那個ㄋㄚˋ ㄍㄜ˙ (埃華街) (已搬遷) 新店位置

📍 那個ㄋㄚˋ ㄍㄜ˙🍱 #黃豆食黃店💛--大角咀出晒名多高質黃店 黃豆又點會錯過呢😆而呢間專賣台式便當嘅良心店就長期有條人龍喺到但食過一次就會明點解 因為真心又抵又好食!🥴仲要喺香港嚟講算係最接近台灣嘅味道🥺佢哋個招牌菜滷排骨係必點! 滷肉飯都好高質 ~配菜又多又正 一個便當都成2碗飯🤭重點係連埋野飲都係$60幾蚊一個便當 食到飽到上心口都仲有剩 好癲🤯想以平民價錢食好西嘅可以一試🤣-🍖那個滷排骨便當 $66 💕#黃豆飛佛🤤滷排骨係先炸後滷 半脆半冧 個滷汁甜甜地又唔會太鹹 味道好有驚喜 仲好啱送飯!🤤有兩塊手掌咁大嘅滷排骨 超足料!🤤配菜個素麻婆豆腐同炒粉絲唔錯~🥲有一塊排骨無剪盡有啲難分開 食落有啲呢hea🍱古早味手工滷肉便當 $62🤤首先係滷肉唔係肉燥已經好加分 仲個滷肉夠肥 同飯一齊食好正 係台灣嘅味道!🥺🤤滷肉個汁少少辣 好惹味又好送飯🍢惹味甜不辣 $18 (唔記得影🤦🏻‍♀️)🤤大大塊 口感煙韌 有魚味 唔係嗰啲食落一舊膠咁 仲同面頭落嘅個粉好夾 🍵南投炭焙烏龍茶 (凍,跟餐免費)🤤炭焙味好香無得輸 無糖夠健康💬總結:性價比高又食到台灣味好滿足😚雖然要排隊等但都絕對值!不過

Bookmarked咗呢間台式便當好耐啦，今日特登去試試佢，因為知道排隊情況好嚴重，所以11：45就到咗，仲有好多位，店員安排坐窗口位，Yeah😍 🔔餐廳名叫「那個ㄋㄚˋ ㄍㄜ˙」其實係「那個」嘅台灣注音🔔每個便當都配齊本週配菜，不用加配，但配菜每週都唔同🔔每個便當均配高山茶或養生湯，亦可加錢升級 那個滷排骨便當($66)💕那個嘅招牌便當👍下碟時用木盤、木製餐具上碟，文青氣息🌱好大塊炸排骨，又大又厚，雖然咁厚但又唔會太鞋。男仔都未必食得哂😅塊排骨係滷過，好入味😍加埋啲配菜真係不得了咁豐富🤤好味指數 🌕🌕🌕🌕🌗抵食指數 🌕🌕🌕🌕🌗打卡指數 🌕🌕🌕🌕🌑 香酥脆雞便當 - 鹽酥/海苔/香辣($64)💕脆雞便當有3款口味，我揀咗鹽酥味，好脆十足鹽酥雞，啲雞肉好滑又冇太咸👍好好食好好食好好食，未食過咁好食嘅便當好味指數 🌕🌕🌕🌕🌗抵食指數 🌕🌕🌕🌕🌗打卡指數 🌕🌕🌕🌕🌑 當日養生湯 - 塔香蛤蜊麵線好開心，又有飯又有麵線😍所以其中一份便當揀咗黎試，麵線味道偏濃，兩個share食會好啲 當日配菜 - 係便當嘅精髓，有配菜好豐富好滿足味噌金針野菜香炒沙茶粉絲白菌洋蔥玉米焦糖玉子本日涼菜

