金御海鮮酒家 (恆豐中心)

朋友生日 一早已經預約了一圍吃晚飯我們點了 「盛夏宴」  $3288  總共八道菜 再加鴛鴦飯和水餃王1. 皇子有米豬2.上湯美國龍蝦伊麵3.如意芹香爆三寶蚌4.金蒜銀絲蒸大元貝5.竹笙海皇燴燕窩6.清蒸金花尾躉7.鮑汁金錢伴鵝掌8.當紅炸子雞本人就最喜歡 大元貝和尾躉蒸煮的時間控制得很口 亦都非常新鮮元貝口感一流 不會是韌那種蒸魚蔥花鼓油撈飯一流！但不是每樣海鮮都值得一試 例給龍蝦無肉 三寶蚌一般最後甜品紅豆沙 我們都一致認為略苦不知道是蓮子芯苦還是陳皮的味道 反正苦到吃不下去在這裡大伙先興生是挺好的選擇每個菜分量都很大 大家吃得飽還是以打包有私人空間  有麻雀有卡拉OK服務員態度都很好 不錯不錯 ！…查看更多

今日到茶樓飲茶，叫咗數嘅點心，分別有竹笙上素餃、紅油抄手、家鄉讓涼瓜，XO醬煎腸粉，本來酒樓環境很嘈吵，也是舊式的酒樓，而且服務態度一般，沒有什麼期望，但是D點心吃下有少許驚喜，發現除咗家鄉讓涼瓜賣相麻麻，味道一般，苦瓜味道太強，蓋過豬肉味，其他點心相當不錯，先說紅油抄手，皮薄涵足，醬汁是帶點麻辣，腸粉很滑，少了xo醬的味道，不過欣賞加入蝦干、蔥、冬菇絲、芹菜等配菜也很惹味，上素餃與其他酒樓的味道差不多，值得一提是碟頭大大件，假日也滿滿人潮，早點找位，但留意帳單加12%，有點奇怪。…查看更多

一入門口 同熟客帶位 熟客熟啲都明其他客當透明🤷‍♂️痴膠花好心同啲經理講聲 四位自己睇啦 🤷‍♂️坐底問飲乜茶 都勁串聲氣 其實我都去過同系第二家分店係冇咁衰 呢間野點解仲可生存？ …查看更多

波友 83 歲生日，打完波梗係要食飯慶祝啦，祝願佢健健康康，我哋可以繼續同佢年年慶祝 💖我哋喺呢度都食過好幾次飯，堂剪豬都剪都熟晒手，呢個的確好抵食，同埋上檯都係好開心 😁原隻菠蘿咕嚕肉味道唔錯，雖然有個煮婦話個菠蘿好平，但我哋呢啲費事煩嘅梗係收貨啦。生根蟹籽玉子豆腐煲，我唔覺有生根，唔知係咪比人手快食晒呢？玉子豆腐好多，味道唔錯。鐵板花膠海參條同魚頭煲都好惹味，蒜蓉豆苗正常。呢度啲侍應的確十叫 8 唔啋，服務有待改善，帶蛋糕唔收切餅費，又近地鐵巴士站，所以我哋都係會繼續幫襯 🤣🤣…查看更多

之前都有去過好多次，食品及服務都算過得去。昨晚五人上去吃晚飯，人唔多。坐低左，冇人理，冇人問開茶，過左五分鐘，想叫人開茶，叫飲品，伙記响附近，叫佢來都唔來，之後有部長經過，都係望下就行開。眼見其他枱都係坐着等，有D枱都係冇茶，冇人招呼，只見員工在招呼三張大枱，其他就一概不理，我地惟有起身走人。我從來冇見過香港嘅酒樓餐廳有呢個情況，完全係當你透明，視而不見。我唔知道員工同老闆之間係咪有咩問題，如果員工對老闆不滿，大可集體唔返工，酒樓休息一天，点解要這樣對客人呢。我本人就肯定唔會再去，大家亦可睇下其他人嘅評語先考慮下。…查看更多

熟客唔洗等位...係一直以往不成文的慣例...但係咪要低調一點....？當一大棚人規規矩矩等入坐，而經理、部長、知客公然當其他人透明下當眾帶個熟客入坐....係咪過份左呢？事由有名熟客由拎飛開始就嘈嘈閉，大刺刺地話：「咁多位，做咩要我等？」，此時已引起多人注視～到一開始叫飛，熟客就九秒九衝去話係佢號碼，櫃檯mark位的阿姐明顯望都無望就帶佢入....即刻有人認為處理不當地向亞姐表示不滿，但櫃檯亞姐好醒咁完全聽唔入耳作出...「零反應」。雖明白一間酒樓要有班熟客支撐，但咁樣當其他茶客透明，真係不知所謂！同埋，身為熟客的人，如果想藉不用等位既行為來表示高人一等的話，請收皮！…查看更多

