金亞淶泰國餐廳

营业中

休息中

前日收工就同老公去金亞淶食返個泰國餐😋係億利工業中心一樓 地點好方便 地鐵站行一分鐘就到了～我地叫左生菜包 辣肉碎炒得好香 屬小辣 好惹味生菜岩岩好可以包晒啲肉碎 食落無乜油膩感 生菜太fresh了☺️黃咖喱牛腩牛筋實在太足料 咖喱唔會好辣 但濃味 牛腩同牛筋煮得好腍 份量都唔少 兩個人食啱啱好另外專登叫埋菠蘿海鮮炒飯 咖喱汁可以加落炒飯度食 超正海鮮炒飯有好多魷魚同蝦仁 雞肉 臘腸粒 粟米粒 菠蘿面頭仲有果仁同肉鬆 成個飯撈埋一齊食相信冇人可以抵抗到🩷叫咗兩杯特飲 龍眼冰同檸檬薏米水 喺冇叫少甜嘅情況之下已經唔係好甜 啱晒我呢啲唔鍾意飲甜嘢嘅人 .最後當然要叫甜品 呢度嘅王牌 椰子三重奏呢個甜品一定要食 好味到癲咗 我同我老公都好飽 但大家都搶着食🤣🥥面頭有椰子碎 跟住就係椰子奶凍 好濃郁好香底下係清清地嘅椰子果凍 食落好似椰青顆既果凍 出色到不得了!!大家一定一定要留肚食！

最近去咗荔枝角「金亞淶泰國餐廳」食飯，Staff好好人，好有耐性，而且餐廳於工作天無收取加一服務費，晚市Order飲品仲有八折優惠。泰式火山排骨（單點$168），好巨型，上菜時有連火爐一齊上枱，保證一直食都係熱辣辣嘅，表面鋪滿芫荽、泰式酸辣汁，排骨口感嫩滑、腍身，肉質肥瘦適中，已經煮到骨肉分離，食落啖啖肉，加上充滿醬汁味道，食落好惹味。泰式金鑽鮮菠蘿沙律（單點$68），表面鋪滿芝麻小魚乾、炸乾蔥，菠蘿食落好Juicy，內有洋蔥、香蔥。4串燒魷魚（單點$58），魷魚肉質厚身，口感彈牙，配以燒汁食用，食落好香口。椰皇三重奏（單點$42），第一層係焗椰子片碎，口感香脆，第二層係椰子汁奶凍，食落入口即化，椰子汁味道濃郁，第三層係椰青水啫喱，口感滑溜，味道清甜，整體口感、味道都好豐富，略嫌焗椰子片碎比較少。金鑽鮮菠蘿冰（跟餐$20），表面鋪滿菠蘿粒，味道香甜，飲落好清爽。熱泰式青檸蜂蜜（跟餐$20），味道酸甜。

位於荔枝角工廈的“金亞淶泰國餐廳”為我帶來了一次難忘的泰國美食之旅。亞淶，意為“好吃”，這家餐廳的每一道菜都充分體現了這一含義。餐廳的裝修簡潔，環境明亮，提供的wifi和QR點單系統都極大地提高了用餐的便利性。當晚7點半，餐廳逐漸熱鬧起來，人們紛紛前來品嚐這裡的美食。我選擇了368元的套餐，開始了我的泰國美食之旅。首先，泰醬酸辣黑豚肉給我留下了深刻的印象，那軟熟的黑豚肉搭配酸辣泰醬和新鮮蔬菜，每一口都是一種新鮮的感受。黃咖喱海鮮配上香濃的蒜蓉包，使得整道菜的味道更加豐富。而手工泰式春卷則是酥脆可口，令人回味無窮。但最讓我驚喜的，無疑是那款椰皇四種奏。真正的椰子裝著甜品，裡面的椰絲、椰子啫喱、椰奶和椰肉各有特色，相互搭配，創造出了一款獨特的甜品。結束了美食之旅，我還品嚐了龍眼水和珍多冰，這兩款特飲為整頓飯劃上了完美的句點。這家餐廳不只是美食，它的環境也讓人感到舒適，而且非常乾淨衛生。這次的用餐體驗，確實讓我深刻體會到了泰國美食的魅力。

