金子半之助 (東薈城名店倉)

营业中

休息中

🥢簡介金子半之助本店位於日本東京，現時事業務已拓展至亞洲各地及美國，以江戶時代傳統口味的天丼風摩全球。店內偏有三款天丼可供選擇，三款亦包括酸姜及醃蘿蔔前菜，並附上黑豆茶解膩。🌟特色- 日本江戶時期天丼👍🏻必試- 天丼：店內三款天丼配料大同小異，同樣包括蝦、海苔、小柱魷魚、莢碗豆及溏心蛋，唯一不同的是江戶前天丼配以穴子、上天丼配以鱚魚、天丼則配以菇菌。是次品嘗了江戶前天丼及上天丼，天婦羅即叫即炸，入口鬆脆，配上秘製醬油，令人回味；穴子天婦羅份量十足，鱚魚天婦羅肉質鮮嫩，兩者亦表現出色，值得一試。💰價錢- 約每人150港幣🎖評分- 4.5/5💫請follow Instagram ar_roan以獲得更多美食資訊

江户前天丼套餐，份量多，包括有江户前天丼、漬物、味噌湯；江户前天丼，6款天婦羅菜式連丼飯，30cm大尾穴子天婦羅，星鰻天婦羅，肉質鮮嫩、厚肉，原汁原味，味道鮮甜；海老肉質爽口，食落鮮味十足；小柱魷魚天婦羅餅內有魷魚、扇貝柱粒，魷魚肉質Q彈，扇貝柱粒口感彈牙；溫泉蛋流心；海苔口感酥脆，食落好香口；莢豌豆味道清甜；珍珠米丼飯配以秘製醬汁食用，味道咸香；漬物包括有柚子醃蘿蔔、醃牛蒡，味道酸中帶甜，食落好開胃；味噌湯味道正宗，內有豆腐、昆布。天丼套餐，包括有天丼、漬物、味噌湯；天丼，6款天婦羅菜式連丼飯，6款天婦羅包括有菇菌、海老、小柱魷魚天婦羅餅、溫泉蛋、海苔、莢豌豆；菇菌食落好Juicy。Suntory Beer The Premium MALT’s，麥芽味道濃厚，飲落好清爽。雀巢檸檬茶，茶香味濃，味道酸甜。黑豆茶，充滿豆香味道，茶味濃厚。

因工作關係，去左東涌工作，同同事今次去左食呢間金子半之助食炸物天丼。餐廳定食選擇不多，以炸物丼為主，每個set都會送味噌湯同漬物，而漬物係酸蘿蔔同酸薑 ，酸蘿蔔好好食，而餐廳有黑豆茶任飲，黑豆茶配炸物剛好可以去除食後解油膩感。我叫左個天丼，天丼的炸菇菌非常香甜，仲有主角炸蝦及配角魷魚 ，炸粉又薄又脆 ，好正及味美。食到半路篤穿隻流心蛋，蛋汁滲入D飯粒内，非常滿足🤩。同事叫左個稻亭烏冬+迷你丼兩食，兩食set 賣相好吸引！仲有個月光寶盒咁既箱放住四款配菜比你自由加落烏冬一齊食，睇見都好開胃。總結黎講，食物質素好高，味道比之前試過其他天丼更濃啲。可以一試

打算去東薈城shopping一番, 當然有氣有力先可以盡情Shopping啦！🤪🤩 所以去之前嗰晚我已經做足功課🥰間鋪頭有d難揾，若由地鐵出，要到二樓再行去新翼嗰邊再咗落一層先到。 但一切都係值得👍12點幾已經開始排隊。 入到去環境舒適乾淨，地方都唔算太大，已經滿座。店員亦都非常之有善。 雖然係食炸天婦羅，但係通風做得好，冇一陣油味👍餐牌選擇唔算多，選咗最豐富嗰個🤩天婦羅丼嚟到好有驚喜！色香味俱全。條鰻魚長過個碗，好新鮮😋。 兩隻蝦炸得好好，肉好彈又有汁。小柱群好香，都有成十粒。最有驚喜嘅就係炸蛋，蛋汁流落碗飯加埋d醬油係perfect match ! 🤪 但唯一唔夠好嘅係... 飯嘅份量唔夠，個碗比較淺，可能大隻男未必夠食。另外一點要提嘅係前菜，個白蘿蔔用柚子醃過，有陣陣清香，抵讚👍總結，一次好愉快嘅午餐。埋單大約hk$150，雖然唔算特別平，但我會再嚟🥰👍

