影片
港铁朗屏站 F 出口, 步行约6分钟
继续阅读
开饭介绍
全新面貌，樓上舖式經營，地方舒適。
继续阅读
营业时间
星期一至日
17:00 - 01:00
以上资料只供参考，请与餐厅确认详情
招牌菜
終於都有時間補返呢間個食評啦!!!呢日, 天凍凍, 想食辣野暖下身, 無意中響 OpenRice 搵到呢間野~同男友仔兩粒人, 跟住地圖搵呀搵, 響條街行咗好耐, 又搵咗好耐~但係都搵唔到, 街邊又唔見有咩招牌, 指示......最後, 仲打左兩次電話去問佢響邊~終於, 原來係響一棟舊式唐樓行上去............其實.... 係一頭住家!!!!!好驚驚咁o禁門鐘, 一開門, 係一位阿太~禮貌咁問佢呢度係唔係 "辣妹子"確定咗之後, 就入去.......地方一眼睇晒, 四四方方, 放左大約 6-7 張圓枱, 有大有細~因為未有客人既關係, 我地隨便揀咗張細圓枱坐...跟手, 就有個姐姐過黎放底左揀野食既紙同筆, 同埋一小碟前菜 "拌木耳"木耳香脆帶一點微辣, 仲有少少芝麻香, 幾醒胃!!入返正題, 紙仔上面既選擇都唔少~我地 2 粒人, 都叫咗好多野食, 因為天凍凍, 所以揀左打邊爐....重慶麻辣湯底 (中辣)肥牛 (前後 2 碟)牛丸 併 雲吞東風螺干煸肥腸獅威大啤冬瓜茶因為落單即煮既關係, 都等左好一陣子先有得食...先上枱既係個煲, 好多好多好多既.....花椒!!!其實, 賣相就真係.....麻麻地~眼見只係有一堆既花椒、洋蔥、青椒、紅椒、干蔥頭....etc., 貌似稀稀的~一邊耐心咁等佢滾, 一邊打邊爐既美食亦都續一上枱....先試湯底, 其實只係一般, 辣度係可以既, 可惜香味就差左少少, 而且花椒粒實在太多, 食既時候真係好唔方便....至於野食, 雙併既東東實在有D不解~6 粒牛丸 併 3 粒雲吞.....雲吞睇得出只係來貨, size 不大不小的, 但......就只有 3 粒.....人家 2 位呢, 點分 = =?其實多一粒雲吞, 應該不會貴多少吧, 而且會比較正常 / 好睇啦....還好, 雲吞有咬勁, 裡而既內質新鮮無"梅", 蝦亦爽口彈牙, 只係皮有少少過厚.......至於牛丸, 牛味唔突出, 肉質一般般啦......之後係東風螺, size 不大不小, 都係第一次用黎打邊爐, 又唔錯喎~夠新鮮, 肉質弾牙有咬口, 湯底辣辣的, 之後沾少少甜醬, 入口鮮味香甜, 真係幾好食!!!!再黎係肥牛, 見到個樣, 應該唔會係平時食果種, 呢隻應該係手切既...色澤鮮紅, 睇得出好新鮮, 夾起肥牛, 響湯鍋入面拉動幾下, 轉色食得~一入口, 估佢唔到牛味香濃, 肉質細緻嫩滑, 而且唔會得個淋字, 絕對有咬勁!!!所以之後都忍唔住追加多一碟, 哈哈~最後, 就係唯一既小炒: 干煸肥腸~一上枱, 哇! 好香, 好似好正咁.....賣相就係大量既大豆芽 + 大量紅辣椒干, 而肥腸都唔少, 不過唔係新鮮豬腸, 而係用上雪藏貨....仲熱呼呼, 先送一件入口, 嗯~ 香味的確唔錯, 只可惜......辣味欠缺~不過還好, 肥腸未覺有怪味, 叫做有香味補救啦.....唔知會唔會係本身湯底既辣味已經圍住左我既舌頭呢, 哈哈.....整體黎講, 呢間辣妹子, 嗯........................辣度還可以, 味道就..............尚有進步空間!!!不過的確有D......太貴啦~而且而家新店多, 選擇多, 所以, 真係未必會再去......