今天在「金亞淶泰國餐廳」三人晚飯。選擇2號套餐：泰醬酸辣黑豚肉、黃咖哩海鮮配蒜蓉包、手工泰式春卷、甜品；椰皇三重奏、特飲：椰汁冰椰汁、珍多冰 。手工泰式春卷~非常香脆，蔬菜餡料鮮甜可口。黃咖哩海鮮配蒜蓉包~黃咖哩味道略偏甜、而香氣濃厚，無論配海鮮或肉類都合適，今餐是配肥美大青口、爽嫩中蝦和彈牙魷魚，還有牛油香味四溢的蒜蓉包佐黃咖哩汁。泰醬酸辣黑豚肉~很欣賞黑豚肉的刀功，令我諗到「燈影牛肉」！泰醬酸辣味道很濃郁，可以伴沙律菜吃。椰皇三重奏~果凍、椰奶凍和炸香的椰絲，口感很棒。此外還有單點：泰式海南雞飯、蒜蓉包、椰皇三重奏。泰式海南雞飯~海南雞肉質嫩滑，我們楝白飯，有飯香。儲印仔，下次再幫趁，5個印仔已經有$45椰子雪糕奉送了！

今日就去咗金亞淶泰國餐廳食飯, 餐廳係工廈入邊我就叫咗招牌泰式火山排骨同金鑽鮮菠蘿沙律, 份量超級大, 炆到好腍身, 排骨配上酸辣汁, 少少辣, 但越食越過癮🤣食到咁上下再配個菠蘿沙律超級解膩, 沙律入邊都係新鮮菠蘿, 酸酸甜甜, 再加埋其他配料口感豐富另外都叫咗串燒魷魚, 上面配咗啲燒汁, 好有咬口 🦑 再配埋椰汁珍多冰同埋菠蘿冰珍多冰好香椰味,d 珍多質感爽滑味道清甜菠蘿冰用咗新鮮菠蘿, 好多菠蘿肉, 新鮮香甜最後仲叫咗椰皇三重奏甜品分別有椰青水做嘅果凍, 中間係椰皇嘅奶凍, 仲有面頭燒香咗嘅椰絲, 奶凍好嫩滑, 椰味香濃, 仲有新鮮椰皇肉, 食落真係有三款唔同嘅層次口感😋

去D2行完街，發現以前好出名好好食嘅「程班長牛肉麵」而家變左做🇹🇭泰國菜「金亞淶泰國餐廳」，見好評如雲，就諗住試下～食物有質素，平民價錢，性價比超高！😎唔怪得平日夜晚都滿座啦！⭐️推薦❗手工泰式春卷（$58）一份有4條，即叫即炸，上枱時熱辣辣～☺️春卷皮薄而脆，內餡有好飽滿，有豬肉碎、粉絲、蘿蔔、黑木耳絲等，口感豐富～蘸上泰式辣醬更惹味！⭐️推薦❗青咖喱海鮮（$85）青咖喱入口香甜，帶微微辛辣感，海鮮份量足又夠豐富，有青口、蝦、魷魚🦑、無骨鱈魚等，凡惠顧咖喱🍛類可以優惠價$15（原價$34）加配蒜蓉包一客，一客有4片，好抵食！😍食咖哩點可以少得蒜蓉包。😆泰醬酸辣黑豚肉（$128）餐廳招牌菜梗係要試下啦～😏黑豚肉肥瘦相間，脂肪特別爽口，沒有太多油膩感，特調泰式酸辣醬好惹味，淡淡檸檬🍋伴隨辣椒🌶️香氣，酸酸甜甜，值得一試！搭配旁邊嘅沙律🥗一齊食，又有另一番風味～食完咁多重口野，食個甜品清一清味蕾先～椰皇三重奏（$42）原個椰皇上陣！😳面頭係椰汁糕，加上椰絲嘅點綴，🥥椰香十足！底層係椰子水啫喱，香甜清新～最後仲可以刮埋啲椰子肉嚟食添～正👍🏻招牌泰式奶茶（$18）泰式椰汁冰（$18）

又嚟一個平民dinner系列！今次係泰國菜~基本上每一款餸菜都$100內，叫個飯都好平！· 燒豬頸肉 $78燒得嚟入面肉質都仲keep到！唔會乾晒，同埋份量都唔少，都係薄薄一片~加埋啲辣汁就更香~☺️· 金不換炒魷魚 $78金不換好香，個汁似咖哩但又唔係好辣，魷魚都唔會好硬，不過就唔算好多魷魚~整體幾香口👻· 椰青海鮮炒飯 $78入面有椰子肉，又有椰青水炒香，炒飯底都唔會好濕嘅感覺，而海鮮都唔會比得少~面度加咗少少肉鬆反而更好食！不過加咗三色豆好似普通咗啲😛呢個正方形size都幾特別🤣🤣· 青檸檬薏米水 $25青檸比普通檸檬清甜，生熟薏米好足料· 椰汁涼粉冰 $22涼粉同椰汁比例都ok~正常發揮~· 椰皇三重奏 $35有2層，1層係椰汁，1層係椰青水，呢2層個texture都唔同，加埋一齊食都幾特別~又唔會好甜，幾清新~🍽 金亞淶泰國餐廳 | 荔枝角📍 荔枝角長沙灣道883號億利工業中心1樓102號舖

