影片
港铁长沙湾站 C2 出口, 步行约7分钟
继续阅读
电话号码
67116062
附加资料
只限外卖，不设堂食。
营业时间
今日营业
07:00 - 21:00
星期一至六
07:00 - 21:00
星期日
全日休息
以上资料只供参考，请与餐厅确认详情
原本谂著买烧卖肠粉，见d鱼蛋好似几入味咁，就买埋鱼蛋。要咗混酱，肠粉有d甩皮咁，d酱又好似怪怪地咁，鱼蛋质素唔系好平均，有d咬落去嘅质地散散地咁，烧卖系烟靭嘅，但都系要配返甜豉油同辣油先好味。
继续阅读
呢间嘢真难食！我都系睇到有人推介先嚟试吓，但系唔记得咗入OpenRice fact check睇人哋啲食评！叫咗个肠粉全碟都系冻嘅，唔系暖系冻，真离谱！跟住叫咗串烧卖，鱼肉味完全欠奉只系得粉，唔好食又贵！呢度烧卖卖$10/5粒，湾仔$10/7粒！湾仔肠粉王好食好多价钱仲要平过长沙湾！至于啲肠粉7-Eleven或Circle K都好食过佢!仲有呢间态度极差睇睇啊伯只手指甲就知呢间嘢有几干净！冇下次！🥴🥴
继续阅读
真系要喺旧区先有得食呢啲怀旧小食。出咗名嘅又有肠粉鱼蛋烧卖，朝早同埋晏昼三四点其实都要排一阵，因为事头婆唔会因为有人排队而做得快啲，见到熟人会系咁倾偈。不过呢啲就系小区嘅人情味。
继续阅读
今日终于路过呢间铺可以试一试烧卖，企起门口等阿叔同里面嘅阿姐倾完计先落单，佢哋倾完，阿叔表示我on 狗狗企系度做乜，我表示等你倾完先，最后叫$10一串辣烧卖，哗好普通，唔明点解要$10/5粒，辣又冇辣味，我后补啲辣油，哗系咪坏咗？啲味好怪。总结，味道十分普通都唔重要，态度欠佳才紧要！ 铺头其实都几污糟下，睇见啲鱼蛋一潭死水咁，真系唔敢食。之后车再经过铺，阿叔系铺度食烟🚬，真心觉得唔掂！ 附近其实都有卖小食嘅铺，好食过呢档多多声！
继续阅读
加咗烧卖关注组好耐，早几年移民咗外国，见关注组介绍我细个居住嘅长沙湾有一间好出名嘅烧卖，今日虽然3号风球都特登去试吓，去到人唔多得两个人啱啱买完喺侧边食紧。叫咗一串烧卖老板帮我加咗豉油。平时都会食辣油，但系今次想试吓啲烧卖系咪真系唔同啲所以净系落豉油食，点知食落口顶！苦嘅，系啲豉油苦嘅，我真系唔明点解咁多人推介！！另外有一个问题就系我冇加辣椒油烧卖都系辣嘅，应该老板放落去个碟加豉油𠮶阵时佢个底嘅豉油系辣嘅，好彩今日冇带细路一齐去食，如果唔系啲小朋友一咬落去就辣到飞起！
继续阅读
您可能会有兴趣的...