野玩田店

营业中

休息中

睇完戲同小朋友食埋飯先返屋企，呢間餐廳夠光猛而且座位闊落，加上價錢合理我哋就揀咗佢，估唔到見到餐牌之後，聽埋侍應介紹，餐廳主張健康飲食，入邊有唔少蔬菜類嘅食物選擇，不過對於我呢啲食肉獸，我就冇揀到食素菜，不過見到食物入邊都會加咗啲蔬菜，感覺好似即刻食得健康咗。前菜我哋叫咗蒜蓉炒蝦配多士，雖然份量唔係好大，不過每隻蝦都非常大隻，而且好鮮甜好彈牙，辣辣地嘅感覺特別開胃，配埋香脆多士一齊食，做前菜一流。煎蟹餅有六粒，一口一件，蟹餅食到一絲絲嘅蟹肉，加上入面加左紅黃錄椒粒，成個感無咁溜，味道亦都好好。薯條當然係小朋友最愛，黑松露醬好香好creamy ，薯條新鮮即炸全部熱辣辣，唔會唔好食啦。正！主菜叫咗牛仔肉闊意粉， 意粉真係好闊，好得意，入口似係手工意粉嘅口感，闊麵容易掛到醬汁，好香好濃郁，真係好好味，小朋友都食到舔舔脷。呢度有好多健康飲品，有啲都加咗蔬菜入去，我揀呢杯就係牛油果青蘋果蜜糖沙冰，酸酸甜甜，但入口會食到有牛油果粒，清新又好味，下次再嚟尖沙咀睇戲可以再嚟多次試吓其他嘢食先。

首先餐廳的裝潢令人很舒服，因為周圍有植物裝飾的緣故吧！食物上枱是熱的，而且快，味道都很錯，尤其是蟹餅及雞翼。餐廳沒有限時，所以可以好好的吃飯，最後加埋甜品剛剛好呢！

尖沙咀人氣餐廳 顏值高 用料健康地點亦便捷～～～收工去咗尖沙咀行街，之後再順道嚟到喺地鐵站上蓋isquare嘅呢一間餐廳食晚餐。餐廳裝修以田園風作主題，🌸️花花草草☘的清新顏色，令到整個用餐環境非常舒適。～～～炭燒豬頸肉配自家泰式汁$158豬頸肉柔嫩可口，沒有過多調味，入口肥瘦均勻，加上自家香甜帶微辣嘅泰式汁，開胃非常。～～～🐟香燒全條海鮮海鱸魚配自家製泰式汁$308呢款每日限量供應嘅海鱸魚，配搭同樣嘅泰式汁，卻有截然不同嘅感覺，魚肉扎實，鮮味，外皮酥脆，蛋白質滿滿嘅感覺，清新自然，感覺好低卡，減肥幾適合食，而且啖啖魚肉，無咩骨位，魚亦頗大條。～～～美國無激素豬肉配蕃茄汁意大利飯$168粒粒甚具咬口嘅意大利米粒，索盡蕃茄同三色椒嘅味道，感覺好健康，酸酸地嘅茄香好開胃，而無激素豬肉亦係嫩口，火喉控制到位，最後撒上🌹玫瑰花瓣裝飾，貌相味道均不錯～～～🥬忌廉菠菜$88香濃忌廉非常奶滑，令到我本身唔鍾意食菠菜嘅我都好鍾意食，汁量頗多，用黎撈飯，或者點下海鱸魚或豬頸肉亦都非常合拍🐷，不錯。～～～野玩田店 (尖沙咀)尖沙咀彌敦道63號iSQUARE國際廣場3樓307號舖

上星期同朋友去咗尖沙咀行街，雖然尖沙咀好多嘢食，但要揀一間坐得舒服又可以坐耐少少嘅餐廳真係唔容易。 最後我哋去咗野玩田店，一開始完全係俾佢闊落嘅座位吸引，尤其疫情 好多餐廳都迫迫夾夾，呢間就比較闊落坐得好舒服👍🏻👍🏻餐包係熱嘅 好有態度👍🏻前菜要咗個黑松露醬蘑菇酥盒擺盤簡單精緻，上面啲花都可以食得㗎炸水牛芝士條真係外脆內軟，芝士味好濃郁🤤香蒜炒蝦多士蝦嘅調味酸酸甜甜，蒜香味好突出，雖然細細份，但係好值得一試😋 燒雜錦蔬菜串配黑蒜汁翠玉瓜Juice好好食，配埋啲黑蒜汁恰到好處羊奶芝士蜜瓜火箭菜沙律第一次食燒羊奶，係淡淡嘅奶味、再加埋啲好甜嘅蜜瓜同埋沙律菜好開胃😋飲品我嗌咗Margarita，好大杯飲得好盡興🤣朋友就嗌咗個花茶。呢度最值得推介係環境好舒服、又唔會同隔籬枱手撞手、嘢食味道唔錯，重點係侍應好細心， 我哋兩個女仔嗌咗好多嘢食，佢見我哋未食晒，提議幫我哋hold住 等我哋食都差唔多再上，費事野食凍哂我哋都未食到。👏🏻👏🏻

