野玩海店 (已結業)

之前惠顧過山店，食物同環境呃like度都爆燈~最近行過始創發現開左海店，故明思意係以海為提，食物以海鮮為主~作為海鮮控既我不得不試~不過是次最驚喜是每位店員都非常有禮貌，感覺餐廳的員工培訓方面做得好好門面非常可愛~餐廳裝飾成船倉一樣，處處影相位~我地一行四人，order了一份二人龍蝦餐，再單點幾款主食同小食~先來一份餐包，暖暖的，香噴噴，外脆內綿。日式巨型鰻魚炒飯 $98(細)我地揀左細size,不過都唔少，夠4人share~鰻魚大大件肉厚，珍珠米以鰻魚汁炒過，味道好香有點甜，十分討好而且加入醃蘿蔔，增加爽脆口感秘製德國豬手 $168豬手略乾身，伴碟的酸菜出色~焗波士頓龍蝦餐 $398 (二人份)包括一份海鮮熱盤，餐湯，沙律，指定薄餅，飲品，甜品好豐富，抵食~海鮮熱盤有波士頓龍蝦，青口，海蝦，蜆，薯仔，粟米，甚有睇頭~選的蒜汁偏辣，愛吃辣既我也覺好辣~辣度可以輕微一點會更好~龍蝦肉質幾彈，海蝦味道更鮮~青口同蜆都唔錯，肉厚無砂~Zen $45牛油果，蘋果，檸檬，蜜糖朋友點的沙冰，滿滿的，賣相不錯~雪糕新地最後order左雪糕share，入面有三球雪糕，唔係平時食既平價貨色，士多啤梨味

Something wild 野玩又搞新意思新開左間以海鮮做主打嘅the sea今次嘅套餐非常抵食 四百蚊就有交易包湯 沙律 pizza 龍蝦同甜品 足夠四個人食飽飽仲有紅白餐酒任揀 爽焗波士頓龍蝦餐 $398沙津 南瓜湯沙津加左芝麻醬汁 幾清新南瓜湯濃郁 無花假手工薄餅比較薄同脆口 芝士又香切成細件易食龍蝦海鮮拼盤好食指數: 8/10抵食指數: 8/10有芝士汁同蒜蓉汁揀 當然係揀邪惡嘅芝士汁激多芝士而且有creamy嘅奶味主角龍蝦夠大隻 肉夠扎實彈而且已經幫你剪開左少少個殻又比足工具圍裙 拆殻剪鉗話咁易另外仲有大蝦 青口 海蜆 各兩隻 正另外再叫左炸蠔小食蠔夠新鮮 脆醬皮夠薄 唔會食到成口漿

之前已經試過野玩山店所以對野玩海店充滿期待以沙灘為主題 夠晒夏日啊一坐低就睇下有啲咩套餐見到呢嗰波士頓龍蝦餐真係幾抵398 有緣隻龍蝦加大蝦青口同埋蜆仲有一個手工pizza前菜沙律同埋湯是日餐湯係南瓜湯 口感綿密 味道都幾濃手工Pizza出奇地好食餅底夠薄但係有口感 而且芝士份量適中有時配料簡簡單單反而食得出佢有幾好食主角黎啦大大隻嘅波士頓龍蝦以香濃嘅芝士一齊焗芝士雖然香但係有少少搶咗海鮮嘅鮮味但係整體係非常唔錯龍蝦都幾肥美啲膏好澎湃啊另外點左一個炸蠔小食 香脆可口非常正再加左一個主菜就係t bone扒肉質都幾鮮嫩 調味得宜我哋四個人嚟食但係叫一個餐再加其他主菜都唔錯

I was craving for seafood so when I saw that they have seafood set dinner, I went in straight away. The place was well decorated and spacious. I ordered the lobster set once my friend arrived. The salad and soup came awhile later. The salad was in a small bowl with thousands island sauce. Me and my friend actually change the daily soup to the seafood chowder and truffle mushroom because we fell in love with the bread. The soup was served in a bread and the bread was delicious, it was crunchy and

