金屋泰國菜館

营业中

休息中

泰國菜不嬲都係無咩食慾嘅時候最佳選擇！酸甜開胃咩都有☺️☺️但估唔到今次個蠔餅先係最令我意外😆見到呢間好多人晚市去食所以都入咗去！軟殼蟹芒果米紙卷入面當然有芒果同軟殼蟹啦！仲加埋青瓜花生碎同埋一啲粉絲生菜～口感爽脆得來又有啲酸甜嘅感覺～軟殼蟹又緩和返凍冰冰嘅口感，而且炸過來更香口～泰式炒金邊粉每次嚟泰國餐廳都一定會叫嘅嘢！份量超級大碟口感偏油同濕身～配料充足蛋絲都大大塊～不得不提當然係佢啲大蝦啦每個都開邊去咗腸，爽口彈牙！壓軸登場當然係佢個蠔餅！真係被驚豔到，份量超級大🥺咬落去啖啖都係蠔肉，蛋嘅份量都大，麵粉比例相對少！所以口感好實在。底都鋪上一堆嘅芽菜令成個口感豐富得來唔會太過油膩～😆好正啊

屋企人食過呢間餐廳話好食，啲座位比較闊落，所以有時唔想煮飯都會過嚟呢間餐廳食🤪款式選擇都幾多，好多海鮮！炸蠔餅都有！炸蠔餅潮州炸蠔餅就食得多，泰式炸蠔餅又真係未食過😶所以跟住就叫咗，估唔到都有啲驚喜！食物上到枱嘅時候仲發出滋淡聲嘅聲響，因為用鐵板上而且係啱啱整起，夠晒熱啱我心水！生蠔份量都好多，而且冇沙！食落都感覺新鮮🤗🤗蛋漿同粉漿做比例ok！而且唔會太咸！下邊就用芽菜鋪墊，感覺健康😬😬仲有叫咗鮮蝦扎肉米紙卷，入面有芒果而且有啲炸蒜片！口感豐富！感覺清新🤗食泰國嘢又點少得菠蘿海鮮炒飯😎😎😎呢個菠蘿海鮮炒飯係裝係個菠蘿到，夠晒有風味！而且個炒飯有大量海鮮！魷魚、蝦肉、青口等等！而且仲落咗超多提子乾肉鬆腰果！每一啖炒飯都食到好多餸！有種超級滿足嘅感覺🤩🤩🤩

原來屬於西鐵嘅荃灣西站，而家嘅可達度比以前更強，能夠一線貫穿東南九龍同埋沙田區。近年大興土木，建設大量天橋設施，連接各個大型商場及大街小巷，無縫連接，一脈相承。門口外放有泰國銅像，莊嚴，神聖，氣派十足。店內裝修以泰國宮庭式為藍本，姹紫嫣紅，金縷玉衣。即炸蝦片$15，開胃小食，口感脆卜卜。泰式黃咖喱牛腩$98，味道不算太辣，適合港人口味，採用新鮮椰汁伴入黃咖喱，椰汁香濃，咖哩如牛奶般香滑。唯一嘅缺點係牛腩太大舊，使咖喱汁覆蓋不足，也不方便咀嚼。呢道菜亦有好多蔬菜配菜，可以唔使額外叫一碟炒青菜。泰式乾炒牛河粉（豬） $72，面頭嗰浸油淋淋嘅感覺，真係同喺泰國街頭食嘅炒河粉好類似，仲要係夜麻麻落街食嗰隻，感覺返晒出嚟。龍眼冰$28，不過不失，龍眼粒數目頗多，夏日感覺爆滿。泰式椰汁糕$10/兩件，芋頭粒的份量稱職，鍾意食芋頭朋友不容錯過。椰汁千層糕$20/四件，椰汁糕咬口軟糯，味道清甜，輕輕的班蘭香(Pandan)。夜晚食一啲都唔貴，原來午餐同下午茶都非常抵玩，午市定食都係$50起，下午茶餐$28起有交易，下次去荃灣會同朋友行完donki會過嚟嘆番杯泰式奶茶，食番件泰式小食。

