金泰泰式美食

营业中

休息中

食左什錦湯河，炒金邊粉，菠蘿炒飯同加十蚊就有既越式生菜卷1. 什錦湯河: 賣相味道同其他鋪無異，量少，湯都香香茅味既2. 炒金邊粉: 賣相唔討好 有窿味 料一般 唔值呢個價3. 菠蘿炒飯: 賣相最好，但最伏。 從來未食過咁難食既炒飯。一眼望到d飯已經好濕 食落更係一pat爛飯 加埋d提子乾肉鬆多甜少咸既味 絕對係一絕。本來我係唔會浪費食物既人 但係實在頂唔順食左一半丟俾細佬焚化佢。強烈建議想深深中伏既人一試，絕對難忘。4. 越式生菜卷: 賣相可以，但冇味可言。要加佢d檬粉醋同魚露先有味，但都唔好食總結: 可能佢d檬粉好食掛 不過我冇試到 亦冇下次 去隔離食炸雞翼麵仲好 完

話說好耐都無同bf嚟食泰菜，心癮起又再嚟食生菜包: 生菜夠新鮮又大塊，餡料都好豐富，如果再辣dd就更好炸蝦餅:每次都必叫，新鮮炸起脆卜卜梅子汁又夠晒野味醒胃。另外仲有order 2個椰青+1條鹽燒鰂魚。鹽燒鰂魚又係例牌必點菜式!魚肉新嫩，配上泰式辣汁真係好好味不過椰青就扣少少分~雪得唔夠凍~

今日上午去完銀行同媽媽去食tai式lunch叫了個什錦檬粉同黃咖哩雞飯配凍奶茶及檬蜜※什錦檬粉有雞c，札肉，雞翅，蝦片，蝦春卷，芽菜，紅蘿蔔c還有一些炸蒜片，配上他們的汁正丫蝦春卷而且是熱辣辣雖然味道價錢不變，但無左庶蝦及粉的粉量比以前少了，可惡※黃咖哩雞飯，咖哩味香濃，唔辣，可惜帶一點酸酸的，因為當中有一兩片番茄，有點不太襯而且雞的份量彼多

大埔墟街市真係幾多好嘢食，金泰都算係繼豬扒麵之後，另一個人覺得好評嘅lunch set飯店。雖然話泰式，不過個人覺得佢似越式或東南亞混合feel多啲；不過冇所謂啦，好食就得!其實40蚊個lunch，性價比就唔及豬扒麵㗎啦。湯檬方面，湯底酸酸地幾開胃。至於餸就試過蔗蝦，一個set有3條，蝦算係彈牙，可惜嘅係蔗比較乾身，冇得食埋。不過同雜錦湯檬一比，始終後者感覺比較抵食，因為有齊雞絲、扎肉、2隻炸雞翼、2條春卷，豐富到爆! 雞炸得幾外脆內嫩，不過春卷皮就太油同厚。

第N次黎食哩間泰國菜～～今次係食晏就～～佢晏就有lunch set~~~抵食既～今次叫左咖哩炒河如圖～味道唔錯～有d似平時茶記既星洲炒米，不過轉左做河粉，多左d彈牙感～配料有，芽菜，青蔥，青椒………都幾好食～～建議問店員拎埋泰式辣醬，另一種酸酸辣辣的感覺～青木瓜沙律大愛～～次次黎到都會叫既～～～只係$39 好抵食～～又好味～分量又ok~其他餐廳都一定要50up配埋生菜食就冇咁辣同再爽口d~~~配料有花生碎，蝦仔（櫻花蝦BB)，生菜…仲叫左海鮮粥～佢係潮州粥既泡飯黎～好味～～幾乎係次次order既野食～～～分量都幾多～唔會淡而無味～配料有，魚塊，鱿魚，青口，冬菜………

去大埔墟諗唔到食乜, search 下openrice 見到咁多好評, 就試一試佢點左三個菜, 馬拉棧通菜, 青咖哩牛腩, 豬頸肉炒飯馬拉棧通菜馬拉棧炒得唔勻, 一邊咸一邊冇味, 菜水汪汪, 一邊食一邊出水, 失敗青咖哩牛腩算係比較好既送, 但青咖哩味道不足, 咖哩質感似漿糊, 牛肉一般豬頸肉炒飯似茶餐廳炒飯, 未見過泰式炒飯係黑色落豉油, 以為加兩片青瓜就係泰式??

平民泰國菜!平靚正 今晚食咗以下美食：燒鰂魚：好香又鮮甜。泰式抄通菜：小辣，味道適中。東陰公湯：超平，大碗，仲有幾片蝦!味道同泰國一樣。泰國象啤：正!香港唔係度度有。紅咖哩牛腩：正！小辣！二人食飯兩佰幾!算不錯了!除環境外，食物質素是高水準，老板女仲幾靚添hehe!