野玩系列又有新店，繼野玩山店、野玩田店之後，今次係野玩海店。男友係水上活動發燒友，今次帶佢去見識見識🤣。餐廳位於太子始創中心地庫，離地鐵站只係2、3分鐘步程，相當方便就腳。一抵達始創地庫，望向右邊，就可以見到餐廳，餐廳外牆以海藍色作主調，招牌旁邊配上巨型紅色龍蝦，相當搶眼！因為我地平日又早食dinner, 所以唔使等位就可入座。餐廳入面貫徹海洋風格，牆身設計成海灘白屋，天花以色彩繽紛的滑浪板作點綴，餐桌上嘅table mat亦係沙灘、海水嘅print, 令你感覺置身於海邊，正等待食海鮮大餐！食物選擇非常多，有各式沙律、前菜、小食、湯、炒飯、手造Pizza、雞、牛、豬、羊，甜品同特色飲品！當然招牌菜主要以海鮮為主，我地選擇左海鮮餐二人餐Set C, $398，包括海鮮凍食拼盤，例湯、是日沙律、野玩手造Pizza、是日甜品。等左唔使10分鐘，開始有野食啦！首先係餐湯，我地加$20 upgrade 周打海鮮湯 或 黑松露野菌湯。2款湯都由農夫包盛載住，海鮮湯係忌廉湯底，入面見到好足料，有蝦、蜆、八爪魚等，幾鮮幾滑，而黑松露野菌湯一上枱已聞到好香嘅黑松露味，食落菇味十足，啖啖菇蓉，好濃稠！2款

太子始創地庫中心開左間叫「野玩海店」踏進門口已彷置身於陽光與海灘嘅環境，仲有道具比我地自拍，夠哂玩味！今晚約埋同事放工後齊歎番餐海鮮大餐！我上網見餐廳主打菜式是—香噴噴嘅'芝士汁「焗波士頓龍蝦餐」'整個鐵板入面有多種海鮮，主角當然是波士頓龍蝦，海鮮都包著濃稠芝士，而且兩重芝味滲進龍蝦肉簡直非常夾且濃郁又唔會太膩；餐除咗有原隻波士頓龍蝦啖啖肉，蝦身有一隻手掌咁大外，仲包4隻海蝦、2隻紐西蘭青口及4隻蜆，配以香烤粟米（栗米非常甜）、香烤薯仔及迷你沙律，真係一個二人餐都真係超滿足，醬汁有三款俾你慢慢揀，包括有香辣蒜蓉、喇沙、牛油忌廉、雙重芝味、意式番茄··啱唒芝士控！帶手套直接用手盡情享用；套餐包一個8吋手造薄餅，佢唔似pizza連鎖店個個一式一樣，是鬆軟有口感薄餅底加上足料（夏威夷口味）那種pizza，大家都吃到很開心！最後跟餐送左兩個免費甜品，是'綠茶口味奶凍'份量雖然細細地，但都好濃郁綠茶味，仲有綠茶粉〇係底，送既甜品來說都算係咁，這個龍蝦餐個人覺得對鐘意食龍蝦既人必須要黎試試，「野玩海店」除咗野食吸引，飲品都有好多種類⋯「新鮮紅石榴梳打」飲落有粒粒紅石榴夠唒口感，酸酸甜甜加上梳打，真

