金先生韓膳館 (已結業)

很久沒有吃韓菜了，就試試這店。月前的周日的下午來到，沒有訂位，來到時只得區區兩檯客，有點嚇一跳。加上見到一排排「88蚊任食」的擺設，真係想一走了之。可幸拿個餐牌來看，見還似樣，就選個靠窗的位置坐下來。不想吃石頭飯，不見爐，也不好吃烤肉，就要了個韓式香腸魷魚烏冬年糕窩及炆牛肋骨。先來幾碟前菜，分別是泡菜、漬黑豆、芽菜、A菜及甜薯仔。先吃泡菜，不差，不算很辣，欠點鮮味，但也應該是自家製的吧。黑豆味道最好，有點咬口也鹹鹹香香的，作為下酒菜真一流。甜薯也不錯，如果可以做得腍身一點就更甜美入味。經理的服務超好，見我們很快將前菜吃清，也連忙自動幫我們追加一份，一讚；年糕窩上檯，用一個氣體爐熱著的，經理來幫我們將其拌勻，滾了一會就有個熱辣辣的窩可以吃了。配料十分豐富，最多的是香腸，我沒有什麼興趣，年糕煙煙韌韌的，配上辣湯底，更美味；烏冬有點過腍，如果可以整得煙韌一點，會生色不少。這個窩只賣一百三十幾蚊，二人份量的，幾相宜，味道也不差的；炆牛肋骨也有水準，味道很甜美，肋骨肉肥廋相間，肥的部份甘美豐腴，廋的部份也炆得腍，一點不韌。,可惜同煮的栗子、紅白蘿蔔都不夠腍，還可以火侯足一點。汁醬用來下飯就最好，

是日呢餐係同朋友一齊慶祝既，佢話點都要食多一餐金先生韓燒啵，所以又去食啦。不過，今次食既野就梗係唔同啦，我地今次成7個人啵! 有人生日就一定飲返少少啦A 我地有蘋果燒酒、有一個好似係燒豬肋骨(其實我都唔係好記得啦)、炒粉絲、兩個石頭鍋飯、炸醬麵、韮菜煎餅、燒魷魚，真係好豐富架，我仲知朋友想食Carmarel Crunch cake，所以一早就定左個蛋糕啦。酒就幾時都好飲架啦；個肋骨燒得好食，不過佢個附送既沙律就仲好味。石頭鍋飯我就鐘意名門果個，因為味道濃一d。韮菜煎餅好食呀，不過我爭唔到呢，都係食左一件即。炸醬麵上次食左啦，今次就留返俾朋友們食啦。燒魷魚都好食，不過少左d即。個蛋糕就真係巨型啦，呢餐真係飽到捧住個肚。個蛋糕就梗係有剩啦，朋友最後帶左返屋企同老公一齊再食。

呢排真係凍到人都癲，日日都要著到好似隻糉咁出街。呢一晚同個好朋友出黎食飯見下面(因為我地都成兩個月無見，而且我都好耐無出過去食過好野)，我地係嚴寒之下去左食韓式晚餐。原來金先生都已經開業左一年啦，不過夜晚好少人去，我地一路食一路驚佢會執笠。佢係一間韓式食肆不過係無燒烤食，可能係呢個原因所以少人去幫襯囉。個老闆娘好好人架，前菜有好多選擇，而且你食晒只要你想食開聲就可以免費添加，仲要檯檯都有少少唔同添。由於得兩個人，我地叫左少少野即–一個柚子沙律、韓式炸醬麵同埋金先生特式鍋。至於飲品呢我地就要左一個菠蘿燒酒。個沙律唔係好似泰式咁，拆晒d柚子肉出黎就算，佢係個汁到都加左柚子汁所以就算係食菜都有好勁既柚子味。朋友睇左【茶煲阿四】所以話一定要食炸醬麵，不過我個人覺得似係北京食到個d炸醬麵多d，個麵豉醬真係好似。朋友話無黎味道，不過我就覺得都唔錯啵。個鍋一上我就飽左一半啦，我唔覺得我食得晒囉。有茄汁焗豆、午餐肉、公仔麵同年糕之類，不過真係好辣，後來都係要加水。朋友已經講左未來三次食飯都要係呢間，你地會遲d又見我post 呢間野出黎架啦。