呢排天氣都好唔穩定，同朋友行iSquare 之際，一行入到商場既扶手電梯就落起大雨嚟，lucky us!加上午飯時間，就一於喺呢度食埋lunch🤩就比佢哋門口既招牌吸引到，就食呢間啦!嚟到先知星期一至五頭20位walk in 客人可以免費升級buffet bar(原價係$58)優惠好吸引呀😍🌟Sea Prawn Garlic Spaghetti $168🌟香辣蒜片海蝦意大利麵見到餐牌好多都好想食，幾番掙扎後，就喺泰式紅咖喱車厘茄意大利麵做選擇😅加咗蒜片既海蝦意大利麵，非常惹味撲鼻🤤🌟Pork Knuckle $198🌟德國咸豬手配沙律大大份既德國咸豬手😋啖啖都係肉，如果個皮做到脆卜卜就更加完美了🤩🌟Latte $15🌟咖啡係一個美好假期必須的☺️不能沒有咖啡的brunch🥰

男朋友話想食牛扒，接完我收工我地就去左尖沙咀嘅野玩田店，方便食完再去行街～我地叫左意大利軟芝士番茄沙律配羅勒（$148）軟芝士好香好軟滑，加埋番茄沙律好清新！美式薯條配黑松露蛋黃醬（$88）本身薯條已經有調味，唔點醬食都得，點嘅話黑松露味道夠濃～我地都叫左晚餐，係跟是日餐湯配餐包、是日甜品同餐飲。想講個餐包黎到暖笠笠又軟綿綿，絕對唔求其；個湯好足料勁多菇蓉，淨係呢part已經好加分！我食嘅係黑松露野菌墨西哥餡餅（$168）餡料都足，食落口感豐富！而男朋友食嘅係炭燒加拿大AAA+級安格斯無激素西冷（12安士 $338）好大塊，牛味重用炭燒唔洗太多調味已經令人食唔停口～餐飲叫左凍檸茶，是日甜品係芝士蛋糕，入口唔算好膩～連唔多鍾意食甜野嘅男朋友都食左（平時佢多數會比埋我食haha）呢到食物質素幾好之餘都坐得舒服，下次再黎食下其他野～

一早聽聞呢間餐廳主打田園風，餐廳佈置都好花草樹木風格，牆邊會掛住簡介唔同植物的壁報，而我坐的座位旁邊會擺放一排的植物幼苗，感覺超級Organic！點好餐後員工會送上岩岩焗起的餐包，餐包麥味好香濃好Soft！等緊食物的時候叫左杯玫瑰烏龍茶花雕，口感好特別，入口係烏龍茶味，再之後會有陣陣花雕味散發出黎！香蒜炒蝦配多士擺盤精緻，多士微微焗過，帶點脆口，而蝦肉新鮮爽口，又帶點酸辣口感，作為前菜都幾出色！炭燒原條魷魚配自家製泰式汁魷魚份量足一隻，size一d都唔細，大大份，略嫌炭燒味唔太重，但香氣搭夠，而食落口一d都唔韌，配埋自家製泰式汁好惹味！墨西哥海鮮餡餅上枱貌相唔錯，外皮香脆帶點微焦，內餡有蜆蝦等海鮮同三色椒，口感都幾豐富，但如果內餡多d會更好！新鮮生果酥本身諗住叫自家製豆腐芝士蛋糕，但可惜賣哂，不過呢個食落都幾有驚喜！貌相超級唔錯，店員同我地講上面全部裝飾都可以食，包括樹葉蝴蝶，咬落口原來係米餅黎好得意！酥皮好薄脆，搭配無花果士多啤梨藍莓同cream，口感唔會膩，值得食！

