金山海鮮酒家 (已結業)

早前約了朋友出來相聚，本來打算去的店，原來已結業(難怪沒有人聽電話)，之後選擇了這裡，因沒有訂位，所以都等了差不多45分鐘才有位；因已比較晚，所以立刻叫食物，包括:鹽水雲勝桂花蛙、椒絲腐乳通菜、南乳吊燒雞(半隻)、咕嚕肉、例湯(沙參玉竹淮杞脊骨煲龍躉骨)。鹽水雲勝桂花蛙- 勝瓜幾爽口，桂花蛙味道都幾入味，送飯幾好。椒絲腐乳通菜- 通菜新鮮幼嫩，可惜腐乳醬落得偏少，唔多夠味，如不是相信會更加好。南乳吊燒雞(半隻) - 外皮燒得好脆，可惜明顯係雪藏雞，沒有雞味又韌又唔入味，麻麻地。咕嚕肉- 味道只有酸味，肉質又韌又硬，菠蘿味完全給酸汁蓋過，都算幾失敗。例湯- 味道清甜，味道幾好；最好係飲完唔會好口喝。味精有無？唔太口喝就當無啦，還想這樣多。價錢唔貴，但今晚的食物只是好一般，不過不失吧！

星期四晚同4個朋友仔黎呢度食dinner, 雖然book左7點半,但都要等15mins先入到去不過個呀叔好好,同我地落左order先~第一時間就梗係叫半隻雲英雞,沙拉骨,炒通菜,蒜蓉開邊蒸蝦同埋炒聖子~沒幾耐d餸就黎啦, 雲英雞依然都係咁好食,我自己一個都差不多食左三分一了通菜就夠"獲"氣,同媽媽個d有得fight!炒聖子其實都唔差既,不過可能係例牌關係,比較少,聖子殼同d聖子係唔成比例既!沙拉骨當然都係咁好味啦=]之後就叫多5隻椒鹽瀨尿蝦,同埋5隻扇貝n例湯椒鹽瀨尿蝦黎講,好香好惹味好新鮮,雖然廿八蚊一隻,但我覺得係worth to try既扇貝黎講,好大粒好新鮮,都呢個就唔記得幾錢喇例湯雖然有少少味精,不過對於一個好耐沒食煮家飯既人黎講,已經好滿足了~見到朋友仔食得咁開心,enough!

星期五,未到6點半,都有成7成客,真係巴閉當晚無鵝腸,有點失望椒鹽賴尿蝦-唔夠惹味,當然$25/隻,不能話賴尿蝦質素麻麻椒鹽豆腐-其他食友的食評話好鹹,唔知係咪”從善如流”過籠,完全無味,只是一碟炸得唔脆的豆腐魚卜粉腸煲-家中兩位男士話魚卜好韌,但本人覺得好脆,粉腸一般,最出色反而係薑蔥沙拉骨-油了些,味道幾好炸大腸-薄的就炸得脆但好(火農),厚的就唔脆,唔合格服務ok,但食到8成,已經問菜來未,跟住上湯水,完全趕客feel7點半食飽,離開的時候,見到有20多人在等位,好厲害不過,本人未必有下次幫襯

啱啱有事要去kubrick, 當然唔會放過咁好機會, 尼呢度睇吓係唔係咁正啦...conclusion: 海鮮新鮮不過呃秤, 佢話一斤大概比十兩你倒啦. 不過啲阿伯service幾好, 啲海鮮好新鮮, 可惜到尾先話比我聽啲癩尿蝦賣哂... 下次要早啲去先得... 薑蔥肉蟹1斤(佢話)好新鮮, 到啲肉好甜好實, 不過無乜獲氣蒜蓉開邊蝦1/2斤(佢話)好新先彈牙又有膏,一啲都無蚩殼椒鹽癩尿蝦(到尾話賣哂喎...)例湯粉葛褒豬錚... 好好飲, 9秒9飲哂..$280

噚晚相約了一班朋友去金山食晚飯! 這是我第二次幫襯, 但好像無上一次咁好味! 我點了:1) 椒鹽豆腐: 豆腐本身唔夠滑, 味道也較咸,但炸得脆!2) 豉椒炒蜆: 肉夠肥美, 但不夠惹味, 味道普通!3) 椒鹽瀨尿蝦: 這道菜味道不錯, 很香口很惹味! 食到lam lam脷!4) 豉椒炒聖子: 肉嫩新鮮, 幾好! 5) 沙葛例湯: 朋友仔飲得出有味精, 好甜好濃味, 他們大膽的問伙計有沒有落味精, 被反問"你話呢?" 咁即係...收到!6) 砵酒焗蠔: 好好味, 蠔焗後仍然非常滑, 一D都唔UN, 蠔邊更是脆卜卜! 7) 雲英雞: 普通! 沒有味道, 只是比街外吃的多了雞潤和雞腎!8) 蘭花帶子: 亦很普通, 帶子不夠大不夠新鮮, 花還花, 帶子還帶子, 失色!9) 腰果黑椒牛柳粒: 絕對唔好食! menu無講係有蘭花墊底, 變相兩份菜都係蘭花(好dry!) 亦都係一樣, 蘭花還蘭花! 黑椒汁極之唔好味! 一大堆汁, 但極像茶餐廳"燴什扒飯"的餸汁! 無誠意之作!最後加送飯後甜品, 綠豆沙一碗! 味道比較甜, 但絕對可令我為金山增添少少分數!

