遙

营业中

休息中

最近好食日本料理,就約好友走左去土瓜灣搵野食,試左呢間「遙」。餐廳位置有點偏僻,不算很大，服務中規中矩。我們點咗幾多菜,就想食到幾飽。牛油果軟殼蟹卷,香脆既軟殼蟹同滑溜既牛油果相映成趣，口感豐富。壽司拼盤,當中帶子壽司鮮甜嫩滑,海膽壽司濃郁。加州反卷,裏面系青瓜、蛋、蟹柳，飯卷外面系蟹子，雖然分量夠足,但味道不太理想。明太子雞翼,香口帶辣, 好好味。仲有海膽炒飯, 炒得好香，粒粒分明不粘，啖啖海膽鮮甜味好吸引!食物味道還唔錯,性價比算中位吧。

想食日本菜但在九龍城、土瓜灣區實在沒有高質素的， 於是在openrice看看，見到高評語， 於是走去試試，真是有點驚喜，點了一個2人套餐，再散點一些壽司小食，其實套餐已很足意人份量，實在好想吃壽司， 所以再散叫一點點， 埋單真是捧著肚子走

今日lunch想去試下新野，就去左土瓜灣呢間開左唔算好耐既遙，食下日本野。佢店面唔係好大，暗暗地，出面貼左好多老板同明星既合照。裝修都幾簡約，木質枱面。我睇完menu，最後決定食熱野，所以叫左個和風豚肉飯。佢一個set有沙律、麵豉湯、主菜同雪米糍做甜品，都算豐富既。個豚肉飯都好大碗好足料下，不過味道就有少少似吉野家，算係高級版既豚肉飯，而且醬汁都幾濃味。至於價錢方面，lunch就平均6-70蚊1個人，算中等價錢，不過有時想食日本野土瓜灣近近地都係唔錯既選擇。

今天剛好經過土瓜灣，朋友想吃日本料理，所以我們就在找到這家網評不錯的餐廳！ 我選了婧魚套餐，套餐配了：麵豉湯、沙律、燒婧魚、一碗飯和雪米糍作甜品！ 婧魚燒得很香，有點焦焦地，咬左口裡很有魚的油脂，很有口感，完會不會很乾，配著飯來吃，簡單又好吃！ 其他的配料也不錯，沙律酸酸甜甜的，不是平常會吃下的千島醬，麵豉湯也湯料十足，甜品是雲尼拿雪米糍，我掛住食，忘記了影相🤪🤪🤪吃得飽飽又舒服👍🏻👍🏻 很有在日本吃飯的感覺！

喺土瓜灣嘅日本料理「遙」，一行入去，真係好似去咗日本嘅居酒屋咁，裝修、佈置、擺設都好有日本特色，環境非常乾淨整潔，特別喜歡有好多日本貓嘅掛簾🐱，首先環境已經好吸引日本控嘅我。·壽司🍣拼盤有10款唔同嘅壽司，全部都好新鮮，而且飯同埋刺身嘅比例恰到好處，特別係海膽同左口魚裙邊，入口即溶。大部份人覺得天婦羅一定係一啲好普通嘅炸物，但係呢度嘅軟殼蟹🦀天婦羅，油炸嘅部份完全唔油膩，完全冇遮蓋軟殼蟹嘅鮮味。·燒物係日本料理重要嘅一環，最值得介紹嘅係鹽燒鯖魚，鯖魚肉質外皮酥脆，有豐富油脂又唔會乾柴，脂肪豐盈嘅魚肉可口多汁，將筷子插入魚身嘅一瞬間便可以感受到魚肉嘅柔軟香滑。 另外叫咗燒鰻魚串同埋燒茄子🍆，師傅好用心處理燒物，特別係茄子上面嘅十字花圖案，令食材錦上添花。·燒羊架嘅肉汁完全鎖住羊肉嘅鮮味，師傅亦非常細心將羊肉砌成一小塊一小塊，方便顧客進食。·係咁優美嘅環境當然唔少得叫番一杯日本啤酒🍻Asahi，如果唔飲酒嘅朋友仔都可以叫番一杯茶，呢間日本餐廳都有唔同嘅選擇。·最後好多謝店家送上嘅紅豆和菓子，冰涼又煙韌！·總括來講，絕對值推介嘅隱世日式料理小店。

