野玩田店

营业中

休息中

呢排積極減肥修身，除咗努力游水跑步做firming之外，飲食都健康咗，其實有時細心諗一諗，從飲食裏邊仔細一點，都會省點花大量時間運動黎keepfit。所以而家除咗喺超市買嘢食會注重睇卡路里同糖分有幾高之外，出外餐廳用餐都會更多注意健康營養嘅餐廳，而呢一間亦都係我近期成日光顧嘅餐廳！呢間餐廳裝修簡約舒服，周圍已經可以睇到種植苗和植物讓到整個環境都好Green🍀🌱🪴氧氣，喺度食飯呼吸空氣都零舍新鮮😂餐廳午時開始，準時12點就迎接客人，客人已經陸陸續續喺出邊排隊，坐低之後我哋見到午餐套餐有幾個選擇，我哋揀咗卡邦尼意粉和蓮藕粒意大利飯為主食；另外餐廳有任食沙律，一聽到任食沙律吧就好興奮，而呢一度果然冇令我失望，呢度沙律吧有好多款配料配搭，唔單止有三文魚、仲有新鮮水果、甜品、湯、沙律菜等等選擇…啲嘢食好快就到，呢度嘅卡邦尼意粉芝士冇出邊咁咸好健康，食落好香嘅芝士味之餘，呢度嘅煙肉都好好食呀！而我揀嘅蓮藕粒意大利飯出面真係冇㗎係呢一度先有，估唔到蓮藕粒都可以用喺西餐的飯類，夠晒創意健康同埋驚喜，所以都係我選擇嘅其中一個原因；蓮藕粒好爽，原來同意大利飯一齊食係好夾架，而且意大利粉嘅忌廉都唔會話太咸，

之前舊舖喺K11 已經成日光顧而家搬咗去iSquare 當然要支持下.《炸水牛芝士》$88咬一口 薄薄的外皮很香脆而內裏的 是滿滿的 軟綿的水牛芝士🧀味道香溢 感感香香.《芝士磨菇釀雞翼》$98一流的小食 每隻雞翼都脹卜卜的🍗外皮煎到金黃香脆入面釀磨菇 啖啖既有菇菌的爽彈又有芝士的拉絲 非常Juicy.《燒南瓜藜麥無花果沙律配草莓醋》$128好足料 淨係賣相都贏晒勁多舊南瓜🎃每舊都燒到好軟腍配埋大量沙律菜🥗同新鮮甜美既無花果唔洗落醬汁已經好好食 但加埋草莓醋就更甜美.《牛仔肉配野菌闊條麵意大利麵》$188醬汁香濃 每條闊條麵都掛滿醬汁食落闊條麵質地帶少少咬勁 牛仔肉軟腍 仲有好多野菌添.《雞肉燈籠椒意大利麵配香辣蕃茄汁》$148蕃茄汁意大利麵稍為有點普通🍝不過雞肉同燈籠椒都保持爽口既

早幾到尖沙咀 食下午茶 ,isquare野玩田店下午茶時間人不太 多,氣氛非常之好 野玩田店平時都好多人,難得今日人不太多,就好好咁過一個休閒嘅下午~特色下午茶要留意嘅係,星期六日下午茶時段三點才開始,至於平時就兩點半 晚市消費滿指定金額,即可獲贈這可愛動物 盆栽 ,可以在家體驗下種植既樂趣!  門口位置好有田園風 ! 呢度嘅tea set 都有好幾款 !我見身邊嘅枱都叫咗下午茶套餐high tea set,係畀兩個人用嘅!但身邊嘅人想食意粉,所以下次先再嚟食啦!  下午茶套餐是包括一個一份食物加一杯飲品 飲品。如果叫咖啡或茶是不用另外加錢的! 但加15蚊已經可以 top up到某些指定嘅特飲,又或者加30蚊就可以飲到沙冰之類的超級特飲! 紫薯fans必定要加15蚊換這個紫薯鮮奶!超靚 !紫色的紫薯和白色cream一層一層好夢幻!上面加咗啲手打奶油,再上面淋咗啲紫薯粉一條紫薯乾! 飲一口,紫薯嘅味道甜而不膩,還有細細粒既紫薯粒, 令口感更有層次至於蜜桃茶看起來是檸檬茶多啲喎