今日早咗落班，同老公嚟荃灣食泰國菜。我哋最鍾意食pad Thai ,酸酸甜甜啱晒熱辣辣嘅天氣。我怕啲餐廳唔夠凍，呢度絕對夠凍，非常舒服😌首先嗌咗呢度嘅小食拼盤$138，入邊有蝦餅魚餅、雞串燒 和春卷，好好味每樣小食都係熱辣辣，出邊好少何小食拼盤每樣都係熱，春卷趣卜卜 入邊好多餡然後叫咗呢度嘅馬拉盞炒通菜，我哋要求少辣，餐廳真係有用心聽我哋嘅要求，做到我哋喜歡嘅效果，味道啱啱好，而且馬拉盞通菜味道好豐富，見到佢用咗好多配料，我哋估唔到佢炒碟菜都咁有心❤️最後梗係食埋佢哋呢度嘅Pad Thai ,酸酸甜甜好開胃好啱夏天！ 我哋叫佢走青走花生🥜。真係做得出我哋嘅要求👍🏼👏🏻最鍾意細心嘅餐廳pad Thai $88 但係份量好多，兩個人都夠食。下次一定會encore👍🏼😆整體我哋覺得呢間餐廳嘅泰國菜好正宗，位置都好方便，位於荃灣嘅市中心

放工好攰，約咗人一齊做運動，又未夠時間，所以呢就去咗附近搵食泰國菜食，天氣咁熱食泰國菜就啱啦！行吓行吓喺商場對面俾我見到一間泰國菜館咁我就行咗過去入去坐低啦。門口都有好靚嘅泰國擺設，入邊嘅裝修都充滿着泰國風味，牆上面有好多大笨象同埋泰國嘅民族畫，都幾靚。今日我哋兩個人呢就嗌咗一個泰式拼盤、泰式香茅燒雞半隻、泰式明路烏頭，同埋冼菠蘿海鮮炒飯。泰式拼盤呢就有炸蝦餅丶炸魚餅、串燒雞兩串同埋春卷。個蝦餅同魚餅呢都炸得好脆，出到嚟仲係熱辣辣㗎，咬落去呢爭啲俾佢辣親個咀。春卷呢就脆卜卜，夠晒香口。串燒雞配落去啲沙嗲汁到一流！勁香花生味又唔會話好鹹。泰式香茅燒雞呢就皮脆肉滑，雞胸肉都唔會好柴皮。燒到啱啱好，唔會話燶到黑。而且價錢相當知抵食，$98半隻咋！泰式明爐烏頭呢就好甜，肉質鮮嫩，酸酸甜甜好開胃，真係想食完再食。最後個菠蘿炒飯呢好夠鑊氣，有半個菠蘿裝住，色香味俱全，啲菠蘿仲好甜添。總括而言呢間野好食。

呢間近荃灣西站嘅泰國菜餐廳，夠晒地道，唔止裝修充滿泰國特色，而且有d店員係泰國人，好似去咗轉泰國甘。想坐得舒服啲，同朋友傾吓計，呢度都係唔錯嘅選擇，環境夠寬敞，坐得都舒適。因為今日唔係太肚餓，所以我哋嗌左一個炒粉，同一個小食拼盤。.鮮蝦炒金邊粉 $88份量十足，金邊粉炒得幾入味，食落味道酸酸甜甜，口感彈牙，軟硬適中，而且入面蝦的份量都不少，新鮮又彈牙。.泰式拼盤 $138(炸蝦餅、炸魚餅、春卷、串燒雞)幾款炸物都新鮮炸起熱辣辣，口感香脆。炸蝦餅同炸魚餅食落外脆，入面口感彈牙，蝦同魚味都不錯。春卷入邊有粉絲、黑木耳絲、蘿蔔絲、菜絲等，味道同口感都好豐富。雞肉串燒配埋個沙嗲汁，食落好惹味。食泰國嘢最開心就係叫拼盤，咩都有啲，可以一次過滿足。

