金寶 (已結業)

今次在美食廣場覓食,五間舖有印度咖哩,韓國餐,鐵板,越南粉同泰國餐!因為之前食過cambo cafeteria,原來仲有一間分店喺度,所以揀佢!不過原來餐牌係差唔多,今次食左個特別牛肉粉餐,原來呢間有得跟餐,不過只係俾杯熱茶我,個收銀話唔要茶可以加兩蚊有罐汽水,咁我就要左一罐維他奶,感覺上又好似抵左少少...特別牛肉粉有牛丸柏葉牛筋同牛腩,每樣少少,但係煮到好淋,牛丸就細粒左一些!味道唔錯,河粉好滑,湯底好有味道,俾埋一些香葉我自己加,但因為芽菜係生所以無食!作為一間foodcourt店,水準已經超出預期好多!

今日在朗豪坊嘅越南牛肉粉食野,傳單印得幾靚,雖然價錢好似比香辣屋貴,但係抱住一試新野心態,買左碗雞翼湯河食,加多兩蚊有埋罐可樂,不過無zero,得light coke!雞翼係兩隻雞全翼,幾好味,咸咸地,好似有少少青檸檬味,唔知係唔係用左檸檬葉醃?河粉幾滑,湯唔係簡單,濃厚雞味,可能貴就係貴喺呢度!食完夠鐘去ua睇江山美人!

已經唔係第一次食,今次食既係春卷凍檬($36)加一罐雀巢檸檬茶($2)!雀巢檸檬茶兩蚊係因為跟餐可以平d,唔加就笨,出面seven都賣七蚊罐!春卷凍檬春卷有五條,細細條幼左d不過幾好食!份量幾大碗,個越南魚露味道好正,加埋落d檬粉道食好好味,個人認為仲好食過日式冷麵多多聲!睇番openrice入面既食評,呢間都算唔錯,推薦俾大家!價錢雖然唔平,不過都唔係太貴!

流感災情嚴重，不能幸免交叉感染中，當吃龍肉都無味時，沒有比一碗湯品來得稱心，前身海南餐廳時來過，再來已易手為金寶。是日可選擇的只有特選牛河，另加$10要埋雞油飯，一盤放著金不換．牛骨清湯河及雞油飯的午餐，同時滿足生理須要及好奇心。特選牛河其實是牛丸、腩、根、百葉的大炒作，湯底加了不少芫茜、青蔥、銀芽，金不換另上，配料很豐富，配幼長河粉，湯底微微牛鮮，卻離不開化學的陰霾，幾啖之後味覺開始麻木，幾味牛雜，只吃了半件連根的腩位，幾鬆嫩亦帶著微微血水，其餘幾件厚厚的牛腩，睇牌面唔多對路，無謂投資空間去試。湯河以旺角foodcourt質量計是收貨有餘，只是腸胃太敏感，不能多吃。海南雞飯也愛吃，這裡色水偏瓦，非落重南薑煮的，味道有點似路邊雞，泰式雞飯，較之金黃色的，個人是比較喜歡這種色水的雞飯，雖濕了一點，幸雞汁同香料味作補夠，也不錯，只是散賣的話單價貴了一點。

今日因為要去朗豪坊買波衫,所以食都係喺度!入foodcourt搵野食,左睇右睇,都係食生牛河!加兩蚊要埋罐coke light!四十蚊餐飯,唔算平但又唔算貴,最緊要係好唔好食!生牛河既牛肉都真係幾生,仲係好紅,不過浸完湯都熟得七七八八,牛肉好滑,脂肪唔少,河粉都幾好食,唔會鞋口,湯味道好濃郁,仲有青檸辣椒同香葉吊味,都幾認真!醫飽個肚,再落電腦中心買手指!

在朗豪坊看完台灣電影<囧rz男孩>後已經九時半, 肚子餓得作響. 趕快到這裡醫肚~~叫了:1)醬爆蝦丸–入面有D蝦膏咁既汁, 幾香口2)越式春卷–有金不換及生菜附送! 春卷惹味~~讚!3)越式咖哩大蝦檬粉–D湯淡左少少~~麻麻地. 不過D蝦都幾大隻!+2蚊有有罐雀檸~~GooooooooooooD~~P.S. 吃完經過元X壽司, 看見大閘緊閉, 已經收左皮!

曾經喺澳洲食過一次越南人開既牛肉粉店,覺得好好食,返到香港都有時會比較一吓!今次去到金寶,之前都知佢地係一間泰越式餐廳,見有牛肉粉,叫左一碗食!首先:個湯同澳洲有少少唔同,因為澳洲既湯比較甜,佢地就唔係,不過我覺得佢地既湯牛肉味更加豐富,仲好一d!配菜我只係加金不換,生芽菜我食唔到,肥牛幾滑,成個粉都幾好水準!應該係正宗越南風味!最低限度我有feel!

