野火燒

野火燒 (元朗)📍地址：元朗建業街熟食中心C8號舖===============平時去開又新街個面，見佢附近有個熟食中心，今日終於抽到時間去試😆呢間野火燒主打串燒，價錢多數都係10幾蚊左右，相當親民。串燒方面，基本嘅豬牛羊雞同海鮮佢都有，另外仲有啲燒蔬菜類！彤朋友決定樣樣都試吓😂重點推介佢嘅燒白鱔，肉質夠滑，而且冇咩骨，調味又做得好，食落有啲似蒲燒鰻魚。另外，佢嘅主打菜「掌心雷」都幾出色。原來佢係用雞腳掌製作而成，入面有啲雞肉同軟骨，食落似加大版嘅雞軟骨，鍾意雞軟骨嘅朋友就唔好錯過啦☺️ 另外仲叫咗燒牛丸、豬頸肉、燒茄子、粟米、雞肉棒等等，再飲埋汽水，同朋友傾吓計食吓嘢咁就一日❤…查看更多

夜晚晚搵嘢食經過見到就決定揀串燒食不過係大排檔咁室內好似得一枱多數要坐出面但so far 啲枱舖好左膠枱布 都係乾淨價錢唔係貴服務態度好好仲有就係我本身勁肚餓之前試過去一間串燒舖等左半粒鐘一串都未上本身都有啲擔心但好彩呢度上得好快！10分鐘都陸陸續續差唔多上哂仲要全部都燒得好靚仔唔會有燒燶個茄子我覺得燒得好好有時有啲舖會燒到啲茄子痴住咗塊皮但呢間無 好容易食到不過可能成12點幾1點 就收工嘅關係有幾樣嘢都賣哂🥲🥲唯一美中不足係太咸feel 到落左勁多鹽咸到有d 蓋過左孜然粉既味…查看更多

羊架$38羊架外表煎得香噴噴, 裡面仲有豐富既肉汁, 唔止食到羊肉鮮味, 完全冇羶味，非常Juicy豬頸肉$16豬頸肉調味惹味肉質爽口鬆軟，炭火燒香肉汁豐富煙肉蠔$42煙肉同蠔配搭十分新穎，估唔到兩者食落口係咁夾，兩者既鮮味都好出，有驚喜煙肉蕃茄仔 $20用煙肉捲住新鮮蕃茄仔，燒得岩岩力，唔會好乾，咬一口有爆漿的感覺好得意白鱔 $36鱔魚肉質鮮嫩，燒到陣陣油香出晒嚟，外皮燒得脆卜卜，食落外脆內軟牛肋骨肉$24平時食韓國菜經常有牛肋骨，試下食串燒嘅睇下有咩分別，估唔到肉嫩而宜牛肉味濃墨魚滑釀冬菇$22每天新鮮買來墨魚滑自家釀製，兩者味道配搭出奇地好味，有趣金菇牛肉卷$24燒到金黃色既金菇牛肉卷肉汁豐富，配埋特調惹味既照燒汁，倍添滋味令人口味雞翼$16外皮燒得香脆，雞肉鮮嫩多汁，非常惹味免治雞肉棒$12雞肉口感軟綿，入口肉汁濃郁 粟米、娃娃菜、菠蘿，調味岩岩好，唔好好咸，燒嘅時間掌握得啱啱好，唔會燒到乾爭爭，相當有水準…查看更多

呢度開張只有幾個月，平日嘅夜晚已經要等位🔥 一餐飯之間聽到其他食客都讚好味😋 希望keep住食物質素，下次再黎試多啲！近40款串燒種類選擇🍢 包括肉類、海鮮、蔬果、丸類，比較特別有煙肉蠔、白鱔、牛肋骨肉、墨魚滑釀冬菇✨牛舌 $26 軟腍、厚薄適中，唔會太韌又夠彈牙白鱔 $36肥美彈牙肉厚又夠嫩，油脂香口，外皮夠脆。呢款好推介！掌心雷 $24第一次食，老闆話係雞爪中間一塊筋肉，唔怪得食落去非常爽口大蝦 $38 鮮味夠，蝦肉有肉汁唔會乾爭爭花枝丸$14尖椒$12粟米$12菠蘿$16 蔬果全部都好鮮甜，特別係燒菠蘿，燒完充滿香味，入口又甜又多汁，仲好貼心已經去皮。食串燒當然唔少得配可樂同大啤，爽啊！🍺 食物調味好好，唔會鹹或者食到成口香料咁，係食到食材鮮味同肉質。而且食材新鮮，火侯控制好好，服務爽快殷勤。一餐接地氣、有人氣嘅串燒大餐，食飽身心都大滿足😆…查看更多