經朋友介紹指呢間金屋泰國菜館D野食唔錯，推薦我去試下~平日收工約埋朋友一齊去試試，位於楊屋道，冇特別近西鐵OR地鐵~入面環境闊落，坐落傾計都幾舒服，餐牌款式多，即使食辣/唔食辣都大把選擇，仲有海鮮好似炒蟹添。但冷氣真係十足，凍到冇人有，樓面員工得2-3個（都似係泰國人），叫野食、埋單都要俾小小耐性等下，但而家個時勢都好理解，飲食業難做。🔸馬拉盞鮮魷炒通菜 $88評分：★★★★☆「馬拉盞」即馬拉版嘅蝦醬，同樣係十分惹味，香辣得黎又有咸香味，通菜唔老，都幾嫩爽脆，餸飯一流！鮮魷份量唔少，爽口彈牙都新鮮，大推！🔸碎肉生菜包 $88評分：★★★★☆生菜小左D，未必夠包哂Ｄ肉碎！碎肉半肥半瘦，食落唔會太乾身，有好香嘅香茅味道，加埋洋蔥碎，小小辣，好開胃！🔸泰式燒豬頸肉 $88評分：★★★☆☆泰式燒豬頸肉不過不失，但覺得偏瘦，如果可以肥小小，食落有D油香會仲正，另外如果豬頸肉可以燒到個邊邊有小焦脆感會更有驚喜！醬汁都係酸酸甜甜咁，$88既話未必會ENCORE呢道菜色。🔸泰式生蝦刺身 $98/8隻評分：★★★★☆刺身擺盤都幾靚，生蝦都大隻同埋新鮮，食落爽口彈牙唔會霉，配搭埋兩個醬汁— 泰式酸辣汁、薄

呢間金屋泰國菜館所有嘅菜式都非常豐富，而且味道好好！算得上荃灣必試餐廳！餐廳環境，半間店係圓枱，半間係四人對住嘅沙發位，坐落去位置寬躺舒適！好啱一家親戚尼食。我地嗰日點左三道餸，加一個甜品，兩個人食非常飽，而且價錢都好實惠！第一道餸係：沙爹串燒雞肉雞肉串配上一大碗嘅沙爹醬！串燒雞肉量非常多，食幾啖都食唔完一串，食每一口，都係一大舊雞肉，物超所值啊！而且雞肉幾嫩滑！雞肉上面其實本身已經有些少嘅沙嗲醬，唔點醬食都有沙嗲味道！再加埋配上嘅醬汁，口感會更加豐富。有啲花生顆粒覆蓋住雞肉串！個醬汁食落似係葡汁再加上花生醬，唔辣但味道好好！ 第二道餸係：鮮菠蘿海鮮炒飯未食完雞肉串 已經上咗炒飯，店員速度好快！呢個菠蘿炒飯賣相超吸引！又足料又好味！首先成個菠蘿炒飯包含住大量嘅腰果、提子乾、菠蘿，兩個蠔，仲有其他種種炒飯元素，上面再以肉鬆、番茄等作為點綴！ 食落每一啖都係足料！首先炒飯都有住濃濃嘅咖哩味，再加上提子乾同菠蘿塊嘅配搭，就做到咖哩味到甜味都包含在內！甜味仲做一種開胃嘅效果！再加上腰果，肉鬆，令到炒飯唔會再單調，又可以食到粒粒炒飯，又食到脆口嘅配料！好豐富，值得推薦！第三道餸係：碎肉生菜包呢道

經過楊屋道見到呢間泰國餐廳入面都唔少人，係openrice見到啲人評價幾好，所以就入去一試 餐廳裝修好有泰國feel，對於泰耐無去旅行既人黎講，可謂食左當去左🙊值得一讚既個店內員工態度唔錯，因為我哋落左單之後想改單佢哋都無問題，二話不說咁樣幫我哋講咗 因為今次只係得兩個人食嘅關係，我哋只係叫咗三個餸 第一個係泰式拼盤 - 拼盤好豐富，入面包含的款式都唔少 （炸蝦餅、炸魚餅、炸春卷同埋串燒雞）每一樣質素都好平均，蝦餅彈牙，燒雞入味第二樣係蝦頭油鮮蝦炒飯 - 個飯一個字可形容‘’香‘’，平時食泰國菜多數都會食菠蘿炒飯或者炒金邊粉，但今次無簡到呢兩樣反而想試吓呢啲特別啲既，果然無簡錯，足料唔在講，真係好味！好推^_^第三樣係泰式煎蠔餅 - 呢個本身無叫，後生見到餐廳入面電視播放蠔餅製作過程覺得好吸引，所以毫不猶豫咁樣轉左。佢比起我哋平時食開既蠔餅更香，而且并唔會覺得油。呢個都好推介大家去試最後總結一下，呢間泰菜真係好出色，真係值得一試，雖然價錢唔算好平，中等價位，但佢絕對值回票價