大碗飯很抵吃, 包湯(味精水)和橙汁, 我要了豚肉, 味道一般, 但一個人也有大玻璃旁卡位座, 不用加一, 但其他定食要$58左右, 可能好味些

因為情人節我男友話有公事忙唔得閒,所以就提前一晚食情人節飯~佢就帶左我去呢間野~上到去, 睇落環境都ok靜下,食晚飯時間都唔洗等位,坐落就有人招呼你~之但係一到點菜,就開始黎料..."唔好意思呢樣賣哂喇...""唔好意思果樣都無喎..."唉~ 嬲嬲到我就問佢,"咁呢樣有無呀?"原本落單果陣都話有,但到最後..."唔好意思啱啱無喇..."真係... 都唔係好多款食物簡,仲要呢樣又無果樣又無,我仲可以食乜呀!!!

ｏ係外國成日都食到好正宗既各國美食，所以返香港都不停咁搵一ｄ比較正宗既韓國野。Mr. Kim真係唔得，裝潢係好靚但係食物真係唔得。韓式燒餅仲差過茶樓ｄ煎”薄餐”。石頭飯，普普通通啦，唔正宗但唔難食囉。因為覺得唔正宗所以都無再點菜...

今天與一女性友人行銅鑼灣行街, 行到攰, 友人提議到此餐廳用餐, 上去之前友人已告之此餐廳2人餐的份量頗多,故在落單時,我們已向店長說明其中2個菜(飯和炒粉絲)要遲d先上, 以免放涼...佢地話無問題...仲話可以等我地叫佢, 佢先上..食物味道不錯, 但上菜速度依然好快, ...果然..炒粉絲係我地剛剛起筷食唔夠5分鐘便送到...可能顧客太少, 菜炒得快, 我地即刻再叫佢, 等我地叫佢,佢先上個飯啦, 呀店員再話無問題...但個飯轉個頭便到, 呀店員仲提議不如幫手分2份先... 仲話唔食住都可以放開一邊...真係俾佢激死... 如果唔係友人不停話"算啦,算啦", 我估我可能會叫佢收番走個飯先... 結果呀店員加左d醬,攪均勻後分左2份(個飯冷得仲快...)... 仲好意思叫我幫佢遞碗擺碟(因為成枱面都係一碟碟菜又未食得切...), 我好嬲話左句"有無攪錯?!", 友人即刻同個店員講番話"你地而家上個飯, 我地又未食得切, 咪凍曬啦", 點知店員仲好意思話"你地下次早d出聲, 可以等你地叫佢,佢先上個飯"....嘩!! ... 咩人呢架?!之後有個店長主動走嚟了解件事...我地同佢講番

My friend introduced this to me and I've tried one, and I came again second time with my hubby. The reason I came again is the good quality and service is quite good (tranditional). I have chosen 'dinner set for 2' and total is $350 before 10%, I believe the quantity enough for 3 person. But I quite satisfy this restaurant and I will come again.

星期三晚同朋友去銅鑼灣食飯，想食清Ｄ，左諗右諗，最後揀左食韓國菜。呢間金先生Ｄ裝修都唔錯，無烤爐，唔駛烏煙瘴氣，環境OK。食物都幾多選擇，有Ｄ都幾特別，我地點左金先生特色鍋（可以話係一品鍋，好多料，辣辣地，好惹味）、人蔘雞湯（雞裡面有糯米，淡淡地，幾正宗）、牛肋骨鍋（炆得好林，Ｄ汁送飯一流）、牛肉石頭飯、小食：泡菜薄餅、明太子春卷、豬肉雜菜卷（即係生菜包豬肉加飯焦），雖然好味，但略嫌份量太小。６個人埋單六百幾，都算合理。其實韓國菜都唔一定要有燒烤，呢間金先生Ｄ菜式都算正宗，仲有Ｄ菜係自創，其實都幾特別，但唔算多人幫襯，可能因為香港人普遍視韓國菜為次等菜式，好多人都接受唔到佢收接近日本菜價錢啦。

