酒泉日本料理 (已結業)

話說老公話要揸架車去天水圍洗車，我地就一家五口揸車入去元朗食飯，因為有親戚介紹話呢度好食咁就試下。係門口等左一陣位，等嘅時候點左菜先，見到每樣野食都唔貴，我地就叫下叫下都叫左幾多。坐低左之後比張order 紙待應，佢睇完都覺得我地點得太多，提出幫我地減少一個烏冬，好貼心。起碼唔會因為要搵錢由得我地食唔哂。但我地叫完野食就後悔啦，眼望到隔離枱每碟都咁大，真係嚇一嚇。先黎個加洲捲叫比小朋友食，平時係荃灣或青衣叫呢個都係得4-6件，呢度有8件大大件、真係好抵，加洲捲入面係玉子，青瓜，蟹柳。呢個係我叫嘅，雜錦魚生壽司。平時完全冇見過有呢隻壽司，貪得意叫左。佢有章紅魚，吞拿魚，希靈魚同一隻唔知咩嘅魚生。都幾得意，仲好大件。叫比小朋友嘅豚肉烏冬，冇諗過係咁多肉，好抵，個湯底仲有得揀，我地揀左豬骨，好味。燒多春魚，唔會話燒得太乾，好味燒雞泡魚乾，送酒一流，但我地冇叫酒飲。燒三文魚骨，一上枱見到有薑蔥以為好唔夾，點知食落又好正！醬燒茄子，用燒汁黎燒，好味嘅燒鯖魚，好味😋唔會乾身得滯炸軟殼蟹，三十幾蚊有咁呢個份量已經嚇到我，雖然佢下面有2件炸茄子墊左底，但都有4件左右嘅軟殼蟹，蟹蓋位炸得好，少粉。赤貝壽

又係weekend 搵野食時間男朋友無啦啦話想食腐皮壽司😂😂於是帶左佢黎中學時代經常黎幫襯既酒泉壽司 刺身 講求既 都係新鮮 鮮甜特別係三文魚子 真係好正😋😋好鮮大家都覺得佢啲壽司幾好 夠新鮮但男朋友話 係舊飯大夠左少少😂😂😂佢真係唔識野 呢到就係食大舊飯炸粉唔算厚 👍🏻👍🏻唔會係酒樓果啲食粉多過食魷魚😂燒雞軟骨 開頭以為佢好乾身但食落仲會岀油 👍🏻明太子雞翼味道正常但男朋友果舊 啲雞肉仲有小小粉紅色我鐘意既燒鯖魚呀😍😍好香 啲肉又唔會老壽喜燒我第一次食 無火煲住既壽喜燒同埋啲湯太多 但又唔夠濃無左壽喜燒既甜鼓油味脆肉瓜食落仲有苦味男朋友話蘿白都有泥味加上啲粉唔係好滑身果款同我幻想既好唔同😫唯一好食既 係啲牛幾靚👍🏻不得不讚 呢間店 人手好充足侍應會不停為你加茶你個杯 會長期有一杯熱茶👍🏻👍🏻👍🏻

兩個人去食飯 叫咗10幾樣嘢 其中兩串牛舌 店員話牛舌心比較滑 所以推薦我哋轉 點知一嚟到之後超難食 勁硬 店員見到我哋表情麻麻哋 行過黎問我哋係咪唔啱食 咁就老實同佢講話太硬啦 佢就話係呀應該係燒耐左 但係平時啲客都覺得好食㗎 我心諗 咁我依家食就係好硬唔好食 我都費事講啲咩 諗住繼續食期望其他嘢好味啦之後叫咗杯青蘋果乳酸梳打 杯嘢就綠色嘅 但係裏面有啲橙色點點 我就好好奇喺度望 然後佢又行過嚟 就話裏面嗰啲係蟹子 唔小心跌咗落去 大佬你整杯嘢飲都可以跌啲蟹子落去 我真係冇晒期望之後安格斯牛柳串燒又係勁硬總之成餐飯食到一肚氣個店員最後講咗句 呢排多咗人叫外賣 所以都好忙啊 所以先會難食左連佢自己都用「難食咗」黎形容超失望