6-6-2007 (三) 4人7:20pm其實呢排短期內已食過三次了,只係今天才寫食評,因為懶囉...為什麼食得咁密呢,因為好食囉...呢間金山我在十N年前黎過,但已經忘記了,前排見到openrice有人寫食評,才回味過往金山的餸菜,記得他們煮海鮮係一流的,還不用等太久,如好肚餓,他們一定有野比我食住先,唔怕餓親..hehe~~($25)4隻中型蒸瀨尿蝦$100...鮮甜,好少人咁食法,但我好like($28)4隻鮑魚$112...一般一碟聖子$55...有12隻,蒜茸粉絲蒸,當然好味道啦^^一碟牛油白飯魚$48...好食一碟通菜炒先魷$48...正常地好食一碟椒鹽豆腐$30...好食一個(中)例湯$50...好飲,飲完唔覺口渴2碗米粉$20一個飯$5一碗粥$6送糖水茶錢再加一埋單$552下星期再黎,因為有人請^^

我朋友話去金山吃飯要check單,.我不相信前幾日去吃飯,我們埋單應該是$400個死肥佬伙計話$672,我們都懷疑,原來個老板將4字寫成6字,個死肥佬見我們係渡check,反應真快,話$472.老板和伙計一齊行騙黑店記住要check單.黑店

昨晚阿妹話好想食瀨尿蝦,一行三行即時諗起金山：1.瀨尿蝦6隻(25/隻),呢味真係好抵,主要係大隻,又唔會過咸,等位時八卦問過再大隻D按兩計的那種,要成百蚊一隻,我地研究過,大隻都係切開一碌碌食,倒不如叫25/隻的食多幾隻差唔多；2.鼓油王中蝦,夠乾身,又香口,但蝦味稍遜；3.避風塘炒蟹,最唔得,因為太乾身,同炸蟹無分別,無蟹味；4.「蕉」鹽泥,好香,好脆5.乳鴿,夠入味,大細剛好,最怕有層肥膏果d；6.金銀蛋「現」菜,皮蛋同咸蛋份量多,阿妹話d菜唔夠味,但我覺得剛剛好,要中和番其他菜式的重味7.鼓油王炒面,今次走走王,都好好味。8.啤酒三支9.送的糖口,唔食甜野的我都食左幾啖,因為唔太甜。好滿足呀~雖然呢度出名又人多,但伙計服務態度一流!!!

聽聞幾乎大部份同事兼好多行家都黎過(計落都近百人試過), 人人都讚不絕口咁話, 大家見只得小妹未黎過, 半個月前已經安排是次行程啦..講講酒家, 外表冇乜特別, 格局其實係好平民化o既飯店, 即係唔好穿著得太斯文黎食先好, 否則就好似著住老西坐大排檔一樣, 但都有成3層樓, 我們一行6人, 被安排於3樓, 地方企理乾淨, 夠光猛, 唔錯...- 豉油王鵝腸, 夠爽! - 特別要求老闆加o既, 雞肝一碟, 正呀, 成碟都係, 好味道!- 焗魚腸- 蝦多士, 蝦好爽, 多士夠脆!- 薑葱炆魚雲, 好入味, 魚雲夠滑!- 螺, 炒菜, 油鹽水魚雲.呢到果然係直得推介, 價錢大衆化, 食物有水準!

自從上個月尾第一次帶女友去左金山，之後佢\\\已經愛上左呢間食店，D 野食好味當然為首要原因，裡面既老伙計大部份都好有禮貌／人情味，亦都係家陣唔容易搵到既上個禮拜又再應女友要求去多次，唔係假日既關係，再加上早去到（六點半）兼有訂位，所以一去到已經有得坐底了。沙拉骨，我同女友都好鐘意食，所以係必叫既，另外同上次一樣照叫左賴尿蝦(二隻)，再加左半隻雲英雞，同埋一碟椒絲腐乳炒通菜。（我同女友一向都好擦得，所以都唔怕吃唔晒的）餸黎到，每一叫左一碗飯，再叫左兩支汽水，沙拉骨一如以往般有水準，味道酸酸甜甜，配埋ｄ沙律醬真係一絕，加上ｄ肉好林，一黎已經一人食左幾舊先，但今次個份量好似比平時大碟左，好滿足呢。賴尿蝦我覺得呢度既價錢２５蚊隻，真係俾到好大隻你，相比起之前去過灣仔橋底炒蟹個Ｄ，貴差不多一倍有多，但ＳＩＺＥ又唔係話差好遠喎，所以覺得呢度特別抵食！雲英雞吃來好有雞味，而且唔韌，半隻黎講，雖然價錢唔算平，但真係幾大碟下，我諗四個人叫半隻都可以呢。碟椒絲腐乳通菜，可能菜式本身比較平凡啦，唔算話特別好味，但都炒得相當夠火喉既，不過因為太多餸，無一下子吃晒，所以食到尾段有少少變黑。食飽飽後，照樣有糖水