野火燒🔥🔥🔥地址：元朗建業街熟食中心C8號舖同個朋友好耐無見，想暢飲詳談，於是過左黎又新街呢邊，本身想食下雞煲/香鍋/打下邊爐，但行過見到「野火燒」D串燒好似幾抵食，於是決定入黎一試，發現款式都幾多，而且食落幾有驚喜！豬頸肉　（$16）肉質爽脆厚實，不會過肥多脂肪，口感一流！牛肋骨肉　（$24） + 金菇牛肉卷 （$24）金菇新鮮爽口，牛肉肉質鮮嫩，牛肉味濃。魚滑釀冬菇 （$22）墨魚滑新鮮，冬菇Juicy，味道一流。羊肉（$16）肉質軟稔有咬口，唔會羶。菠蘿（$12）大份又鮮甜Juicy。免治雞肉棒（$12）+ 雞翼（$16） + 雞軟骨（$12）肉質嫩滑新鮮，味道唔錯。菲菜（$12）+ 蒜芯（$12）新鮮又香口。茄子（$24）蒜香味濃，口感豐富，十分惹味。…查看更多

喺元朗雞地附近有間食串燒好似幾正，行過聞到好香，比吸引左去食。點左啲串燒，包括燒牛脷、燒鴨舌、燒白鱔、掌心雷、燒雞翼、雞軟骨、雞脾肉、雞腎、波蘿、花枝丸、龍蝦丸，仲有時令大蝦。首先講下串燒的質素，全部即叫即燒，火喉岩岩好，唔會overcook，同埋調味、醬汁都用得幾好，唔會得個咸字或無野。特別推介時令大蝦，size大之餘仲要爆膏，肉質爽口有蝦味。燒白鱔，肉身都幾厚身，燒到保持白鱔肉汁之餘肉質爽口彈牙。燒雞翼，食串燒必點。調味調得好，燒到個皮好香脆，又能鎖住肉汁。燒菠蘿，超甜，仲要去埋皮，咬落去爆曬汁，一定要試。…查看更多

深夜食宵夜系列新年邊有咁早訓，阿女食完晚餐仲話要食串燒🤣做人呀媽唔易嫁，究竟我去邊度邊啲傳銷出嚟呢？好彩喺元朗搵到一間可以坐定定食串燒的小店。位於建業街熟食中心附近，喺大堂站行過去大約5分鐘，好方便。離遠已經聞到好香串燒美啦☺️喺熟食中心，大排檔形式裝潢，即叫即整，全部新鮮現場燒👏🏻👏🏻👏🏻餐牌上面咩肉都有，豬牛雞羊當然唔少得，仲有時令海鮮🦞🐙🦐睇見都流口水😋我阿女要食燒雞翼和腸仔，我就必點雞軟骨、羊架和牛😍同場有靚仔店員圖面贈送👱🏻‍♂️唔講咁多，即刻去相：Ps: 好狠辣粉真係好狠辣，完全冇改錯名📍野火燒 (元朗)元朗建業街熟食中心C8號舖…查看更多

行過見有個新燈牌，望一望原來係食串燒，店名叫野火燒。時間尚早但都有幾枱客，哈哈，串燒配啤酒係宵夜活動黎嘛。揀日不如撞日，就試下佢，睇下餐紙點咩好先。點左幾樣有興趣想試嘅野，本想加支啤酒，諗起聽日要早起都係飲返綠茶先啦，哈哈🤭🥒蒜芯～鮮嫩爽口無渣👍🐟白鱔～肥美彈牙無骨，自己整太麻煩，出街食必點😆🐓掌心雷～唔講真係唔知咩黎，原來係雞腳中間位置，食得咁刁鑽？全部係店家自己預備嘅食材，功夫多所以係限量😝喔喔脆又爽口，口感好正👍🐏羊肉串 + 🐓雞軟骨～羊肉嫩，雞軟骨脆，兩者都屬正常發揮。🍄墨魚滑釀冬菇～串燒店少見嘅釀冬菇，墨魚滑幾彈牙，冬菇燒得香口😋🍍菠蘿～最後食番個甜品，哈哈，菠蘿水嫩多汁，仲好甜添，滿意👍整體串燒有水準，唔乾身又無太鹹，好啱口味😋枱面仲有呢支好狠辣辣粉，愛辣人仕一定要試～BTW，串燒店在成記位置，晚上先有串燒㗎。…查看更多

野火燒 (元朗)元朗建業街熟食中心C8號舖羊肉🐑羊肉串，燒得超香，羊味香濃，肉質鮮嫩多汁，好好食😋即刻加單👍👍👍掌心雷招牌燒，香，脆，爽口好味，又加單，必食😋😋😋雞腎雞腎粒粒，爽滑，香，脆，爽甜，好食😋😋😋免治雞肉棒燒得焦香，肉滑多汁，粒粒脆骨，好有口感，正😄茄子🍆燒得蒜香🧄冧滑，清甜可口，好好食😋韭菜燒得青綠，韭菜香甜，一啲都唔韌，好味，好食😋豆角燒得夠熟，冇豆青味，小小脆香，好食😋墨魚滑釀冬菇墨魚🦑彈滑，冬菇鮮香，甜爽😊，必食，值得推介🥳🥳🥳…查看更多