終於出到去覓食😛 試到大角嘴嘅超人氣台式餐廳！ 排左20-30分鐘 有位啦 🤪 一人叫左一個set 最推介排行榜！1. 滷排骨便當 🍱 超級巨型嘅排骨！我地一行4人都差啲share食唔哂🥲 佢嘅味道都不錯 對比之下唔算好濃滷水味 入面仲有好多配料 好似炒粉絲 玉子豆腐 酸菜 等等味道岩岩好 超級岩送飯！ 2. 鹽酥雞飯 鹽酥雞好香脆 雞入面仲有汁 加埋紫菜粉食一流！配料大同小異 3. 珍珠奶茶！ 呢個真係要飲 好好味 同台灣嘅味道好相似🥲宜家諗起都想飲呀😭4. 咸蛋魚蛋幾特別 爆漿🤣其他都普普通通 唯一唔推介嘅就係地瓜圓 入面冇落木薯粉？ 唔煙韌 真蕃薯泥 飽到pk Overall 性價比極高 不枉此行🤣

見到深黃又咁多人讚好食，諗住黎試下一定冇死啦點知真係瀨晒野... 本來都 expect 係好正宗既台灣滷肉飯味道先咁出名，點知個「便當」黎到，賣相好似食 Buffet 夾完野食個碟，都唔緊要。重點係除左個粉絲之外，樣樣食材都係甜既... 配菜唔熱都算啦，主角既「手工滷肉」，肉就炆到好稔，不過肥多過瘦，而個汁就甜味蓋過晒應有既咸同香料味，甜既程度係好似食緊糖漿咁食完一啖都唔想再食落去可能呢個味道係而家文青主流口味啦，我就真係不了

話說講唔停黎咗呢間餐廳三次先食到🤦🏻‍♀️ 第一次夜晚去排左九個字之後店員話好多嘢都賣晒😩 第二次係開門前去到點知撞正招聘日唔開🤯而前幾日 講唔停終於終於食到啦😭那個滷排骨便當 $66呢個果然係招牌菜💫 塊排骨真係巨型得好誇張🤩 雖然炸皮未至於話好脆 同埋同肉有少少分離🤭不過個汁甜甜地真係幾好味😚而排骨都算幾淋👍🏻👍🏻加埋五款配菜一齊食好豐富 好推薦!!!❤️香酥脆雞便當(鹽酥) $64呢個都幾唔錯 有成4大件雞件🤩 欣賞佢唔會太咸 而且真係炸得好脆🥰不過炸皮略嫌有啲厚🤫如果要揀嘅話 講唔停都係比較鍾意滷排骨個款🤔鹽酥甜不辣(2件) $18甜不辣一向都係講唔停嘅至愛 煙煙韌韌咁好正😝爆漿起司牛丸(4顆) $25呢個芝士控一定要嗌🧀 牛丸裏面夾左超級多芝士 一咬落去全部漏晒出嚟😋夜市人氣雞皮卷 (1條) $25呢個都好推薦 雞皮好脆而裏面啲雞極嫩滑🤤黑糖波霸奶茶 (烏龍) 跟餐加$10呢個就正常發揮 茶味都幾算濃嘅😛黑糖仙草牛乳 跟餐加$15呢個麻麻🤢 仙草唔夠滑同埋有啲硬 感覺似涼粉😢而且太重煉奶味😵 個人覺得少甜都係甜咗啲😶整體黎講 講唔停覺得呢度啲嘢食大多都幾高質👅而且每份都好大份 幾

呢間台灣小店相信已經成為大角嘴既景點🤣 知道每逢lunch /dinner 都要排隊，之前食過一次外賣，今次專登黎都好快排到同埋係值得！PS 不得不提服務超級好🥳 我地唔夠現金俾店員由得我地走去噤錢先再番去🙈🍽香酥脆雞便當盒 $64今次我同朋友食同一個招牌便當但試唔同味-鹽酥 & 紫菜 (實際上味道其實分別不大因為都係落粉🤣 絕對建議大家落海苔粉！)那個既出名之處係份量大同埋肉汁鮮嫩🤤🍽清酒蛤蜊湯 - 有驚喜！非常鮮味同足料，有d洋葱湯既感覺🤣戒糖唔想飲甜好推介大家揀湯！另外忍唔住叫左2個小食😆🍽台灣腸 (更餐) $12 - 係有少少唔抵食，但都係好掛住個味道🥲 烤得好香，我自己鐘意蜜蒜既甜多d🤤 🌟期間限定 黃金芋泥丸 $30🌟好好食🤤外皮好脆入面餡有滿滿的芋泥中間最入就係甜甜的黃金蓉總結 - 大家請大力懲罰💛價錢親民又大份又好食💛唯一可惜係位置，希望可以開到分店🤣