提早同奶奶慶祝母親節，有人提議呢間，幸好唔駛我傷腦筋。雲英雞-果然係招牌菜，雖然做法簡單，好有雞味，可惜雞肉唔夠滑。椒鹽瀨尿蝦-25蚊一隻，大大隻，就算一開二size唔細，啖啖肉。椒鹽又是非常惹味。薑蔥炒肉蟹-呢個最唔得，蟹肉唔得鮮味，而且有點霉，薑蔥完全唔香。豉椒炒蟶子-算幾新鮮，不過炒得唔夠惹味，如果再多少少辣椒會更加好。砵酒焗蠔-隻又是招牌菜之一，我覺得好一般，沒有酒香味，雖然隻size均一，肥大肉厚，但咬落去有點腍身，蠔身唔夠結實。生炒骨-我給80份，件件炸脆口，甜酸味o岩晒我。但係排骨唔多，反而配角的青椒，菠蘿及洋蔥就不少，真是唔夠喉。西蘭花蜜汁鱔球-是全晚最好，西蘭花爽口，鱔球肥美爽口，咬落去有好有口應。可借份量太少，想食多件都無。百花釀豆腐-好一般，豆腐唔夠滑，還有點"鞋"口，反而做來蒸豆腐的豉油就好美味。金銀蛋莧菜-要了加大。勁多皮蛋鹹蛋，莧菜算嫩，唔會老。最後奉送的綠豆沙，非常正，唔會好甜，又夠臭草香，真材實料，媲美坊間出名的糖水舖。

太太嘅二家姐回港小住。本想往西貢大擦海鮮，但一想起去到係俾人亂咁開天殺價，確實心有不甘。於是上OR望望，見到呢到風評不俗，決定訂枱一試...一行六人，決定嚟個全海鮮宴。水準確實不賴--- 油鹽水蜆加入榨菜吊味，味道全然不同。蜆有少許沙，美中不足，若果再加入粉絲伴着清甜嘅湯而食，風味更非同小可...蒜蓉蒸開邊蝦份量足，蝦新鮮之餘連頭都有膏，正；蒜蓉份量剛好，並冇喧賓奪主，good..炒蟶子皇味濃夠新鮮，份量亦係多得很，辣度亦夠。可惜炒得有D過火。太子牛記處理得比它出色...蝦醬通菜火喉足，蝦醬味濃，轉眼一掃光...外父係蟹痴，就追加一碟薑葱花蟹。肉極之鮮甜，加上老薑及大量葱段，惹味及香味撲鼻，食到唔停口...桶蠔煲亦係出色之作...食到捧住個肚，百五大洋一個人，唔怪得門口大排長龍la...

之前都去過幾次帶左一個海鮮大王黎試下椒鹽瀨尿蝦--必食之選肉質鮮甜大大舊肉....薑蔥炒蟹本人並不太鍾情於蟹類因剝殼太麻煩但都要讚因為一d都唔痴殼又易剝豉椒炒蟶子大大條口感一流椒鹽豆腐皮脆豆腐滑大師級水準份量夠多3-4個人食都得由於我地得2個人野食太多食唔切凍左d 可惜....

今晚我地一行7人去左e樹食晚飯,然後先再去睇燈飾蒜茸粉絲蒸扇貝白烚東風螺半隻雞椒盬瀨尿蝦豉椒炒蟶子<--- 係大條果d, 好有口感魚腐生菜生炒骨焗鱔魚總括來說全部都唔錯, 會值得再去

生日之夜一行七人來到油麻地的金山海鮮酒家吃一餐新鮮味美的海鮮餐，一次過吃了多樣海鮮，飯店門口有魚缸養了各式各樣的海產，不到六時半已全店爆滿。今晚最美味的是薑蔥炒肉蟹，那隻巨蟹拑拍得住在澳洲吃的那隻像雞脾般大的蟹拑呢！啖啖肉，就連不太識食蟹的我也來盡情的拆蟹，當然還有其他的美味菜色，以下逐樣介紹。這裡價錢比起鯉魚門、三門仔都要平得多呢！椒鹽賴尿蝦---好野味！蟶子鮮甜肥美！白切雞半隻---都好滑，不過應該係冰鮮的~~西蘭花炒斑球，好正！魚肉超厚~~砵酒焗蠔，邊炸得脆脆的，雖不及容龍，但質素已十分唔錯！最緊要是蠔本身肥大肉厚~~砵酒焗鱔，都是很美味的！肉質是爽，好利害~~最美味的薑蔥炒肉蟹~~