金寶 (已搬遷) 新店位置

味道清新，有扎肉、燻、火腿、雞肉、蕃茄、酸菜，法包香脆，份量足夠。店員服務殷勤、友善，要再去!!!But 有人食煙......

又參與私房菜，要整蝦子油炆筍，在附近買點蝦子。下午三時許，抽著大包小包，又累又有點餓，見這裡窗明几淨的，就入來吃點東西抖一抖。呢度幾得意，侍應會招呼人客坐下，比埋餐牌你看，但就要自己出去俾錢落單，而最後侍應會幫你送餐來。可以想像，繁忙時間，餐廳內是幾多人在行來行去的。有不少的特色小吃及甜品，但個人而言對麵包夾幾感興趣，就要了個辣牛肉碎麵包夾加杯凍咖啡。麵包夾賣相不錯，牛肉碎望落幾多，係多到瀉出來的樣子，但吃落原來因為法包太少而已。窄身的法包，加上厚厚的蕃茄及青瓜，夾上不少的牛肉碎，一邊吃一邊跌，有點狼狽。辣牛肉碎都幾好味，法包也烘得熱熱的，當然不能與添記的相比，但都算不錯。凍咖啡幾香濃，當交了功課。埋單35蚊，中等價錢，食完再去買咕嚕肉的枚頭。

星期六下午又可以同傻鬼到處搵食. 今日來到金寶食個tea set先. 睇左一陣最後決定食個2人下午茶餐(包2隻雞翼, 1隻蛋,1件迷你煙三文魚牛角包,1件青瓜果醬牛角包2件炸蝦卷, 2件甜點及1杯青檸7-up及紅豆冰)-$52全部食物都令我地2人好失望, d鹵水雞翼及蛋雖然入味, 但過鹵水汁唔得過鹹呀. 2件牛角包都唔好味, d餡料亦不見特別. 最好係蝦卷起碼即叫即炸啦. 甜點都一般. 最慘係d野飲都唔得...簡單既青檸7-up, d青檸都唔多靚...紅豆又煮得唔"淋"....食完後我地2人都無飽既感覺.

Another one of my fav eat outs. On my first visit i ordered a goose liver pate baguette, and they put a lovely big chunk inside.Second time i tried vietnamese sausage wiv pickled veg baguette, that was also nice too.Third time i ate their chicken hoinam style. Really nice rice and chicken, inc soup.You can sit in this restaurant for a long time too, and they supply magazines too.

見佢下午茶只賣20 蚊...仲要有一杯特式飲品送...最重要係佢o既下午茶係至到7 點鐘!!!叫o左3 個set1. 豬柳/ 果醬牛角包..2. 鳳尾蝦+ 芒果西米露..3. 蝦餅飲品就叫o左珍多冰同椰汁冰自助買飛型式...之後再埋位等佢送o黎..個牛角包o黎到o既時候..真係嚇o左一跳...咁的式o既!? 真係可以一啖一過...不過d 豬柳真係幾好味...鳳尾蝦就普通o左d...唔係咁特別...芒果西米露就唔明點解要加幾粒粟米...蝦餅就真係好得...o黎到時仲係熱辣辣...熱到連隻叉都整灣埋...勁!! (都唔記得理合唔合衛生啦..熱到膠都溶埋..)入口彈牙...非常香口..飲品就一般水準...略嫌椰汁奶味太重...見佢有豬柳飯/海南雞飯等賣...都只係35 蚊送湯...應該不失為一個lunch 的好地方..

每個禮拜都總會去一次﹐但多數都係食海南雞飯或者香茅豬柳飯﹐講真多數我都好滿意﹐係有一次略嫌隻雞顏色太紅。d 雞肉雖然唔似一般白切雞甘樣食﹐但好滑﹐點埋魚露食真係好正﹐而香茅豬柳亦好好﹐唔似部份餐廳標榜香茅豬扒但跟一般煎豬扒無分別﹗早期我去食總覺份量極少﹐但近半年已有改善。只於員工方面就非常好﹐每次都有不同的女waitress 熱情款待推介﹐服務一流。快餐店型式﹐唔會有太大要求﹐不過不失。

午茶小聚, 黎呢間"小金寶"食泰國小食. 要左兩個茶餐, 蝦餅同蔗蝦,配一杯泰式特飲, $20一客.上桌後至知, 蝦餅係兩塊直徑兩吋,厚度5mm o既圓餅, 兩口一件, 好快搞掂. 蔗蝦仲搵笨, 三條吋半長o既蔗上面有3mm厚o既蝦膠, 要黎"攝"牙縫...不過有好多雜誌睇, 當黎飲杯野hea下就可以.

