影片
食家推介
今晚收工唔知食乜好,两个人行行下就经过金仔,之前都想试下,于是入左去,walk in 都唔洗等!上左去职员安排嘅坐位,虽然两人坐四座位,但已经好迫,前后背贴背,肥d都坐唔到,个鸡煲卖相唔差,但食落好油淋淋,d鸡劲多肥膏,叫左d小食(青瓜,蒜泥白肉,木耳)唔错,到叫其他本身种类选择唔多肥牛,午餐肉,牛栢叶....等等ㄧ食落口午餐肉ㄧ夹就散,肥牛唔滑但都有推介(炸鱼皮)唔会再去
继续阅读
喺附近番工，上个月经过呢间野，见到门口易拉架写住有做火锅、鸡煲、烤鱼，配料任食，价钱就几吸引喇。平日黎$138冇加一，五六日加10蚊，9:30pm后入座仲要系$98，一直记喺脑中，打算揾机会试下。上周五有位朋友R饭食，于是打左黎问价，确认价钱后我地就预订位置，如果食火锅、鸡煲呢就实收$148(周五)，但我地想食烤鱼，四位以上唔洗加钱一样食到，当然只可以鸡/鱼二拣一。但如果唔够四位，想食鱼，系要加几十蚊的，自己留意。预约左8点半钟，但见前面食评话店员赖佢迟到，所以我地都预早左十分钟到左。点知…间野客人都几多，虽然有两层，但下层位置唔算多，去到嘅时间已经爆满。带位嘅女店员一直叫我地等等等等，又话有枱埋单于是我地等到8点45分，佢又话张枱唔肯埋单，大佬，不是有限时吗…点样唔肯埋单(?!)店员见我地面㶶㶶，又问我地拎左飞未，大佬，我订左位都要拎飞，咁我订来做乜？然后店员醒觉了，原来我地系订左位的。于是佢又话等多阵，见佢有讲唔好意思前，唔好意思后，我地都照等啦事实上间野系真系几忙几好生意，不停见啲员工chit chut咁转，上上落落，所以如果想食，都建议预约。（当然啦，即使你预约左，都有机会要好似我地咁等法）最终9pm我地入座了。上左2/F，位置比楼下多，不过卫生一般般啦，餐桌最好自己抹一抹，两磁炉面嘅油积亦都有少少倒胃口。不过喺150蚊都唔洗嘅大前题下，我对所有事嘅容忍度突然高左好多，哈哈。迅速落左一条鱼，拣左少麻辣（鱼不是任食喔，四人一条，亲）餐牌选择都几多，以任食黎计，都算几满意。其中一张纸系收费项目，例如牛柳粒、蚝、带子呢啲，另外加多一条鱼都系$138，可以接受。小食方面有：椒盐玉子豆腐、拍青瓜、云耳、豆芽、木耳、鸡翼、泡椒凤爪、蒜泥白肉、鸡软骨等都系任食，等紧条鱼熟之际，我地就食住呢啲开胃野先。凉拌嘅味道都唔错，蒜泥白肉唔会太肥，鸡翼食落都脆口，凤爪其实都好食，几入味，只系唔够腍。大概15分钟左右，鱼同配料就上枱，都系合理时间而其后加单两次都喺15分钟内送上食物，店员都几繁忙，所以我觉得除左等位一刻比较令人不耐烦，加上冇收取加一嘅情况下，我觉得进食过程嘅服务，上菜、加汤等都系唔错。麻辣鱼 - 少辣：因为怕太辣，所以只系点左少辣，一开头反而未系好入味，但后来愈食愈辣，去到渌菜一刻，我地都觉得辣到…哈哈。不过佢地比较少麻，所以都容易入口。一条鱼都几大条架，平时食烤鱼都二百蚊左右，咁嘅质素我觉得几好食。鱼肉肥美，唔会太老，亦冇任何鱼腥、泥味，重点系鱼骨都唔多呢。其余配料都系普通酒楼任食嘅质素，肥牛、豚肉十分一般，我地都系食左一转不过有条鱼打底，即使唔食猪、牛，集中食其他野都抵食。另外有丸类、麻吉烧、芝士鱼豆腐，选择都几多。猪红呀猪皮、响铃、山根、芋丝，一般火锅配料都有。整体黎讲，以价钱黎计，就真系冇得输。食物质素符合价钱，未至于太差。环境方面一般般，但爆场都唔算太嘈，服务方面还可以。只系始终系平价火锅，有客walk in一定要俾佢入，至于我订左枱要等位，当然系有多少躁底。餐厅大可打电话确认客人会唔会出现，再留起张枱呢，否则订左位都要等超过半个钟，并无意义，walk in黎嘅客人都比我入得快。
继续阅读
Book左19:45，三人，19:36到餐厅，问佢有位未，就话我晏左，比人入左先㖞👍🏻仲要无枱比我之后，再行过补一句，话我晏左。我同佢讲，我几时迟左？佢无应我丫。咁我Book黎做乜？一系同我讲无得book我walk in无咁嬲。19:46无人理，无人交代。我走。
继续阅读
开始冻啦当然要揾返D热辣辣既野食食啦朋友就推介咗去金仔食鸡煲㖞当然我地系BOOK有位先去 独立房坐 好正 不过要揾侍应比较麻烦基本上我地系自生自灭冇人理连写落单D纸写完都要出去揾人先有人帮我地落单 又冇人帮我地执野都几惨 但私隐度十足 因为我地自己一间房鸡烋我地点咗个中辣 好辣呀个朋友食到成头汗 佢应该唔太食得辣都几多鸡 几入味 仲要我地可以食两个煲 真心抵我地系仲有叫咗鱼食 不过都系鸡煲抵食好多仲有两煲鸡食 我地十几人 我觉得好抵又好味性价比好高
继续阅读
唔系抵 又唔系好食 鸡煲都几淡 加埋汤之后 更加唔洗讲 啲料感觉几孤寒 因为唔多 叫第一轮好似好抵咁 黎到原来唔多 食得多少少嘅人都应该唔够 要另外再叫 即系唔系抵 出返少少去旺角食任食好过 如果都系要食到咁嘅价钱 咁不如俾多少少食潮福（当打边炉计） 俾平啲出旺角求其一间食鸡煲都好食 总之俾我感觉系唔上唔落 两头唔到岸咁 系竞争激烈咁劲嘅地方 呢间野真系好普通 除左鸡煲外 其他都系普通 啲味似波仔咁 齐料再返叮咁 淡味 见到评分到有服务一行 就即系提返我 坐得''隔涉''啲 啲伙记睇唔到你 无人理 总之我嘅经验好麻麻 真系唔好意思 系ok都唔达标嘅情况下 要俾个劣评呢间野
继续阅读