同樣係食粉,呢間都唔錯啦!行完朗豪坊,落左美食廣場食野,不過朗豪坊其實唔係咁好行...見佢派個menu俾我睇,印得d相幾靚,就食左一碗豬柳凍檬,味道幾好,豬柳有香茅味,醃得幾好味,凍檬佢地俾左一碗酸汁我撈埋嚟食,個酸汁做得好好味!加多兩蚊有罐雀檸,梗係加啦,七十一買一罐都要七蚊!下次再嚟幫襯!

已經差唔多兩個月前嚟過,上次係食豬柳湯粉,今次就食左雞絲扎肉湯金邊粉,一碟酸辣雞脚,炸蝦缾同埋蒸粉包!以foodcourt嚟講,今次算食得豐富,因為通常foodcourt都係食一碟飯一碗粉咁..上次試過好味,今次同埋老媽子食!雞絲扎肉湯金邊粉味道好好,湯底一流,加d青檸汁更好食,酸辣雞脚媽子食唔到,因為太辣,食唔到辣既朋友唔好叫!我就覺得好好食,因為我鍾意食辣!炸蝦缾同埋蒸粉包喺九龍城已經食過,都係咁好味!特別係炸蝦餅,啖啖肉,正!咁又一餐!

試食左一碗香茅豬柳湯河,味道ok香茅豬柳炸的!唔會乾,醃得幾好食,份量都唔少,過癮!湯底唔係豬肉湯味,好似係雞湯,雖然好好飲但好似無咁襯!加埋汽水三十八蚊,如果碗粉唔係咁大碗都覺得唔平,不過一碗粉又真係夠哂飽!

到朗豪坊購物,晚飯都喺度搞掂埋!美食廣場有好多選擇,結果選呢間,因為之前食過洗衣街間金寶覺得幾好食,食左個順化豬手湯粉,酸辣湯底味道唔錯,但係我覺得個酸辣汁落得唔夠多,所以味道唔係好夠!不過d豬手同埋牛賑做得幾好,唔硬易入口,特別係豬手!湯好好味!落足料,雖然四十二蚊碗都可以間中嚟食吓!

0係度見好多食評都話金寶0既海南雞飯好食, 於是今日1unch time就去試下啦~諗住呢間金寶應該係大家講果間/其分店掛~~?? 食完...或許我估計錯誤...$46有湯+茶+飯+菜, 中等價錢啦...一整碟的碟頭上, 還是頭一遭.個湯...是鹽水來的...附近的廣華醫院若然臨時臨急唔夠鹽水可以向呢度入貨, 吊住先...講下笑0者. 飲0左2啖, 放棄. 諗住睇下呢碗湯究竟係咩來頭, 於是就撈下撈下, 又俾我撈到2片腍"TSE TSE"的菜乾...莫非...呢碗其實係菜乾湯!?海南雞飯...雞沒甚肉味可言, 幸好食唔到雪味同佢仍算熟的. 大部分肉都算滑啦, 雞脾肉都鞋就死喇...到個飯, 都香0既, 但唔係那熟悉的雞油香味...而此飯既名為泰式的海南雞飯, 我會預期D飯有點椰子同香茅0既味道, 可惜呢碟無...煮飯時用得太多水, 令飯身太腍同黏, 唔知係唔係煮軟了的糯米飯...? 我食0左一半就放棄了...因為實在係太多飯, 飯亦太黏, 我驚消化不良...值得一提0既係佢另上的泰式酸辣汁, 酸與辣都恰到好處, 再加0左少少蒜蓉提味, 點雞都唔錯, 反正D雞無味...呢間, 唔會令我有

食唔飽,走入foodcourt睇吓仲有咩好食!行到呢間門口有個少女派傳單俾我,就同老友二人叫左個雞絲扎肉湯粉..味道估唔到十分之好,初初以為foodcourt只係填肚,但係呢碗粉味詭唔錯,有濃郁雞湯味,份量都好大碗,不過價錢要三十六蚊一碗,算貴價野!下次再試吓其他野!

睇到大家既食評就去試下啦~叫左個豬湯河同生牛肉湯河可能我叫個時無講明要湯河~所以佢比左個凍檬我~我同佢講左之後佢都好NICE咁話~OK,同你換左佢~不過佢就係將我個個比左另一個都係叫呢樣野個個人食好快都出左2個面~返到去~個豬柳都唔錯~不過個湯就一般啦~而且佢地會將D芽菜同D香葉同埋個LEMON放係一個平時係放扒汁的器皿度~ANYWAY,我覺得都幾新鮮既~不過因為佢D湯都唔係好夠熱~咁樣D芽菜宦係唔會好熟LAW都係佢地放曬落去好好多~總結黎講~越棧既面個DISPLAY比佢既靚~越棧既湯比佢既正~總之~都係越棧好~

昨日晏晝落food court食,選擇係呢間既豬柳湯檬同埋韓國屋既牛肉辣麵,兩間都幾好食!豬柳湯檬d豬柳好好味,仲好爽口,湯係好濃雞味既湯,加左青檸汁仲好味!雖然要排隊買,但係好快有得攞!韓國屋都係要排隊,但都係等唔係好耐!我同同事係下面西武既員工,趕時間都會食food court d 野!呢個商場都幾旺!