之前有係荔枝角番工嘅朋友大力推薦的泰菜午市抵食又大大份，今次夜晚來試下！價錢唔算好平但味道依然唔錯༝༚ 泰式去骨海南雞 / 半隻 ( ᴴᴷᴰ 90 ) 半隻海南雞兩個人分啱啱好，不過去骨雞份量偏少；整體雞肉偏肥美夠嫰滑👌🏻༝༚ 泰式蝦餅 ( ᴴᴷᴰ 78 ) 蝦餅每粒都滿滿蝦肉，炸出來炸衣不厚且不油膩，趁熱吃不錯༝༚ 雞絲豬肉丸船河( ᴴᴷᴰ 52 ) 價錢反映質素，整體味道普普通通༝༚ 椰皇三重奏( ᴴᴷᴰ 42 ) 意外好吃的甜點，椰奶、椰水、椰肉的三重奏，在拌上面層的木槺碎(?)來吃十分好吃；而且椰子旁的椰肉也可以刮來吃，雖然不多但也不錯༝༚ 泰式奶茶( + ᴴᴷᴰ 18 ) 喜歡泰式奶茶不會太甜，奶底順滑

之前網上都有睇過呢一間餐廳嘅泰國菜超抵食，平時都好少咋工業中心食嘢，不過見佢好似好吸引咁所以就上咗去試吓，餐廳都好開場，一覽無遺😌😌，面積都唔細，座位都闊落，坐起來都舒服👍🏻👍🏻💛手工泰式春卷 $58 :呢款春卷餡料豐富，皮夠薄，炸出嚟超香脆，裏面超多粉絲同肉粒，超抵食😍😍🐷燒豬頸肉 $78 :豬頸肉醃制得夠晒惹味😍，燒到啱啱好，食落唔會乾爭爭，肉質爽口，仲有啲肉汁添😋🦑金不換炒魷魚 $78 :泰菜方面九層塔一定唔少得，加埋青椒洋蔥爆炒，一碟香濃魷魚完成🥰，魷魚夠多食落新鮮爽口，夠晒鑊氣🤤🤤🥥椰青海鮮炒飯 $78 :主食方面平時嘅菠蘿炒飯食得多，呢款椰青海鮮炒飯就未試過，佢嘅配料同一般菠蘿炒飯差唔多，但佢加咗鮮蝦，魷魚仲有雞肉，仲有幾塊椰肉，炒飯裏面加咗椰青水，嚟到嘅時候芬香撲鼻😋，份量真係超多，$78就可以食到😆😆🥥椰皇三重奏 $42 ：最後叫咗個甜品，就係呢度必食嘅💛椰皇三重奏，佢係用咗新鮮椰子製成，將裏面嘅椰青水煮成啫喱狀，再加入椰子奶凍，裏面嘅椰肉可以一齊食，清清地，又夠甜，真係三重滋味😆😆🍹青檸汽水 $20 :嘢飲方面呢款就係青檸加可樂，比起檸檬可樂就新奇得多，另一款🍹泰式青

今日去開荔枝角買玩具之後就見到呢間泰菜有話廚房係正宗泰國人主理財同埋介紹好出名嘅火山排骨，就決定試下佢啦。入面好光猛，侍應都好有禮貌咁招呼我哋坐低，坐得都好舒服。我地好快決定左就要個招牌泰式火山排骨先，另外要左一份金鑽鮮菠蘿沙律同串燒魷魚。個串燒上枱先，仲好熱辣辣，魷魚都好新鮮，食落都好有咬口，配個醬汁就一流。另外個沙律份量都唔少，菠蘿好新鮮，粒粒鮮甜，嚟撈沙律真係好好食。之後就到火山排骨上枱，一長枱個個都叫左出聲，話咁大份嘅，侍應有俾手套我哋都撕啲肉食。我哋肉眼見都有三條大排骨，好多肉好冧好入味，仲有啲軟骨，真係十分推薦。最後我哋叫左椰汁珍多冰同青檸檬茶同一份椰皇三重奏，好有泰國嘅風味，大大份咁好抵食。有機會都推薦俾大家！