本來諗住同朋友黎食個半自助餐，點知晏左黎，平日的半自助餐在12:30-14:30提供，我地兩點黎到咁就算啦，睇下下午茶餐牌有咩食，朋友一見到個窩夫就決定要食佢，哈哈，咁好啦，錯有錯着啱食就好～早左少少入座，再睇下除左窩夫叫咩食先，下午茶鹹食選擇不多，主打甜品蛋糕等，仲有個好吸引值得打卡嘅三層架tea set。最後決定叫兩款鹹食，一份甜品，再轉個特飲添，呵呵，好豐富啊～飲品先到，點了紫薯鮮奶＆朱古力咖啡，賣相真心靚。自己叫左紫薯，淡淡的紫色好吸睛，真係有紫薯味同粒粒嘅口感，好香又不過甜，啱口味～朋友杯朱古力咖啡同樣好飲，啡味同朱味夠平衡，同樣不過甜，抵讚。主食點了車厘茄羅馬菜沙律配田園醬加燒雞，樣子也不錯。羅曼菜爽脆甜，呢種菜真係好啱做沙律。醬汁不多不少剛好包著菜葉，少少酸味去了芝士的膩感。至於加配的燒雞不似預期，以為是“燒”過的雞肉之類，原來上的雞胸肉，入口軟嫩完全不帶油脂，感覺好健康，味道有驚喜，哈哈，不要以貌取人啦。另一款點左牛油果藜麥流心蛋牛角包，還有少許薯條伴碟的，正喎。牛角包香脆重牛油味，內裏夾著生菜、蕃茄、藜麥、蛋同牛油果片，醬汁是牛油果醬，入口好清新好好味，但流心蛋略微熟

尖沙咀isquare有間主打新鮮食材farm to table餐廳入門口就見到種左好多菜苗 非常fresh香煎日本頂級帶子伴青瓜莎莎(3件) $138帶子表面煎得十分香脆配上青瓜同蕃茄 即時增添田園風味吉列炸釀海鮮蟹蓋 $108入面餡料豐富 即叫即炸 熱辣辣炭燒豬頸肉配自家製泰式汁 $138炭燒原隻魷魚配自家製泰式汁 $128Order左兩樣炭燒嘢嚟食分別係豬頸肉 同 原隻魷魚兩者都有濃烈嘅炭香 非常惹味不得不讚係個自家製泰式汁配搭肥美嘅豬頸肉 少少辣少少酸解膩亦開胃 夏天食一流慢煮清酒鮑魚(凍食, 3件) $148天氣熱當然要食冷盤鮑魚用上清酒慢煮 味道保持到爽口又不韌

琴日中午去咗iSquare的野玩田店食半自助餐，去到門口侍應好快帶咗我哋去坐底仲比左Lunch Menu☺️Orde主菜已經包埋自助區嘅食物，主菜選擇都幾多，餐包一杯飲品。主菜今次揀咗👉🏻素肉條什菜蕃茄汁意粉丶西冷配薯菜。自助區有好多小食，毛豆丶漬紫菜丶日式八爪魚丶桔仔⋯不停換款，沙律有2款菜+果仁碎丶蕃茄仔、粟米粒丶紅菜頭丶提子⋯。熱食有烚雜菜和泰式魚條。甜品有生果丶朱古力蛋糕丶香蕉蛋糕丶吞拿魚tart！食左一次頭盤之後西冷和意粉也到了👍🏻西冷5乘熟係做到，塊肉煎得夠香，肉唔嚡👍🏻炸薯條好好味😋素肉條什菜蕃茄汁意粉👉🏻這碟意粉好有溫度，係熱嘅👍🏻茄汁濃，麵條彈牙，素肉條冇乜味可能被蕃茄汁遮曬味。飲品係唔記得影😅環境光線充足丶坐位之間唔算迫👍🏻整體來講好，會再嚟👍🏻

套餐跟左餐湯&麵包，麵包好鬆軟，仲有套餐你包埋自助沙律吧，選擇唔少，其實午餐嚟講相當抵食。值得一提既係沙律吧既蔬菜鮮甜爽脆，加上沙律醬作前菜非常開胃。吉列豬扒配日式蛋黃醬及薯條 $168吉列豬扒勁大塊，炸得香脆唔油膩，肉味香濃唔會太肥，因為本身可以喺沙律吧無限食菜，所以食哂成碟都唔會覺得太熱氣。燈籠椒雞肉芝士汁意大利飯 $158顏色好鮮艷，個飯亦煮得剛好，有咬口唔太硬身，芝士汁較得好好，食哂都唔會太飽滯。另外叫左杯牛油果蘋果沙冰，整杯都充滿果香，值得一試