口淡淡唔知食乜好？友人話不如食酸酸甜甜既嘢我就靈機一觸就話一於Let's eat some Thai🇹🇭餐廳位於荃新天地2期商場對面，位置唔算難搵，加上佢有非常奪目既黃色招牌，未入去已經感受到泰式風情。餐廳入面空間位置寬敞，侍應非常有禮貌。而且呢度既大廚全部都係泰國人，彷彿好似去泰國食一樣。鮮蝦炒金邊粉$88每次去食泰菜，呢個一定係我top3內。金邊粉炒得爽身唔立口，鮮蝦彈牙，非常惹味。泰式拼盤$138小食太多選擇花多眼亂，唔知叫咩好，一於叫個拼盤一次過滿足幾個願望啦！蝦餅同魚餅炸得幾好，蝦餅都好重蝦味，再點埋個汁，簡直係畫龍點睛，好味！而串燒雞同春卷正常發揮。咖哩炒蜆$88本身佢係金不換辣椒膏炒蜆，之後問職員可唔可以轉咖喱，因為食泰菜，點可以冇咖哩呢？泰式咖哩真係我all time favourite, 唔會過濃同太杰，而且蜆好大隻，蜆肉都相當有份量，而且一粒沙都冇！呢個價錢超值！香芒軟殼蟹米紙卷$82賣相還好，但我略嫌太多菜同芒果味不足，但軟殼蟹炸得十分好，完全唔會過油，而且十分脆口。泰式凍奶茶$28+青檸梳打$28嚟食泰國菜點可以唔飲佢嘅泰奶呢，本身expect就算叫咗少甜都會好

金屋泰菜館舒服好坐 ，咖喱好食 ，今日經過呢間餐廳，見六點幾都唔係太多人就入嚟食，啲位都隔得幾開，幾寬躺好坐。餐廳啲職員都幾友善主動，見你有需要會主動過嚟serve你，兩個人埋單250 都唔洗。泰式黃咖喱雞 $88啲咖喱整得唔錯，相比其他泰國餐廳來講幾好食，配料好香，薯仔好淋。可以話佢啲咖哩整得幾出色，咖喱當然要點蒜蓉包！ 泰式香蔥蒜蓉包 $42 蒜蓉包42 蚊 有6 件 但6件都唔係好大件 ，兩個人食就都係岩岩好夠食 、如果大食就要食多啲喇！生牛肉湯河粉 $62突然見到想食就叫左 河粉黎食 ，牛肉好重牛味，而且湯底做得幾好，有啲花生味，芽菜都新鮮，值得推介。泰式奶茶綠茶沙冰 $30味道幾特別，有綠茶香 同奶香 仲有一係獨特嘅泰式味道，口喝唔怕試下。

我是一個很喜歡泰國菜的人，最近路過楊屋道街市附近，發現有一間新的泰國餐館，收工和同事一來試試。鮮菠蘿海鮮炒飯，青口、魷魚、蝦、肉鬆、腰果、提子乾、最出味的是臘腸。金黃色炒飯乾身帶有一些甜味，可能是因為有提子乾和甜臘腸。明爐煮烏頭，我超級喜歡，好香香茅味，有檸檬乾、肉碎、芹菜和野菌，另外會有一碗湯畀你加上去，湯底好像冬陰功湯是帶酸的。頓時化成一隻會為食貓，把烏頭魚煎皮拆骨。鮮蝦刺身，非常新鮮，上面放咗蒜片，指天椒旁邊放埋苦瓜片。如果你吃得苦的話，可以連苦瓜片一齊食。綠色的醬汁是魚露加薄荷葉，另外橙色的就是傳統泰式辣醬。個人較喜歡綠色的醬汁。真的很開心荃灣有多一間正宗泰國菜，不用到九龍城也能品嚐泰國美食。滿分為10分(1分最低，10分最高)食物：8.5環境：8.5衛生：8服務：8價錢: 8舒適度：8.5總分：8.5

