金泰屋

营业中

休息中

The night before father’s day, our family went to Come Thai House to celebrate. the restaurant was already bursting with people at 6:30pm. Starter - Spicy and Sour Prawn with Pomelo Salad. Full of pomelo and prawns, its sauce made it tastes as good as the name of the dish.Main - Stir Fried Crab in Thai Curry Sauce served with Roti Paratha. It makes you feel like you are in Phuket. It has a lot of curry sauce and prawns. Thai style Hainan Chicken Dessert - Coconut & Sago pudding. In such a hot da

朋友介紹第一次食過返尋味，位於東涌黃泥屋村，北大嶼山醫院旁邊，有幾間食肆其中這家金泰屋是我欣賞的，戶內戶外各有特色。今日雖然陽光猛烈我們都是選擇戶外，邊食飯邊欣賞風景無拘無束。🍴黃咖哩雞扒飯 $53有點不似預期，雞扒炸得比雞多油，好在精髓所在的咖哩汁香滑惹味搭夠。🥢泰式豬肉丸湯河 $43肉丸是來自泰國的爽口彈牙，好有肉味鮮甜可口，湯河湯底清香，加點泰國魚露特別醒胃。👍泰式午餐選擇

這裏的位置臨近後山，遠離東涌鬧巿，如非友人開車帶我前來，真不知有此餐廳。我們二人點了大蝦柚子沙律、炒金邊粉及咖喱羊肉。先說大蝦柚子沙律，用料新鮮，柚子配上大蝦加上花生碎非常相襯，醬汁酸甜清新，令人胃口大開，好評！金邊粉略為遜色，我認為炒得濕了一點，影響口感，我喜歡較有鑊氣的金邊粉，但味道仍然很好，只是我不太喜歡這個口感。咖喱本是我的最愛，加上我另一摯愛的羊肉，真的太美味了，咖喱惹味，充滿泰國香料味；羊扒很大塊，不沾咖喱汁已經非常好味，烤得有點脆，吃得出事先醃了很長時間羊肉才如此入味，再沾上咖喱汁是另一種享受！平時很少有機會吃到美味的泰菜，有機會一定要再過來吃！

開心星期五，當然要食好西獎勵自己一個星期嘅辛勞，黎到開左好多年位於東涌黃泥屋村的「金泰屋」食泰國菜解一解思鄉之情。望望餐牌，配搭選擇算多。會一邊播放泰文歌，一邊享受美食，好放鬆🥳泰式鳳爪沙律：餡料豐富，有車厘茄、生菜🥬無骨鳳爪、芫荽、洋蔥🧅、魚露，食落酸酸辣辣，唯調味有點過咸。青咖喱牛腩：竟然用上港式牛腩、肉質偏煙韌，有點難咬。茄子並非泰國茄子🍆而是普通平時食到的，青咖喱味都唔夠濃郁，可以更好。泰式串燒雞肉豬肉各三串：沙嗲醬竟然呈水狀，完全唔明點解唔係稠身個款。全消最重要係個沙嗲醬，豬肉雞肉調味料一樣連肉質都一樣，根本食落一樣重香料味。泰式菠蘿海鮮炒飯：以前冇用真菠蘿上菜，但而家係用返個菠蘿形狀嘅器皿上菜，誠意欠奉，論炒飯炒得干身，海鮮有青口、魷魚🦑、同普通貨色嘅蝦加上大量菠蘿提子乾同肉鬆，好難吾好味😂總結：食氣氛食環境不錯唯食物質素一般 比較港式的泰菜

機場返工冇乜好嘢食，間唔屎都會揸車嚟呢間隱蔽泰菜。午餐50幾蚊包熱飲，去邊度搵？但係佢嘅出品並唔求其。試過佢嘅海南雞飯，豬手飯，香葉肉碎飯，咖喱軟殼蟹，豬肉丸湯粉，全部都感覺到係正宗嘅泰國味道。湯粉上邊嘅香料菜多到不得了一啲都唔手軟。海南雞飯平穩正常嘅發揮。雞皮爽脆有油光，雞肉夠嫩滑。加錢要杯青檸梳打，正！今日當同同事開年，叫埋個拼盤，有蝦餅魚餅春卷炸雞翼同酸辣鳳爪。鳳爪清香爽脆，春卷食到入面有芋頭絲。咁就午飯簡直食到超級飽，大滿足。疫情關係佢而家冇開樓上室內位置只開外面室外。如果搵唔到有遮蓋位，太陽直曬都幾係嘢。