继续阅读
天氣持續寒冷，其中又以濕冷兼有雨的上週二為最甚。在老公提議下，約了另一位小辣妹去了新開重慶辣妹子踩場，三人一起測試一下新晉辣妹的水準。小餐館靠近千色廣場，坐落寶島宴棧對面的小巷內，地點不算好找，裝潢亦較簡陋，唯獨店主的四川鄉音令人有所期盼。 提早致電問過小店可以自帶酒水，當晚與老公帶了一支白酒去飲。不似一品紅，這裡並無冰桶供應；不過在這麼冷的夜，白酒用不著雪已有冰凍沁心的效果了。 小菜類並非這店主打，各式麻辣火鍋才是；三人要在下面簡單餐單中作出選擇，我也不煩了，將話事權交給老公吧!這裡的每款火鍋中都已包含一定食材，食客可先品嚐鍋中的食物，吃到差不多再按需求追加其他火鍋食材，放進去再煮再吃。老公的選擇為麻辣烏江魚鍋($128)，紅湯中的配料包括魚片、魚卜、什菌及腐皮，上檯一煮滾即可食用。這裡的火鍋以辣味為主，麻香不重；當晚先向魚片進攻，初吃時質感仍然嫩滑，香辣滋味吃來頗有水煮魚的感受（正正也是老公之目的!），可惜此鍋有個很大問題：時間一久，魚片就會變老。所以，除非是一班人能高快速將魚片清光，否則個人不太推介吃這款火鍋。而除魚片外，試吃了其他配料後，個人心水推介是腐皮，因最能吸收紅湯滋味，變得飽滿軟滑且香辣刺激! 這裡凡惠顧麻辣火鍋會致送一份生菜，要注意是生菜煮在紅湯中，會索去超大量的紅油，辣度會比肉類高上數倍，非辣魔切勿模仿! 吃完火鍋中原有配料後，老公還是對其他小菜興趣更大，決定棄火鍋散點一碟口水雞(半隻$60)，可惜這裡「佐料」打的一般，酸味過重了，雞隻本身又不鮮不滑，滋味比起早兩日生記的非正宗出品還不如，我只吃了一口就不想繼續了。另外又點了他至愛的干煸肥腸($48)，菜式香氣逼人，狀甚吸引，引得我也試了一口豬腸，沒錯夠香口但同時卻有陣難受的異味，相信是處理得不夠乾淨... 健康要緊，大家還是盡挑芽菜來吃好了! 沒錯這晚是試的不算多，但以上全部的食物都比預期失色也是事實；始終就算有重慶人主理，並不表示成品一定正宗好吃，舉例將我送去外國，我也不能炮製出正宗好味的粵菜啦! 這餐埋單$251，不貴，但以後還是繼續幫襯有信心保證的一品紅好了。
继续阅读
多得飲食男女介紹~早年係大角咀經營四川私房菜的重慶辣妹子係元朗重開~心郁郁成日想去試~終於係9度寒冷警告下走了去試~就係元朗泰好味隔離~大排擋形式~小小店子~但老闆十分欣勤~招呼周到,令人窩心~有小菜,有火鍋,有雞煲~我們點了麻辣火鍋 (中辣)附送的雜錦~大推頭~什麼大路的都有(丸,肥牛,薯粉,肉片....)~連豬心豬潤魚腩雞腎都有~份量2人剛剛好~另外再點了~好少可以食到的黃鱔, 篙筍, 黑柏葉~都只不過二,三十蚊一碟~每人還送上一小碗蒜油~點了令食物味道提升~十分驚喜!!還點了個小吃~夫妻肺片~好吃~!!!食得很精彩的一晚~不停口食食食~因為真係好好味~老闆亦是良心作業~經營小小鋪子~以大眾化價錢優惠大家~以後正宗的四川麻辛不用再要北上才食到!!!
继续阅读
我聽朋友講 元朗開了一間食辣野的地方 , 就跟朋友來試試 嘩 ... 找了這間食店很久 , 兜兜轉轉... 原來就係千色廣場商場的某個出口對面 ... 激死我啦 終於到了這間店了 , 眼望下去 , 感覺不是這麼好 很細間 , 但是要坐在出面 (大排檔) 我們 3 個人一場來到 , 就一於試試這間店舖吧 !!! 7點半左右到達 , 還有很多位 , 如果到了 8點半左右的時間 ... 就差不多 full 哂 我們點了個 店裡最出名的重慶香辣雞煲 $138 / 個 很大煲呀 , 裡面還有很多雞 , 非常滑口 , 正 (因為夠辣) 叫了一碟肥牛 $30 很普通的 = = 還很厚身 唔係咁抵食還試了個 水煮田雞 $48 呢個都幾正 , 都幾滑口 , 不過好像不夠辣似的 我們怕唔夠飽 還叫了一個 麻薯粉 $20 6 落個雞煲食十分辣呀 呵呵 而且也非常彈牙 正 我們 3 個人只吃了 240 元 也算便宜 我最後悔的是選了得 9度的夜晚食 , 食到最後的時間 我開始震震震震震 一陣陣狂風吹過來 始終也是路邊 ~ 呵呵不過我對於這餐也很滿意
继续阅读
早年在大角咀經營私房菜, 及後在長沙灣開店的辣妹子, 最近終於重出江湖, 在元朗開了店, 仍以辣妹子為名。真的, 除了北角小辣椒之外, 辣妹子是本地最為正宗的川菜代表, 價錢亦屬便宜, 為難以在本地存在的川辣菜系的中流砥柱。闊別多年, 不知是我自己食辣的能力提升了, 還是老闆娘收斂了, 吃過中辣的麻辣雞煲, 只覺勁度不及以前, 幸好雞滑花椒香, 至少不像某些麻辣米線店的花椒般帶苦味(更別說麻辣媽媽那種沒有麻的麻辣了), 後來再叫火鍋配料豬心, 發現比雞肉更適合於這個麻辣湯底, 可見內臟跟麻辣是好配搭。夫妻肺片以我食辣的準則來說, 是不夠辣了, 醋味稍濃。干煸肥腸則保留了豬腸本身獨有的味道, 喜不喜歡就很個人了(我是喜歡的), 其中更加入少許醃過的蠶豆, 不常見, 口感好似街市賣曬乾的鹹蛋黃咁, 幾特別。價錢ok, 且位於橫街窄巷, 頗有大牌檔風味。有位男士一枝公戴住headphone, 口口聲要吃大辣, 經「勸導」後改吃中辣, 縱使孤獨但卻吃得津津有味, 自得其樂。如果大家都厭倦了那些不知所謂的麻辣店, 可以試試辣妹子跟它們的分野。
继续阅读