✿╮❤╭✿ ✿雜感女生 好味日記✿ ˚*•✰。野玩海店．GATHERING玩野好地方！。✰•*˚ ✿✿舌尖上的太子✿✿ ❤餓底飯聚．食勻全世界❤ ❤ 早前，天色又雨又晴，很影響心情 年輕的小朋友帶我去「玩野」，食「野玩」 原來有家名為「野玩海店」進駐了始創中心 以陽光與海灘、水上活動為主題 極富海洋風味 晚上更有樂隊表演，難怪有不少年輕人到此又吃又聽 樂在胃食與悅耳之中 原隻波士頓龍蝦拼盤 港幣$398 主菜出：大大隻龍蝦配雙重芝士汁 芝士味好香濃，但龍蝦的鮮甜味更突出 愛吃這種啖啖肉，肉質爽口彈牙 滿口都是海洋味道 這是2人前的套餐，青口、大蝦、大蜆、粟米都足2人份量 沙律、餐湯、麵包都很可口，小朋友加20元要了特色餐湯 果然抵加！農夫包上台，濃香海鮮味，滑滑滑 野玩手造薄餅：份量大，即製，上台香噴噴 包含了甜粟米、甜椒、意式腸、洋蔥配千島醬 可以拉芝，滿足小朋友的視覺與口味，吃得乾乾淨淨 愛吃魚的小朋友，另外點了一客香煎比目魚 香滑的魚肉與香口的外皮 令人十分喜歡，淋上燒汁，又有另一番滋味 甜品：特色奶凍，香軟出色 美味的甜品，真的可以再來多碗 有兒童角，

今天lunch揀左試依間,之前已係OpenRice book左枱先,去到同職員講book左枱,但d職員無問booking info就安排入座(及後發現餐廳居然當我缺席,明明係d staffs無同我confirm, 可惜我無影低張invoice, 申訴無門)講返d食物同服務,當日叫左以下依幾樣：1）龍蝦泡菜炒飯2）燒比目魚 (照燒汁）3）凍蜜桃檸檬茶先黎左杯野飲,人工蜜桃甜味好重,完全蓋過檸檬味,得個死甜,仲要收成$40幾蚊杯...等左25 mins, 終於黎左碟炒飯,賣相還可以既,不過食落d龍蝦係'媒', $198比d咁既貨色,食水都幾深,唔知係咪太唔新鮮,我食完之後都屙左幾次....由於個燒比目魚係三吹四請既情況下,都係未到,而碟炒飯又差不多食完,同埋其實office lunch hour真係唔長law, 所以唯有cancel佢...攪到gf無食過野就要走...依間真係無下次....so bad.....

之前有朋友講過灣仔果間分店，呢排太子始創中心又新開左一間，近近地唔洗過海，可以一試。扒類大概160-208左右，仲根大量粗薯條同薯條，都幾大份。SUNSET - 45 由西瓜，薄荷，檸檬同蜜糖所組成，前者西瓜味作主調，清甜中帶點薄荷味，唔會太甜，感覺冇咩落糖水，正! 夠original! 水牛城雞翼 - 8隻@148最鍾意既小食之一，水牛城即美式香辣醬，呢度既偏香辣而不甜，酸味稍重，算系惹味，沾啲藍士芝可中和酸味，都算okay，只系價位稍高。10安士美國牛柳 - 188鐵板上叫四成熟就夠，餘溫會慢慢燒熟多一兩成，否則太熟就唔好食。牛柳既肉味尚算濃郁，切落去仲有少少血，所以仲keep到肉汁，整體okay。焦糖布甸 - 88同一般法式焦糖燉蛋唔同既地方系燉蛋變左咖啡布甸，既有咖啡香，又有Q彈質感，都幾特別幾好食。

Something Wild? Anyway此餐廳共有三家店，始創中心的較新，亦較近自己，所以臨放假前便來吃頓晚餐。特惠生蠔拼盤配餐酒也蠻划算，尤其法國蠔皇Gillardeau。一紅一白餐酒 - 白酒適合配海鮮，紅肉則可選紅酒，可是house wine稍酸，白酒味道較收斂。Little Special Oyster ($168/ 6隻+紅/酒兩杯): 蠔肉雖不肥美，但勝左清爽鮮香，海水味適中，不會太濃而爆發出來，稍為沉實，作餐前頭盤還不錯。另有意粉/ 沙律/ 薄餅/ 小食，包括水牛城雞翼/ 炸洋蔥圈/ 炸蠔/ 炸薯條等finger food或佐酒小吃，款式算多。香辣大蝦扁意大利粉($158): 醬汁能帶出香而微辛的味道，蕃茄味夠濃郁，令扁意粉吸汁後仍然保持濃郁，沒淡掉。大蝦及蝦肉均爽口彈牙，不錯。美國安格斯T骨牛扒($208): 這陣子吃肉眼/ 牛柳/ 牛肋骨等較多，T骨真的遺忘了一段時間。T骨牛扒予人感覺份量較大，食肉獸最愛，肉味是有的，唯肉質略乾，稍欠肉汁。