野玩田裝修優雅，白色店面加上綠油油植物，滿滿小清新風格，像置身於溫室之中。餐廳以本地有機蔬菜、可持續海鮮入饌，環保又天然，令人回味大自然的純樸。吉列炸釀海鮮蟹蓋 $108蟹蓋炸至金香鬆脆，內裡釀入蟹肉，蝦肉及雜菜粒，能一次過品嚐滑溜蟹肉及彈牙蝦粒，美味的雙重享受，沾上蛋黃醬，啖啖窩心。香煎海鱸魚配青檸牛油汁及燒薯仔 $288鱸魚煎封至金黃，外皮焦脆，緩緩切開，魚肉細嫰柔滑，豐沛的魚油，鮮香美味。燒薯仔軟綿黏牙，加上甘荀及西蘭花伴碟，健康細緻均衡。海蝦龍蝦汁意大利飯 $168意大利飯軟綿、濕潤，伴隨著淡淡龍蝦汁鮮香，每啖香稠，跟配蝦肉，肉質彈牙、結實，口感夾雜蔬菜粒，鮮味十足。紅莓慕絲蛋糕配士多啤梨蓉 $78粉紅的慕絲蛋糕，心形外表夢幻，入口柔軟細緻，充滿天然莓果酸香，清香柔美。加上內層士多啤梨蓉，吃起來不甜不膩，令人迷醉。

食物係幾多味嘅，雖然價錢係有點偏貴，不過如果多啲人去食就好啦 因為可以食多幾款，健康素食餐廳間餐廳雖喺k11 但位置都算隱蔽，喺k11 Natural 裡面⋯成日餐廳都好田園feel..光線充足 ，初次見面嘅人約會一流🤣 ❣️日式頂級帶子海膽汁意大利飯❣️$208眼看未為實😳睇似南瓜⋯味係紅棗，幾特別⋯⋯ ❣️黑松露片炒農場雞蛋酥盒❣️$98一口咬落去，雞蛋酥盒內散發出濃濃嘅黑松露，本人鐘意😋 ❣️芝士磨菇釀雞翼❣️$82有啲女士怕喺異性面前影響形象，特別係喺有意思啲人到前⋯不過唔怕，因為呢個雞翼係去骨，有香濃芝士，好足料！ ❣️芝士焗有機羽衣甘藍大啡菇❣️$110一聽個名都知好野，羽衣甘藍加上芝士再焗過，有啲人唔鐘意食呢種菜係因為佢硬又澀，但呢個唔會，再加上大啡菇，成個感覺唔同曬😌 ❣️天然碟豆花蘋果梳打❣️打卡飲品，因為杯身有點高，女士飲起嚟有點煩，要企高🤣但幾好飲

之前都去過野玩田店，感覺佢嘅食物質素都唔錯，一直留有好印象。原來而家餐廳搬咗喺iSquare，今晚同朋友行過又來幫襯，餐廳嘅裝修依然清新光猛，裏面又種左唔同的植物幼苗，好有清新田園嘅感覺。呢餐我哋叫咗四樣食物，兩個人食真係食得飽飽啦！我哋首先叫咗羽衣甘藍巴馬火腿西柚合桃沙律，沙律嘅份量都好大，勁多新鮮嘅羽衣甘藍，我係非常喜歡吃羽衣甘藍，所以呢個沙律就啱晒我啦！感覺佢嘅沙律醋有好香嘅果子味，酸酸甜甜又香，巴馬火腿一直都好食㗎喇，沙律配埋合桃有畫龍點睛嘅感覺，尤其將合桃連埋羽衣甘藍一齊放入口，味道有提升咗唔知幾多個層次啦！西柚切成一片片，唔太酸，所以都係好味。另外叫咗日本頂級帶子蕃茄汁意大利飯，帶子大大粒，煎得好香。蕃茄汁意大利飯口感好煙靭，偏硬身但又唔會好難𡁻，而且飯嘅份量其實都唔少，絕對可以share嚟食。至於牛仔肉配惹菌闊條意大利麵我覺得好好味，超乎我嘅expectation. 我覺得好食嘅原因好大部份歸功於嘅醬汁真係調校得好好味，令到意大利闊條麵非常入味，另外佢嘅牛肉同雜菌份量唔少之餘亦都係煮得好好味好林。最後我哋叫咗炭燒原隻魷魚配自家製泰式汁，主要原因係望到張相好吸引，炭燒魷魚好

