金泰園 (已結業)

假日與家人一行四人去用膳以為普普通通的餐廳，誰不知有驚喜!!!點了個小的冬蔭公很適合香港人的口味，不會太辣很足料，香茅味濃而且大蝦及香菇份量也算多可以分到4-5碗整體而言，味道很讚!!!泰式小食拼盤: 有蝦餅、魚餅、蝦棗、扎肉蝦餅、魚餅: 正常水準，香脆得黎唔油膩蝦棗: 係泰國餐廳很少見，蝦味好濃，不錯最有驚喜的是扎肉，煎得很金香，且不會很油很咸還有兩款醬汁配搭，又是很推介的小食!!馬拉盞炒雜菜份量不算多，味道有點偏辣且有點油，但尚可接受不過不失這碟河粉有少許失望河粉太"林"身，豬頸肉份量偏少但整體味道可以只是口感欠奉整體而言，味道不過不失性價比高值得一試!!

今日去左屯門行街，過年後新開始，即刻同朋友去下街！假期周圍shopping，lunch time經過金泰園見到lunch menu幾吸引，就入去食個lunch la！我地叫左泰式沙律、炸物拼盤、烏頭,泰式炒麵。前菜夠特別又豐富，沙律好香甜好清新，入口超滋味，炸物拼盤外脆內軟夠香口！冬蔭公湯賣相好靚,而且真係好惹味,好好飲。烏頭大大碟夠哂香口飽肚,即叫即做，熱辣辣架！魚肉香嫩爽口，肉質彈牙夠爽嫩，油香豐富，外層烤得夠香口！泰式炒麵炒得入味乾身，口感好豐富啊！依度既食物價錢唔貴,好抵食！下次會約其他朋友再黎試下晚餐

屯門行街行到攰，見到呢間金泰國泰國餐廳，好似好特別，就入左去食喇！繁忙時間等左一陣先有位,屋村餐廳多數都比較多人,不過證明餐廳應該係有質素,唔駛驚中伏餐廳環境有情調而優雅，以木色系列為主的餐桌椅，特別有泰味！燈色都特意調得比較暗，好適合情侶呢！先來一個冬蔭公湯甜酸汁味道剛好不會太酸或太辣湯味濃郁,沒有味精的味道再來一個泰式原條烏頭,真的很大條味道新鮮,魚肉份量多,入口滑溜,不過稍為多骨,要小心嫌湯的份量不夠可以自行加湯,十分細心 青檸梳打青檸味不會太酸味道清新金泰園 屯門屯門鄉事會路2A號H.A.N.D.S地下S-120號舖

上星期阿媽話好想吃泰菜，見友愛村開左間，我就決定放工入黎屯門同佢一齊食，我地一行四人點左個四人套餐，套餐入面既野都岩哂大家想叫既，咁抵叫好多 !!首先黎左冬蔭功湯先，酸酸地好開胃，入面既蝦仲好爽口 !! 味道好夠 ~~ 正 !! 我俾細佬不哂D草菇黎食 ... 激死我 !! 新鮮草菇唔係道道有 ~ 我好辛苦先拎番一粒黎食 ... 慘 !!馬拉盞炒通菜，好惹味，唔會過咸 !!泰特式海南雞半隻，好滑加埋醬汁，又係好惹味既一個醬汁，呢個時候黎個油飯就大鑊喇 !! 實成個飯都食哂 ~~ 唔錯 !!菠羅炒飯，細佬最愛 ~唔知點解個人對呢個炒飯冇感 ... 但細佬都真係好愛 ... 食哂 !! 泰式拼盤，魚餅 / 蝦餅 / 春卷，炸得都算唔錯，唔會成碟都係油 !! 蝦餅好扎實，唔會霉，幾好 !! 春卷入面都好多料 ~~ 個皮好脆 !! 魚餅我又係對佢冇咩感覺 ... 平時要點好多泰式雞醬黎食，但呢道唔駛 ~ 幾好 !!套餐每人可以選一杯飲品，黎到好大杯下 !! 抵喎 ~~ 青檸梳打唔錯 !!咖哩炒大肉蟹，個汁超好味用蒜容包一齊食，超級好味 !!! 咁樣好快又食哂盤包 !! 個蟹好大隻，唔係水汪汪既

