那個ㄋㄚˋ ㄍㄜ (東寶大廈)

营业中

休息中

朋友知到自己好掛住台灣，特別係夜市嘅美食，專登叫我一齊去「那個」，止住吓渴先🥰「那個」真係唔簡單，經常經過都見到爆滿，食飯時間更加要排晒隊，今次終於嚟食到，我哋真係忍唔住，樣樣都想食，最後叫到成枱野😂紅燒牛腱湯麵- 台灣必食，亦覺得係呢度嘅必試，超淋厚切牛腱，手工黑蕎麥麵煙韌有咬口，牛腱湯底有櫻花蝦辣椒，非常惹味秘製嘉義手撕雞- 鍾意食手撕雞嘅人一定要試吓，因為佢唔係一般嘅醬汁，話明秘製，真係非一般好味😋臺南蝦卷便當- 蝦卷炸完出嚟仍然彈牙，加埋配菜一齊食，完全唔油膩，好食黑糖梅子地瓜薯條- 炸到脆卜卜嘅地瓜條，再加上酸酸甜甜嘅黑糖梅子醬，真係食到停唔到口夜市小食- 叫咗三星蔥餡餅，黃金流心魚丸、香酥花枝丸同埋鹽酥甜不辣，完全台灣夜市風味，一定要試文山香檳青提霧雪- 超愛呢杯嘢飲，上半層係沙冰feel,加上好多果肉，真係好fresh😎耀光白桃芭樂- 呢杯都好清新，白桃同芭樂都幾夾，仲有好多白桃肉，清爽

那個…想介紹那個終於開嚟港島！😍一開就日日爆滿，Jenny終於搵到機會同 @enjoy.t.m 介紹俾大家，0+3啫，嫌機票貴喺度去轉台灣旅行先又得😚重拾夜市感覺🥹木系小桌椅仿造舊台鐵風，門口有透光小枱自成一角，卡位都有復古feel👵𝙁𝙤𝙤𝙙🍤臺南蝦卷便當 $58蝦卷幾彈牙，揀咗海苔口味，上面嘅海苔粉係夜市味😌配菜又多，就算嗌咗少飯都仲係好大碗🤣份量完全足夠🍜紅燒牛腱湯麵 $80去親台灣都一定食紅燒牛，厚切好有誠意，牛腱真係燉到好腍，入口咬都唔使咬☺️紅燒牛肉湯底配櫻花蝦辣椒調味，十分推薦大家試吓😎🐔秘製嘉義手撕雞淨食 $72呢個手撕雞，個個朋友試過都話正，反而唔多人嗌😫真係要介紹返！唔係出面食開嗰種麻醬，用左雲耳、芝麻，入口少少辣，超惹味🔥🥗桂花漬蘿蔔柚子醋沙律 （大） $42上面食得太多肉🤣嚟返個開胃菜，呢個沙律感覺有啲日系小清新🌱酸蘿蔔同柚子醋嘅配合都唔錯🍟黑糖梅子地瓜薯條 +$26台灣地瓜條真係次次必嗌🤤爽脆加黑糖醬、梅子汁酸酸甜甜，好快清晒🧆小食每款 $22叫左黃金流心魚丸、香酥花枝丸同埋鹽酥甜不辣，夜市掃街專用🥰個人最鍾意鹽酥甜不辣，煙煙韌韌好有咬口🫓三星蔥餡餅 $12一咬開

呢間餐廳真係好多人排隊‼️無論係大角咀定係北角想食嘅就一定要排長龍!睇其他人食評就話大角咀總店較為好食由於我未食過所以我比較唔到~個人覺得2人枱係入得快過3-4人，但好彩餐廳上菜速度都好快！今次我同朋友都冇食到招牌菜「滷排骨便當」反而想試下其他菜式😎🚩我就揀左嘉義雞肉拌手工麵 🍜雞肉大大舊，肉質尚算嫩滑醬汁甜甜地好易入口令我不自地成碗KO左😂^_^🚩古早味滷肉飯都幾好食！滷肉唔肥唔瘦剛剛好！唯一缺點就係太多汁唔夠白飯撈😝🚩香酥脆雞都非常好！熱辣辣炸出嚟好Juicy唔會乾晒！仲可以用枱面上提供嘅三款調味粉灑落炸雞度😋總括嚟講整體食物質素都唔錯，如果依間餐廳唔使大排長龍等咁耐，係可以再度回訪！畢竟唔係個個打工仔都可以食飯食咁耐! lunch hr普遍一個鐘左右,但係如果每一次都要等咁耐就要考慮吓🫣

