金多客小食 (已結業)

天气凉凉地,酒楼又唔想食, 就试下兆禧街市嘅大排档. 虽然呢个街市好细,而且冇乜商户, 但就有一间餐厅真系炒到以前港式嘅味道一个小菜连白饭加可乐,收65蚊, 今次我就要咗个椒盐肉排, 其实可以唔要可乐要例汤, 但话明港式风味,就梗系要杯可乐啦. 嘢食好快就到喇, 原来佢唔系肉排嚟㗎, 系椒盐猪扒咁样 咁都好啲, 起码有嚿肉食下. 目测份量大概有三块猪扒左右, 虽然食得出系落松肉粉, 但佢系好有 镬气咁炒, 因为好够火候, 所以食落好惹味 真系难得一见, 好香港大排档𠮶只镬气嘅小菜, 好食…查看更多

呢间应该叫佢做冬菇亭式食肆，系我食早餐嘅首选，讲真，环境就麻麻地嫁啦，但胜在早餐好好食，你去食过，就会觉得佢哋煮得有诚意。我通常都系食沙爹牛面，配个吉列猪扒，个面嘅汤底唔似一般茶记，仲会落埋葱花，而块吉猪，成块面咁大，热辣辣，香口，试过like, 块多士都好食过人，如果你钟意食五香肉丁，就啱晒你，你会明显见到佢煮过，唔似部分茶记，开完个罐头就加落啲汤，等啲汤热熔啲肉丁酱，最后系杯奶茶，可能因人而异，但我就好钟意𠮶啲茶涩味，不妨一试。…查看更多

今个星期就试下哩间隐居喺残旧小街市的小食店，唔睇openrice都唔知有间小食店，我同老公一睇张餐牌，都觉得意外地有点小贵😮💲，两公婆叫了2个小菜，落单后3分钟左右，碟“虾仁炒蛋”就出现了，好快，而且都大碟，食落口啲蛋都几香滑，够镬气，啲虾都唔孤寒，哩碟“虾仁炒蛋”几好💯!! 跟住就系“咖哩牛腩”，相比起碟“虾仁炒蛋”，哩碟“咖哩牛腩”就细碟得多了，而且入面冇落咖哩嘅精髓：薯仔🥔!!! 咖哩点可以冇薯仔㗎!!!😭 取而代之嘅系青豆同粟米粒🌽，真系未试过哩个食法😂 不过其实味道都ok嘅，又唔会太辣(我唔食得辣)，系衰份量少同材料唔合格啰❌。2个小菜送2碗白饭🍚同2碗汤，汤大大碗，又落足料，都几好味的。…查看更多

坦白讲，天气热真系唔会走嚟呢度食，所以夏天生意应该争啲，不过见今日出面有啲风，所以就过咗嚟食，因为呢度冇冷气，不过有人情味，佢嘅位置系喺兆禧街市入面唯一一间餐厅， 餐牌上可以见到中午同夜晚食小菜嘅价钱唔算贵，款式又多。早餐亦有很多选择， 味道都唔错，强烈推荐早餐~吉列鱼柳和吉列猪扒炸得非常松脆，好吃热辣辣的。牛扒够大块，地道街坊餐厅，真心推介。但唔好介意地方一定冇咁整洁，40蚊食到个午餐，出面好多地方都揾唔到了。…查看更多