太掛住台灣所以揀咗食台灣野，都預左要排隊，最後排左差唔多9個字，係有啲太耐🤣-坐低之後野飲好快到，叫咗無糖黑蕎茶，比較一般，個人比較鍾意烏龍-餐點咗滷排骨便當😍塊肉大過手板之餘仲唔止面頭果一塊，下面仲收埋塊細啲既肉，食落唔會過鹹，啱啱好，配菜聽講定期會轉，全部都幾好食，最鍾意辣辣地個素麻婆豆腐，等成碗飯唔係得滷肉味，我食就覺得太大碗，男仔應該就差唔多份量-另外點咗鹽酥蝦捲便當🦐都係好好食，不過印象就無滷排骨咁深刻咁大件夾抵食，上面有3條蝦捲，不過就略嫌等得太耐先出餐，隔離枱遲十分鐘入座個餐都早過我有飯食，朋友食咗大半個滷肉飯我先等到個蝦捲便當🥲🥲🥲-總結門口等咁耐，入去又等咁耐，遲下又再熱啲，黎緊半年都未必再特登去食😂

- 食物份量大，配菜種類多，能夠滿足三心兩意的我- 好味（尤其是滷排骨和麻婆玉子豆腐）- 價錢相宜，人均$70- 餐具和餐盤漂亮，打卡一流-等候時間長（12點前到達不用等位，但上菜時間是在下單後半小時）-飲品使用即棄杯子，縱然有台灣的感覺，但不太環保- 用餐時間只有一小時，只剩5分鐘時會過來提示一下。因為上餐時間稍長，實際只有半小時的吃飯時間對我而言略短，也不能跟朋友吃著聊天- 當天沒有期間限定：玫瑰啤酒豬軟骨，令人失望貼示：1. 細食嘅人一定要叫少飯2. 排隊時諗定食物，排隊時/一坐下馬上下單3. 可以請店員把調味粉（鹽酥、海苔、麻辣）拿到你們的桌子，自由搭配使用

ғᴏᴏᴅɪᴇ ᴛɪᴍᴇ 今次去咗食那個ㄋㄚˋ ㄍㄜ˙係12:30pm 前到，等咗大概半個鐘就坐低左😉佢既便當有埋幾款配菜🍱而當日就有蒜香高麗菜、紅腐乳粉絲、溏心蛋、三杯野菌同酸菜😚每一樣都幾好味，最中意紅腐乳粉絲同三杯野菌🥳食咗那個滷排骨便當($66)(8.5/10) 個排骨真係超大塊，係成個便當咁大🤩個滷水汁整得好好味，好濃又甜甜哋咁🥰骨頭既部份唔會好多🦴肉都唔好硬，個皮都好脆，炸粉唔會好厚😆另外仲食咗香酥脆雞便當($64)(7.5/10) 一共有四大舊雞，雞肉外脆內軟，啖啖都係肉🤓炸皮同樣都唔會太厚，唔會有好熱氣既感覺！但係呢個就冇滷排骨咁多汁，冇咁好送飯食🤣味道係好但係未至於驚艷🤪本身仲想食佢嘅滷肉飯但係唔記得咗🥺如果可以係menu到加埋便當可以加滷肉嘅選擇就好啦🤣

同朋友嚟咗呢間💛良心台式小店食lunch~據說呢間餐廳日日都排長龍於是我哋就揀咗兩點過嚟食啦，都居然要排隊，有四五個客等緊位～不過都算快嘅等咗大約15分鐘就可以入得去喇，餐廳店員亦都係我哋等緊嘅時候遞上餐牌先行點餐，所以一坐到入去5分鐘就已經即刻食得～香酥脆雞便當🍱（鹽酥）$64 香酥魚菲力便當 🍱（香辣）$66兩個便當一上台個下我真係嚇咗一跳，咁L大碗嘅🤣 真係好抵食囉，果然係良心店💛！個便當除咗主角鹽酥雞同埋魚菲力夠氣派之外，每盒嘅配菜亦都非常豐富，有玉子燒、粉絲、玉子豆腐、甜酸菜、大白菜&腐皮，真係一啲都唔欺場！至於主角鹽酥雞同魚菲力，真係做到外脆內軟，亦都夠晒入味，好有台灣feel😋😋😋😋分別叫咗兩杯飲品：西西檸炭焙烏龍茶 +$13阿里山蜜香烏龍茶 +$11兩杯茶都好香好好飲都係+10幾蚊咋～成餐飯真係好有返咗台灣鄉下嘅感覺😍

