醉和里

黃大仙惹味大排檔-醉和里而家比較傳統嘅大排檔都已經愈黎愈少，呢間見副門口都放埋枱，都幾多人😂怕熱，所以坐咗入面😅點咗韭菜豬紅、椒鹽白飯魚、腩肉春菜同埋燒乳鴿，其實幾款小菜都好惹味，椒鹽白飯魚炸得好香脆，好啱送酒🙃 韭菜豬紅都大大碟，乳鴿就乾身咗少少😅Overall, 都幾有氣氛，小菜款式都幾多選擇，係收銀嗰個姐姐好似唔憂做咁嘅態度，其他職員都冇咩既🫣…查看更多

母親節同阿媽撐枱腳，諗住試下屋企附近的冬菇亭醉和里，見社交媒體網站讚乳鴿（$44），小炒王（$128），亦點了夥記推薦的粉絲蒸勝瓜（$68），結果小炒王鹹到飛起韭菜又老，乳鴿炸到燶曬，勝瓜變節瓜煲。食咗$200幾非常難食，媽媽很失望我也非常失望，同伙記講當聽唔到，同櫃位講，話應該早d講，埋單講只可講唔好意思！唔會再幫襯，！！！…查看更多

咕嚕肉：酸酸甜甜，啖啖肉，方便食，味道又幾好。滷水大拼盆：鵝件、紅腸、生腸、大腸、豬耳、墨魚、豬腩片、豆腐、花生，滷水味出，咸味偏淡。椒鹽鮮魷：味道剛剛好！新鮮熱辣。椒絲腐乳炒通菜：椒絲腐乳吾係太覺得，腐乳味吾出。韭菜豬紅：打冷必叫食物，夠味。整體份量足，價錢平，味道中上。…查看更多

星期六買下午茶，嚟到叫嘢食就催你食乜，講完又唔記得，重複問又問，咁我其實冇問題，但佢態度就嫌三嫌四，收完錢就叫我拎住兩張單喺度等，我行開咗先醒起唔記得找錢，原來找咗錢喺枱，佢又話擺咗喺度你冇攞咋啵，咁我都有講唔好意思唔記得，佢態度就係你唔攞即係唔要，嫌我怪佢，我覺得佢打開門做生意態度好少少，唔會咁趕客。都明白佢本身做街坊生意，好難改㗎啦，我都係希望透過呢個平台俾大家知餐廳有咁嘅人，你食嘅時候有心理準備，最後仲有外賣原來飯盒加兩蚊，嘢飲杯又要加1蚊，總共$3…查看更多

今日約咗屋企人一齊去食大排檔，揀咗位於黃大仙中心南館地下大排檔2號嘅醉和里，係一間充滿地道風味嘅餐廳。好耐冇嚟食，好掛住呢度嘅豉椒斑腩，以前嚟過食，印象深刻！呢度嘅大廚以精湛手藝炮製各色港式料理，大排檔環境都好有feel，服務又熱情周到，係約食飯嘅不二之選！呢個豉椒斑腩河相當正，斑腩肉質細嫩滑溜，裹著濃郁嘅豉椒醬汁，辣中帶香，鮮美十足！而且河粉都好彈牙，吸哂面頭嘅豉汁，相當惹味！而旁邊嘅凍檸茶，冰爽清甜，食完豉汁，再飲啖檸檬，微酸中和了口腔中嘅辛辣。港式檸檬茶嘅茶香十足，令人回味無窮！呢度嘅價錢相宜，絕對唔貴，下次都要再嚟食！…查看更多

黃大仙人氣大排檔！位於正德街有4間熱門嘅大排檔，好受街坊歡迎，今次經過一於試吓😆 下午去到已經滿座，大家想食要早啲去~ 一人午市消費：$53（不設加一服務費）💖💖💖食評💖💖💖🍜肥牛拉麵 ($48)✨有2款拉麵（叉燒同肥牛）見到平過一般午餐就叫嚟試吓😋 份量多，鋪滿肥牛同菜芯，好足料👍🏻 拉麵麵質軟硬適中，湯底清甜，好味又飽肚，值得一試🥰🥤飲品叫咗杯凍朱古力 (+$5)，奶味濃 好好味~…查看更多

一步出黃大仙地鐵站的出口旁有個熟食亭，那邊全部都是大排檔，一系列的港式炒粉麵飯、碟頭飯、鑊氣小炒、潮州滷食物、火鍋等等都有，選擇非常多。周末的日子，早上時分，也是坐滿客人，品嚐早餐。沙爹牛肉配公仔麵茶記其中為人熟悉、必吃之一的早餐／常餐選擇，沙爹牛肉公仔麵，沙嗲牛是鮮牛，啖啖肉，很濃稠的醬汁。公仔麵口感剛好，不會太硬或太腍。西煎雙蛋兩隻煎荷包蛋，蛋白滑溜，蛋黃流心狀，戳一下流出來。這個餐還附送牛油白麵包，如果烘過後，牛油味會更加香。…查看更多