當日天氣好凍自己都好攰,經過商場, 立即被他們的裝修吸引。母親比較年紀老邁，於是找到這家泰國餐廳，他們特色相信非常獨有😘第一道菜蒜蓉炒芥蘭,炒得咁香，廚師曉得在菜上灑上惹味的蒜片，這樣能做到色香味俱全 簡直就係作認真，對食客有一種驚喜。另外母親點了酸辣鳳爪。酸辣鳳爪並不是太辣，但保留了鳳爪的鮮美，佢想獨有的泰國醋，平凡的一道餸菜可以顯得不平凡。第二道菜咖喱大頭蝦，配香味濃郁的冬陰功湯。大頭蝦有它獨有的鮮味，配上濃郁芬芳的架哩curry，加上香矛泰國薑，醒胃又提醒。最重要冇幾多餐廳可以做到這麼高水準，價錢又實惠。以上兩道菜是泰國必叫的菜式。令人垂涎三尺，是我吃過最好食的。這家餐廳是新開的，裝修唔錯。絕對是新年，一定要到的餐廳。😘😘😘

入嚟屯門探朋友，指定動作食好D,好耐冇嚟過安定商場，原來宜家裝修得好靚，食呢間金泰園都好喎。睇下食咩先，呢個二人餐好多嘢食，啱晒！泰式酸辣鳳爪，酸得來微辣，正！馬來盞炒雜菜，啲菜唔會太過火，炒得夠香有辣味。泰式咖喱大蝦，大蝦開邊大大隻，炸得香脆可口，配埋香濃咖喱汁，好香咖喱味！仲附送蒜蓉包，蒜蓉包炸到金黃香脆，咬落颯颯聲。泰特色海南雞，滑滑無骨海南雞，啖啖肉，我最愛。泰式蝦頭油炒飯，飯粒炒得好鬆，粒粒分明，有蝦香味。飲品叫咗龍眼冰同紅豆冰，龍眼冰有好多龍眼肉，夠甜。紅豆冰好有椰汁香，要一飲再飲。跟餐仲有甜品送呢。

餐廳感覺乾淨舒適，而且座位闊落，一坐低感覺相當舒服，而且各種嘅食物同埋飲品都相當有水準，完全感覺到廚師十分之認真，食物份量適中。今日我哋叫嘅有明爐烏頭，一上枱已經覺得條魚好大條，而且肉質鮮甜，紮實，珍珠嘅湯十分之夜魅，酸酸甜甜，好醒胃。馬拉盞炒通菜，通菜夠晒爽身，充滿鑊氣，馬拉盞香氣配上通菜，簡直一流。炒飯，充滿鑊氣，一粒一粒，而且仲有四隻大蝦，真係食多兩碗都唔夠滑，而且碟頭又夠晒大碟，唔會好油，相當滋味⋯⋯海南雞，完全沒有雪藏嘅味道，而且肉質鮮嫩，配上特有嘅醬汁，味覺更勝一籌。酸辣鳳爪，份量頗多，鳳爪爽口彈牙，最重要嘅仲要係冇骨， 10分滋味大蝦粉絲煲，蝦肉爽口彈牙又紮實，粉絲唔會好林，有咬口，入口爽口彈牙，而且味道唔會好鹹，簡直一流。

金泰園在區內都算有名氣，但一直未有機會去試，上星期姊妹們在whatsapp group講起，原來佢地依排早放工，於是襯住今日同試下佢先！ 幸運地，我地安排坐在卡位位置，實在捨意！加上呢度空間感大，裝潢富泰國色彩，令我好似置身於泰國一樣當中最好食既一定係金柚子沙律,沙律菜好新鮮,個汁唔會太濃,易入口又開胃泰式小食拼盤包括有炸蝦、炸蝦餅、炸春卷,鳳凰丸炸蝦🍤幾彈牙，有冬䕃公香味，幾特別！蝦餅整得幾好，皮薄，帶香茅香味，都唔錯！炸春卷炸得好脆，配上泰式醬好惹味！冬蔭公湯味道好突出，濃郁酸甜又易入口,好特別！建議一碗一碗慢慢飲,慢慢享受,唔會覺得好heavy舒舒服服又嘆左一個夜晚，食飽飽又可以返去訓教！

