影片
以上资料只供参考，请与餐厅确认详情
老友出嚟倾吓计，唔系小炒、打边炉、鸡煲，就系串烧。依家出街食餐饭都要限时限刻散水，所以一坐低大家即刻啤咗先，然后手指指点晒所有想食嘅嘢，争取时间！啤酒呢样嘢无他嘅，唔同人有唔同口味，但近排佢咁红，梗系跟队饮佢支持吓啦！但系，点都要够冻先好饮！一放落枱，摸上手，冰冻嘅，掂哂！串烧嘅味道，一般都系落𠮶几种香料，呢度嘅味道唔算太复杂，未去到「土匪」嘅水平，但都已经算够惹味亦入味。叫咗烧羊肉、牛舌、猪心、鸡肾、鸡尖，每样基本上都处理得唔错，最起码唔会有雪味。咁并唔系话佢啲香料够劲嵌过咗啲雪味，而系当你一路咀嚼嚿肉嘅时候，你除咗食到香料香味之外，仲有肉味本身而无雪味。肉质方面，猪心同鸡肾够爽口弹牙，牛舌够软熟，各样都唔会有内脏嘅膻味；鸡翼尖烧得够干身，羊肉肉质饱满有咬口，但味道略嫌太平淡，欠缺咗羊肉应有嘅膻味，而且香料方面唔太食到孜然香，所以少咗份新疆羊肉串嘅风味。小菜反而有啲惊喜！大家叫咗姜葱田鸡煲、椒盐猪扒，两样都非常够镬气！椒盐猪扒唔单止净系得豆瓣酱回镬，仲加咗大量嘅炸蒜粒，夹埋一齐食完全系另一个层次，只系略嫌觉得猪扒本身炸得未够干身就回镬，所以有少许肥腻感。本身就好钟意食田鸡，田鸡煲系喜出望外，除咗镬气够，姜葱份量亦非常足够，姜片轻轻炸过更加突出姜片嘅香味，田鸡嘅份量亦算充足，唯一觉得田鸡嘅腌料太深色(唔通落老抽，但又有啲奇怪㖞)，如果可以淡色一啲(但当然要保持味道)，成个𩠌会更加靓。另外，口痕又再叫咗烧鸡泡鱼干，系平时食开嘅味道，冇乜特别。至于台湾肠就同预期有啲出入，记得台湾肠系有啲偏似腊肠，但呢只就唔系，所以有少少失望，但味道的确系食开台湾肠嘅味道，只系口感咬落冇咁有腊肠feel。最后意犹未尽，嗌多碟青瓜同木耳，卖相好靓，由芫荽、蒜粒、辣椒粒、镇江醋、到红油，睇起嚟充满层次感，但可惜青瓜唔拍开，所以唔太能够朔汁入味，有啲失望， 但本身食材都系新鲜，爽口清甜。但两个𩠌嘅味道都系略嫌陈醋太少，欠缺一份能醒胃嘅酸味。加埋晒啲啤酒，埋单每人＄250有找，价钱相对食物质素来讲，性价比算几好！至于环境，系传统小店，地方狭窄，但都OK啦，装潢系啲北方老店都可以话有啲打卡影相位，特别一提，佢店内嘅灯光又几特别，现场又好影相出嚟又好其实都几有味道。始终串烧店都系油烟多，所以感觉都系有啲啲黐立立，但都系果句，几个大男人出嚟吹水，有冻啤有冷气，好过热辣辣坐街边啦！
继续阅读
全部食咗一啖已经唔会再食，又难食又油林林尖椒炒五花肉，臭脚味，啲肉超级唔新鲜椒盐肉排，一样系臭脚味，啲肉超级唔新鲜招牌蚝饼，全部都系粉得几粒蚝，成口油忆味重庆酸辣粉，望落好红但食落有阵水喉味，冇味又油啲粉又林猪油拌饭系白饭一碗超级唔推荐，真系好难食，食完一啖都怕今日会肚痛
继续阅读
以前多次买外卖都不过不失算ok.今次唔算肚饿所以只买一个酸辣粉，D粉根本夹唔起，一夹就断，根本食唔到，以前也买过酸辣粉外卖都唔系咁，俾钱时个女侍应黑面，可能觉得我买一个酸辣粉太少挂，我话唔该，但佢一句说话都冇仲黑面，好似唔想做咁嘅款😪
继续阅读
羊腩煲168蚊得2旧羊骨，再加啲似俾人食过嘅碎骨，里面仲有一条头发，问阿姐佢话呢啲咪系羊腩啰，跟住唔睬我，态度奇差。疫情下俾人几个围埋饮酒食烟，唔知想点。大家真系唔好再去。
继续阅读
首先，一入来，佢D服务态度差D将我劝退，打开门,店员：你入来做咩？我可以入来做咩？！！？我当然系入来食饭啦！环境都还可以，几有风格不过份餐牌就油淋淋👎🏿👎🏿👎🏿份野唔算差，但系唔算系好吃，我的口味本身已经清淡，觉得冇咩味道本人觉得D野好似。。。唔系好新鲜
继续阅读