元朗美食多籮籮 世界各地美食都有 有連所有自家經營小店 今次朋友話想食日本菜 行過見呢間鋪面幾大 又坐滿人 一定唔錯 由已經晚上8點幾 店舖坐滿人但唔多人等位 10分鐘左右就入得👍🏻👍🏻 餐牌款式多🤤🤤 樣樣都想食😆 叫左 蟹子沙律🥗、 玉子壽司、帝王蟹柳壽司、芝士三文魚子軍艦、芥末八爪魚軍艦、辣味三文魚軍艦、蝦天婦羅反卷、鹽燒鯖魚配地獄湯底讚岐烏冬蟹子沙律非常之好味！青瓜絲夠凍 沙律面仲有一層好厚嘅蟹子🤤🤤👍🏻👍🏻 芝士三文魚軍艦裏面嘅芝士味非常濃郁😝 不過唔可以食得多會好膩🙈 而蝦天婦羅反卷 隻蝦係即炸 仲脆卜卜🍤🍤 鹽燒鯖魚都係即叫即煎非常之香 有魚油味👍🏻 但個烏冬地獄湯底已經叫左小辣 但都辣到食唔到🥺 （自問平時都鐘意食辣🌶）食唔到辣嘅朋友仔千祈唔好嘗試呢個湯底😂😂

看到網上很多人推薦這家，話大件夾抵食，故興致勃勃地走來試試。等位等了大約10分鐘就能進去，由於吃了下午茶還很飽，只點了雞腎、牛舌、三文魚骨粥、三文魚籽壽司和軟殼蟹反卷。軟殼蟹反卷和牛舌、三文魚籽壽司都OK(正常日料店的味道)，但雞腎比較腥，三文魚骨粥味道很淡，魚骨也不好吃。雖然看到別桌的刺身和壽司的確很大件，但新鮮程度我覺得比較一般，畢竟這個實惠的價錢不宜有太高期望。

呢個平日午餐賣$98，我無諗過會食唔哂要打包，重點係幾好食！一百蚊都唔使食到甘多野～例牌有沙律🥗味噌湯，甜品係泡芺會一次過上晒先，沙律汁酸酸甜甜好開胃。泡芺雪到有d硬，我留反最尾先食。剌身盛有三文魚、北寄貝、象拔蚌同海虎蝦，每樣各三片，仲有碎冰墊底，誠意十足！食落都算新鮮，又夠厚肉。最後上既蟹籽軟殼蟹炒飯好大碟，絕對要2個女仔食先ko到，炒到粒粒分明既珍珠米好香口，軟殼蟹係一大隻，炸到好酥脆，入面蟹肉嫩滑，好好食！

今期推薦~沒有推薦這間餐廳樓面很大，一開始我們就打算試一試午市套餐，叫了烏冬拼壽司套餐。它的份量不算少，但是味道真的強差人意。如果同樣的價錢，不如去茶記吃芙蓉蛋飯還好。首先那個烏冬只是普通的烏冬，沒有味道，湯底也是普通，十分淡。當我們對那個烏冬失望之際，心諗壽司應該唔會差得去邊，但這間餐廳的壽司比起爭鮮還要差，令人非常失望。壽司飯非常之乾身，魚生和甜蝦感覺不新鮮，而甜蝦居然是一條上，就算去爭鮮買的$3壽司也是兩條上，真的十分奇怪，真係唔會再有下一次。

今日同主子5點半收工就黎酒泉食下午茶, 因為好抵食既關係, 所以絕對要一試再試, 閒日就去到7點, 假期就去到6點, 我地叫左一人前蟹籽沙律, 唔洗20蚊大大碗, 都抵, 又叫左帶子松葉蟹同大赤貝刺身,帶子原隻上, 刺身感覺都唔錯, 仲有燒三文魚頭, 大件抵食, 有鹽味, 都不過不失啦…海蝦天婦羅我比較喜歡, 5隻大蝦, 即叫即整, 有咬口夠好味,至於鹽燒牛舌串賣相就真係好大件, 但食落就差啲, 咬口欠奉, 而已仲有渣, 有改善空間, 不過我相信如果要食大件抵食既日本野, 真係非元朗莫屬.

四位朋友嚟元朗搵食，叫我推介，就啱時間，我就揀左酒泉。壽司下午茶有優惠價，但款式多，都品質高。三文魚，三文魚腩碎同三文魚腩，仲有帶子入口都好甜。明太子沙律有咬口，帶子裙更係咬得起勁！黃金魷魚一如既往高質，有口感，有鮮味！而刺身同小食都好高質，三文魚刺身要再追加，和牛刺身勁新鮮，雞軟骨炸得剛好，加上檸檬汁，一流！店員不斷加茶，服務一流，咁多嘢食每人埋單都係$200！

元朗酒泉 今日同朋友食午餐，佢推介呢間酒泉壽司，壽司大大件好抵食，黃金魷魚條條都好爽口，又唔太咸，三文魚又夠厚身，肉質新鮮，帶子大得黎又鮮甜，又平又高質！下次再黎一定會再食！

