金堡茶餐廳

营业中

休息中

7-1-2011Lunch 繼續 mou 茶餐廳, 是日近近哋嚟到七喜 (http://www.openrice.com/restaurant/commentdetail.htm?commentid=2130845) 附近呢度, 簡簡單單食個特餐就算.火腿奄列:「油」係意料之內, 煎得外有點皺皮, 不過劏開後都有少少蛋汁的, 食落味道正正常常, 填肚可以的.多士 (加 $1): 烘得夠, 配上微鹹, 份量亦夠的牛油, 幾好食.雞扒公仔麵 (「雞扒」要加 $2): 公仔麵煮得腍了少少, 不過都唔及雞扒層皮咁腍, 軟撻撻又無味, 間中仲黐住一舊舊肥油, 第一次食雞扒食到要「去皮」 雞肉就預期中的嫩滑.熱奶茶: 呢個就幾唔掂, 飲落只有奶味, 但又澀澀哋, 真係 埋單 $31, 趕時間, 胃口不大, 又要求不高的話, 一試無妨.

七月下旬．晴醫生說，在體力不足的情況下操練，是會受傷的。但，醫生，我號到喎？醫生話，總有一天你會有心無力，即係夠氣，但不夠力跑。明一半，不明一半的我，唯有堅持繼續每天吃早餐，不要skip。當然，早上因為一定要喝咖啡，所以也要吃點東西「墊」一下，來了這間早晨的旺場，要了件餐蛋治烘底。多士烘得過硬，得個脆字，不過，都還好過未烘夠時，韌韌的口感。蛋不鬆，餐肉煎過，有點心。熱咖啡似是即磨的，不是茶檔格式，沒所謂，有得飲就得。勉力的吃完一份，飽到下午也不覺餓。

唔知點解師傅食完個瘋薯後, 好快又肚餓, 可惜離開監房嘅時間又要好夜, 點算好? 唯有諗諗計, 最後決定蛇一蛇, 拿拿聲去快食一餐啦!於是就近近地揀左呢間食店, 一坐底即刻睇下有咩食, 最後柯打左一碟豉椒排骨飯, 餐飲就要凍檸茶, 仲有例湯送添!例湯味道唔錯, 清清地冇味精, 可惜師傅唔記得左係咩湯; 再等一陣豉椒排骨飯就登場, 賣相唔差, 試一啖發覺豉汁味夠香, 而天椒亦辣, 夠搶口, 加上排骨份量勁多, 肉身夠鬆, 幾好味, 師傅收貨啦; 而凍檸茶味道就一般, 不過不失亦無驚喜!總括黎講食物質素唔錯, 環境就普普通通, 不過都叫幾乾淨, 服務就可以啦, 價錢就可以接受, 三十三蚊加兩蚊凍飲, 晚餐都算抵食; 對師傅黎講呢餐晚餐最緊要係就腳, 所以難得有間咁嘅茶餐廳, 都算係對師傅一個好消息啦, 笑臉值得一比, 但希望仲有機會再黎啦!

琴日去書展入場前食個早餐醫肚先~一人叫左個早餐我要麥皮+奶醬多+凍檸水 (我第一次食麥皮=0=)妹要腿蛋治+凍啡媽要牛麵+火腿煎蛋+熱奶茶我個麥皮先到我之前未食過所以好期待但係一入口...我覺得唔好食-_-之後迫住迫住食多幾啖食到想嘔=口=媽咪食左啖佢話好ok,咁姐係好味啦,係我唔識貨=3=奶醬多...多士烘得岩岩好好多奶好多醬 好味!!其他食物~個個都話{ok}姐係唔錯啦~呢間餐廳都ok去書展前食個岩晒

睇完展過黎食，果然係個雪房。叫左碗雲吞麵，雲吞都okay，不過辣椒醬唔辣又唔香，碗麵D湯又冇味，又唔係清湯，比較失色。22蚊連熱飲，下午茶貴左少少。

去貓展前o黎食個午餐，入到去簡直是個雪房及煙竇。我同老公都叫了個特餐，不過我係叉燒湯意，佢係沙爹牛麵。我的叉燒湯意，叉燒雖然多，但勁實勁"鞋"，意粉就唔錯，不是腍腍的。最好就係附送幾條青菜，因為好少茶餐廳會有的。牛油方包加火奄烈，是一般茶記的通病，奄烈太多油。奶茶唔太掂，冇乜茶味，是一杯不合格的港式奶茶。今次只是路經，因為沒有下次。

下午茶時間想試新茶記，金堡唔算新，但開左咁耐始終都未試過，就叫一叫外賣試吓啦。要了一個乾炒牛河，連茶啡都只係$22，附一小包辣椒醬，忘記了落，結果味道是淡的。炒得還可以，不過多油了點。乾炒牛河─不健康食物之首，少吃為妙。

這幾天都要在會議工作, 所以都會在附近搵地方食早餐. 今天要來一個豐富早餐事關無3-4時都唔可以食第二餐...叫在個b餐..沙茶牛肉麵+牛油麵包+餐肉炒蛋+凍檸茶.($20)...都算唔錯啦...只係覺得個牛油麵包唔夠鬆軟啦.我見到佢地仲有一款早餐有茄汁焗豆...下次一定要試先

冇錯，今次要介紹既沙爹牛肉麵餐。今朝早餐都係公司附近KO，但不是平常去開的，於是隨心隨意行到這間，也是第一次入這間平民港式茶餐廳。睇下個餐牌，早餐貴左些少，平均貴左1蚊咁多，少少已經好覺得，租唔知幾多錢呢？好彩來的時候分量與價錢仍幾合理，麵量及有根的牛肉比其他茶餐廳略多，至於餐肉，不知是否大廚手震，還是剛剛到邊位，厚得來還斜了少少，杯凍啡仍然係凍啡，例行公事。

謝斐道茶餐廳林立，競爭很大，價錢鬥得好平，月前在會展做野，收到這裡的傳單，一個小時前落訂就免費送貨。午餐日日有六款選擇，炒粉麵又係六款，包熱飲前者26蚊，後者30蚊，算幾平，起碼唔使捱會場的貴快餐。小炒就好食過一般午餐，份量幾足，多數食得飽。