影片
食记 (38)
夜晚7点几8点钟左右同男友方先生经过,方先生想食日式食物,于是就入去啦!!以为唔系放题/任食ge店子,食品一定唔会差得去边喇!点知就出事啦2口子选择坐回旋台,贪可以见到咩心水都可以直接拎,但坐左30分钟,喺我地面前经过ge唔系空碟就系𠮶d齌望住佢都知佢转左唔知几多个钟ge寿司!! 都算喇,叫d烧物之类ge野食下啦... ...但都唔好食,个牛柳粒仲硬过牛皮,叫手卷,点知紫菜唔止淋仲有阵up味;愈食愈成肚火,愈食愈冇胃口即系咁..... 真系唔好话我毒,以同区黎讲,大家ge价钱都系咁上下,你又唔系做得好过人,个个客都可以食到鞋口鞋面ge... ...你都好难再企得住!!!埋单:300多元~ ~ 同区有价钱差唔多的,但比佢好食,仲要系放题的... ... 唔系冇!!!!选错左真系选错左
继续阅读
2点几经过，见到个午餐牌写住36-39文，好似好抵，就入去食下。点左2个午餐，可以食到你饱饱，但d野就痲痲地好食，但呢个价钱，算系0甘啦~最难饮就系杯奶茶~食食下就到了3点，本来无人的餐厅，突然多了好多人~个个都点寿司，原来下午茶寿司6折。 不过d寿司出面的紫菜不好吃，但有6折就算啦~不过值得一提的就是服务问题，d人态度唔得，又无精神又唔想睬人0甘，连茶都无比我地~ 希望改善下~~
继续阅读
话说今晚同家姐一齐去元朗既金水寿司食Dinner谂住都几多人话好~去试下la~睇完餐牌叫野食la~挥极手都冇人应~后尾终于都有个四眼仔见到我la~佢示意佢见到我之后都仲要同人吹水过咗3-4 mins先过黎同我落订仲要问我"落咗订未?"心谂~呢d咩态度黎~你应咗我之后唔过黎同我落单仲要问我order咗野未??唔通你见到d我见唔到既野???算~! 如果野食ok我都唔同你计~2个人叫咗一个芝麻蟹籽沙律 一个日式海鲜拉面 一个黑豚肉滑蛋饭个沙律ok既!之后个饭黎先一食已觉奶野!!炸猪扒既系万年油 个猪扒系咸既~但系个汁甜到呕 伴饭d菇系苦既~!!!!!!!!!!!!!都仲未够~等等等一个海鲜拉面要等成20mins黎咗个拉面系可以成个面饼底都未煮散!海鲜系有d咩呢~半条狮子狗鱼蛋 两细细旧鱿鱼同一只手指尾咁大既虾~!咁要等20 mins!!??真系好唔明~!本小姐都谂住算la~同家姐一齐食饭唔好搞咁多事~埋单走人~点知又系𠮶个四眼仔黎收我哋单~我: 意见箱响边丫??佢:你放响度la~(指住埋单本野)我:咁你经理响边呢??佢:你钟意咪过去放低lo~我我即火了)咩叫我钟意呀??你呢d咩态度?? 我钟意唔比钱得唔得呀?? 之后有个哥哥仔走埋黎问我咩事~我讲完之后叫佢staff黎同我道歉如果唔系件事唔会就咁完~丫哥哥仔见搞唔掂转头叫咗个肥哥哥黎~睇怕系高级d既~又黎问我咩事~我讲完之后竟然话佢都有了解过件事~个四眼仔讲既唔系咁~相信系沟通上既问题呢个时候连我家姐都出声话唔系㖞你staff态度真系有问题~之后个肥哥哥就咁同声我讲唔好意思就想算数~见在家姐都想快d返屋企~我都唔同佢哂时间~有呢d丫头就有呢d staff!!!如果唔系家姐响度~! 我有排同佢玩~!!!! 金水寿司~唔会有下次lo!!!!!!
继续阅读
账单小收11%服务费！ 呃钱！埋单时我发现账单上的价钱出错！ 之后我同D服务生讲， 第一个唔识应我， 第二个份儍仔想耍我！ 第三个再讲话张单系啱冇错！！ 之后我行去柜枱同佢经理讲， 佢话电脑计错， 佢都唔知点解！ 但我发现其他账单也有同样问题！ D嘢食越来越差， 又唔卫的生， 鱼生内并冇任何分格存放鱼生， 成椎鱼生肉"大集会＂咁！想叫嘢食， 冇人应我！
继续阅读
冇相睇因为我唔系黎写食评而系想话畀大家知佢地的服务态度!!试问下午茶的服务态度系咪特别差？多次叫侍应黎斟水，冇反应！好冇记性！我地特登行去寿司吧枱斟，Ｄ侍应都系冇自觉，之后依然唔醒目；但又做埋Ｄ冇乜建设性既野：五分钟内换两次豉油……（想点=,=）埋单收左钱，无端端又走出去餐厅外面倾计，返黎忘了找钱；提醒她，她问：「唔记得找钱啊？」连「不好意思」都冇！其实写左意见书但预左畀人毁尸灭迹……只系想将我的遭遇讲出黎如果有关方面见到篇评语，如果可以改善，我为日后的食客（不包括本人）表示感谢。
继续阅读