影片
太子除左饺子店🥟，点心铺头都几好，啱晒老人家饮茶☕最近又开左一间系太子大南街60号地舖，铺面装潢普通，见到茶芥收3蚊一个好抵，于是入去一试。同出面饮茶唔同，佞度冇得拣茶叶茶得一种：普洱☕但冇乜茶味。唔提供太多茶种，可以压低成本，而茶位都系收3蚊一位。先讲结论: 抵食大件，火侯过笼唔精致。XO酱炒肠粉: 6.5/10（$38）XO酱几辣同香口。炒出黎未去到好有镬气🔥但几入味，唔会有白花花冇乜味既肠粉，而且冇乜油。38蚊黎讲份量大份抵食💪🏻足三两虾饺皇🥟: 6/10（$30）名有足三两，上到黎真系好大粒，同鲮鱼球一样咁大粒。但因为太大粒，所以要蒸耐啲先熟，令饺皮过左火🔥一夹上黎甩皮。但调味几出色，而且用料唔手软，有2-3粒大虾。烧卖 [ 6.5/10（$27）] 都系一样好大粒，好处系馅料都多既时候蒸出黎有一啖汁，充满猪同虾油香✨但甩皮真系好影响观感，唔会信佢系即叫即蒸。鲜竹牛肉球🥩: 6/10（$26）冇乜牛肉味，反而陈皮味几重。鲮鱼球: 6.5/10（$26）鼓油偏甜，而且出奇地唔够热同干身，同牛肉球一样都略嫌水汪汪💦尤其系腐竹，唔够干身同入味。潮洲蒸粉果: 6/10（$23）皮偏厚，几多花生，不过都系蒸过左火🔥Overall黎讲都好抵食，用料大方，如果火侯控制得好D就更加好。
继续阅读