金不換泰國餐廳

营业中

休息中

晚上，跟媽媽約了她的朋友共進晚餐，她的友人選址了這裡，菜式全由她發板，計有︰炸蝦餅、唔知乜雞、豬頸肉、欖角肉鬆炒飯、炒椰菜芯(？)和鐵板蠔仔。味道不過不失，豬頸肉要算最好，欖角肉鬆炒飯味道怪怪的，而且啲飯幾濕吓；炒椰菜芯好特別，細細棵，只是油過多；蠔仔也不俗，頗為鮮甜。整體來說，服務態度有禮，水準中等。

兩個人行海港城, 想食泰國菜, 就黎左試下金不換食店外面既裝修完全唔起眼, 個店名都差d睇唔到7點左右, 只有幾枱客, 侍應比我地坐窗邊, 食野時望到一架大船, 都幾特別先黎既係冬蔭公湯, 味道好夠辣, 香矛味也夠, 不過如果酸d就更好. 再黎迷你拼盤, 可以從魚餅, 蝦餅, 香蘭葉包雞同春卷中四選三, 我地揀左前三樣魚餅質地稍實, 蝦餅就味道唔錯, 也有咬口, 同一酸一甜兩個醬汁都很夾香蘭葉包雞既調味幾好, 雞肉都幾滑再黎係青咖哩炒飯, 可選豬/牛/羊, 我地要了豬飯炒得幾出色, 青咖哩有水準, 美中不足是豬肉的質地有點鞋店內環境清潔舒適, 侍應有禮, 是次幫襯覺得食物水準亦唔差, 可以一試

今次食竹笙炒椰心,燒羊扒,蛋網炒金邊粉.竹笙炒椰心,食到返胃,完全!!淡而無味.羊扒又細,放底的菜又乾又碎,賣$9x,炒金邊粉亦不算好味,侍應生手又被經理鬧,又貴又唔好食!

星期五的晚上, 等人吃飯無意之下發現這隱敝餐廳. 對上一次來(銅鑼灣店)已是六至七年前的一頓生日飯了, 這晚機緣巧合下便再來一吃.被安排坐在窗口邊, 窗外停泊着一艘大郵輪, 增添一丁點渡假氣氛.叫了:香茅蝦沙律 – 這不是泠的, 而是將去殼蝦用乾葱香茅青辣椒粒炒成, 香辣惹味, 蝦新鮮爽口, 不錯啊!咖哩牛筋腩 - 咖哩不香不辣, 近乎葡汁, 牛筋腩汶得淋, 肉筋相間, 品質不錯.燒鱔 – 鱔扒很大很厚, 入口豐滿, 伴以燒汁和醃菜解膩, 很滿足!

9點入座，兩個人點左好多食物，由於過左晚飯旺場時間，d菜上得好快，侍應服務周到。冬陰公(細)$68，有4碗，辣到面紅，渾身是勁!好!椰菁$38，貴啦，不過又凍又甜，好!黃咖哩牛尾，薯仔入味，牛尾無乜肉，一般!蒜蓉包$24，4件，暖上，沾咖哩汁，香脆，好!清炒椰菜苗，少油炒，份量多，有益腸道，好!牛丸湯面，牛丸一般，包肚之選，友人話好!尖咀食泰菜地方唔多，呢間，可以啦!

星期六(23/2)同舊同學喺金不換食飯，食到一肚火。1. 有枱變無枱。book咗七點半，七點三有位小姐打俾我confirm booking，點知地鐵太嘈聽唔到電話A 覆翻金不換ヌ無人聽，點知去到果位小姐話將我哋張枱俾咗人，因為打俾我無聽，我即刻反駁話我有覆係佢哋無聽，咁佢先知衰俾番張枱我。2. 煩你轉枱。由於有個friend因エ作要遲半個鐘到，有位經理就猛咁叫我哋轉細枱，我哋要講幾次佢先唔再煩我哋。3. 叫乜無乜。叫蝦刺身無，叫柚子沙律無柚子，叫甜品又話無芒果。一間無蝦無柚子又無芒果嘅泰國餐廳仲叫做泰國餐廳？4. 味道唔掂。食物無樣好味，是但响九龍城揾間泰國餐廳都好個佢。5. 未問就收。成個菠蘿炒飯食咗兩啖問都未問就俾人收咗。激死。南瓜布甸食剩個皮就問我哋要唔要，問你死未？泰國菜就無，氣就成肚都係。

2/1 諗住同一大班同學聚舊,去金不換一定冇失手, 我前一日打電話去, 想訂枱, 有位小姐聽電話態度麻麻, 問佢多兩句就俾左另一個男人聽, 咁我最後book左8點鐘第二日到左7點40分左右, 又係同一位小姐打黎, 一開口就問我:"請問你係唔係趕緊黎架喇?" 我即時火都黎埋, 同佢講:"我book左8點bor!" 跟住佢態度好差咁話:"係呀!我confirm下0者!" 下, 仲有成20分鐘, 點解我要趕黎呢? 想confirm態度都可以好, 而且佢好似預知我一定會遲到咁, 我初時以為佢因為好多人等位, 所以驚我唔要張枱, 點知我"準時"去到, 見到其實係好多吉枱, 不過其實除左果位知客小姐(應該係中國人), 其他泰藉0既waitress都好好態度食物果方面, 都係order左d大路野, 值得一讚係個烏頭魚, 幾入味, 豬肉生菜包ok, 豬頸肉好食, 但係炸軟殻蟹同個蠔餅, 冇味, 仲差過d街邊小食店, 好失望..... 炒金邊粉太乾, 菠蘿炒飯不過不失, 尖沙咀呢間係新開, 環境雖然好左, 但係食物冇其他分店咁好食, 最重要換左個知客