返工前嘆個泰式午餐先，今日就去咗東涌比較入嘅地方金泰屋度食啦！我見到個餐牌有軟殼蟹唔係唔食啊！果然冇令我失望，$58 1個咁大碟嘅飯真係好抵呀！最後食唔晒，但我會再嚟幫襯！

第一次黎食生日飯，一早係訂座平台訂左位，所以唔洗等位兩個人食叫左個拼盤吾錯既 算係扺食既。個魚要滾耐D先有味 但都吾係好夠入味果椰青好好飲好甜 連入邊啲肉都食埋 好fresh 正呀埋單500幾 算ok既

入開黎東涌冇嘢吃？ 淨係得東薈城食肆冇其他選擇？如果你唔介意行遠少少，或者搭一程5分鐘嘅短途巴士，我係勁推介呢一間好有泰feel嘅泰國嘢。除此之外，仲好受行山同玩爬山單車嘅朋友歡迎，因為近山腳之餘仲有大把位比你安置好架單車。🚴🏻‍♀️🚴🏻🚴🏻‍♂️佢多數座位都係露天，但係有簷蓬遮頭頂，仲有強勁嘅大風扇，熱就唔算好熱嘅。平時都有幫襯開，今次先就同大家分享午餐。點餐叫咗泰式茄子肉碎飯同埋泰式咖喱軟殻蟹飯(必食)，分量係超大碟，茄子夠有味，唔知點解仲帶點魚香味。🤣講到咖喱軟殼蟹飯，三大舊軟殻蟹走唔甩，咖哩係微辣帶甜送飯真係一流丫，入面仲有好多彩椒做配菜，而個蟹外脆內軟真係好正der~ 嘢飲一樣出色，我至愛嘅龍眼冰，清爽不太甜仲有好多龍眼肉添，每次黎我都會飲架~ 另一杯係椰汁冰，椰香超濃絕冇hea底，絕對唔會有飲奶水嘅感覺!!!

話說同老公去食lunch,用咗餐牌半價優惠，眼闊肚窄嘅我，兩個人叫咗三樣嘢，生菜包（肉碎有雪藏味），小食拼盤（雞翼幾好，魚餅唔好食，其他還可以），咖哩海鮮農夫包（完全冇咖哩味，不停有蜆殼碎，難食），當然食唔晒，食剩幾舊小食同小半個農夫包，諗住攞返屋企俾工人食，費事佢煮，就問佢拎個外賣盒，喺等緊外賣盒之際，有個女人兇神惡殺走出嚟就閙我哋，你哋唔可以攞走，你哋用咗優惠，不能帶走，乜你哋唔知咩？間間都係咁㗎啦！我心諗，第二間冇發生過啲咁嘅事，我老公就話，唔想浪費左啲食物姐，食剩唔俾攞走咪唔攞囉！我話有優惠姐，又唔係唔洗錢，你哋個優惠又冇寫明食剩不能帶走！講真，食物已經一般，再加咁嘅服務態度，我一世都唔會再幫襯！我係嚟食飯，好似想撩你打交咁，嚇死人！

昨天整個下午都係東涌 outlet血戰，晚餐唔想再留係商場食，於是上OpenRice 睇吓有冇啲特色啲嘅餐廳，見到金泰屋位置在村屋，我就好有興趣去試吓。去到已經接近8:00仍然好多人， 等咗一陣就有位啦，我哋坐咗喺露天位置，雖然天氣好熱，但係佢開咗幾部大風扇，啲風吹埋嚟都覺得好涼快，冇熱嘅感覺。我哋order左鹹魚炒芥蘭、咖喱軟殼蟹配蒜蓉包、沙嗲串燒雞同埋牛、龍眼冰。鹹魚炒芥蘭味道濃郁，用料足，好重鹹魚味。串燒剛剛燒起，熱辣辣香噴噴，再加埋個沙嗲醬非常好食。咖喱軟殼蟹個咖喱汁好香唔係好辣，賣相亦好靚，可惜個軟殼蟹粉漿太厚，而且無蟹味。蒜蓉包非常之香脆，蒜蓉味重，唔點咖喱汁都好食。總結：食物份量非常大，價錢合理，我相信我會再嚟幫襯，但一定唔會再order咖喱軟殼蟹。

