影片
第一次嚟呢间分店买酸辣粉 以往都喺其他分店食过 要求𩠌另外装啲员工都会另外攞个盒装要加嘅𩠌 价钱都系收翻加𩠌钱 平时一碗酸辣粉加双𩠌都系50几蚊 呢间啲员工就柒柒地 唔知咩叫𩠌另上 同我收咗双拼𩠌嘅价钱 $60一盒 再另外加埋酸辣粉咁就已经$86 我只系唔想啲𩠌摆埋入啲汤度 咁都唔明 ？😅 如果我系要一盒$60嘅双拼𩠌我就唔会拣菜啦 啲员工理解能力会唔会太离谱？ 另外$60一盒嘅𩠌我都唔觉得有几大盒㖞 同我平时喺其他分店买嘅加𩠌份量差唔多 唔get呢$60系卑紧d咩钱
继续阅读
大围重庆小食，其实想试咗好耐，但一直觉得惊佢会好辣好辣，所以都唔系好敢试。但系今次行过真系忍唔住啦，买咗一碗小辣嚟试吓，果然冇令我失望过粉皮冻冻地配合小辣真系好夹好夹。
继续阅读
附近街坊，都帮衬过，食物过得去至少食完无肚痛，但今日真系离晒谱，你收2次钱，俾1份食物，仲要唔解决问题，一句：「我唔知呀，部机有问题，老世唔系度！」你收2次钱，我都唔同你计要退钱，八达通麻烦，你俾翻2份我咪得啰，咁都要揾老细？一买一卖公平交易姐，你间铺开黎做乜？姐系欺骗消费者啦！116蚊呢一碗，消委会见。以后唔会去，员工都无需培训架喇，麻烦大家买前睇下评价，事出必有因，大围有更多好选择，酒楼加完一都抵过呢兜野。
继续阅读
态度超差啲嘢食又唔好食，啲𩠌越嚟越俾得少，叫佢俾多少少又话咩都要加钱，唔高兴呢？就黑口黑面。真系唔会再帮衬呢间嘢，价钱都已经唔平㗎啦，仲要咁衰黑口黑面。差到爆。
继续阅读
就咁辣椒油倒落去然后捞捞捞，之后叫我返去自己沟水。平常嘅酸辣粉，至少有自己嘅汤底，但佢系冇的，都系加水落去。可想而知有几难食。倘若真系咁嘅话，咁我不如自己整个薯粉沟辣椒油再沟水？比钱食出难受
继续阅读