好耐冇同朋友一齊食飯傾偈，想起車站附近有間泰國餐館。荃灣西現商場多的是，商場內的餐廳永遠都人頭湧湧。這間餐廳在商場外圍，容易有位，食物質素又唔錯，何不行多兩步，直入坐低同朋友慢慢食慢慢傾😆😆兩個人食飯，可試菜式不多，它份量又多，所以只點了四款菜： 泰式蝦餅，串燒雜錦泰國金柚子沙律同冬陰功海鮮湯😋😋泰國蝦餅$78， 炸到金黃色，味道鮮美，泰國菜我都必食。串燒$88，可叫店員上雜錦。老實每款肉分別不大🤪，不過不失啦！泰國金柚子沙律同冬陰功海鮮湯味道都較重，可以的話淡少少會較適合香港人口味。現在追求健康人多ma 😌😌總結來說，樣樣不錯，不是驚喜，但一個人頭百幾蚊，吹兩個幾鐘冇人騷擾要轉枱。可以可以😎😎

冇得去旅行，最近又想食泰國野，近近地見到荃灣有間泰國菜館，就入去過吓口癮🤪 入到去店員全都是泰國人，裝修幾有心思，好欣賞佢嘅吊燈，充滿泰國特色，地方夠大，坐得舒服，不過冷氣超大，食野要食快少少，否則好快凍哂😂— — — — — — — — — — — — — — — — — — —【鮮蝦炒金邊粉】$88上碟時出哂煙，真係岩岩炒起，熱辣辣夠哂惹味，配有四隻鮮蝦，亦有豆乾仔，碎蛋、芽菜、蔥絲等，而味道係酸酸地，唔會好辣（本人好怕太辣嘅泰國菜），亦唔算係好重口味果種，夠鑊氣，如果唔中意太重口味，食呢個就岩岩好。— — — — — — — — — — — — — — — — — — —【泰式拼盤】$138有炸蝦餅、炸魚餅、春卷、串燒雞各2件，有哂我想食嘅泰式小食，超邪惡，全部都係炸野！尤其欣賞個炸蝦餅🍤，外層炸粉夠薄，咬落都幾重蝦味，一d都唔粉，又夠彈😋 炸春卷亦好足料，新鮮炸起夠哂脆。而魚餅香料味都幾重，串燒雞正常發揮！呢碟拼盤會跟2款泰式醬&沙嗲醬，有不同口味😋

真係好掛住泰國呀 今晚就嚟咗呢間好泰國嘅餐廳 門面同內部環境都係好黃金 配合返個餐廳名 金屋 見到好一啲佛像做擺設 真係好有泰國感覺😂餐廳有部大電視 不斷播住佢地有咩餐廳推介嘅菜式😺 我地都揀咗其中一樣 泰式煎蠔餅 蠔餅以鐵板上 上檯嘅時候仲熱辣辣 係咁有嗞嗞聲 蠔餅都幾多蠔 基本上啖喺都有蠔肉 唔似其他餐廳 蠔餅唔係炸到全脆 而係個邊有少少脆 中間比較濕潤 可以食到蛋香 點埋個甜甜地 辣辣地嘅醬 味道更加豐富 蠔餅底下放咗芽菜 可以吸返多餘嘅油 所以唔算太油膩 又唔會林晒😋 泰式黃咖喱牛腩 成煲上嘅咖喱夠晒熱😍 配菜除咗薯仔 仲有洋蔥同紅椒 黃椒 咖喱微微辣 都食到啲椰奶味 可惜牛腩偏瘦 同期望中嘅質感有啲分別 但都算幾大嚿肉泰式薄餅 薄餅配咖喱就非常之夾 薄餅已經切到細細塊 好方便蘸汁同進食 幾酥脆🙊咁啱我地揀嘅所有菜式都有泰式兩個字 真係驚死你唔知食緊泰國菜咁🤭 最推介大家食泰式煎蠔餅 真係好回味🤪