大角咀成日排長龍嘅台灣菜，除咗滷排骨之外，蝦捲都幾出名，而便當特式之一就係有勁多配菜，送食定當菜食都得，每次都飽到傻 $58因為外賣，所以蝦捲過咗一陣咬落唔係話啲脆，不過就算隔咗陣層皮都唔會韌，而且蝦味幾出，唔會太咸。而且價錢算俾其他滷排骨都平 10蚊，作為女仔雖然都算大食，但一食炸/滷排骨就好快滯，最後食唔晒。反而蝦捲呢個又幾好除咗主食佢配菜份量都好重手，唔會得一個餸咁悶，今次啲配菜MVP係個豆腐，好滑﹗又有少少辣，開胃又啱送飯-配菜麻婆豆腐香炒冬粉玉子燒本日涼菜手工滷肉雞翅便當 $64雞翅滷得入味，而且有海量配菜，每口都仲有一小啖配菜送食，得落絕對唔「Dry」不過相對下滷肉雞翼就應該冇滷排骨/滷肉嘅便當咁招牌同有特式，所以建議大家第一次食都係試滷排/炸雞﹗-配菜黑椒玉米香炒冬粉溏心蛋本日涼菜

終於去到大角咀食💛那個ㄋㄚˋ ㄍㄜ💛出哂名既古早台灣菜 要排隊係基本ಠ_ಠ但其實餐廳坐位都幾多 我地平日7pm等左15mins就入得～ 一定要同大家推介期間限定「玖香啤酒豬軟骨便當」🐷🍱配五個伴菜 加飲品可以簡「暖心麻油雞湯」🐓個豬軟骨好有驚喜 炆到又軟又勁入味 有微微酒香 酸酸甜甜 好好食😭😭 絕對唔係平時日式餐廳/拉麵店果啲一式一樣既豬軟骨🥺 我特登問番職員 原來係用左9種香料加上啤酒醬油炆煮 太出色了‼️‼️伴菜都好有心思 比較特別既有🔅家常炒粉絲 加左木耳同蘿白絲更加爽口🔅素麻婆豆腐 咸左d 不過撈飯係ok🔅玉子燒 偏甜成個便當份量勁多 細食d都未必食得哂 只係60幾蚊🤫另一個叫左「香酥脆雞便當- 鹽酥/海苔/香辣」🐔🍱比起豬軟骨就普通啲🤣 脆雞肉質紮實 炸到外脆內軟 入面都幾juicy 脆皮表面加左海苔粉不過個味唔係好突出～ 那個仲有最出名既「滷排骨便當」將排骨先滷後炸 下次要試埋先🥳

平時我地兩位小編都好少可去到好遠嘅地方覓食，去大角咀嘅次數更加係五隻手指✋🏼數得哂添，但係今次介紹嘅呢間台灣嘢，我地已經想試好耐，齋睇圖片都已經流晒口水🤤 所以我地專程嚟到大角咀，希望可一如所願品嚐佢地嘅美食😌 餐廳環境都幾寬闊，入面都有好多座位，所以坐得幾舒服，不過呢間店實在太出名，我地都排咗一陣長龍🐉先有得食🥲——————🤍 那個滷排骨便當 $66「😲！塊豬排好大塊呀！」唔係講笑，食物啱啱上枱嗰陣我地都俾呢塊大得驚人嘅豬排🥩震懾住，粗略估算，塊排骨的確大過兩位小編塊面🤦🏻🤦🏻‍♀️。當然，大塊未必好味，不過呢間餐廳果然有水準，就算要煮咁大塊排骨，烹調時間⏱依然拿捏得好好，食落口非常淋，唔會老同諧😬；而個滷水汁都好好味，塊排骨完全煮到入哂味，咸咸甜甜✨非常開胃；另外要讚嘅，就係塊排骨冇呃秤⚖️ 基本上成舊都係肉，骨🦴嘅比例只係佔好少。除咗塊排骨之外，個便當仲有蛋🍳、其他配菜，同埋滿滿嘅白飯🍚 超級豐富、飽肚。🤍 古早味手工滷肉便當 $64呢個滷肉便當同樣足料同豐富，除咗滷肉次外，亦都有玉子🥚、粉絲、椰菜、粟米🌽同其他小配菜，撈埋一齊食就好似食咁韓國嘅石頭鍋飯咁，口感好有層次😚 而呢間台灣

