金寶泰國菜館 (已搬遷) 新店位置

好耐無去探 "爆醬蝦丸" 了, 記得上一次老細帶成班同事去食, 已經係一年前今次再食, 要同幾粒可愛圓碌碌的蝦丸影番張大特寫先 蝦膏比上次少, 不過一樣好味! 仲食左蝦刺身, 冬蔭功, 辣豬手扎肉湯檬, a菜, 芒果糯米飯!介紹大家飲個冬蔭功, 個冬蔭功一路煲一路飲, 要煲到滾同好熱先夠好味, 提議叫侍應落多啲芫茜, 會令到個湯更香, 煲湯有兩隻大頸蝦係入便, 蝦肉索左湯味, 味道好甜, 肉質爽實, 第一隻食好爽, 但煲到滾之後食第二隻已經煲過龍, 蝦肉已經變硬豬手扎肉檬可能加左辣椒油, 加上豬手出油, 成碗粉感覺比較油, 一般... a菜都係要小油比較好, 我地食個碟都係太多油..因為之前去食, 已經俾左個笑俾間餐廳 (因為蝦丸太好食), 今次除左冬蔭功比較好, 其餘有兩樣都多油, 所以俾個ok就算初初以為無人等, 原來等位要去前面果間, 眼見有三十幾人等位, 但不過只係等五分鐘就有位, 可能枱多, 消化能力強!

食泰菜, 五個人得到了共識---金寶!生蝦刺身, 咖哩牛腩跟蒜蓉包, 炒芥蘭, 香葉炒豬肉碎, 泰式拚盆, 就算我唔講好多人都耳熟能祥, 金寶做得當然不錯, 要不是會做了多年都屹立不倒, 雖然而家比以前無咁多人等位, 但久不久都見人堆在門口不過今次覺得比較新鮮係個鮮蝦卷, 這個菜式相信唔係咁多人識食, 起碼眼見附近無一枱係食緊, 但我覺得味道認真唔錯! 特別係點個魚露食更覺可口! 米紙包住生菜, 蝦肉, 檬粉, 豬肉, 香葉, 係一個凍食的菜式, 如果去食可以叫嚟試吓啦!

今日搞大食會, 慶祝表妹考到車牌, 從吉之島買回來了多盒三文魚, 吞拿魚刺身, 不過阿哥就去o左金寶買o左一盒生蝦刺身的外賣估唔到, 盒刺身最大的貢獻, 係盒酸辣汁 上次同阿媽去食金寶, 都無叫蝦刺身食, 因為媽媽都唔食生肉, 不過原來阿哥一直都係金寶的捧場客! 而且仲係蝦刺身的忠實擁等一盒生蝦有九隻, 用冰墊住個底, 但其實作用不大, 因為蝦已經唔係好凍, 蝦肉都幾新鮮, 不過因為已經唔夠凍, 所以d肉淋o左, 無咁好食但係個汁就, ichiban!!! 好好味, 好刺激, 指天椒, 蒜頭, 檸檬, 溝埋一齊, 勁開胃, 我用嚟點三文魚食, 好食到... 不過食完個口勁辣..!!下次買刺身食, 一定要去買生蝦的汁, 唔知有無得買淨汁? 有就好喇

今晚跑馬, 有點奇怪, 因為通常都係星期三晚跑, 但今日係星期四...嚟食仲有另一個原因, 對面係投住站 所以有心水即刻可以走去買不過今晚大伙兒對食物質素都幾滿意, 叫o左咖哩蟹, 泰式炒粉, 炒咸魚芥蘭, 扎肉粉包, 越式春卷, 四個人食, 份量差唔多咖哩蟹幾正, 個汁有好重椰油味, 送飯一流 蟹肉結實, 都算鮮美! 泰式炒粉都幾乾身, 之前去過某間食成pet野, 金寶的就味道幾好! 芥蘭就多油一d... 扎肉粉包同春卷都唔錯, 兩者都用個越南魚露點嚟食, 個魚露做得好好味, 有檸檬味而唔係醋味, 開胃好多飯後甜品係..." 食白果"... 一場馬都中唔到, 而家d馬... 越嚟越古惑..

母親節的晚飯, 係同男朋友同我媽媽食, 地點係九龍城金寶泰國菜館等位就必然了, 母親節... 一百個人在門口等, 有人鼓譟, 但大家都明白, 所以都沒有不愉快的事, 等了三十分鐘, 有得食, 大抵因為五間舖, 枱多唔使等咁耐啦因為得三個人, 所以叫了不多, 計有冬蔭功, 炒通菜, 蝦膏炒飯, 同埋蒸粉包, 仲叫左一杯龍眼冰飲!冬蔭功味道可說是我吃了咁多間之中最好味的一間, 湯入面有兩隻大頭蝦, 可能蝦頭有膏, 一路滾一路飲, 覺得越嚟越重蝦味, 而且煲湯夠酸, 夠辣, 好夠味! 蝦膏炒飯料就有好多, 有肉鬆, 雞蛋, 立腸, 但係雖然多料, 覺得溫度唔係好夠熱, 有炒定先之後有單畢出嚟的嫌疑蒸粉包我大力推介食家們一定要試, 粉包入面的餡做得好出色, 有豬肉碎, 雲耳等, 但不知用了什麼方法調味, 味道幾好, 不過最欣賞其實係個皮, 做得很薄, 加上個魚露實在十分美味, 所以如果去金寶, 唔食呢味真係好可惜!炒通菜一般啦, 我覺得比較多油! 最後要提係杯龍眼冰, 超大杯, 仲好好飲!雖然叫的餸唔多, 但係媽媽食得好開心!