Somethingwild係一間健康主題既restaurant，店內環境開揚，窗邊擺左好多綠植，中間仲有一個area係好多植物幼苗，比人一種非常organic既感覺。點好餐就送上餐包，濃濃麥香。我地嗌左兩個主食，香燒全條新鮮海鱸魚配自家製泰式汁同青咖喱虎蝦配墨西哥餅。原條海鱸魚被香料提前醃製，外皮酥脆，內裡滑嫩，配上特製的泰式汁，非常爽口，酸酸辣辣。另一盤青咖喱虎蝦配墨西哥餅也非常出色，一共有11只虎蝦，足足既分量，從未試過墨西哥餅既配搭青咖喱，可以用湯汁浸餅，香辣可口，再配上蝦肉，中意食辣既朋友不要錯過。甜品部分我地嗌左一個鮮果窩夫，窩夫餅唔會太甜，配上生果作為飯後甜品十分清爽。

臨近工作收爐，決定買對鞋獎勵今年的自己，新嘗試，膽粗粗排練左個雜耍表演。係 I Square 買完野，梗係要食餐好！經過野玩田店，見門口有個打卡位幾靚，窗邊種有一排植物，果真係有田園氣息，就甘被吸引入去！呢間野玩，唔簡單，野食選擇都幾多！選野食無難度！超級田園沙律份量十足，名副其實！藜麥，茄子同其他沙律菜，菜鮮又健康之選！香蒜炒蝦配多士蝦同多士係分開的，挺精緻，蝦身披蒜片，一齊食蝦肉更添層次，蝦肉彈牙滋味！海蝦龍蝦🦞汁意大利飯橙色珍珠飯粒上，站有5隻蝦，蝦大大隻，爽口彈牙，米飯粒粒皆染龍蝦味。甜番薯份量足，外層蘇脆，甜甜的，食唔停口！羽衣甘藍汁賣相靚，真係有塊羽衣甘藍葉係杯入面，飲落去，順滑滋味！整體而言，環境舒適靚麗，食物滋味，值得舌尖再遊！

今次喺野玩田店食週末半自助午餐都算幾高質同好滿意，入到去見到自助吧嘅食物唔算太多但質素幾好，所以冇叫主食，淨食自助吧，食物質素如下:冷盤:煙三文魚好出色，出去攞左幾round，其他凍肉腸和燒牛肉都好入味，沙律菜都好新鮮，尤其係紫薯相當好味，職員refill食物都好快熱食:炒雜菜唔錯，仲有兩款炸物椒鹽雞軟骨同炸魷魚鬚都唔錯甜品:一般般，選擇較少埋單加一後共$196,可以90分鐘食個健康輕型版兼飽肚嘅半自助午餐都幾OK

抵食半自助午餐今日約咗朋友喺尖沙咀iSquare見面，順便吃午餐。我們揀選了坐落3樓的野玩田店吃午餐，幸好我一早訂位，否則就要等位喇！我們剛坐下，餐廳便很貼心送上蘑菇湯及黑糖包。蘑菇湯超多蘑菇粒，很濃蘑菇香味，黑糖包微甜，好吃。餐廳裏提供半自助午餐，只要點上一個主菜再加$58，便可以任食很多不同食物。就讓我為大家介紹食物的款式啦！任食區雖然佔地不大，但是食物是十分優質的，頭盤方面有煙三文魚，糊麻醬豆腐，糊麻醬青葵，螺肉，麻辣小雲耳，青瓜牛展絲，鹽漬牛蒡等等，我最喜歡吃煙三文魚及麻辣小雲耳。小雲耳調味十分可口，這裏的廚師簡直能媲美川菜師傅，超贊。自助沙律吧方面，有菠蘿，粟米粒，車厘茄，青瓜，羅馬生菜，火箭菜等，各式蔬菜都十分新鮮，爽口。我點了海鮮大蝦意粉，意粉烹調恰好，大蝦爽口，青口清甜。朋友點了大蝦牛油果沙律，我的朋友說這個沙律也不錯哦！❤️野玩田店網上訂座享75折優惠 地址: 尖沙咀彌敦道63號iSQUARE國際廣場3樓307號舖#hkfoodie#beautifulcuisines#kolhk#foodstagram#nomnom#lifestyle#finedining#香港