喱間金御因為交通方便，佐敦地鐵站guen上嚟就得，落雨遮都唔駛帶，所以我都嚟食左好多次。午餐晚餐都食唔少，但下午茶就未試過。今日終於有机會約埋星爺同埋阿永嚟試吓，順便多謝阿永帶番d網購野俾我地。喱間食店間中都會裝修吓，所以都覺得地方幾新淨，光猛又闊落，坐得都幾舒服。睇吓有乜野食先。第一次叫疑似部長攞下午茶餐紙，佢衹係俾左喱張。再問個女侍應重有冇d下午茶炒野，至俾埋喱張。於是叫左幾樣野食。喱個吞拿魚包確係唔錯，個底似乎係煎過，咬落幾脆，入面d吞拿魚熱熱地，加埋d粟米碎，真係有口感又好味，俾個like你喱個脆麻花亦幾ok,糖漿份量適中，又有d芝麻，一咬之下，生爺同我都食到一褲子都係，確係脆卜卜。喱籠發財黄金糕個名夠晒利是喎，煙煙韌韌，唔係好甜，可算係健康甜品。喱個胡椒湯水餃d水餃咬落幾爽，入面d食材質感唔錯，加埋幾條菜，確係幾好食，但胡椒唔多夠，所以未能突顯d胡椒味出嚟。喱個雪菜肉絲窩米清清地，肉絲算嫰滑，d雪菜有d特别，平時食嗰d雪菜係以碎雪菜葉為主，但喱度d雪菜係雪菜莖，似d韮菜一樣，咸咸地又有質感，咬落sok sok聲，好食得嚟又相當健康。最後喱個鴛鴦飯就好一般囉，d蝦白白淨淨，一睇就知係雪蝦，入口又冇乜味，酸嗰邊亦冇乜特別，成個飯祇屬僅僅合格。综合咁多次喺喱度食野嘅感覺，喱度d出品大部份都係幾有水準，但服務質素就幾参差，觀察所得，熟客得到較佳服務，生客就。與别不同嘅係，香港絕大部份食店祇係收加一，但喱度係收12%服務費，why why tell me why，唔通喱度d服務係高人2%？…查看更多

金御はセントラルにもあり、そこへは良く行きましたが、今回は佐敦に宿泊、朝食は2日ともここでとりました。味もまずまず、店は綺麗で時間にもよりますが相席を迫られることもなくメニューに記入するだけなので気軽で、日本人をよく見かけます。一人２－３皿を目安に注文しましょう。This restaurant have several branch all over Hong Kong including Central, which was one of my favorite.This time I stayed in Jordan area so I picked this for  my breakfast.They won't always take us to the table so you pick one of available table there.As is the case for local restaurant, waitress may not look friendly but I don't mind as long as atmosphere is clean and nice.Lady will come to you to ask your favorite tea, then pick menu sheet on the table to pick your favorite dishes.Pass it to the waitress lady then they will serve dishes once they are ready.…查看更多

有兩個朋友分別喺英國同澳洲返黎，好難得可以咁岩時間返，所以約埋成班朋友兼舊同學就諗住去拾下拾下。之前有同事黎食過，食到夠鐘埋左單，如果無人等位可以繼續坐，我黎過幾次都ok，而且好耐無咁齊人當然大把野傾！呢到每位$168全包食2.5小時，完全夠哂時間食。野食稍為同其他酒樓唔同就係有安格斯肥牛同牛柳粒，另外生蝦同鱔片唔係到到任食都有。豉油吧，基本料都有雪糕，鳥巢雪糕黎，當日有4隻味菜+少量自助火鍋配料有食唔少西洋菜同白菜，無爛，而且放喺雪櫃到所以唔見有發霉。手打豬肉丸唔錯，煮完之後都幾彈牙。可能佢唔夠安格斯肥牛，所以夾住幾碟普通肥牛。啲野食其實一到就落個煲咁滯，所以惟有離遠影張。啲蝦幾好，煮完易剝殼，唔係放左好耐嗰啲煮完都剝唔到。…查看更多

高質美食即叫即蒸，正價時段11-2pm, 大中小特點分別$17/23/28/32。 兩個人叫了點心拼盆，還另外點了瑤柱珍珠雞、四寶雞扎、蜜汁叉燒腸等，甜品有蓮蓉煎堆仔，真心覺得不錯。…查看更多