正所謂野火燒不盡🤣春風吹又生你以為我講啲咩？其實我想講元朗有間新開嘅串燒店，叫野火燒😆另外想特別講佢哋枱面有一支叫#好很辣 嘅辣椒粉，大家一定要加啲喺串燒上面食☝🏻你唔試吓會後悔㗎😆羊肉 $16呢個羊羶味冇咁重，平時少食羊嘅都唔怕試一試，肉好嫩咬開有汁，加埋孜然粉好惹味。羊架 $38呢個羊架勁香，比起羊肉串羊羶味更濃厚，面頭加咗好多孜然粉，令到香味更突出，肉質鮮嫩Juicy🤤，好大舊好抵食。豬頸肉 $16豬頸肉串燒平時食開薄切，今次呢個就厚到成塊牛舌咁😂，但完全冇影響口感，一樣咁爽口彈性，啖啖肉又多汁，超推薦！煙肉蠔$42小編勁鍾意食蠔，呢個仲要加埋煙肉，口感更加豐富，煙肉口感脆脆的，蠔就勁Juice完全唔腥，食到蠔嘅鮮亦食到煙肉嘅鹹，溝埋相當唔錯！白鱔$36燒到皮脆肉爽，小編強烈建議加埋佢地隻辣粉，惹味到震😂😂！極推薦牛脷$26呢個店家積極推薦我地試下，因為佢地係用牛舌芯去整，燒完出黎勁有日本居酒店feel，又爽又嫩，極推薦！掌心雷$24呢個老闆同我哋講解左，其實佢係雞腳嘅中間個肉球，一串入面要用三隻雞嘅雞腳，勁有心思👍🏻而口感同雞軟骨九成相似，只係少咗軟骨嗰part，口感好爽脆加埋孜然粉，超香雞翼$16無論去到邊對雞翼都完全冇抵抗力，老闆係勁有心，將雞翼剪開，方便每處嘅肉平均受熱亦都方便食客進食，雞皮好脆好脆，索索聲😎茄子$24老闆話呢個係用雞油搽上茄子肉到燒，加咗好多蒜蓉同洋蔥👍🏻茄子燒完口感好Juicy好香，🤣加咗雞油令到茄子肉更上一層樓尖椒$12呢個食得辣嘅朋友仔可以食下🤣食完包保你好high😎尖椒皮爽口juicy，配埋入邊極大量尖椒籽一入口就爆汗，好過癒。最好跟番罐可樂或者啤酒就冇得頂墨魚滑釀冬菇$22呢個口感幾特別，冬菇多汁配墨魚滑仲要帶有墨魚粒粒，層次感豐富，加埋辣粉更佳！…查看更多

聽朋友講元朗冬菇亭最近開左間串燒話好好味，價錢好親民，我就走左去試下，真係好有驚喜，估唔到竟然有居酒屋水準，聽聞厨師以前係居酒屋做，唔怪得咁有水準，真係絕對有驚喜，食物仲好新鮮，仲有啤酒飲，兩個女仔食左勁多野都係$300埋單，平時去居酒屋無一千都唔洗走，大家不妨試試，厨師用心制作，員工又好有禮貌，真心推介👍🏻特別推介必食牛舌，白鱔，鴨舌，雞皮，雞腎，雞翼…仲有粟米既牛油係厨師自家秘制真係勁好味😋…查看更多

朋友帶路食好野，今次去咗元朗建業街熟食中心食串燒，鋪頭叫「野火燒 」，非常大排檔風味，估唔到有意外驚喜，食物相高質，而且賣相一流，性價比超高。限定海鮮，《聖子》配自家製番茜蓉牛油，肉厚非常鮮甜；《元貝》配秘製牛油鮮香，帶出元見嘅鮮味。《掌心雷》好特別，是雞腳掌心舊肉，老闆親自起肉，要6隻腳才做到一串，精心製作，所以都係每日限定，售完即止。《牛脷》採用牛脷芯中間最好味部位，牛脷特别甘香牛味濃。《雞腎》亦是取中間最爽位置，去咗邊位、筋和皮，所以入口突别爽口而不靱。呢兩款都好食，而且感受到製作好有誠意。《墨魚滑釀冬菇〉，多汁精致好味。〈粟米〉亦加入秘製牛油燒，所以亦又甜又香。〈煙肉車厘茄〉味道非常夾，而且賣相精美，用心製作。《羊肉》、《牛肋骨肉》，肉質嫰不鞋口，而且都燒得剛剛好，微焦香又保留到肉汁。整體食物都已用鹽簡單調好味，可以食到食物的原本鮮味。枱面亦有提供七味粉及好狠辣，供愛辣嘅客人自助選用，老闆原來有多年跟日本人主理居酒屋經驗，因此對食物選材用料、製法烹調及賣相，都有一定執著與堅持，小店用心製作，的確值得支持。注意營業時間只有晚上七點至零晨兩點。…查看更多