位於黃大仙的潮州菜餐廳，24小時營業，由早上供應早餐起，到午餐、下午茶、晚市越夜越精彩，還有供應火鍋、海鮮的大排檔。室內外都有位置可以坐。懷舊粉麵早餐：沙爹牛肉配公仔麵、西煎雙蛋、檸檬水粉麵早餐套餐奉送牛油方包及茶或咖啡。沙嗲醬牛肉及公仔麵乃是最佳配搭。那股特濃香的沙嗲醬汁，軟嫩的牛肉，牛肉醃得入味。雙蛋的蛋黃半熟狀態，夾著方包吃，蛋汁流到麵包上，不會那麼乾，剛剛好。熱飲不用加錢，熱的檸檬水解去重口味。…查看更多

人均$60起｜黃大仙｜大排檔｜醉和里你們有聽說過黃大仙的大排檔—— 醉和里嗎？位於地鐵站的出口旁，他們家提供「有鍋氣」的港式料理。這天我點了豉椒斑腩河這個可以看得出他們家的用心良苦，我很愛他們先把斑腩拿去炸，隨後再用豉椒翻炒，入味極了，而且份量也很大，河粉也沒有黏在一起，怪不得這裡是香港打工人的飯堂了～——————為食分界線——————📍醉和里 (黃大仙)黃大仙正德街熟食亭2號舖人均消費： $60#mariofatfat #foodie #hkfoodie #hkrestaurant #topcitybiteshk #topcitybites #hongkongfood #hk #hongkong #hkfood #hkfoodie #hkblogger #hkfoodblogger #hongkonger #香港 #香港美食 #週末好去處 #香港好去處 #食好西 #美食 #探店 #香港探店…查看更多

朋友推薦，一於撐到【醉和里】試下。嗱！首先點咗個時菜豆腐魚雲湯，呢個滾湯鮮曬啊！魚雲彈牙，豆腐入味，甜到窩心。再嚟，椒絲腐乳炒通菜，火侯足夠，腐乳味道重唔夠，不過通菜爽口得嚟保持咗清新。最正係鮮魷蒸肉餅，肉香魷鮮，扣飯一流。簡單講，呢度嘅菜式叫做實淨又知足😋，下次同街坊嚟食，仲要攞杯啤擁呢個讚味去。服务又好，份量正，呢度真係街坊心頭好！👍🍻🥢…查看更多

以前耐唔耐都會食 覺得佢不過不失啦還好既但裝修之後再幫襯佢 因為我係打落去叫外賣唔知價錢亦預左都要7-80蚊架啦 但真係冇諗過一個海鮮炒烏冬外賣要109蚊 冇乜特別唔會再食…查看更多

有親戚係外國返嚟香港，一於帶佢哋嚟試下香港最有特色嘅嘢，大排檔！最後去左為人熟悉嘅黃大仙冬菇亭，試左依間醉和里，依到有冷氣，熱辣辣嘅天氣啱晒，一睇份Menu，選擇多，5個人叫左5樣野食，嘢食份量都多，而且鑊氣好足，而且唔會趕人走，多人想慢慢傾計，又想試地道野食嫁話，係一個唔錯嘅選擇…查看更多

呢間嘅服務態度極差， 嘢食又極多油極之差， 十問九唔應之餘， 除咗收錢乜都唔理你， 地方又污糟，嘢食又難食， 重有個侍應丫，你叫佢落單佢全程黑口黑面，十問九唔應， 講咁多都冇用，食過就知中幾大既伏…查看更多

行完街行到累，一個男人可以去食D咩野?禁就梗係大排檔啦，自問唔係一個大食既人，都忍唔住叫左兩個小菜。叫左個椒鹽肉排同一個咕嚕雞丁。肉排夠入味，唔怕乾，入口結實，最香既係佢肉與肥油之間既交界，食落去惹味得泥又有油香，再配上兩口白飯，今日咩累都值得。雞丁睇落無骨，食落去大啖大啖真係好爽，入味，酸酸地，夠開胃，送飯，一流。…查看更多

十月一日消費券一早攞咗，國慶跑馬日食咗白果，捉咗靚媽陪我去行，黃大仙中心，由北館行到南館，因為就腳去咗呢間食店食晚飯，是日合共點了三個小菜和一瓶啤洒，先評個涼瓜炒牛肉，真係好咸，連我呢個出名重口味嘅肥佬，都覺得咸，反之個北菇炆鴨掌D冬菇就夠淋吾夠味，要點落碟涼瓜牛肉索佢D汁先有味道，鴨掌就正常味道，三個小菜最正就係個，菜心炒什燴，味道恰好，什燴料豐富值得一讚，平心而論，此店係做到有大牌檔風味菜式，份量足，鑊氣夠每道小菜都係熱辣辣上枱，加上價錢街坊價，三兩知忌或一班朋友，在此店食飯，吹水，飲啤酒都係一個不錯選擇…查看更多