嗌咗江戶前天丼，都好食嘅，但係嚟到嘅時候炸物已經淋咗少少，有少少失望。雖然係炸物淋咗，小柱魷魚天婦羅餅都仲幾好食，但係穴子就唔係特別鮮味⋯同行朋友話上天丼白身魚好食，有機會試吓。

平時好少去東涌 但原來東薈城都好多野食！自從開咗二期之後選擇更多🤤見到呢間寫住日本全國天丼金賞 即刻比佢吸引住🤩平日嘅lunch time去 等左5分鐘就入到去了全部set都會送味噌湯同漬物 今次嘅漬物係酸蘿蔔同酸薑 本人覺得一般🙈 同行朋友叫左以白身魚為主角嘅上天丼 同埋烏冬迷你丼兩食我自己就叫左以菇菌為主角嘅天丼兩食嘅set好吸引！仲會有個箱放住四款配菜比你自由加落烏冬一齊食🤤可惜無影相😢而雖然天丼無魚得菇菌 但個菇都幾香甜仲有我最中意嘅炸蝦同魷魚 所以都不錯🤤送上嚟嘅時候天婦羅堆到山咁高！好滿足🤩炸粉又薄又脆 唔會有種好熱氣嘅感覺而配埋黑豆茶 解一解膩👍🏻————————————————————————總結餐牌只有四/五個選擇 但全部質素好高😍相比朗豪坊嘅天吉屋 呢度嘅天婦羅炸粉會薄啲 同埋味道濃啲👍🏻但係醬汁唔太均勻 所以食飯個陣會覺得有啲dry不過都可以一試🤤

他們是心思思就要食一間店！日本來香港開嘅QC有保證。一入店舖就聞到濃濃嘅麻油味，係新鮮炸油嘅味道！！飯粒粒分明，明明食天婦羅已經好飽，但係都永遠忍唔住會食晒碗飯。有天婦羅嘅炸醬送貨，適量嘅汁配搭得天衣無縫。最正係嗰粒天婦羅半熟蛋，蛋汁流到飯裏面真係不得了。建議女士食最細個丼就夠，次次都食到好鬼飽！老實講價錢唔係平，但我真係覺得好好食啊！喂呀點解OpenRice唔俾人打分㗎，一定要我寫夠200字先可以打分！OK啱啱夠字數！

日本過江金子半之助〔 天丼便當 〕 $93 .菇菌/海老/小柱魷魚天婦羅餅/海苔/莢豌豆,天婦羅炸得好炸好香口, 佢地既醬汁比較咸同汁方面重手左,.多到一定要送飯食, 湯方面唔會太咸, 黑豆茶都可以解渴.(好味指數: 9/10)

呢個喺日本食過好正難得今次有機會東涌又無咩好食唯有試下過江龍啦點知失望多過期望😞—————————————————基本上得三個天丼你揀由於中島好怕食鰻魚所以都係揀番上天丼炸物包括鱚魚 海老 半熟卵等等唔知係咪太夜去嘅關係雖然無咩人但個飯黎到涼左🙃炸物都無喺日本食到咁驚艷得小柱魷魚天婦羅餅同炸蛋比較吸引炸蛋仲有流心不過都係已經涼左😭好掛住日本啲天婦羅呀—————————————————☼ 上天丼 $118

今日老公帶我嚟到東涌東薈城食天婦羅丼！11點半就到，剛剛開門。舖頭細細，可以容納嘅人唔算多。環境簡約，好有日本嘅感覺。專門食天婦羅丼嘅食店，選擇唔多。我同老公每人叫左一個江户前天丼，另外叫多左一個菇菌天婦羅。一個set 仲有前菜同埋味噌湯。見好多人都批評話個碗飯好細，雖然佢隻碗下半隻係實心，但其實都好夠飽。 講返正題，天婦羅水準發揮正常，幾好味，但無令人驚艷嘅感覺。如果汁另上會好d，因為出餐廚房幫客人加左汁，但就令天婦羅唔脆，淋哂，成個experience 就差左。呢個菇菌天婦羅嘅汁分開上就好食好多，可以保持返新鮮嘅感覺。環境，食物，服務都算唔錯。食完12點四五個字，已經有人唔少人排隊luuuuu