今晚媽媽說想吃泰菜。近近地去了友愛村這間餐廳。一行四人點了一個四人套餐。其實套餐內的食物都岩味。先來了一客地道冬蔭功湯。酸酸地好開胃。泰特式海南雞半隻⭐️⭐️⭐️⭐️⭐️好滑加埋醬汁，好味馬拉盞炒通菜好香口嘢味⭐️⭐️⭐️⭐️泰式拼盤⭐️⭐️⭐️⭐️沒有過多的油。那個春卷好味。而且好貼心四件上菜不用爭。咖哩炒大肉蟹⭐️⭐️⭐️⭐️個汁超好味！加上蒜容包熱辣辣⭐️⭐️⭐️⭐️⭐️超級好味套餐每人一杯大大杯飲品。我最喜愛的青檸梳打⭐️⭐️⭐️⭐️最後食埋四色甜品⭐️⭐️⭐️⭐️飽飽👏🏻👏🏻👏🏻👏🏻環境安靜。坐位舒適。員工有禮。上菜超快。埋單$588平均$150都算好抵食💯下次會再來吃啊👏🏻👏🏻👏🏻👏🏻

趁住最近空閒, 同朋友就約埋朋友去左食午餐. 位於屯門的金泰園泰國餐廳，環境優雅閑靜，可一吃飯一邊傾下計，享受一個休閒下午. 這個脆香咖哩大包軟穀蟹, 絕對是2人份量. 以一個大包盛載住,點精緻又可愛. 而品嚐的次序係由軟穀蟹點上咖哩.再配包一起吃.軟穀蟹,外層好酥脆, 裡面係原隻的大蟹啖啖肉, 仲有清新的咖哩味; 食落都幾彈牙; 味道口感都唔錯, 脆卜卜又唔會好油, 裡面啲餡料仲好飽滿食完都有半飽. 味道都幾特別.泰式鮮蝦金邊粉, 蝦肉一梳梳配上金邊粉, 味道清新; 金邊粉係泰國的一種特色小吃，同蝦肉一齊放入口, 味道都幾得意.最後黎杯青檸梳打 為午餐畫上完美的句號.

作為都市人生活真係好繁忙，今日放工攰會地，真係唔想煮飯啊，就同阿媽落咗樓下食泰國嘢，泰國嘢喺香港都已經有好悠久嘅歷史，而且佢佢都有但係搵好食嘅就真係唔容易。今日嚟到錦泰園，坐落喺屋村，但係真係唔可以睇少架，簡直係平靚正，地方闊落而且舒適。我哋兩個人，就梗係嗌返個二人餐嘆下先啦， $288仲要唔使+1。頭盤嚟咗個酸辣鳳爪，分量一睇就知道好多，而且鳳爪夠晒冰凍，配上酸辣汁，果然嘢未啊，最重要嘅係咩呀，就係冇晒骨，啖啖肉，入口爽口又彈牙，作為餐前小食，簡直一流。馬拉盞炒通菜，鑊氣夠晒充足，而且每一條菜都好清脆，又唔會好鹹，就咁食，都已經夠晒嘢味。咖喱大蝦，碟頭就夠晒大啦，而且咖喱汁都好多，仲要配上有兩個蒜蓉包，呢個蒜蓉包有別於一般嘅蒜蓉包，就係佢唔係細細塊嗰啲法式包，佢係直情係麵包專整嘅，香濃嘅牛油同蒜蓉香氣，入口鬆軟，點返個咖喱汁食，簡直一流呀，你唔好睇佢皇咁咁呀，其實係一啲都唔辣架，蝦肉夠晒新鮮，而且仲開咗邊，食落嚟都特別容易啊。海南雞，鮮黃色嘅外皮，入邊包住嫩滑嘅雞肉，入口關鍵係淡淡滋味呀⋯⋯蝦油頭炒飯，鑊氣夠晒充足，每一粒飯都好分明，而且配上四隻大蝦，鮮味龍龍，呢個餐真係夠晒飽啦，當