尋晚老豆生日, 諗住一家人去呢度大擦泰國菜, 點知出事...點了串燒, 烤豬頸肉, 粉絲什菜煲, 醬爆蝦丸, 燒雞, 老闆炒飯, 越南春卷,串燒 - 勁乾, 無肉汁, 出面求其一間串燒店都好味過佢,烤豬頸肉 – 普通貨色, 細件, 份量少到一個人食哂都嫌少粉絲什菜煲 – 好細煲, 真係一人一柱就冇, cheap…醬爆蝦丸 – 原本係我強烈推薦的, 點知一年多冇食, 再來試已經唔再好食…燒雞 – 勁乾, 唔好食,越南春卷 – 媽咪話d饀好似變壞咗老闆炒飯 – 最唔掂係呢個, 真係細碟到一個人 食都嫌少, 只係豆角同扎肉炒飯, 真係唔係點解可以咁差…整體 感覺好小家, 我寧願佢加價, 但係番應有的質數同份量….. 一定冇下次唔怪得, 條條街都排隊, 得佢唔駛排啦...

雖然我勁love thai菜，而金寶又開到成條街都係，但今次的確係我第一次黎食，個fd介紹左醬爆蝦丸俾我食tim! 但其他串燒同咖喱蝦都麻麻地~呢個醬爆蝦丸真係推介，又熱又脆，入面d蝦膏爆出黎認真爽~~~辣親小嘴嘴tim~@但係d串燒就普普通通， 係九龍城黎講，真係普通左dd! 而個咖哩呢，太多椰奶，雖然好香，但食落就過左火lu~~~

今晚同阿哥家姐阿媽四個人去食泰菜, 揀左出名多明星去既金寶因為係家姐生日, 所以叫左幾多野食, 包括冬蔭功, 咖哩蟹, 炸蝦春卷, 泰式豬肉沙律, 串燒沙爹半打同炒通菜冬蔭功好味, 辣, 酸都係高程度的, 煲滾嚟飲, 仲有香濃蝦味, 推介! 咖哩蟹好大碟, 雞蛋做的咖哩汁有椰香的味道, 用來送飯好開胃; 春卷唔錯, 泰式豬肉沙律即係生菜包, 太辣了, 我食唔到串燒沙爹雞肉係三種之中最好食, 豬肉有d鞋... 炒通菜ok一條街有五間舖, 都幾誇張

We were always watching Michelle Lo's eating program, and the fried shrimp ball was really tempting and ... that's why my dear suggested to have a kowloon city tour and the district tour was a regular function once we had long holidays.We had fried shrimp ball, pan fried phad thai and vietnam coffee... *Vietnam... should they call themselves South Asian cuisine instead?" Fried Shrimp Ball - big big fried ball looked very tempting and served very very hot ... had to took small bite. It really did

嗰晚叫咗一個醬爆蝦 丸、炒貴刁、同一碟豬頸肉。其它嘢唔洗講無乜等別，係個醬爆蝦丸真好好味....D蝦膏餡好多....

流落九龍城都唔知一個人食咩好, 行到金寶泰菜門口, 唔想再行, 於是就入去諗住食碗粉就算侍應俾左個餐牌我, 改變主意想試吓炒河, 應該會夠飽d 就落左個干炒豬肉河! 炒河好大碟, 見到張相嘛.. 有d後悔.. 點食.. 味道不俗, 有鑊氣呢, 主要調味料應該係豉油, 加上雞蛋, 紅蘿蔔, 芥蘭豬肉炒成, 豉油帶一點甜味, 幾好食, 唔會太咸..不過要彈係芥蘭, 好多都係花, 攪到剩哂d花.. 心理上唔鍾意食花, 因為怕污糟! 點解唔俾葉我食如果唔係味道真係好, 已經無笑面俾, 同左侍應投訴, 佢話下次唔敢 p.s. 食食吓先知, 原來金寶有好多間, 喺餐紙上面發現, 下次要去旺角d分店試吓先..