一入到去店員好有禮貌，坐低之後每台都有煎茶，茶入面仲有黑豆好特別☕️全餐豐盛炸物 $138呢個有炸魚、炸蝦、炸帶子、炸紫菜，一路食配埋隔離嘅麵豉湯酸菜同煎茶減油膩🙌🏻野菜天婦羅 $100 入面有炸紫菜、炸豆角、炸蝦、炸魷魚、同3個炸菇幾好食😋

行完山最適合補充能量，因此走完蓮花山後便到東涌吃飯。因為住在大嶼山，所以已經吃過幾次金子半之助。除了第一次吃時叫了江戶前天丼，其餘幾次我都是叫稻庭烏東及迷你天丼，因為江戶前天丼實在是太太太膩了！雖然飯量並沒有那麼多，但因為星鰻始終是鰻魚的一種，而鰻魚又是一種極多油分的魚類，再加上這星鰻是天婦羅，以油炸的方法料理，因此這江戶前天丼實在不適合胃口小的人吃。說真的，我自己覺得這江戶前天丼其實沒什麼特別（除了那極長星鰻以外）。蝦很「實」，不夠彈牙，甚至有一點老，不太好吃。其他的配料如荷蘭豆、炸蛋、紫菜很普通，荷蘭豆吃起來像是吃炸粉，因為它很薄，紫菜也有著相同的問題，不過跟荷蘭豆不同，它吃起來是軟軟的，好像在水裏浸了很久，只有上面的一點點粉漿是脆的。蛋雖經過油炸，但其實是溫泉蛋的質感，戳破後蛋液逐漸流出，可以伴飯吃。星鰻的質感較紮實，吃起來不會太油，不過它很厚粉，吃時我一直想我在吃魚還是炸粉？？？🤔金子半之助的天丼是有加醬汁的，不用另外沾醬。醬汁甜甜鹹鹹，但沒什麼特別啦。最近一次吃就叫稻庭烏冬加迷你天丼。先說說烏冬，這烏冬是正宗的稻庭烏冬，主要是吃它的滑嫩感，而不是讚歧烏冬的彈牙（所以超市或街市

今天放假去了東涌行街順便食午飯，看見不用等位便試試那間所謂日本出名的天婦羅🍤。看見店內人來人往，心想應該不太差吧！店內餐食選擇不多，我選了上天井，等了一陣子，食物來了！首先味噌湯好鹹，接著發覺個碗是好大但原來得一細碗飯，炸物尚算多但全部一樣味道，表面不算太厚但不脆，不知道是否趕時間出餐的關係，感覺是炸不熟透和食到千年油炸味道⋯⋯其實整體都算飽肚但不會再有下次。根本就是港式扮日式，性價比不高PS店內職員服務態度正常的

今日揸架車去遊車河，走去機場方向便不感好想去鄉下（日本），每次去日本outlet，到會食天丼再加杯凍啤酒，真係好懷念。所以search下邊度有得食，發現東涌有天丼食，則刻仆入去。可能疫情關係，唔算多人，叫了一個江戶前天丼和上天丼，炸皮真的夠簿，有日本中等天扶羅味道，份量都幾十足，炸穴子好大條，不過魚味一船，應該都係急凍貨，炸蝦還算可以接受，最出色係炸旦，炸紫菜和炸魷魚，好感十足，好滿足的懷念日本的風味。

真係好掛住日本呀，今次特登同朋友嚟咗呢間日本過江龍食天丼嘅餐廳，顧名思義即係天婦羅嘅飯係飯上邊鋪滿左各種唔同嘅天婦羅再加上秘製嘅汁，唸起都想食！我哋每人都嗌左最多野嘅江戶前天丼，分別有穴子即係鰻魚，蝦，魷魚天婦羅，紫菜同埋最正嘅溫泉蛋，由於係即叫即炸嘅所以都要等五至10分鐘。黎嘅時候店員仲好細心咁教我哋可以首先試左飯嘅味道，之後再將個溫泉蛋篤穿連埋啲汁一齊食好鍾意溫泉蛋嘅我就梗係要連埋蛋一齊食啦佢個秘制醬汁連埋啲天婦羅同飯一齊食真係好正，食材新鮮，一定唔會翻炸除咗飯之外每個飯都會跟兩種唔同嘅前菜，酸酸地好開胃同埋日本野必備嘅麵豉湯。另外仲可以嗌啤酒或者汽水飲，唔飲甜野嘅亦都會有特別嘅黑豆茶，又飲落都幾解油架