收工入屯門食平嘢，今次又係去屋邨商場， 這個友愛安定商場，在幾年前翻新過，多咗好多食肆，志在抵食夾大份。餐廳樓底高，座位寬敞舒適，我哋坐的卡位好夠大。有豐盛美食二人餐$288,啱曬我同朋友大胃王，因為有成七樣嘢咁多，呢個價錢算好抵食！兩杯飲品，龍眼冰清甜滋潤，而家天氣乾燥，飲龍眼冰甜甜地，喉嚨好舒適，而且甜味不會膩，是清淡的甜，龍眼肉爽口大粒，份量又多，用料交足功課。珍多冰，我最喜歡它的椰汁香味，夠香但不會太甜，綠色粒粒啫喱滑嘟嘟又爽口， 真的有泰國地道風味啊，比龍眼冰更好喝！食泰式食品，不能不點泰式飲品，因為就是要幫你清新口腔，來配合泰式食品的濃味。泰式酸辣鳳爪沙律，是我最愛的泰式食品之一，這個套餐也有這款小吃，很對胃口。鳳爪無骨，份量不少，酸辣味屬於輕微，不會太辣，醬汁不算多，但已很夠味；皮醃得爽口，喜歡有咬口的人就啱晒，怕辣的朋友也能吃，覺得很開胃。泰特色海南雞，份是1/4隻。海南雞超好味！肉質超滑，皮也不覺得肥膩，好香雞味。點埋海南雞醬汁食，鹹鹹地又甜甜地，完全是味覺與口感的享受。下次再來的話，可以就咁食個海南雞飯，因為啲雞肉真係又滑又香，令人回味，而且起咗骨，食得方便。地道粉

本來想去食魚蛋粉，行過見到呢間野諗住試下，因為呢區都比較少泰菜。一入去門口有部機比人禁飛以為要等人帶位，企左係門口一陣先知原來自己行入去搵位就得。我地叫左豬肉丸河同埋海南雞河。野飲叫左香茅冰同熱奶茶。我地本身好少會食剩野，但今次就食剩到咁。河炒明顯煮過頭，一夾就散。湯底無味，甜味仲勁過咸味，十分奇怪。以滑見稱嘅海南雞就比佢整到鞋過鞋底。杯香茅冰就唔知點解有薑味，香茅味又變左洗潔精味，唔講以為自己飲緊洗潔精。而豬肉丸就係普通凍肉舖質素。奶茶正常。服務就十分一般，落單又聽錯，又錯枱號。後面有枱客直情唔記得幫佢落單。總結呢間野係：千祈唔好黎食。

同朋友去屯門行街，突然間想食泰國野，即刻想起之前食過既呢間，最緊要又就腳、坐得舒服 紅豆冰精緻又特別，口感同味道同普通餐廳完全唔同 最愛係足料泰式小食拼盤，香得黎夠辣，但又唔會遮蓋左食物既香濃味！值得一試！必定一試難忘！份量都好似正常咁，春卷同魚餅特別好食，最重要係熱辣辣,味道特別不同泰式原條烏頭好吸引，個擺盤已經好靚,魚肉好新鮮,個汁都唔錯 魚肉既份量都好多,不過小心有骨呀 最後食完坐多陣,見多人,費事阻住個位,完結左一餐超豐富的晚會。

見開左一排，今日放假得閒就同家人落樓下食下野順便試下，lunch hour 時段都幾多人。話說佢開之前我都講過下，屋企樓下好似都多唔同種類菜式，係差一間泰國野，點知就開左間泰菜😂係出面睇食咩時，見價錢都幾適中，仲有船河食，正中我想食船河添～👀3大1 B，我地坐近門口既位置，坐位都算舒服既。我同媽咪就叫左一個肥牛船河同一個香茅雞扒船河轉金邊粉。而爸爸就叫左個海鮮炒飯跟啡走。炒飯賣相都ok.蝦幾大隻，都炒得香，不過味道偏淡，我就覺得接受到，而爸爸就話要落鹽喇🙊我個雞扒湯金邊粉，雞扒及金邊粉份量夠，湯底算係幾濃郁，牛味重夠晒味，媽咪有問我點解唔加辣，皆因我平時無辣不歡，之但係個湯夠濃唔加都ok的。 整體都屬於ok,屋邨舖頭差不多吧😌