大角咀最出名嘅排骨便當而家港島區都食到啦!北角分店相對比較寬敞, 坐得都舒服啲食物同服務方面新店仍然保持到咁上下水準❝ 那個滷排骨便當 ( ᴴᴷᴰ 68 )❝ 香酥脆雞雞便當 ( ᴴᴷᴰ 78 )❝ 黑糖波霸奶茶/ 炭焙 ( 跟餐 + ᴴᴷᴰ 12 )❝ 南投炭焙烏龍 ( 跟餐 )承繼大角咀店呢到都有成塊面嘅大嘅排骨滷味入味, 平均得嚟又唔會太鹹✨豬排煙韌, 就係肥膏太多了(・Д・)香辣口味嘅香酥脆雞雞同樣出色另外仲隨自己喜好再落麻辣香粉/ 鹽酥粉/ 海苔粉💫

之前自己一個黎食過lunch，覺得好食又抵食，於是星期日lunch帶老公去品嚐。星期日中午都有套餐供應，我地揀左那個滷排骨便當同嘉義雞肉便當，加左$12飲黑糖波霸奶茶同冬瓜粉條牛奶。那個滷排骨便當我上次就係食呢個，飽到食唔晒啲飯。我推薦老公食呢個，排骨依然好大塊，排骨炸得好脆，調味甜甜地，肉質厚而且唔鞋，有肉汁。嘉義雞肉便當雞肉調味幾好食，仲有同排骨便當一樣有既配菜: 半隻溏心蛋、蒸蛋、辣辣地既粉絲、椰菜、酸菜，好豐富。冬瓜粉條牛奶 & 黑糖波霸奶茶兩杯都幾好飲。

頭先我parents已經係門口等咗成十幾分鐘，個receptionist 話要等齊我同我sibling四個人先可以入去。等我到咗之後，scan埋安心出行然後，個receptionist 用一個好串嘅態度同我地講話要出去等。但係我同佢講我想係入面等，個receptionist不停吹我出去。我心諗，依家我地係消費者，叫我地等唔係問題，我係入面等又唔得，最後我因為覺得我地唔應該消費係啲串到咁嘅餐廳。今時今日依個服務態度真係好差。BLACKLIST!!!!!!

超人氣那個台式餐廳喺北角開咗一間分店，終於唔使去大角咀啦，今日經過就一於試一試啦，平日中午都超級多人排隊，好彩一點去到排咗15分鐘就入得去！店舖比大角咀大，不過味道都係大角嘴好食好多，今次食過還好，啲飲品都好麻麻，奶茶真係唔好叫！🍤香酥臺南蝦捲 $18 (6/10)第一啖炸甜不辣？唔係好似蝦卷，似炸魚蛋有魚味，入面有細細粒蝦，比較油少少，冇乜特別，可以唔使叫😂🍴 那個滷排骨便當 $68 (7/10)份量好多，飯係珍珠米，好飽滿，炸排骨即叫即炸，好香好厚，肉質彈牙，個滷汁甜甜好香，食到中間個肉質有啲乾同鞋口，冇大角咀嗰間炸得咁好食，但個味ok😂蓮藕爽口鹹鹹哋，椰菜爽口，粉絲鹹鹹地有菇有蘿蔔洋蔥芽菜，酸菜酸酸地，配菜好豐富，個蛋好香滷水味流心有蛋香。個飯正常量都超級飽，細食人記得少飯。🧋那個濃厚奶茶系列 炭焙 +$9 +$5仙草 +$3加大 少冰 走甜 (0/10)勁濃碳焙茶味，濃到帶少少微苦但又冇咩濃茶味，怪怪哋化學味(可能叫咗走糖冇甜味，想試真啲係咩味)，飲唔到有奶味😂仙草都滑，但質感似涼粉，硬身少少，打開見到係罐頭涼粉(有坑紋😂。味道係有啲苦同碳味，稱唔上好飲，普通過出面茶飲舖，飲咗