今日同朋友黎到一間較特別既餐廳，餐廳中間有種植到豆苗！而且會用黎加入係餐品上面，感覺健康清新，啱晒追求健康的我們。鋪坐下店員會送上麵包2個，好讓我們先醫醫肚☺️。我地點了帶子蕃茄汁risotto，帶子煎到好香口而且軟，調味都剛剛好，飯亦係高水準之作，軟硬適中，配埋佢種植既豆苗！口感新鮮。另外我地仲叫左個medium rare既牛扒，配以黑松露汁，加上蔬菜用了蒜去炒，增添鮮味，牛扒亦唔會太乾或硬身，咬落肉汁豐富，配以醬汁，非常美味可口。平日工作過後係舒服既環境配以紅酒同美食，非常舒適！

呢間店喺K11嘅時候已經好想試，而家搬咗過嚟Isquare，一樣咁方便🤗呢度主打清新健康田園風，仲要係superfood同有機食材，聽到都覺得健康💪🏻先黎一客餐飽，呢個唔係普通既甜餐包，食落有陣黑糖味🤤羽衣甘藍巴馬火腿西柚核桃沙律食沙律點可以唔叫我最愛既kale😍好清新👍🏻加左Parma ham同西柚帶出兩種風味。香煎日本頂級帶子配青瓜莎莎煎帶子，唔太生唔太熟，煎得剛剛好，一絲絲既帶子肉配上惹味既青瓜莎莎，絕對係開胃既餐前小食👍🏻青檸香草燒海鱸魚未見過如此多既配菜，咩顏色都有，營養角度直頭一百分💯唔止配菜出色，個海鱸魚個皮煎得香脆，肉質嫩，如果魚味再出啲就更正，好彩個汁吊下味👍🏻呢晚落大雨，嗌杯熱桃膠雪燕紅棗暖下個人，又可以滋潤養顏，一舉兩得。

同事推薦來試試的就係ISQUARE 3樓， 放工過嚟食， 食完再去行街就啱晒喇～7點去到唔洗排隊～目測餐廳大多數都係4人檯， 我哋兩個人都坐得好鬆動估唔到有餐包仔， 暖暖哋唔錯的煙三文魚牛油果紅菜頭沙律配青檸醋＄148成碟都好REFRESHING， 而且份量又多酸酸哋好開胃， 做前菜就最適合啦菠蘿黃金樹 $78勁高身嘅菠蘿沙冰 （有D比佢嚇親）， 飲落涼透心 PASSION FRUIT SODA ＄78微酸又帶甜， 味道清新兩杯都好適合夏天飲～Thai Squid $128原條墨魚燒得剛剛好而且隱約聞到D炭燒香味咬落有口感得嚟一D都唔韌點埋酸辣汁好惹味呀～日本頂級帶子蕃茄汁意大利飯 $198睇MENU已經覺得好味， 帶子又大又厚身， 煎到好好食呀Risotto 軟硬適亦煮得好入味番茄味都好重， 感覺食得好健康晚市惠顧滿港幣$500+仲可以收到「微菜苗」種子以及可愛動物造型盆栽一份添

Lunch想食清淡啲 就黎左呢間野玩田店😆😆😆😆😆貪佢有個自助salad bar 想食幾多沙律菜都得🥗呢間野之前係k11果邊 依家搬左黎isquare 🤔🤔感覺上好似覺得餐廳內部細左 個salad bar都好似細左好多🤔🤔🤔不過佢既 lunch set 價錢都幾合理 138-168包一個自選主菜(即係飯 面 肉 果啲) 加沙律bar任拎 同埋飲品😀😀😀😀😀😀今日就食左個素雞肉意大利飯 我估都算清清地掛 好似係🤣🤣🤣🤣🤣

以田園風裝潢為主題嘅「野玩田店」🪴餐廳所用嘅有機食材都係本地農場種植🇭🇰.餐包🥖有黑糖味同芝麻味🤎2款都唔錯.芝士蘑菇釀雞翼(4隻)🐔外皮香脆😆裡面釀滿芝士同蘑菇🧀🍄好味道.蟹肉蘆筍羅馬沙律配田園醬🥗蟹肉鮮甜🦀不過份量就好少🥺相對普通.海蝦意大利飯🍚海蝦彈牙大隻🦐Risotto滿佈龍蝦汁🦞望落好細份，但其實好飽肚😋.烏龍茶蛋糕配Movenpick雲呢拿雪糕🍰蛋糕質感比較結實😙配埋雪糕就濕潤啲🍨🍓🍈.Hazelnut Berry🥤用藍莓🫐雪梨🍐榛子🌰蜜糖打成🍯味道天然微酸😌.桃膠雪燕紅棗🫖有好多粒粒桃膠🥰香甜滋潤