金城茶餐廳

营业中

休息中

去到大圍必食金城茶餐廳🔥「招牌生煎肉餅飯」🍴係毫不起眼的店製作既呢個飯絕對係沙田區識食之人的心水之選.「招牌生煎肉餅飯」確實無負「招牌」這二字那塊厚厚既肉餅經猛火「生煎」後成外層帶著焦香內裡係肉汁豐盈飽滿肉餅.其實金城除了「招牌生煎肉餅飯」仲有椒鹽豬扒飯 香醋豬扒飯都係開胃可口既簡單美食感受一下這家紮根大圍20多年的街坊茶餐廳的情懷 .

大圍積福街地道美食個人認為多年來均由四大家族群雄各據、有坤嫂、華哥、漢哥、最後呢間 為城哥「金城茶餐廳」 堂食餐牌價錢不過$75，良心收費、誠意出品、入到去貼滿佛偈、獨L 靜心之地入到去「男人的浪漫」孖寶：椒鹽豬扒飯炒底 X 煎肉餅一件。 椒鹽不是坊間純粹放一些胡椒及鹽就是椒鹽，而是走過油爆香、配自家醃製豬扒，鬆軟無比、加上鑊氣香噴噴抄飯底，天上人間的美味、吃得辣的朋友強烈建議加上自家製辣菜脯，脆卜卜、鹹甜適中、新鮮炒製、不含防腐劑添加成份、放雪櫃能保存一個月、堂食加上帶走一樽回家享受是必須的、煎肉餅淨食乃是名物、去到金城不吃煎肉餅等於去到北京「不到長城非好漢」我又食又拎，一盒辣菜脯一份生肉餅$300不到， 我就覺得好正啦、 你呢？ 😄😄😄

「大圍名物」🩷馳名「生煎肉餅飯 」自從搬咗去沙田區之後，每個月都總會有一次，嚟食返個生煎肉餅飯😋我係一個超級愛食肉餅嘅人🙈真係唔係度度都有生煎肉餅🐖嗰塊肉餅質感厚實，肥瘦適中，熱辣辣咁樣煎出嚟，肉餅最出嗰層仲脆脆地，食落去好香口！最重要嘅係要配佢嘅自家製辣菜脯👍🏻 冇得輸！一定要加埋！除咗咗肉餅飯之外另外一個招牌菜就係椒鹽豬扒飯😍每次入到去啲人多數都係食呢兩樣嘢🤣📍金城茶餐廳📍地址: 大圍積福街84號地舖

已經幫襯金城六年多了，當初被佢嘅椒鹽豬扒飯驚艷到，就係咁種下了情意結。🉐椒鹽豬扒飯識叫一定係叫炒底，再配上店舖自家製嘅菜脯，簡直一流！呢度嘅椒鹽豬扒係有少少濕，又有蔥油，所以食開乾身嘅可能會覺得太油。🉐雪菜火鴨絲湯米粉之前嚟都係食飯，見到好多人都叫呢個米粉，今次就試吓！一上碟就覺得好足料，超大碗，最欣賞係火鴨絲皮係脆的，如果火鴨絲份量可以再多啲更加好！見到有不少人留言投訴店員的態度惡劣，個人經驗覺得夥計態度不過不失，唔係太好，又未至於冇禮貌，只能說係一般茶餐廳服務吧（催你落單，見你食完就嗱嗱臨收碟嗰隻）🫢

熱奶茶冇茶香，只有苦澀味，用銀色小朋友杯裝住，女侍應送嚟時話多奶，但仍然係深褐色。飲咗好苦難飲，同帶鄉音白臉中年婦講話想要多啲奶帶鄉音白臉中年婦唔答掘咗我一眼，再加嫌棄表情，叫水吧員工俾罐用緊嘅淡奶，燶口燶面叫我自己加到夠，眼睛睇住我加幾多帶鄉音白臉中年婦態度霸氣，呼呼喝喝，講起煙包冇人買，拖緊地7、80幾歲嘅阿婆員工，加嘴搭訕，話佢你又唔係姓董嘅．．．坐喺度嘅70歲嘅嬸嬸都無出聲，結果阿婆腼腆尷尬繼續拖地干炒牛河好油好油，幼河粉，茶餐雞翼只有兩隻無味只有燶，西多得半件都係無味，熱奶茶苦澀味重無茶香筒上兩把餐刀都有幾處手指油印顧客俾機會多次光臨，過往嘅水準有時可接受，未算差到好似今次，食物奶茶水準差，白臉婦人為咗顧客想要多啲奶，就要霸氣chur住掘人一眼，劣👎牆上貼著店東嘅一代二代嘅收錄智慧金句，散發正能量，亦是我光顧的原因，然而卻與中年婦散發出的負能量大相逕庭