土瓜灣尋美食 「遙」HARUKA 日本料理 越食越精彩最近好為食，日日想試新野😝就走左去土瓜灣搵野食😍試左呢間「遙」HARUKA 日本🇯🇵料理初時入去感覺餐廳不算很大，但又真係有少少似日本既餐廳風格說到美食，真係越食越精彩初時點了「牛油果🥑大蝦🍤沙律」味道清新可口，仲好多大蝦🍤添但沒有特別好吃的感覺「壽司🍣併盤」每件都可以一啖過😚在口腔細味品嚐當中鮮味飯也是微甜不酸，刺身更是新鮮無挑剔吃得出餐廳用上上盛食材，鮮味十足「香蔥吞拿魚腩卷」平時很少吃因為覺得飯太多，吞拿魚太少但這裡的卷物，吞拿魚多過飯，確係越食越滋味一啖一件都覺得不夠喉，會追著吃😍「明太子雞翼」超好味，香口帶微辣😍😍刺激口感，仲要無骨，蝦子餅食完一客立即追加🤣🤣🤣你就知幾吸引幾好味😝「海膽炒飯」之前講左越食越精彩🌟🌟最後上既係最最最好味😆😆😆😆海膽炒飯炒得好香，粒粒分明不粘，啖啖海膽鮮甜味已經好吸引，💕仲有大大件海膽伴隨送入口腔😍那份滿足感筆墨難以言喻😍😍

之前係呢度食過晚餐，記得食過佢既壽司、鹽燒鯖魚，味道好唔錯！ 今日下午想食日本野，就諗起可以黎呢度試下！ 叫左十勝豚肉飯同埋雞軟骨餃子烏冬！（其實仲加配左個章魚小丸子，但唔記得影相！印象中都幾好食，個外皮都香脆）首先有前菜，個味噌湯值得一讚，入面有一大舊三文魚，個湯好鮮味，唔似一般既味噌湯咁喊！ 呢個豚肉飯好唔錯，d豬肉有咬口好食，份量都好足夠，加埋燒汁好香，唔錯！ 烏冬味道都ok，味道好正常！ 個餃子幾好食，煎得岩岩好，好香。其實好想食佢既壽司魚生，不過近排戒食魚生類，所以冇得叫，等第日有機會先再試啦！

味道不錯👍🏽，特別是鰻魚炒飯，味道香濃，鰻魚的香味滲透在炒飯中。軟殼蟹手卷食相吸引，咬下去外脆內軟。環境方面配上柔和燈光和音樂令食慾倍增🤤🤤希望大家有機會癑來到土瓜灣嘗試一下💕

意想不到的好吃 鵝肝帶子炒飯的帶子鮮甜 鵝肝入口即溶 鰻魚炒飯味道非常濃郁 十分推薦!!!! 價錢中肯 而且環境舒適 壽司刺身亦非常新鮮 性價比超高👍🏻👍🏻👍🏻👍🏻👍🏻

係香港做生意好難，當一間各方面都好有水準既餐廳突然結業，我會感到好難過同可惜，但當有一天你見到她重新開張，😍果種失而復得的喜悅是由心底發出來的！我口中的失而復得，😏就是位於土瓜灣的居酒屋- 遙 Haruka，從佐敦舊址時已幫襯過，對於她的食物質素和待客態度，👍🏻我同友人都係好like既～同staff傾開，師傅都係原班人馬，今次幫襯，水準依舊沒有令人失望呢～ 先黎個沙律同前菜～.🥑🍤牛油果明蝦沙律～ 牛油果切粒跟蝦及醬汁拌起，底下是新鮮沙律菜，實在清新開胃呢～🐡燒河豚干～ 最愛的前菜之一！ 燒得香口得來沒有太燶，魚味香濃～燒明太子雞翼～ 外面皮脆，內裡juicy ~ 好惹味！ 送酒一流！.食日本菜梗係唔少得壽司🍣啦！.三文魚腩壽司、火炙三文魚腩壽司~ 腩位肉質新鮮肥美，😋火炙過後更脂香滿溢，雙重口味一次過品嚐！.火炙魚背壽司~ 有些店會稱為”左口魚裙邊”，🙂火炙後肉質由爽口變juicy, 別有一番風味！.火炙帶子壽司~ 這裡特地加上蒜蓉火炙，與帶子十分配合，🙈食得太開心忘了影相！.軟殼蟹手卷～ 好味脆卜卜！好多手卷得「面果浸」，😛食到底得返飯，呢個手卷食到底仲有餡架！.芒果龍蝦🦞沙律卷

