金亮點荷香籠仔飯專門店 (已結業)

呢排都會試下唔同的餐廳，一來想同大家分享多啲唔同的食評，二來亦想發掘下其他美食。今晚揾到金亮點荷香籠仔飯專門店，叫咗一堆我同家人都鍾意的點心，再加埋章魚肉餅飯：先講個飯，章魚的香味唔算突出，不過肉餅幾好食，配埋生菜及棗蓉糕，OK。叉燒腸粉，有芫茜喺裏面，麻麻地鐘意。黑金流沙包及蠔皇鮮竹卷都整得好味。金蒜蒸排骨, 太多骨，鍾意食肉的我唔係太識得去欣賞。鮮蝦菜苗餃蝦肉新鮮，而鯪魚球有彈牙的口感，整得好味。灌湯餃可能因為外賣送餐而散晒，呢個就差啲。整體金亮點的食品質素，第一次的評價算係唔錯，會繼續幫襯試下。…查看更多

今日係假期最後一日，不想頹廢在屋企食麵做早餐，帶住期待食呢間以籠仔飯做招牌的店24蚊的價錢，比一般盅頭飯大，似幾抵，但味道就好令人失望~心目中的籠仔飯係要有飯香，但呢度完全冇，飯又淋得滯~鳳爪雖OK,但排骨偏淡,呢間以籠仔飯做店名真係失禮~唔死心,見有灌湯餃食,依家唔多地方有,就即管叫味道OK,但偏細件,同埋想講阿姐問到唔問就幫我狂隊醋,隊太多了而且佢應先問我要唔要醋,我就係少數食灌湯餃唔鍾意落醋的人,呢D服務唔得細心一句講哂,無TAKE TWO!!!…查看更多