香茅豬扒飯幾好食，豬扒有D肉汁，酸辣湯都幾好飲。三文魚卷同麵包夾都幾好！環境舒服，waiter服務都唔錯不過貴o左少少，一個香茅豬扒飯連湯要$35

我前前後後都係呢間金寶食過超過十次.講真, 以一間小店0黎講, 服務真係好好. 最少侍應有禮貌, 亦好有笑容.但係近來0的食物質素真係差0左.好似鎮店之寶海南雞飯.0的飯都仲算ok, 但係0的雞真係食唔落, 又唔熟, 又咬唔入, 仲要成舊肥膏吊吊下, 好嚇人呀.另外0的春卷因為無轉大火先上碟, 咬落去全部都係油.之前幾個月0的食物都算唔錯0既.希望佢0地可以改善下0拉.否則一間好0既小店就會消失...

前後黎過兩次~第一次同gf黎, 六點零鐘:香茅豬肉條- 基本上只係將香茅豬扒切條, 味道都ok, 份量亦足!另食左兩個泰式糕點, 一個係芒果味, 另一毎唔記得了, 不過好乾, 唔好食...=============我是分隔線=============第二次同細佬黎, 因為上次睇相好似好正, 叫左兩客海南雞飯, 配酸辣湯~賣相就好靚, 細佬話同泰國食到的很唔同, 係"難食"好多, d飯食到佢好濟, 最後一半無食到...佢標榜新鮮雞, 我覺得d雞有d腥, 同埋...肉少得可憐..大部份都係骨...至於個湯, 一般啦, 不過不失咁~Overall, 無下次了~

今晚本來想去旺角禮賓閣餐廳食海南雞飯，但係點知無左(應該執左啦)，因為我個好朋友話好食，跟住就黎左金寶小食店，因為都聽聞呢間海南雞飯幾ok。其實我幾鍾意食d飯(可能我幾like泰式)，而d雞都幾多幾大舊(女仔就應該食唔晒)，不過我就覺得d雞可以"林"番d...總括黎講，味道、價錢、環境...想食泰式海南雞飯都唔錯既...

仲諗住夾位金寶之名，應該唔差，誰不知......如果美心的海南雞飯是最低標準的話，那麼，這店的水準是低標準兩級。我從來不見識過沒有雞味的雞的及沒有雞味的海南飯。朋友點了烤牛肉大蝦飯，肉碎僅夠，大蝦只算是中蝦還是得一隻。全晚，像樣的東西只有套餐的酸辣湯和蝦絲卷，後者也乏善可陳。認真的說，不要來，有心吃就去九龍城。

一直都好想試一試這些越式包的滋味,點知好失望,入面的肉好鹹,個包又韌,一點都不脆口,正常法包如果係新鮮一定會脆,隔了夜就韌,都唔知係咪咁所以韌呢? 好彩只叫了半份($13),之後食了金瓜糕,又甜得濟..不用再來了~ P.S. 食食發現身邊牆好大條蟻路, 好唔乾淨呀>.<

食過眉豆，紅豆，金瓜同芒果，只有紅豆較好吃，其他就真係好麻麻～環境ｏｋ，幾好座，又有ｄ雜誌睇下，係ｄ冷氣凍左ｄ啫！

4月4日食畢神魚,去了花園街買點東西,在乘車往尖沙咀之前,看見這裡有點吸引,尤其是海南雞飯,於是決定去完尖沙咀,就屈回來食飯(反正也要回旺角轉車回家嘛)這間食店的名字已聽了很久,惠顧倒是首次,這裡是半自助式的,買票後便有專人送上吃的,這夜吃了這些:我吃的是海南雞飯,但個人認為叫作泰式比較貼切,不過名字是什麼也好,食味是最重要的,不過這個食品認真麻麻,我先喝一口冬瓜湯,其實清清地也算不錯,但一口之後,相信它是品牌雞湯加冬瓜而已,之後吃一口雞飯,顏色有點古怪,似是而非的啡,又可稱得上是黃色吧?飯也不太行,不夠熱之餘又爛了點,至於主角雞呢?好一點啦,不過也是古怪的,一半是嫩滑,另一半可是有點鞋呢!可能是給了不同的部位關係吧!友人吃的好像是什麼豬柳飯的,吃了一件豬柳,也是不太行,炸得乾了一點啊!我們吃完飯,還有位置放下甜點,見這裡有糕點販賣,於是又叫了幾件試吃,其實三塊錢一件是很抵吃的,不過四件之中就只有眉豆和紅豆較好吃,金瓜和綠豆就麻麻了,尤其是綠豆,吃下有一股怪味,差點想吐出來,如果數最好吃加最特別的,可算是眉豆了.還有這食店有越式麵包售賣,本來想找一天來試試的,不過我對於這晚的出品不太滿