激感，相反甜味較重。配料方面不錯，有不少蘑菇及鮮蝦。飯則略嫌淋了點，亦缺乏鑊氣。串燒﹝雞、牛、豬﹞($30) 每片肉也四四方方，相當工整。燒烤感不重，相信肉是先烹調至熟後才將表面微燒。肉質腍而入味。沙爹醬不夠濃郁，有點稀。燒雞翼($13) 香口入味，皮微脆，整隻雞翼也熱辣辣，可算是整晚最出色的食物。飯後有甜品奉送，味道不過不失。 整體來說質素只屬一般，食物大多不太熱也沒有鑊氣。店員服務也不太親切，奉上菜時總感覺是突然“拋”於枱上便立即離去。難怪於星期日晚也沒有太多食客光顧。

來荃灣，很多時候會經過力生廣場，但很少會在那裡逛。那天因為突然想在附近吃泰菜，所以找到了金泰皇。青檸梳打味道中規中距，味道比較淡，跟石榴子冰的濃味椰汁形成強烈的對比。後者其實不是用上真的石榴籽，只是用馬啼切粒染紅再加太白粉，造成石榴籽晶瑩剔透的模樣。由於口感又甜又爽，加上不是每家泰國餐廳都常有，所以在MENU見到還是會點這個。無國界蒜蓉包改了一個引人入勝的名字。何謂「無國界」？我個人的理解是切邊、沒有麵包皮的意思(未知是否猜對)。這個飽，牛油蒜蓉味都很突出，味道既鹹又帶微甜，最重要是熱騰騰又夠脆，很棒。在泰國吃長臂大頭蝦，蝦膏滿潟之餘還帶有椰香。今次乾燒，因為開邊的關係，令部分蝦黃流失。不過肉質爽彈，算是挽回不少分數。雖然努力在香港尋找地道的Pad Thai，但有其形無其味的居多。曾經在泰國玩票性質的學過一堂泰菜，對於泰國人用的種種調味料，可謂大開眼界。今次的泰式河粉，用的材料都大同小異，有中蝦、芽菜、蔥、豆腐、雞蛋、花生碎等。可是味道還是有差，未知是否所用的調味料有所不同？

一家人食飯，近近地就book了它食返餐。這店日日都好多人，所以一定要先booking. 如果唔係等餐死。叫左個＄418套餐加個菠蘿炒飯，先來蝦餅併春卷。口感十分香脆，不過蝦餅又是沒有蝦味果d貨色。春卷也是普通。碳燒豬頸肉就幾好食，真有燒過有碳香味。不是炸完叮果D做法。海南雞兩老話幾好味，可能味道似客家咸雞。味道還可以，不過雞是雪雞；沒有質感沒有肉汁，我就唔太認同喇。西蘭花炒蝦仁，味道就是家常菜一樣。也是雪藏蝦仁，我好怕透明果D蝦仁。好似食膠咁。冬陰公就唔錯喇，香辣creame，又有蝦味好開胃。 重有明爐烏頭，這是最好味的，魚又肥，加上香矛肉碎湯汁；大家好味好味就食晒了…所以影唔到菠蘿炒飯都好味，酸酸甜甜又多海鮮。不過唔夠乾，所以就無飯香了…總結今日沒點店內的出名菜，其他的對比上來好一般。不過在荃灣已經出色得要等位等死你喇！同真係好多人，座得好辛苦

適逢星期日.....想食泰國野,同班Friend 一行三人去左荃灣的金泰皇食晚餐!雖然係星期日wo 但係都唔洗等位 可能我地早左食掛~我地叫左無國界蒜蓉包, 馬拉盞通菜, 泰式酸辣鳳爪 同炒金邊米~個無國界蒜蓉包真無幾好食 外脆內軟又幾夠蒜蓉味 haha~馬拉盞通菜都ok 的但鑊氣不足 泰式酸辣鳳爪....初初都驚好辣 但食落又唔係wo ^^ 最啱我炒金邊米....一般般啦~不過人手就真係唔係幾夠啦! 冇人加水......落單都等左一陣..但overall , d 野食真係ok 嫁~~四樣野已經令我地好飽飽了! 下次會黎again!!!!