這次用餐的食店， 大家點了一席九大簋， 經一致評定，只有2個字可形容……太鹹，極重鹹味的餸菜，就停不了呷口茶或汽水，解解口中的鹹味，還有些菜式……金蒜銀絲蒸蟶子皇，韌度十足，少點牙力，都會咬不開，或咀嚼得有點難度時，中途放棄了，演變成碟上的殘渣，雖然碟頭上的菜餚很夠份量，轉了一桌子大圈，還是可舉筷吃第二轉，本是值得高興的事，因是少有的事，可惜味道差得一吃無回頭，就如淡而無味……上湯焗龍假伊麵，另外花膠雞絲燴燕窩要加點醋，才會有點兒味道，如大家沒試過似韓國粥又似糊般撻撻的紅豆沙，不妨來此一試，清蒸沙巴龍躉斤両十足大兼肉滑，可惜蒸魚豉油，鹹到不能點，脆燒雞肉質粗嚡而韌，味道欠缺，竹笙上素，翡翠鳳片炒鴛鴦蚌，鹹度極超重口味，而炒飯一看感覺油膩而米粒硬心，失去食慾，最後還是令人放下筷子，停下來雖然食物不如理想，幸而沒影響大家聚會的好心情…查看更多

今晚3個人去，食左3個餸，3個餸同個餐牌影果啲都唔一樣，難食到一個點。特惠價啲蝦唔知死左幾多十年，梅既…… 白鱔稍為叫好啲，食得落肚，因為夠味道個小炒皇啲蝦就腥既，啲腰果就又淋又甜，就好似喺出面買啲甜味即食腰果撈落去炒咁，而當中既魚塊更加又腥又雪味重……絕唔會再幫襯！…查看更多

同老公難得兩口子飲茶 因為大家都病左 想食清淡啲 飲啖茶openrice search左呢間 見有下午茶就來但原來下午茶只得8折 多數野都係大點以上下午茶點心紙亦唔係太話太抵食咁 但一場黎到 唔理啦！叫左兩壺茶 有一壺滾水仼你自己斟 先來個藥膳雞腳 好香！都幾好味 但最敗筆係唔夠熱叉燒包 老公自己食晒三個😂因爲我唔食叉燒瀨 啲叉燒真係燒到面頭有啲脆脆 又有蜜汁味 都ok 但瀨粉有啲散 同埋又係暖暖地 唔夠熱沙律蝦卷 皮雖然有啲厚 顏色都似係唔太新鮮既油炸出黎 但勝在啖啖蝦肉 都ok滷水菜心 比普通菜心貴$10蚊 要$35 冇滷水味 只係豉油淋喺面 最唔抵食雞扎 好失望 以為係火腿或者芋頭點知係粟米芯同蟹柳(仲要係cheap蟹柳) 好失望 滑雞有骨😪非常之油 完全唔ok基本上所有野都係大點 頂點 同特點茶錢$8位 但好難先叫到侍應加水 要收12%服務費🤷‍♀️🤷‍♀️🤷‍♀️🤷‍♀️難以理解 酒樓冷氣好凍 亦可能因為咁所以啲野食全部都唔夠熱 暖暖地咁最後埋單$180 一啲都唔抵食…查看更多

來都佐敦落雨又唔知食乜嘢好，兩個人想食海鮮，真係可以很海鮮價點選擇呢？地鐵站隔離就有間酒樓門口個宣傳牌好吸引喎內容非常吸引😍究竟有冇取巧呢？內文非常之清晰喎👍🏼可信性非常高決定幫襯佢😃服務員有禮👍🏼食物新鮮😋晚餐去牛x鍋都差唔多價錢，但係食物相差太遠了！呢度起碼海鮮任食啦😍開心好多👏🏼👏🏼👏🏼下次要試吓呢度嘅小菜😃…查看更多

午餐一行13人去食，一坐低，有位黑色套裝女員工將我地由頭scan到腳，dup低頭的話仲要哄埋黎“裝”我地個樣。。。我地覺得奇怪啦，就問佢咩事…佢：你地噚日有無黎食過？我地：(笑問) 噚日有黎過今日再黎有折？佢：唔係…噚日有三個人走左數，我睇下係咪你地遮…你當我地係咩？？？！點解可以咁講野？你要捉賊，你睇門口閉路咪得囉～面唔係咁樣哄埋黎“裝”我地個樣+仲要理直氣壯咁問我地係咪賊=~=後來同屋企人s講開先知～某女員工平時啲態度都係咁差…以後都唔會再去………查看更多