去D2place睇戲，朋友介紹對面億利食泰菜，為食的我當然奉陪啦，地點乾淨，店員有禮泰醬酸辣黑豚肉-用香、肥、廋均有黑豚肉，配上紫洋蔥，泰醬，用新鮮生菜包住黑豚肉，味道酸辣集於一身，令口感突出，惹味黃咖喱海鮮配蒜蓉包-海鮮有蝦，魚柳，青口同魷魚，用料新鮮，薯仔更是咖喱中靈魂，咖喱爆香後加入椰香，香口無比，蒜蓉包新鮮送上，滿滿蒜蓉，咬口香脆，一啖一口，2者好合襯，🫶🏻青檸梳打-酸酸甜甜，又解渴椰皇四重奏-椰皇，底部用啫喱，椰奶布甸，上層用炸過椰絲，椰皇肉，4款集中於一甜品內，無比出色，必點之選整體食物一流，新派泰菜又地道，值得推介

放工又去左荔枝角食飯，次次都去工廈今次簡簡單單去食泰國菜菠蘿海鮮炒飯好正宗，又臘腸，鮮菠蘿，腰果，肉鬆，魷魚，蝦好耐未食過菠蘿海鮮炒飯有臘腸，臘腸鮮香咸味同菠蘿酸甜味好來生菜包份量好多，肉碎酸酸辣辣，好開胃生菜又爽又脆咖喱牛筋腩牛筋牛腩好淋咖喱好香香茅味，好特別青檸蜂蜜青檸薏米蜂蜜比較好飲，薏米味道偏清淡椰皇三重奏招牌升級版椰皇三重奏用新鮮原個椰皇，有椰青啫喱椰奶同椰絲今次仲有椰皇肉，口感豐富食咁多嘢，都係$300

泰醬酸辣黑豚肉 ❤黑豚肉脂肪分佈均勻，口感豐富，食起黎唔算太肥膩，但係送飯一流!!!勁惹味開胃，個泰醬汁酸酸辣辣再配上香口既炸蒜，同大量洋蔥絲，真係可以食多幾豌飯~😎黃加喱海鮮配蒜蓉包 🥰有青口 蝦 魷魚 魚柳等等食材，配上口味偏甜香氣濃厚，溫和得黎又唔會好辣既黃加喱，同唔小得外脆內軟，帶有濃濃既蒜蓉焦香味既蒜蓉包，絕配呀，真係好好味好足料!🤓手工泰式春卷 😎夠哂香脆可口，但又唔會太油膩，食起黎出面果層係脆卜卜，入面有粉絲等配料，同人share就岩岩好。☺️特飲😌分別叫左青檸檬水同青檸檬薏米水，真係好夠青檸味，好fresh，食左D重口味既野係要叫D清新飲品，準備最後個甜品😃椰皇三重奏 😍😍大推必點甜品! 第一層係炒香左既椰絲，口感脆口好香口，第二層係椰奶布甸夠哂嫩滑，而最底果層係半透明椰皇啫喱好fresh。成份甜品既味道都好清新，一D都唔死甜，充滿泰國風味同椰子香氣，而且口感層次豐富。成個口感同味道更creamy更香濃。3重口感，正~ 呢個真係大愛😋

見openrice 百幾個好評先得1個負評，星期六又得閒就同老公落去食個lunch, 點知就中伏。。。叫咗三樣餸兩個白飯1. 南瓜咖喱海鮮大大個南瓜，但裏面並唔係充滿住海鮮，係黃芽白（初時以為係洋蔥）同南瓜粒，海鮮就只係三隻青口，兩粒蝦仁，兩細粒魷魚，幾嚿魚柳咖喱嘅味道就不過不失啦2. 冬蔭功湯個人覺得偏酸，好足蝦3. 泰式豬頸肉又乾又鞋，無豬頸肉味，似食緊唔新鮮嘅叉燒埋單加一$396仲要得微信，支付寶（兩樣都無）或者現金付款方式😤（以為自己上咗大陸）唔明點解有咁多好評🥴係咪大部份都係俾火山骨㗎咋？！

每次食泰菜都必點泰式肉碎生菜包—好開心個調味夠晒惹味，個人覺得比其他店舖偏辣，不過唔會入唔到口，絕對喺開胃醒神嘅前菜🤤另外值得讚嘅喺生菜新鮮夠乾淨！黃咖喱牛筋牛腩—牛筋牛腩煮得軟滑入味，濃郁香辣，個汁可以令人食多碗飯阿菠蘿海鮮炒飯—炒飯粒粒分明，帶有菠蘿嘅甜味同海鮮嘅鮮美，味道鮮明又豐富。每一口都可以感受到菠蘿同海鮮嘅絕妙組合，真係令人回味無窮！甜品椰皇三重奏—全部都以椰子為主要成分，味道鮮香濃厚！食咗成餐香辣濃厚嘅泰菜之後配番一個咁清新同香滑嘅甜品，完美作結青檸梳打—解膩之選金鑽鮮菠蘿冰—清涼解渴之餘仲帶有鮮甜嘅菠蘿味