Weekend 一定要懂得享受HEA的時間所以做yoga 之前要食D fresh food 去refresh 一下~Lunch 除左有十多款lunch set可以選擇仲可以加 $58享用自助美食甜品吧，限時90分鐘，頭20位中午12:30前入座仲可以免費添! 自助吧有好多野食，煙三文魚、各式瓜菜沙律等, 甜品就有布甸、生果﹑蛋糕等非常吸引可惜因為一陣要做yoga 所以唔敢食太多, 下次一定要黎食!兩個set lunch -鹿兒島和牛海蝦漢堡配薯條 $198材料好豐富, 好多層, 有新鮮彈牙海蝦同大大塊鹿兒島和牛漢堡, 仲有隻煎蛋添! 肉味好濃，夠juicy, 同太陽蛋一齊食原來是好夾的!。薯條好脆，配合埋burger 真完美~香煎三文魚配椰菜花蕃茄藜麥 $208因為想食沙律所以特別揀左呢個既健康又清新既配搭~ 藜麥同椰菜花一樣都係高纖之選, 一齊食好有口感。三文魚煎得剛剛好，外脆內軟，魚油極豐富，魚皮部份又好香口，完全食到三文魚滑嫩口感😋

呢間餐廳賣點係健康田園風，主要用superfood同本地食材，所以價錢稍貴。應該比較適合注重健康的朋友仔。-🫓點餐後就會送上暖暖地嘅麵包，bad boy覺得呢餐最好食係呢個麵包🫢，口感軟綿，黑糖同麵粉味道好夾好出，細細舊完全唔夠候，如果有得refill就好喇😋。-🥑蟹肉牛油果塔$158對健康食物無乜興趣嘅bad boy覺得都幾好食，牛油果熟成度剛好，配合蟹肉一齊食幾清新。擺盤都有心思同幾靚。-🦪香煎日本頂級帶子伴青瓜莎莎$148帶子厚身新鮮，伴青瓜莎莎味道無咁單調。鍾意食帶子的應該會覺得好食。-🍖炭燒加拿大AAA+級安格斯無激素自然西冷$388揀咗5成熟，肉質厚實，有肉味，但口感略嫌粗糙同無乜肉汁。唔係幾岩bad boy口味。-🍝蟹肉露荀闊意大利麵配忌廉汁$178中規中矩，味道正常無驚喜，闊意大利麵可以再煮腍少少，偏硬。露荀幾好食。-總括呢間餐廳比較適合鍾意食健康清新餐點嘅朋友仔。價錢稍貴。

係 Isquare睇完壯志凌雲， 落去樓下搵食。 見到有間餐廳叫something Wild, 佢嘅裝修幾得意， 種咗好多盆芽菜。喺好奇心嘅驅使下，就同朋友入左去食。一入座， 服務員就會為每枱送上黑糖麵包。 黑糖麵包係涼嘅，食落幾鬆軟，帶有淡淡嘅黑糖味道， 搽上牛油係一道幾唔錯嘅開胃菜。主菜我哋叫咗香燒全條新鮮海鱸魚配自家製泰式汁青同埋咖喱虎蝦配墨西哥餅。鱸魚成條魚表面都係鹽， 魚皮好鹹， 只好棄而不食。 魚肉冇想像中咁實淨， 食落質感細滑，少骨， 配上青檸汁味道都幾好食。青咖哩有成十一隻虎蝦， 每隻都大大隻，食落蝦肉彈牙。青咖哩辣得嚟好惹味， 用嚟點薄餅食一流。 不過個青咖哩其實都幾辣下， 我食到嘴唇微微發熱， 怕辣嘅朋友就應該唔係好啱呢度菜。美中不足既係墨西哥餅得十塊，每塊都薄到好似火腿切片咁，唔多夠飽， 性價比略低。

天氣太熱簡直唔想係街上行，咁啱入左I Square 行街就見到呢間鋪-野玩田店，個名好特別，即刻入去試下先🤗🤗店內環境開揚光線充足，空間寬敞，咁啱我坐係小幼苗旁邊，店員話小幼苗成長後會用作食物伴菜，自給自足👍顏色奪目嘅餐牌，圖案豐富，令人食指大動，點好餐就送上餐包，麵包軟熟有麥味應該係自家出品🥰🥰🥰點左個植物雞菠菜忌廉意大利飯，植物雞是用黃豆麵根制成，有一絲絲口感，大大粒鮮甜蕃茄，加埋青綠色嘅飯再用雲石碟奉上，打咭一流👍👍👍第二道菜係大啡菇配芝士汁登龍椒，焗到有少少焦香而溶化嘅芝士鋪滿黃紅椒上面，低下係厚肉大啡菇，配搭合宜，顏色豐富，小朋友一定鐘意😋😋最後係燒焗加拿大無激素豬鞍配燒菠蘿，豬鞍雖然厚身，但肉質一點都唔鞋，且有彈性 肉色粉嫩，菠蘿燒烤後把水份蒸發，比例上令糖分多左令整體更甜，陣陣燒香嘅焦糖味令平凡嘅菠蘿提升到另一層次。🍍🍍