金御海鮮酒家 (胡社生行)

营业中

休息中

看到往績, 發現本人為第一位給這店的用家其實都來過兩三趟.今次和家人一起去.因為奶奶都很喜愛到這店.流沙奶皇包真棒啊, 每一次都一樣, 保持高水準,流沙, 蛋黃味濃, 香滑熱盪, 包, 軟軟, 吸收流沙的味道.錦鹵雲吞, 平日都是雲吞包著蝦.但這兒較特別, 炸的薄皮, 沒包著其他食料.而是在汁料中有大量食物包括魷魚, 大片滑雞, 大片豬潤也挺過癮呢!鳳爪就同平時的沒大分別.豬潤腸粉還挺好, 不會等到豬潤都乾乾的硬硬的.當日特別推介: 法式芝士海蝦伊麵但好像太油膩...但蝦不少, 醬汁卻太油膩.$68, 還挺划算的但其實星期日1100-1400 有點貴, 大點$24, 加埋一$26下次星期一至五, 1400-1700去! 有6折!

下午茶時段，大中小一律十個八不過再抵都沒有用環境我們的枱夾在兩張大枱和一條柱中間似乎是為了多做生意而夾硬開出來的四個座位都被冷氣吹到正諗住飲茶會暖ｄ，點知連茶水都吹到變到凍水...食物明明是新開的食肆食具卻崩的崩，裂的裂未吃先扣印象分！叫了：黃沙豬潤腸涼瓜松子餃蒸鮮蝦粉果魚片粥腸和粉皮很粘很難夾松子餃和粉果的樣子一模一樣還以為上錯菜！魚片粥頗足料，個人怕骨所以不太啱本來還有一個「綠茶餅」，不過漏單了服務派籌的姐姐非常之沉默寡言，經常一臉無奈地觀望客人（這樣：=.=)待應哥哥亦同出一轍，不過他反應都幾快我們坐角落頭，一舉手他都見到呢（可是他記漏了單？）食物不算出色，整體印象麻麻，無下次

當晚我和朋友逛街買完野後一心諗住嘗試新野，因為未去過金御打邊爐，點知一肚火。當晚大約00:30離開，到達時大約是11:55，我和我朋友去到又沒有人接待，等了一會，有人帶位，坐下我們說食火窩，沒有點食品紙，問他們取，他們又不願比，最後有比，點完菜交比他們，他們又沒有人願收，他們一直都當我們透明一樣，我朋友問其中一個男待應這裡有甚麼飲品或特價飲品、又或者有沒有牌可以看，他說了兩種飲品，跟著又沒有理我們，走了。態度惡劣，又沒有禮貌，全部待應都是一樣，全部都好像不願做一樣。我和我朋友便一路傾談一邊看電視等食品到，點知等了差不多25分鐘仍然未到，我們便問他們，淨係想找個人問都很難才找到，為何這麼耐東西仍未到，火窩又不用煑，那個女待應去查完回來後跟我們說，沒有收過我們張單，入面沒有單，我們非常嬲，搞錯呀！等了這麼久又沒有野食，又浪費我們時間，最後我們很火滾地即刻離開，茶錢也沒有比錢！離晒譜。我們唯有一肚火地走去了另一間打邊爐。但這間野已浪費了我們半個鐘，待應完全不想做、又沒有禮貌。

本身我哋成班朋友都在銀行中心工作,見到對面有間金御酒家, 我哋成日去"稻香"飲茶,今次要轉換吓環境.上到3樓又估唔到咁旺, 無位, 好彩! 我們有10人同行. 即時有一張大檯入座.叫左好多點心, 即時拍照, 但錯手DELETE 左, 所以無得同大家分享!1) 蝦餃. 皮簿. D蝦好新鮮.好爽. 夠大隻2) 叉燒腸. 腸粉皮好滑. 叉燒有肉味. 豉油好靚.3) 小蘢飽. 內裏多汁. 豬肉好有肉味. 好靚!4) 流沙飽. 一試真係好食新星酒家招牌流沙飽5) 咸水角. 並不是普通咸水角. 好大隻. 夠脆身. 6) 鮑汁炆鳳爪. 鳳爪好大隻. 炆得好入味. 一流.不過糖水就甜些少. 總算都好味.好抵食真係好味過"稻香" (我個人意見)

旺角655大廈有間好平食野地方, 講地方真係難搵, 實際上咁方便. 其實在雅蘭中心同匯豐銀行嘅中間那座大廈. 前身是胡社生行,即係以前頂樓有旋轉餐廳.好出名.今次上去3樓食, 因為樓下很多宣傳牌,好多都好抵食咁,試下先! 先叫 鹵水鵝件$38. 抵食過大排檔.潮式蠔仔烙. 尚可以 因為$28咋. 潮式凍烏頭 $38 大排檔食唔到.仲有食到我成件衫都係嘅"灌湯小蘢飽"都係$9.8一蘢小蘢飽 靚! 新鮮豬肉餡及好多湯在裏面. 真係好食過 "鼎泰豐"!

諗住去睇下波...樓下聲稱有世界盃直播....點知上到去播緊TVB...冇聲@@D 人係咁行黎行去~好啦~諗住10:00 就有波睇...點知...都係冇聲....最過份GE 係....原來佢係網上轉播LOR.....去到2:1 個時....起曬格.... 仲要CONNECT 唔到.....到左4:1 仲未整番好......到完場前10分鐘SIN 搞掂番......要睇波GE 你地~真係唔好試~想食下貴又麻麻地GE 野食可以去下試下GE.....埋單個時...個經理直氣壯咁同你講~佢地冇錯....

呢間系胡社生行3樓 系新開的.上到去無 mug 人 Wor. 好! 唔駛迫.叫左~1. 燒腩仔湯米線: 燒腩仔好香脆. 米線無味.2. 上湯菜肉餃: 普通. 可以唔食. 3. 鮑汁炆雞腳: 賣相不佳. 顏色怪怪咁. 雞腳唔入味. 但個飽汁好味.3. 流沙飽: 飽皮不錯. 流沙只是甜, 無香味.4. 咸薄罉: 是日最好的出品. 脆口. 呢度食品就唔多得 ga la. 下午茶價錢合理囉. 2個人 $80食物品質吸引唔到我再來.新酒樓無 mug 人, 算好坐咁囉.