今晚同女朋友食泰菜, 慶祝一週年嚟到之前成日嚟既金寶, 食左餐勁!! 先嚟冰凍泰啤一枝, 預備食辣野周身汗.. 女友鍾意冬蔭功, 就要煲細既, 侍應叫煲滾先飲, 會更好飲, 試左一啖未滾, 得個酸字, 滾左再飲, 真係香好多!咖哩蟹配蒜蓉包, 蒜蓉包勁脆, 麵包真係好好食, 不過蒜蓉味唔係好重, 如果只食蒜蓉包就一般, 咖哩蟹蟹肉好甜, 不過個咖哩汁咸左少少, 扣少少分!試左個特色金邊粉, 侍應問要唔要試吓乾撈, 一試原來幾好食, 有蝦米, 扎肉同蝦, 不過金邊粉用甜豉油嚟撈味道唔錯, 都算無介紹錯!煎蓉a菜超多蒜蓉, 菜炒得幾有鑊氣, 食完攞一早預備好既介指仔送俾女友, lum 哂p.s. 本來想把食物命名, 但電腦short short 地, 只係得蒜蓉包有名... 不過大家都知係咩啦

尋晚一行八人, 因為睇到呢間餐廳食評好, 所以特意來幫襯。我地一共叫左10樣野泰式炒通菜 完全無味...... 份量一般波羅焗飯有些少波羅味, 但唔似係焗既, 應該係煮好飯再擺係波羅度.份量又係超少一人半碗都搞掂. 佢隻碗仲要係細隻個種 .............= =蝦膏炒飯又係無味既.........又冇咩配料, 有幾塊臘腸咁唔推薦叫大拼盤呢個幾推薦叫大既一班人食都幾好蝦餅幾好味, 啖啖蝦肉。串燒都唔錯串燒呢個直情冇黎到.不過都好, 因為樣樣都唔係太特別好味, 唔黎慳返= = 大冬蔭公裡邊有幾隻蝦.有蕃茄味, 落左好重椰奶, 所以成個湯都係酸同甜 完全唔辣.........我本身好鐘意飲呢個湯, 但今次真係失望牛油焗大頭蝦2隻大頭蝦 = 140蚊70蚊一隻 分成12件.黎個陣聞到好香, 食到有些牛油味, 呢個都唔錯既.醬爆蝦丸一點兒都不醬爆但都幾好味既.........60蚊 4粒...... 抵唔抵見人見智炒蜆完全唔辣又唔咸, 蜆肉勁少...... 反而空殼就好多豬頸肉呢個好好食, 但份量岩岩好一人一件咁服務方面超一般.... 因為我地見串燒咁耐唔黎, 就叫佢拎張單黎望下..叫

九龍城泰國菜選擇好多,踢完波之後,大家一致要去金寶食八條大漢殺入舖,坐喺張大枱,係有少少迫(我地係坐近出菜位張大枱),仲有陣汗味..因為八個人既汗加埋菜色如下:粉絲蟹煲: 係一個大煲焗,粉絲好味,吸哂d蟹汁,送飯一流!不過蟹肉乾身少少!生蝦: 叫左兩碟,一人先分兩隻,其實唔夠喉,因為真係超好味!牛油焗大頭蝦(大): 兩隻大頭蝦開邊炸,總共變成十二件,好香口,牛油味用嚟配蝦都幾好食,呢個都係推介!老板炒飯: 有咸魚粒,芥蘭粒,薑絲同椰子心 (問侍應先知係椰子心,以為係沙各), 好味,鍾意佢乾身同有咬頭!濕炒海鮮河: 勁多汁,個獻幾好味,因為唔會太杰,而河粉夠熱,海鮮有蝦,魚柳,由魚,仲加埋芥蘭炒,正!明爐生魚: 最好味係個酸辣湯,超級開胃,讚!另外椰菜喺湯入面煮過,送飯可以食三大碗!串燒: 雞,牛,豬各四串,牛肉同雞肉好食d,豬就乾左少少...泰啤四枝,椰青四個: 食辣野之後必隊之選!踢完波之後既好去處,期待下次再來

尋晚落九龍城金寶泰國菜館吃晚飯,三人行八點半到,店裡唔係好多人,可能係星期一的關係吧~朋友聚餐,菜式包括了冬蔭功(小), 咸魚芥蘭, 泰式拚盆, 活蝦刺身, 菠蘿炒飯同芒果西米露, 西米糕~ 三個姊妹都係無辣不歡既口味, 先上桌係道活蝦刺身, 八隻蝦一碟, 蝦肉幾爽口, 酸, 辣汁很辣很刺激, 食到我地喊過癮 蝦肉有點像海蝦, 好似有些海水味, 同餐牌介紹既用草蝦好似有些出入, 不過味道又挺不錯啦~冬蔭功(小)係我地三個人大力推介既菜式, 因為真係好好味, 剛上桌試左一口, 發覺好酸, 同埋唔夠熱,於是等佢再煲一陣 當佢全滾之後再飲, 味道就唔同了, 湯夠辣, 可能要煲耐辣椒先出味, 最重大既分別係蝦味濃左好多, 令個湯好鮮甜!泰式拚盆就比較平凡, 串燒燒得唔夠耐,所以唔夠香同唔夠熱, 蝦餅就啖啖肉, 好好食 香葉雞比較多油,味道則合格; 菠蘿炒飯反而唔錯, 個菠蘿係新鮮唔係reuse, 因為我見菠蘿肉夠黃, 好fresh 同埋唔會梅, 唔似再用, 飯粒算分明, 菠蘿味濃~甜品都幾好, 西米露係椰汁底, 槨汁味香濃, 芒果唔酸!這一餐飯,吃得幾開心, 埋單三百廿, 無加一, 一人一