無論你住唔住元朗都好 酒泉應該真係廣為人知之選今日去到竟然唔使等位 當然要入去食下啦今日同男朋友兩個人一次過點左八款食物 埋單竟然都唔需要300蚊！ (埋單覆300蚊以上先可以碌卡).講番食物方面 我地分別揀左啲手卷同燒物手卷揀左海膽同鰻魚兩款鰻魚超大條 食到啖啖鰻魚 超滿足但係海膽既份量就比較少 無咁多料.而燒物方面 我每次都最愛點既牛舌但係今次就有少少失望 因為個味唔係太夠同有啲太乾。。 而芝士年糕既味道就正常。酒泉每日都會有啲special promotion 會寫係黑板度通常都係售完為止架

由於本來想既去日本餐廳無位就走左去元朗開左好多年既 酒泉 食日本野...點知咁就賴左嘢啦！叫左一盤刺身...我唸係我人生之中食過最吾新鮮既... 食左其中一舊刺身魚啲肉一咬就散曬...以為吾好彩一舊半舊姐...點知連吞拿魚刺身都係咁... 吐都吐吾切！本來睇落都吾係好新鮮既樣，吾想曬點都食下啦...最後真係食都食吾落兩個人賣單成$600蚊啲熟食就正正常常...我而家食完都有啲擔心會食完吾舒服...真係太差啦！我好耐都未食過啲咁既野！

元朗有很多日本餐廳，教育路的這間酒泉日本料理是我最常到的。餐廳食物款式很多，而且大多菜式都是即叫即煮。週末的晚上通常都大排長龍，今天因為早了來到餐廳，幸運的不用等位。職員很細心，一入門口，見到我們拿著大袋便多給我們一張凳放物品。蟹子籽沙律 一人前($26)這個一人前的蟹籽沙律份量是足夠兩個人食。 下面是青瓜絲， 中間是蟹柳， 上邊鋪上超多蟹籽。 青瓜絲不錯，乾身和爽脆。 沙律醬是另上，可按照自己喜好加上去。 這個沙律是我的必食之選。軟殼蟹反卷($58)這餐廳的壽司比連鎖壽司店的大一倍。不單是飯，材料也比較多。反卷是新鮮做的，軟殼蟹仍是脆的。蒜香焗生蠔 兩隻($29)蠔味不算很重，但上面的蒜泥十分香口。焗蠔啲大隻，而且漲卜卜，不錯。野菜天婦羅 ($28)有青椒，香菇，茄子，蕃薯和南瓜。天婦羅熱辣辣的，但沒有什麼味道，而且有點油膩。一般。香酥雞軟骨 ($39)雞軟骨份量很多，夠脆，但沒什麼調味。一般。海蝦鍋粥 ($79)粥比較稀，不是粥店那種很綿的。但粥內的材料很多，有紅蘿蔔絲，冬菇絲，金菇絲，紫菜和蛋花，口感很豐富。粥內有八隻大蝦，蝦都幾新鮮，但蝦味未有帶到粥內。粥的份量超大，兩個人都吃

每次在元朗或者附近肚餓，而想食壽司，都會諗起酒泉。。。。。又方便(輕鐵站豐年路站落車後步行5分鐘唔洗就到！)價錢又平喎！因為我好多次去到都會點好多野食。。。一百蚊唔洗有找，都一定夠你食到好飽了！撞正下午茶時間既話更加可以大膽講一句簡直無得輸tim ar!!!!!我諗所謂嘅平，靚，正就係呢啲了！唔講咁多了，等我去圖，比大家睇下就知有幾正了但實在太餓，影左一張大合照就算，下次有機會嘅話再影過俾大家睇下啦！！！

如題。好耐無食大sushi 雖然唔係特別鍾意但今晚媽媽想食裝潢同店長一樣無變叫咗唔係好多舊壽司，因為佢啲飯係好大舊。三文魚腩唔係夠肥香。鰻魚壽司媽咪話太鹹。唯一驚喜係油金魚腩好好食其他都係普通水準。但係由於啲飯太大舊同埋包得好實嘅關係。我都係喜歡普通壽司🍣雖然帶壽司，魚生係好長，不過好薄。其實送唔到成舊飯另外叫咗幾個小食，雞軟骨好似冇落鹽不過份量好多，同埋都係大粒炸軟殼蟹有一點失望，揸得太乾，有啲似零食果種感覺。芝士焗生蠔，仲有海水味，幾新鮮。仲叫咗一個一人前沙律雖然整體唔算係好好食，但係總算係食回憶又唔貴呀埋單兩個$270其實真係好抵