影片
以上资料只供参考，请与餐厅确认详情
收工买盒咸鸡饭外卖，收钱姐姐问我要唔要跟野饮，我话不用佢就问送个汤比我饮。我就多谢佢。个位老世听到就话左佢两句，我唔知佢地讲咩。跟住个老世包好盒饭比我，我唔见碗汤就问下收钱姐姐，佢即刻去攞比我，我企系度等嘅时候，个老世态度超差问我等咩，我话等碗汤，跟住我就见佢走去狂闹个姐姐。话佢成日都送比人，个姐姐好惨。其实个盒饭65蚊都唔系平，送碗汤有咩咁巴闭。唔使再帮衬，唔关食物质素，服务态度差已经唔接受。完！
继续阅读
住马鞍山几十年，谂住入去帮衬吓支持吓叫咗下午茶烧味饭$50 ，嚟咗一碗细烧味饭，谂住吹水问吓个服务员啫，点解正价差$5有一大碟，但系下午茶份量少咁多。 其实冇谂住换，只系吹吓水，谂住下次醒少少。 点知有另一个极冇礼貌男人冲埋嚟问务员乜嘢事？ 问我你系咪要换啊！ 我帮你换啦！ 你呢一碗我帮你食咗佢！ 我话你唔使咁劳气，冲埋嚟想打人咁样，我只系问吓有咩分别，下次咪嗌第二样。食个下午茶几廿蚊都要受气， 有啲餐厅真系你坐低，佢恶过你。真系笑咗。
继续阅读
今日屋企人冇煮饭，同左佢地出去屋企附近食晚餐😼入到去老细送左人头例汤，好热情咁介绍有咩好食👍🏻例汤清甜入味，老细坚称冇落味精，有几旧煮到好淋的木瓜，系家常味道😋叫左椒盐鲜鱿（$98）上到嚟比佢个样吓亲，胀卜卜嘅皮够脆，但鱿鱼本人唔太新鲜冇乜味😢咕噜肉（$98）好多配菜，酸酸甜甜好够味，肉嘅脆皮点晒酱都仲够脆，好食推介✨蒜蓉炒白菜仔（$58）呢个价钱嚟讲有啲失望，比起坊间同价钱嘅细份，虽然有粒粒蒜蓉喺面，但冇味到以为系白烚😢椰汁栗子鸡煲（$108）好香椰奶味，但栗子炆得唔够淋，鸡够滑嫩，正常发挥👍🏻有惊有喜的一餐，但人情味好够，下次想食围饭可能都会再食😼
继续阅读
搬左入MOS几年，食来食去都系大壹烧鹅同上海三哥，适逄大壹装修，焗住四围揾食，终于系MOS揾到第三间可长期食用店。猪扒唔干柴，肉质淋得黎仍有弹性，配埋老板推介既紫洋葱🧅💯咸鸡比较区内鸡饭，属水准之上食到一半，老闾走过黎问我食唔食得辣，我话食得，佢叫我唔好食碟饭住🤭 转头就拎走辣椒油黎比我试，叫我用d辣椒油渣黎捞饭。 捞饭有点heavy, 所以我用左d渣黎点猪扒食，系正既👍有心小店，碟头饭都用心做👍👍支持💪🏻💪🏻下次试埋早餐沙牛先
继续阅读
平时买开蛇羹食，都会留意呢间餐厅，因为朋友食过话唔错，不过最惨系佢唔做晚市既，咁利害唔做晚市都够交租 🤨 真系有时想试下都有啲难道，今日晚上经过发现佢依家竟然做埋夜市，真系估佢唔到，所以二话不说就帮衬。系门口睇紧餐牌之际，老板行咗出嚟介绍餐牌，同时我亦好奇问下点解会开埋晚市同寒暄咗几句，系老板推介下拣咗日式咖喱奄列蛋包饭配鸡髀拼司华力肠。日式咖喱奄列蛋包饭配鸡髀拼司华力肠 ($58) : 虽然饭底几好唔错，奄列亦做得出色， 不过唔知系咪外卖既关系，盒饭真系几细盒下，食完都重有啲肚饿 😅 鸡髀用卤髀黎炸，唔系生炸始终差啲，而司华力肠就得半条，成个饭味道就普普通通无咩惊喜，可能我无试佢地既皇牌菜挂，下次试下佢地好出名既咸鸡饭。
继续阅读