叫咗呢度兩個好出名嘅碟頭飯🥢生煎肉餅飯🥢椒鹽豬扒飯要知道本身呢兩碟飯嘅餸製作方法都比較油膩但係我冇諗過食兩啖已經食唔到落去油膩到連啲飯都好油好油😢可能而家自己都食唔到咁重口味所以兩碟飯都係食咗一半就食唔到而味道就好普通未去到話一定要嚟食另外都想講吓個環境餐廳嘅環境比較舊式坐嘅空間比較狹窄特別係我哋坐二人枱張枱就會更加迫所以依間餐廳試一次已經好夠

唔會再去，唔止一肚氣，直情谷鬼氣態度極差，唔係老店嗰種有性格，係差！ 點解食野要受咁既氣，食咗都背脊骨落！純粹個人諗法，對食客用咁既態度，相信處理食物會同一態度！

今日lunch 去試吓呢間話好好味既肉餅飯點知換黎一肚氣😡我大肚，諗住坐啲闊啲既位點知個4眼阿叔 死都要我坐係圓枱又話啲人陣間黎你都要搭台架啦我明係要搭台 咁點解唔可以俾我坐啲闊啲既位呢？啲態度又衰食物方面 叫左個生煎肉餅飯好硬….啲飯又硬…根本就唔係啲人講到咁好食我覺得好難食….同埋要成$62 真係有啲貴….同場加映我對面有位男士叫左個叉燒炒河碟河粉黎到 位男士話少左啲喎然後啲待應就話一係你食過第二樣啦位男士都覺得服務好差就話唔食走左人啦⋯⋯

以前细個住系大圍都未試過依間金城既肉餅飯 之前有機會經過就決定去試下 個飯叫生煎肉餅飯 開價$62 加飲品$9 加多隻蛋 食落真係吾錯 有口感有層次 仲要外脆內軟 味道配合得十分好 非常推介

讀書時候就住在大圍附近，竟然沒有發現這家肉餅飯！有天去上水，那順道來大圍試試這家。排隊挺長，不過也很快就到我們了，選了一個椒鹽豬排，很好吃，肉質不柴。肉餅飯自不用多說，好吃，外面焦香，裏面多汁。每桌都有菜脯，味道不錯！解膩

今天和家人打算去車公廟拜神然後去到大圍吃個午餐才過去到了金城茶餐廳我們叫了一份肉餅飯椒鹽豬扒飯價錢62元感覺上好像比一般茶餐廳貴一點點但食落也比一般茶餐廳好食今天不用排隊，下次也會再來

被稱為「大圍必食」，就緊係要試下，唔試就冇得_。餐廳細細間，非常懷舊，枱仔細細要坐四人，座位唔多，一入到嚟就問你幾位，安排你坐邊度，冇乜機會一人坐4人卡位啦。此店名物 生煎肉餅飯，開價$62(加熱飲要+$9)，充滿信心，令人好奇，食落就知唔係好多肥膏果種，但唔嚡口，大部份都係豬肉，仲有陳皮、土魷等材料，味道唔單調，油水唔多，真係煎出嚟嘅，外脆內軟，大大塊食得幾滿足嘅。飯有自製甜豉油，味道配合不錯，但只得幾條菜心伴碟，感覺值$50。

我剛讀中學搬來，那時不是食漢年，就係食佢！咁當然佢比漢年就差好遠嘅！不過有時食嘢都會轉下口味！咁咪兩間輪樓轉下啦！而且當年佢都真係ok嘅！不過當我中學畢業之後，應該2000年左右啦就開始服務差，食物一般就再冇食過！！今日行過，見好似裝修過，環境好似好左，都多人左就諗住再試，但冇枱就買外賣啦！買嘢嗰下就已經覺得冇坐低係正確的！態度好到呢！！！！！！！！！！！！！叫咗個肉餅飯！返上樓入屋坐低吃！竟然成盒飯只係微暖！我都係住斜對面啫！有冇凍得咁快呀！！！跟住再食肉餅！乾到呢！正如其他食評所講！懷緬下可以嘅！長食！就………免啦都唔只冇長進！直頭退步！唔會再去！冇錢開飯嘅就可以諗下嘅！！！！！！！！！

以前覺得好好食，但因為佢收7點唔係好多機會可以食到，今日放假特登過嚟食，點知… 感覺真係大不如前🙃又haai 又冇口感… 啲飯又乾又唔熱… 不了希望佢只係今日失準，因為係香港好食嘅肉餅飯真係唔多！

今日的午餐幫襯大圍積福街83號地舖金城茶餐廳，用咗app送餐，爸爸嘅生煎肉餅飯同我嘅香醋豬仔肉飯都好食到飛起，我著名走汁就真的沒有汁，唔似得太興啲飯盒註明要走汁都有汁，仲好多汁添！但係每盒飯嘅份量大到跳舞，啲米嘅質量很好，我哋兩個人只係食咗一個飯盒嘅白飯，每盒$80 ，貴得有道理！因為好好食！啲豬肉好新鮮！肉質又有新鮮豬肉的嚼勁，唔知呢間茶餐廳整個餐牌仲有乜嘢食嘅呢？因為外送餐只係做幾款。