大角咀嘅那個ㄋㄚˋ ㄍㄜ一直都係人龍店，舊年仲未搬新舖時已經好想食，不過撞正星期一冇開，唯有望門興嘆。今次踏正六點就嚟到，終於有得試😍。第一次幫襯，叫個 menu 推介嘅滷排骨便當，另外再加份臺南蝦卷。便當除咗飲品仲可以揀養生湯，今個禮拜係暖心麻油雞湯，咁正，當然要揀。碗湯仲未上枱，離遠已聞到好強嘅麻油香氣😮，飲一啖，熱辣辣，除咗麻油味，仲有濃濃嘅酒香同淡淡嘅薑味，當然唔少得嘅係雞嘅鮮味，湯入面仲有幾片雞肉，一邊𡁻，一邊感到好滿足😌。當便當上枱時，我嚇咗一跳：塊排骨大到有啲誇張，冚住咗成個碗，要咬兩啖，先至見到下面嘅白飯同配菜。排骨有濃濃嘅甜豉油味，肉質亦軟腍唔嚡口，唔錯。至於配菜亦好吸引，個個星期唔同，今個禮拜係古早白菜滷，家常炒粉絲，素麻婆豆腐，溏心蛋同本日涼菜，既豐富又多元化，真係冇咩可以挑剔。食到呢度，其實已經飽到上心口，所以有啲後悔叫咗蝦卷，雖然如此，兩條炸蝦卷其實都好好食，外皮香脆，入面嘅蝦膠又鮮味，配埋出面灑滿嘅鹽酥雞粉，真心正👍。

拼音唔識讀的那個入開大角咀想覓食尋尋覓覓找到想念的台灣味🥰🥰其實已經食左兩次，一次過寫一篇歌頌下佢先得第一次去到門口見到排滿左人，外賣都要等三十分鐘老老實實，差d就想轉身走人但好彩，朋友堅持左話食唔係應該會同佢錯過左🤪朋友，我愛你💕💕睇睇我同那個既第一次相遇講真，台灣腸個個呢就真係cp值唔高既感覺特別係望望側邊兩個既對比既時候🤪🤪你收銀隔離佢會寫左今日配菜初初以為揀一樣，成五六款，我仲真係苦惱左陣要揀咩🧐因為樣樣都好似好好食🤩🤩🤩點知我好辛苦揀完之前被通知「全部都有架」😏其實店員哥哥仔你係咪睇住我揀配菜係心中笑左我好耐😭😭😖？講返野食，一打開已經秀色可餐😋睇下個滷排骨幾大件又靚仔🤪我要強調！我係買外賣！幾可有外賣咁吸睛又好食🥳🥳配菜最記得你沙嗲炒絲，忌廉洋蔥同玉子燒佢舊玉子燒甜甜地又厚切雞呢可以揀味，好似係有紫菜，鹽酥同埋我唔記得左🤪我係食紫菜味，舊舊雞都手板咁大喂呀，咁邪惡好咩？店員仲過做緊優惠，加十蚊有滷肉燥好啦，加一個試下啦味道唔錯既，但對比性價比就麻麻地。加埋係五花腩位肉，本人唔太好🙂佢個茶都係值得一讚，香甜回甘🥳好，講返今次先沙律同醉檸茶係另外買既唔關事🤪 見唔見佢塊排骨！！