鄰居

呢间餐厅主打即叫即整嘅手打牛肉汉堡，亦有鸡汉堡、素汉堡同多款小食选择🍔餐厅设有开放式厨房，可以睇到成个制作过程👨🏻‍🍳💗双层牛肉芝士汉堡 ($76)汉堡包烘至香脆松软，选用美国牛肉制作手打牛肉扒，牛味非常香浓，仲好juicy🐮双层汉堡扒配上双层车打芝士，份量十足且非常邪恶🧀再加上蕃茄、罗马生菜、红洋葱同秘制酱汁，层次非常丰富🍅跟配新鲜沙律菜，伴以油醋汁，连清新轻盈🥗💗邻居汉堡 ($66)手打牛肉扒汉堡加上焦香嘅烟肉🥓、惹味嘅炒蘑菇🍄‍🟫，最重要当然系酸甜多汁嘅菠萝，有助减轻油腻感🍍配合埋车打芝士、蕃茄、罗马生菜、红洋葱、秘制酱汁，多种风味系口中爆发🥬跟配双色薯条，分别有普通薯条同蕃薯条🍟💗椰浆鸡翼 ($42/ 4只)椰浆鸡翼炸得金黄香脆，入面仲系嫩滑Juicy，食落有淡淡椰香，非常特别🥥💗薯丝虾 ($32)香脆嘅炸薯丝包住原只虾仁，口感好丰富🍤…查看更多

先去柜枱选餐，付费，揾位坐，等食，大约十数分钟后店员就拎食物上枱。下午茶时段（2:30-5:30），赞好 社交平台，送薯条+饮品。双层牛肉芝士汉堡（$74）Burger 有两块手打牛肉扒，两片车打芝士，罗马生菜，蕃茄，红洋葱及自家制酱汁。面包有微微煎香，带少少脆身，内里软熟。牛肉扒厚度适中，肉味浓郁，咬落有肉汁。芝士呈半溶状态，香滑。生菜、蕃茄、洋葱新鲜清爽。酱汁酸酸甜甜。整体味道不错，口感及层次都丰富，要擘大啲个口先可以一啖咬哂。可以拣双色薯条，即炸香脆，薯条正常，蕃薯条软身带甜。汽水付费后自己去雪柜攞，餐具、茄汁自助拎。店员得一位，落单、收钱、煮嘢、上枱一脚踢，辛苦哂。…查看更多

依间餐厅已经食过好多次🤣每次都保持到水准！真系好抵赞😍😍😍😍今次嗌左大啡菇burger 同双层牛肉芝士🧀汉堡！一如既往 大啡菇🍄‍🟫burger非常juicy! 啲汁不断滴落黎><但佢地好贴心架～准备左张纸俾我地包住个burger食！所以唔会食到好狼狈～～至于双层牛肉芝士汉堡 个牛肉好出色～唔会煎到太干身 啲肉汁又系爆晒出黎🤤🤤成个包又唔会太咸！薯条方面 非常脆！！🤣🤣🤣必嗌！！！！因为系即叫即整嘅～但我怕热气所以叫左沙律～食完够晒饱！！！！拍得住出面啲贵价 burger!🍔 …查看更多

😋😋😋经过见到呢间汉堡包店啲款式睇落好吸引，就入咗去试吓，见到餐牌上面都有好多唔同款式嘅汉堡包，最普通嘅牛肉汉堡、烤鸡菠萝汉堡同埋素嘅汉堡包都有，第一次去到真系觉得好难拣，好似全部都好想试吓咁。朋友叫咗个邻居汉堡🍔，即系大杂烩咩都有嘅汉堡包，我就叫咗个大啡菇汉堡包，两个都好好食，汉堡扒嘅肉汁充足，而且真系即叫即整，面包嘅质感又好软熟，比得上一啲卖到好贵价嘅汉堡包，有质素过某啲嘅连锁店，真系值得一试。佢全部都系单叫嘅，但系都可以加钱转做set,佢有一个叫做双色薯条几特别，好似系返薯条同埋薯条，但系由于我唔系几钟意食炸嘢，所以就冇叫到。佢亦都又唔系炸嘅选择，就系可以配沙律，呢个选择都几好，岩d 唔想太Heavy嘅人👍👍👍 同埋佢哋嘅汉堡包摆盘一啲都唔马虎，虽然都系快餐店形式咁经营，但系摆盘好似Cafe咁，你钟意用刀叉食又得，佢都有张纸可以俾你包住揸上手食，呢方面都几好。下次再嚟荃湾，一定再试吓其他款式。…查看更多

19-4-2025（Sat）傍晚，同老公送完回收物资品后食个晚饭，去边喥食？我谂起呢间，于是走嚟，嚟到时都已经有3枱客，我哋坐低睇完menu，就要：1. $52.00嘅意大利黑松露酱滑蛋热狗，加$22.00变成套餐，要双色薯条同汽水黑松露酱落得好够，蛋系滑，热狗本身落咗黄芥末味道都好夹。双色薯条外脆内软，番薯条本身够甜就唔使蘸任何酱食。2. $66.00嘅香草鸡扒菠萝汉堡，都加$22.00变成套餐，要沙律菜同汽水个包系烘脆咗，鸡扒juicy，菠萝解到腻。沙律菜新鲜，醋嘅味道亦系唔错。抵食系2.7分上次食评系2024年1月27日刊登嘅呢篇：https://www.openrice.com/zh/hongkong/review/yeah-%E8%A5%BF%E5%86%B7%E5%B7%AE%E5%92%97%E5%95%B2-e5264984…查看更多