呢間食肆位於北角，一向喺繁忙時段都需要喺門口排隊。今次足足排咗大半個鐘頭就食到。店內嘅裝修恍似舊時代火車車廂風格。天花板用嘅係鎢絲燈膽，場上掛住木製行李架。三個人叫咗三個便當🍱每一個便當都可以淺嘗一下🤭。我食既叫做嘉義雞肉便當。一拎到過嚟真係嚇親我，唔單止有飯、有肉、有菜，仲有粉絲。成個分量我覺得可以分兩個人食。重點我仲叫咗少飯。但我睇落去都好似冇少到咁。雞肉係手撕雞嘅條狀。醃到好入味。雞肉唔算嫩滑，我諗佢係拎咗雞胸肉嘅部份黎撕開。飯入面有唔同嘅酸菜，少少辣，仲要食落去好開胃。飲品係南投炭培烏龍茶，少冰。飲落去有種飲緊奶茶茶底嘅感覺。只係佢冇奶。香酥脆雞便當入面嘅雞真係大過塊面。块雞又酥又脆，因為選擇咗香辣嘅口味所以食落去有少少辣。冇香麻既感覺，呢個位有少少失望。香酥菲力便當入面嘅香酥魚，都係炸既。相比起炸雞嘅份量，魚就細少少。可能魚本身就有好多嘅水份，炸完之後縮埋一舊，咁我就覺得佢少。總括來講，呢一餐絕對係物超所值性價比極高。我可以真心咁講，就算叫佢少飯，佢個份量都係多過出面。配菜非常足料，唔怪之得要等咁耐。因為食真係需要時間。

新鋪頭，一開張係北角群組已經瘋傳作為為食既我，就梗係叫埋fd去試試貨一去到見到條人龍都知唔對路，起碼要排一個鐘，企左一陣，成身出哂汗，唔對路，我地即刻轉plan , 叫外賣不過外賣都要等成30分鐘不過見到實物，絕對抵等價格方面正正常常，可接受佢又係巨大化之選我地就試左幾個便當，太肚餓都影唔哂就開動佢塊排骨大過手掌，勁佢下面仲有茄子，雜菜，酸菜超足料，仲分開一隔隔，包裝夠細心而且剩係配菜都夠送飯，唔會hea你抵食

好食度： 😋😋😋😋/5性價比： 😌😌😌/5回頭率： 🚶🏻🚶🏼🚶🏽🚶🏿/5價錢：HKD92，紅燒牛腱麵加錢配白桃冰茶今次港男就途經北角，見到呢個台灣餐廳—那個ㄋㄚˋ ㄍㄜ˙。都見到餐廳有好多好評咁，而北角呢間重係分店嚟㗎添，咁就決定一於入去試試先。咁坐位方面，因為港男一支公嚟食，就坐咗係近門口嘅小圓枱度，咁其實餐廳入面就有啲大枱嘅，唔洗擔心要坐到咁逼嘅。呢度係要自己用QR code落單嘅，不過可能呢區都多老人家，如果你要職員幫手落單都可以出聲嘅，然後港男就決定叫個麵食套餐，就係紅燒牛腱麵，本身就附送啲無糖茶嘅，但港男就加錢轉咗杯白桃冰茶飲下嘅。首先講個麵，佢係有得揀咩麵底嘅，不過就好多都售罄，實際得兩款可選，咁港男就選咗最基本嘅手工麵。然後重可以加辣，不過就無得揀辣度，但就有兩款唔同嘅口味可以揀，應該某程上都反映咗唔同辣度嘅。咁港男就揀咗櫻花蝦辣椒，諗住辣得嚟香口啲嘛🤔個麵一如所料，好重蝦花蝦味嘅香，啲麵又好味，啲牛腱亦都好淋身，整體相當好食。至於杯白桃冰茶一如所料，穩穩陣陣，係合格嘅，不過杯面係同貓叔與爵爵合作嘅面，粉絲可以留意下㗎。不過港男偷聽到店員在討論緊咩茶好飲，其中一位大推冬瓜

首先講下個店鋪名, 叫做”那個”, 呢個名實在太Funny, 試想像下, 同朋友講約食飯:” 朋友, 約你去那個食飯”, 朋友聽到一定會一頭霧水。真係約人食飯時記得話比人知”那個”就係店鋪名, 哈! 午飯時間, 入去試下, 叫左個香酥脆雞雞便當, 便當係即製的, 等炸都等左半個鐘, 黎到見到好大碗, 份量十足,  雞件剛炸出來，好香口, 脆卜卜, 雞肉嫩但唔乾, 飲杯烏龍茶, 消濟非常好; 店鋪內仲會貼心寫出本週有咩配菜, 5 種配菜全部都會放入碗內, 如有有唔喜歡食的配菜, 可以落單時同店員講唔要邊款配菜。 因為便當係即製, 需時, 要等好耐, 就連等外賣都好多人排隊, 如果去食真係要預留多D 時間先得。

