影片
佢D鸡翼虽然系一大一细..........但味道唔差..........而d米线都ok.......
继续阅读
我o既"深水步长沙湾麻辣米线之旅", 第二间要试o既就系隔长沙湾"谭仔" 三条街o既"重庆麻辣米线".年初二晚本来想去食长发街o既"四川麻辣米线", 点知放紧新年假. 行多几步过隔离兴华街, 见到呢间有开到. 年初二都有舖头开门, 真系少有.<呢度前面就系苏屋村, 相信做o既都系街坊生意为主, 行到去门口时有个街坊阿伯见我有o的犹疑, 就话"呢度o的米线好正o架, 入去试o下啦!" 就系咁我入就o左o黎试o下. 叫o左"麻辣鸡肉黑柏叶米线" 同"麻辣烤鸡中翼""麻辣鸡肉黑柏叶米线" (大辣; 加一送加3蚊, 麻辣汤底加3蚊; total系21蚊) - 大大碗上. 卖相同风格都同"谭仔" o既云南式麻辣米线好相似, 相信佢地系模仿"谭仔" o既制法(佢地系唔系"谭仔" o既徒弟我就唔清楚). 米线唔淋, 相当爽口, 但一o的都唔索味, 好似汤还汤, 米线还米线, 感觉完全格格不入. 个麻辣汤底望落似模似样, 但食落就好似o的麻辣料鉴硬加落个清汤底度, 唔多夹咁.碗米线最大o既问题系出o系o的送料上. 同"四川麻辣米线" 一样, 呢度o的鸡肉唔系鸡柳而系鸡胸, 煮到过晒火, 好似烂柴皮咁, 烂容容揩圾圾非常难食! >_< 而黑柏叶亦唔好得去边, 好韧, 一o的都唔爽口, 系咁多间同区o既麻辣米线舖之中做得最差o既, 连隔离街"四川" o既水准都达唔到, 呢度o的米线唔合格! "麻辣烤鸡中翼" (18蚊6只) - o的鸡中翼一只大一只细, 麻辣粉搽得又少又妈夫, 咸味仲重过麻辣味, 同个米线一样, 都系失败之作. 埋单39蚊, 点平都无用, 呢间系咁多间同区o既麻辣米线舖之中最令人失望o既一间, 唔建议大家去食.谂番起o个个街坊阿伯o既说话, 心谂佢多数都系个足不出户o既人, 如果唔系, 佢点会唔知隔离街就系"四川", 再过两条街就系"谭仔" ?
继续阅读