今日下晝冇乜節目，於是就同左阿囡出嚟金魚街，睇下魚，睇吓龜，睇吓寵物店嘅動物，消磨下時間。未夠七點就黎左始創中心搵野食，一落到地庫就見到野玩海店個open kitchen同埋play area。雖然個play area好細，但阿囡堅持要衝埋去玩，咁我哋就一於喺呢度開餐啦。同附近的茶餐廳相比，呢度頗為baby friendly的，有high chair，而且餐廳好闊落，擺BB車完全冇問題。除咗新世紀廣場啲餐廳，太子呢頭好少餐廳適合小朋友聚會。玩左一陣，終於肯坐低。餐牌同間餐廳一樣咁色彩繽紛，食物選擇好多，大人細路都有嘢啱食。呢度隻水杯好有camping feel，切合主題頭盤叫咗牛油果蟹肉沙律(大)，牛油果好香好腍，蟹肉嘅份量都唔少，撈埋新鮮嘅火箭菜一齊幾好食由於餐廳有免費餐包，所以我哋就叫左個洋蔥湯。洋蔥湯非常香甜濃郁，飲落仲食到半溶化的洋蔥，個湯面頭鋪滿左焗到金黃色嘅芝士，芝士下面有一塊盡吸洋蔥湯精華嘅法包，好正！阿囡飲咗半兜湯，食埋個餐包其實已經飽左大半平時多數係喺酒樓食芝士焗龍蝦加伊麵咁樣，西式芝士焗龍蝦好似真係第一次食。開邊嘅龍蝦鋪滿咗芝士醬，啱哂芝士控，我覺得芝士同龍蝦肉係好

位於始創中心嘅野玩海店，顧名思義係一間以大海為主題嘅餐廳，餐廳佈置充滿夏日色彩，天花板仲掛著幾塊大型滑浪板，我同朋友都覺得好似置身沙灘中食飯。另外，適逢今晚有樂隊坐陣唱歌表演，感覺真係超relax！講返食物，點咗一份$68牛油果蟹肉沙律，相比其他餐廳，個人覺得呢間餐廳比較貼心，因為沙律都有分細同大size ,而我同朋友兩個人，點一份細嘅沙律作為前菜就岩岩好。沙律內嘅蟹肉份量都唔少，每啖入口都有蟹肉及新鮮嘅火箭菜，而且蟹肉鮮味能夠中和一下火箭菜嘅苦澀味。另外，見到menu有法國生蠔，當然叫啦，今次就淺嚐叫左2隻蠔。蠔好乾淨冇蠔殼，而且味道都好新鮮。little special $32 :海水味冇咁濃而清新，好適合剛鍾意食蠔嘅朋友。當然食法國蠔必叫嘅gillardeau $42: 蠔味濃郁啖啖海水味又厚肉，口感不錯，加上檸檬汁已經足夠。$88白酒青囗，足足十幾隻咁多，而且肉質比較肥美，配合用洋蔥同白酒煮成嘅汁一齊食，囗感一流，價錢亦算抵食。因為食海鮮唔夠飽，所以點都要叫肉食。我哋叫咗一份T骨，份量足足有12安士，配埋粗薯條，一個字，正！其實牛扒肉質絕對係上盛，唔韌夠腍身，不過美中不足係