一行四人，由沙田踩單車去大埔，諗住食餐好嘅補番吓係做咗咁大運動量後，應該咩都覺得好味，但呢餐都幾失望！馬拉盞炒椰苗嘅馬拉盞落得唔夠，黃咖哩雞唔香，蝦餅唔爽口，只能以唔難食形容，係水準之下

大姑媽相約在國慶日到她家燒烤，久沒與表哥姊們見面的我們自然喜不自勝。特別是少有露面的小友更是集萬千寵愛於一身，氹得姑媽姑姐們十二分的高興....飽餐一頓後晚上已吃不下太多東西。上到去大埔街市熟食檔，晚上開爐的就只剩下人氣沸騰的"三小姐"及"伍仔記"，反而主打泰菜的這裡就人丁較疏落。肚子太飽底下吃不到太油膩的排檔小炒，來這裡食碗清清哋的粉麵反而是上算....三人叫了兩碗湯粉再另加碟菜及兩杯飲品，再多的也吃不下了....先來一大個冰凍的椰青，用來解去燒烤食物的熱氣，確是不二之選....蒜蓉椰菜苗滿大的一碟炒起，菜苗咬落鬆脆但金蒜略覺不足，而且是相當的油，令本身已覺膩滯的我是更受不了....雞絲湯河的湯底呈深褐色，入口頗鹹而欠層次；雞絲份量頗足不過太嚡口；河粉同樣以大堆頭取勝但質感不滑溜.....雜錦湯河內的材料有魚片、魚蛋及牛丸，看起來似是港式多過泰式的，想不到連食起來竟然也是如此般....交來的魚蛋及魚片完全缺乏應有的魚鮮味；牛丸吃落夠爽但卻欠牛肉香及味，是絕對的乏善足陳....看來若人在大埔的話，要吃的話首選還是盅頭飯點心或是魚蛋粉一類的港式粉麵。泰菜的話卻是可免則免....

周末晚上，熟食中心內人頭湧湧，像冰這種「二人行」比較少，泰半是一家大細甚或三代同堂，或是大伙好友，點一桌美食，分甘同味。兩口子在熟食中心先逛一圈，看看不同食肆的餐牌，最後，選定「金泰泰式美食」。選它嘛，就是因為兩口子都是軟殼蟹的狂熱分子！甫坐下，二話不說，先來一碟椒鹽軟殼蟹吧！畢竟是晚飯時間，還是要一點澱粉質，所以再點一客蝦皇炒飯。一客軟殼蟹先出現。蟹上沒有那種存心欺騙厚得不可理喻的炸漿，入口十分甘香，熱烘烘的，新鮮非常。即使再熱氣，二人還是停不了的吃吃吃喇。那蝦皇炒飯嘛，其實是蝦仁炒飯，沒啥特別喇，不過味道還可以，算不上非常突出，蝦仁還說是新鮮吧。這個份量，還不用九十大洋，食量不大的兩個人已經飽得沒法再去吃甜品了。

好久沒有行過大埔街市附近，所以又再行一次。我每一次來大埔街市附近，都必定要來這兒吃一生牛肉湯濛，因為這兒的生牛肉湯濛好好味，生牛肉好正，但肥了少少，如果蔥和芫茜不再混在一起就更加好了！這兒的服務不錯，下次我會試下其他，如炸蝦餅！

來到大埔墟..第一站是想睇睇街市上的熟食中心環境上算乾静,自己對泰國食品有點偏愛、所以最終也選擇食泰國湯粉叫上一個套餐雞絲金邊粉/熱咖啡金邊粉送上，第一啖湯飲下、唔太咸，味精不會太重手,雞絲份量亦見普普通通咖啡味道,看上顏色已知一般貨色,當然$25.一個快食套餐,還要有多要求其實已街市熟食舖來說,個人認為此店湯粉已以有80分水準,在一個舖貼舖零距離的地方，真是味道與價錢都要令食客窩心，才能留住'客'心。

SET LUNCH $30 ~ 38 不等，午餐飯配飲品！叫咗一碟炒金邊粉, 剛炒起的, 好夠鑊氣略油, 同埋唔係幾夠酸, 配料蝦就唔新鮮, 又有豆腐, 雞等, 尚算足料, 而伴碟花生就夠晒多.送港式飲品, 冇咩特別, 正常.餐牌見到晚市有小菜, 好似泰式魚、菜、蝦蟹、粉呀飯呀、, 都係大類嗰啲泰式菜囉！

I've read so much on Openrice and most of the time, the reviews are real but not this time.This restaurant... the food is not really Thai. The satay bbq is the best order that we'd. But the meat is only 1/3 of the skewer. The fried mixed veggie does not taste right. It's more than cantonese fried mixed veggie. Maybe they didn't put the right herbs.The "pad" thai is more than cantonese dry fried beef noodle with chicken instead. The indian roti looks and tastes 99% that roti that you can get from

係大排檔（大埔墟街市樓上既熟食市場）。午餐好抵食，泰式湯金邊粉 $23 一碗，包飲品。味道普通啦，唔及得沙田新城市廣場那一間！$30 ~ 38，午餐飯！不建議海南雞飯，得一種醬，而且沒有去骨！晚市有泰式菜架！有泰式魚類、菜類、蟹類、蝦類、飯、粉（湯、凍），稱得上係一間泰式菜館囉！味道幾好，大埔墟惟一一間泰式美食，鐘意食泰式美食既大埔人來試下啦！