疫情期間冇得去泰國，只好留喺香港食泰國菜啦！呢間泰國菜係即係東涌位置唔偏僻，一入到去充滿泰國風情！而且味道都有正宗泰國風味，如果你係泰菜忠實fans一定要試吓啦！必推介生蝦，明爐魚同埋炒通菜！

東涌嘅泰國餐廳有好多間，我覺得金泰屋嘅性價比最高，食物味道好價錢合理而且有露天座位。我喜歡既食物有：1.菠蘿炒飯（腰果、蝦、青口、尤魚、提子乾、菠蘿、豬肉鬆，個炒飯炒得好乾身）2.炸雞翼 份量多脆漿又薄又好味唔油膩3.串燒 係必食嘅 （但沙爹醬唔夠辣）4.明爐烏頭魚 好抵食又跟湯汁5.鹵水豬手 好腍好入味（人少嘅話可以叫半隻）6.炒金邊粉 好多花生碎但太甜7.鐵板香煎雞蛋蠔餅 有好多蠔芽菜好爽口8.冬蔭公湯 其實好味嘅，不過D湯唔夠燙口9.泰式肉碎生菜🥬包 加埋辣椒粒魚露又香又辣雖然環境一般，但整體上D出品都唔錯；本人真心推介！以上提及嘅食物係之前食過嘅（俾大家參考下）因為3個人食午餐所以只order 咗蠔餅、串燒、生菜包、金邊粉 今次係用eagigo 嘅半價優惠埋單$195勁抵👍🤗提提大家eagigo 嘅半價優惠只適用於食物不包括飲品架😍

🌜好鐘意呢度既環境，踩完車夜晚黎補充體力，坐戶外吹下風幾有feel 。而且每碟都大大份又幾好食，今次特意帶朋友黎，好彩無令我地失望🥰泰式串燒豬肉 雞肉 各三串 $78🍢燒得不錯，肉質多汁唔會好乾冬陰公湯 細 $88🔥上到黎下面仲有火燒住，所以好熱辣辣，小心燙手～ （😵不過咁熱入面竟然放左隻膠湯匙）味道微辣，夠酸好開胃泰式炒通菜 $68😚次次黎呢度必點想嗌份菜平衡下，通菜岩曬，夠入味同有小小辣，朋友食唔停口咖哩軟殻蟹農夫包 $218之前食過呢度既其他款農夫包，知道即使細既都會好大份，提醒左佢地，不過佢地都係想試，結果當然食唔曬，麵包好飽肚的。😌建議一上呢碟就食左先，襯個包上面仲脆，下面又吸收左啲咖哩，擺耐左就淋左無咁好食架啦🦀仲有今次軟殻蟹整得麻麻，有點太粉既感覺青島啤酒 $30以為係三罐啤酒，點知黎左三大枝😝😝😝三個人叫左咁多，食唔曬但除番開每人只係200，幾抵食

金泰屋在小村當中，環境不是十分的好，在村屋的底層，沒有什麼美景。這次我們第一次來，點了泰國雞飯，冬陰功炒麵，雞絲炒烏冬，串燒。雞肉鮮嫩多汁，出乎意料的好，配上酸辣汁就更好吃了。冬陰功炒麵也不是太辣，有美味的冬陰功味道，很有泰國特色。雞絲炒烏冬卻沒有什麼特別，像一般的粵菜的味道。串燒也不錯，肉沒有柴感，沙爹醬也好吃，好像有點不夠呢！配上了青瓜和番茄，減了肉的油膩感。但整體來說還是不錯的，食物是不錯的。

在東涌突然想食泰國菜，上網一查，發現呢間人氣幾高既泰國菜，便決定一試有lunch set都幾抵食 ,約4x -5x每人一碗熱湯試了冬陰公豬肉丸金邊粉金邊粉份量很多，冬陰公湯底不錯，唯欠辣度，還好有自助調味料，加了小許辣，效果不錯！泰式咖喱軟殼蟹$殼50 幾蚊 可以食到泰式咖喱軟殼蟹算便宜咖喱味重， 但願殼蟹欠缺蟹味但以$50幾蚊嚟講算不錯😄lunch set配熱飲 ~在東涌朋友可以一試