同朋友係太子聯合廣場行街，行完街已經晚飯時間，雖然大家都不太肚餓，但都想搵間舒服啲既餐廳傾計食飯，就決定去格離間始創中心搵餐廳啦。一入到去其實選擇都唔多，左揀右揀加上大家都想食西餐，就決定試一試呢間「野玩海店」喇。餐牌食物都算多選擇，我地最後決定每要人一份set dinner。首先黎左個凱薩沙拉同香橙墨魚沙拉（唔記得影相😅），凱薩沙拉屬正常質素，但個香橙墨魚沙拉都幾失望，除生菜外，只有一片橙肉同一小隻冇味的墨魚仔。另外跟餐就叫左呢個意式腸肉薄餅，除左份量好大之餘，佢啲材料亦十分之豐富，一啲都唔菇寒，味道也不錯，讚另一個主菜就係鰻魚炒飯，個炒飯入面有好多鰻魚粒，好足料，面頭仲有一大塊鰻魚，又係大方之作跟餐仲會附送甜品，今日係曲奇慕絲，其實係好細兜，兩啖食晒，味道不過不失。

第一次留意到這餐廳，是其灣仔店，以山系做主題，幾特別。後來在K11又見到Something Wild，這次是農場主題，跟那裡的健康飲食主題很貼切。終於按捺不住，決定一試，誰知一搜尋便發現近近地的始創，又有一間，主題是海。黑雨破壞心情，卻無礙食慾。12時多來到，包場。把握時機，為色彩繽紛，佈置一流的餐廳留影。改掛黃雨後，陸續有人入座。很久很久之前，跟哥去Scarborough慶祝生日，岸邊正是一行長長的小屋，門被髹上鮮豔的顏色。最可愛是，有一道門是真的，間開一間房，適合一班人聚會。天花上吊著滑板，充滿活力。牆璧畫上沙灘，散發著夏日氣息。午餐有湯，飲品和甜品，比散叫抵食。點了一份午餐，先送上餐包和湯。椰菜花忌廉湯厚稠，味濃，椰菜花味很出，還有椰菜花碎，但同時忌廉味亦很重，還帶點甜。以餐湯來說，算是不過不失。暖暖的餐包不錯，一個是清清的黑糖，另一個是幾香的橄欖，兩個都鬆軟。牛油果蟹肉沙律沙律有大和細選擇，相差$20，店員說大的較抵食。沙律上放了大量蟹籽，還有不少牛油果和蟹肉，用料幾足。牛油果熟得剛好，腍而不爛，入口幾香。雖然沒有新鮮蟹肉的鮮甜，但味道可以。一切都好，直至把沙律拌勻，才驚覺下面

去開太子搵晚餐食，通常都鍾意搵啲大件夾抵食嘅店，行完聯合之後就去咗食晚餐啦，地點方便嘅something wild 門面已經好有海洋嘅氣氛。店員首先會送上餐包，裝修好靚而且Menu都別有心思。我哋兩個人點左焗波士頓龍蝦餐，$398 有埋餐湯沙律Pizza同埋甜品。真係超值，龍蝦亦都原隻上，估唔到都幾大隻，而且肉質都夠嫩，彈牙爽口。除咗龍蝦之外佢仲有青口，大蝦，仲有海蝦。醬汁方面就會有兩個選擇，大蒜汁，雙重芝士汁。佢旁邊仲會有粟米同埋薯仔，兩個人食完都已經有啲飽。我哋將其中一款嘅南瓜餐湯轉咗做單點嘅海鮮湯+$20，另外有點左酒飲不用另加費用。我哋另外仲叫咗幾款小食，意大利巴馬火腿配梨，梨好香甜，巴馬火腿嘅下巴配埋甜甜地嘅梨，下面仲有啲沙律菜可以食，都幾抵食。我哋仲叫咗個軟殼蟹，真係原隻上，一邊試過食過一啲係炸到肉都無埋，呢度表皮乍得脆口，但啲嘢食到佢入邊少少蟹肉。令我仲叫咗兩隻蠔，大隻鮮甜有海水味。我諗呢度嘅蠔真係性價比高。而且有好多唔同品種揀，甚至係唔同套餐。旁邊仲見到有對情侶不斷影相不斷食，啱晒鍾意相機食先嘅人。