我尋晚媽子生日咪出去食飯囉,去開SOGO就經到駱克道,不過真係好勁,我見佢樓下有個阿姐派緊單,一直係咁叫我上去,咁見佢咁落力咪上囉,一上到去就見幾有FEEL,個場黑黑地但D椅子就金既,幾得意,咁我坐左陣唔知食咩咪叫個WAITER黎介紹啦,佢叫我試下個炸雞話係新野黎呀,仲有肉眼扒同餃子年糕鍋,咁我又想食D SPICY野,咪叫左個SUPER SPICY既---鳳爪囉,心諗住韓國人咁食得SPICY咪叫黎一試呀.D野黎到,我見係肉眼先黎,佢有一個好似係麻油鹽既汁,一試又幾正呀,個炸雞又幾甜幾好,之後黎個鍋幾好.個湯好香口,而且1佢仲可以整其他材料去食,之後就係我最想食既SUPER SPICY呀,嘩,真係好SPICY,食到喊咁樣,但又真係好正,佢係有個種食小小,明知SPICY都要去食既.講下SERVICE,個個都幾斯文,我見佢到咁多野做周圍走但一到客人到就好有笑容,幾好呀.我一家4口去食咁多野都係500...仲唔平呀...SERVICE又好...下次一定去多次

今日同女朋友係銅鑼灣行街食飯.突然有個阿姐熱情咁sale我食野.韓國野.我女朋友都ok,就上左去.入到去又有人好熱情咁帶位,但坐低發覺間餐廳無乜空間咁.design真係麻麻,傾計麻麻.打開menu體.d野幾特別,唔識叫.叫左條友介紹.一個炆既牛肋骨.一個泡菜豬肉卷.一個咩鱿魚.哇.waiter無吹水.真係幾好味.魷魚體落去好辣.食落去唔辣好好味.個豬肉超香.食落一d都唔肥.個牛肋骨d汁撈飯正.

我今日去銅鑼灣行開街...有個阿姐好熱情咁俾傳單我...一睇點知係金先生...我記得我上次去過呀...個到都普通啦...但我女朋友話想試下...咪又去囉...一入到去...發覺裝修唔同左...除左一般咁金之外...D WAITER都唔同左呀...個個都好有禮貌打個招呼...D 服務仲好左好多...可能唔同左人啦...個場真係比我上一次旺左好多啦...咁我一坐低...見餐單都唔同左...咁我叫左咩呢...都係佢地最出名既...照燒牛肋骨啦...我見佢真係好左...以前佢一塊...家陣俾兩塊...仲叫左個<海鮮雜錦鍋>~個湯好鮮甜呀材料十足,上次我冇試啦...今次一於試下韓國出名<人蔘雞湯>啦.一試之下食得出佢同我係韓國食既一樣,入面包左糯米,味道清淡,佢地就話正常既...因為可以自己用海鹽調味(個個人口味唔同).今次我同女朋友黎食我覺得真係好左好多...D WAITER幾好態度會有傾有講...食品都改變左(可能係我地香港人心中,韓國菜就係韓燒啦,但去咁多間之後,我覺得依間真係正宗囉..)

平時去開呢到吃定食(午餐)都唔錯，仲要係買二送一，所以就諗住星期六個自助餐都應該唔錯，但係除了食物款式少，食物又凍之外，其服務態度簡直超差，明明係超小人，但係都要叫人嚟先識加水、收碟！＄８８（未計加一）一位就真係唔值得！我係短期內一定唔會再去！！！！

**是我嚐過最不值及難吃的韓國料理**它賣的是homemade韓式料理+不加味精+韓國廚師主理order:燒牛肋骨$140(只得一條)、人參雞湯$120(比一包即食的好少許)、海鮮雜錦薄餅$48(兩塊比旺旺大少許的薄餅+少許八爪魚) 相比起傳統的韓國料理店，比起來份量算少!2人=$360~錢多也不要來吃哦~我也不想浪費時間~為此店長篇大論~總之以後不會再光顧~

環境很靜，因為幾近"拍烏蠅"點知真係有野飛來飛去煩住哂不過服務還不錯，食物也頗好