真係差到要開ac講😥。 間鋪要人齊先入座，隔離枱好似未齊人入左嚟。有個肥仔侍應就大大聲同廚房講話嗰枱「要加料」，講完廚房就去水吧話「要加料」，我唔知嗰枱聽唔聽到，但我聽得好清楚。佢最後有冇加料我唔知，但食餐飯要驚你加唔加料仲要睇你面色，d員工咁嘅質素我真係唔會再嚟。個app又勁lag，叫都叫完過半個鐘都未有。佢keep住包外賣，唔係幾理堂食嘅人。唔係放個半至兩個鐘lunch真係唔好嚟。野食係大大份，價錢都係合理，但用餐體驗好差。

平日下午唔駛排隊，便入去試試。便當同麵類都好大份，排骨遮蓋整個便當，裡面仲有配菜，好滿足。味道有台灣的味道，可是很重味精，食咗唔止口渴，仲覺得氣促胸口悶，好唔舒服，要大量飲水。飲品個杯好靚，但味道一般，茶底好澀，又無咩茶香味。服務就麻麻，店裡只得兩檯客，其他檯都無人坐，但堅持要齊人先俾入。無論外賣或有長者都要企喺門口等，完全唔識得變通，第一印象已經唔好。仲有，最離譜係客人喺度食嘢，幾個侍應大大聲喺附近講屎尿屁，聽到即刻想反胃。我唔介意你哋傾計，但請顧及客人感受，尊重客人也尊重自己。

貴為大角咀名物，果邊返過工嘅我都未有機會食，而家有間分店開到北角，人龍依然，但咁近，港島區/東區嘅朋友唔係唔嚟呀嘛😁😁一直一直好想試佢哋大大塊排骨便當，果然無失望亦有好幾款值得嚟食，encore 呀😋那個滷排骨便當 $87大大份招牌便當，一嚟到已經好吸睛，有search過呢間餐廳相信都知被大大塊排骨洗板咁濟，排骨酥炸後再以滷水滷製，所以特別之處排骨口感半酥半軟腍，爽口得嚟有嚼勁，而且甜甜哋真係好好食🤤紅燒牛腱湯麵 $88除咗滷排骨便當，呢個北角店限定都係必點之選‼️面底揀黑蕎麵，口感煙韌有口感💯牛腱牛味濃郁，厚切口感唔錯，炆得入味之餘亦好香腍；紅燒牛湯湯底，飲得出多種香料熬製，幾鮮甜飲多兩啖都唔會口渴👍🏻小食種類都好多黃金流心魚丸$22(3pc)/鹽酥甜不辣$22(2pcs)/夜市雞皮卷$28/臺灣腸$28(2pcs)/香酥花枝丸 $22(3pc)雞皮卷好特別用腐皮包裹雞肉雞皮，油脂甘香🤤秘製-嘉義手撕雞肉 $46啖啖雞肉😍肉質甜嫩好食，調味亦令食物增添層次👍🏻仕女伯爵波霸鮮奶茶 $40半糖減低少少 😈 奶茶選用斯里蘭卡香葉，帶佛手柑、充滿花果香氣，茶底唔錯 🔝 文山香檳青提霧雪 $52

Lunch食飯個個都係得一個鐘都想食呀好嘢輕鬆一下這一間台灣嘢幾十蚊大大塊豬扒仲包嘢飲大大杯味道又好受歡迎係理解嘅不過11:45就開始排隊排隊12:30都未入得而且店舖員工眼見亦唔算少廚房人數就見唔到場內位置亦頗多 仲見到有吉位都唔俾人入去然後店員話因為人手不足應付不下俾咗你入去都接唔到單可能等食物都要等好耐我哋都排咗半個鐘有多啦當然繼續等啦入到去錯order飾物飾物上台都唔算等得耐嘢飲亦都中規中矩 大大杯終於上床啦我覺得所有嘅食物賣相都非常之好份量亦都非常之足夠 女士們吃一定會剩 可以帶定個盒打包 怪唔之得咁多人排隊等啦因為食物質素真係好好 都會繼續幫襯下次再早啲排隊