其實很少跑到土瓜灣去，但今天碰巧有要事要去，便和朋友在那兒吃個飯。雖是中午時段，但始終土瓜灣人流不多，吃飯也不用排隊久候，很快就可以醫肚。牛油果軟殼蟹卷($82)香脆的軟殼蟹和滑溜的牛油果相映成趣，口感豐富，而且感覺健康壽司拼盤{10件}($168)新鮮固然不在話下，而且從擺盤和刀功來說也着實不賴，看三文魚和三文魚腩的紋理就知道了；我吃了帶子壽司和海膽壽司，前者鮮甜嫩滑，後者濃郁得很，一定要加點醬油中和一下野菜天婦羅($48)雖然是第一碟上菜的，但因為相機食先，便放在一邊放了很久，結果也沒有涼掉或軟掉太多，還有點餘温；另外也不太油膩，處理得很好加州反卷($45)經典的卷物壽司，飽肚實專之選Asahi啤酒($28)居酒屋不點酒當然不行，不過最近有點拮据，而且不過是中午，忍心不喝最愛的梅酒，改喝啤酒；我應該是第一次喝日本啤酒，感覺算是容易入口，喝完也沒有很口乾的感覺價錢是中位價格吧，我們共四人，人均$100左右，不過質素是挺高的。地點有點偏僻，但日後沙中線開通後，旁邊就是地鐵站了，可能會再來吧😋

對土瓜灣認識唔多，搵開朋友一齊係到食吓午餐🤗 叫咗 壽司拼盤10件 $168，飯係行細啲嘅路線，而刺身就大過飯好多，仲有成十件，可以試吓😋 藍鯨吞拿魚4片 $72，有吞拿魚鮮味，質感柔軟有彈性🐟燒河豚魚干 $48烤好送酒最夾🍻釀蟹蓋4件 $58，中間釀有蟹肉同蔬菜，入面比較清加埋面上嘅芝士味道岩岩好，都係唔錯嘅小食🦀飲品叫咗 Asahi支裝啤酒 $28同埋 TaKaRa琉球果汁酒菠蘿味 $35，果汁酒完全就係菠蘿汽水咁，堅係冇酒味😆 另外想講所有杯都雪咗呢個位係抵讚👍🏻總評🔮推介去試試

土瓜灣 我朋友一問我去土瓜灣食咩好我答佢我都唔知 乜土瓜灣有野食架咩....一上openrice睇 一於試呢間 HARUKA6點準時開始夜市 所以大家記得唔好太早到😂店鋪外面有d燈籠仔咁幾有氣氛 好有去左日本居酒屋既feel好warm好舒服 同男友黎食餐好d既氣氛係唔錯壽司同刺身都唔太貴 睇評價都話新鮮好食就大膽仔叫左活赤貝 三文魚腩 同埋帶子平時出去都唔敢叫刺身😂😂😂仲叫左必叫既軟殻蟹手卷、海膽壽司同加洲反卷🍣HARUKA d魚生又真係幾新鮮 活赤貝都無怪味 爽口鮮甜今次兩個人食叫得少 最啱同一大班朋友黎叫滿一檯😍下次開姊妹聚會一定再黎！😜💕

從外面睇入黎已經覺得好日式，入到去見到店內裝飾都好有心思💕令我感覺返到日本家裡的感覺🥰很有日本小家庭溫馨的感覺食物質素很好，食材都很新鮮！性價比高的日本菜，全部即點即製，但唔需要等好耐，大概10mins就開始上台🤤三文魚🍣壽司(22$)飯同三文魚比例剛好，唔會太多飯令人食唔到，色澤誘人，食落無腥味無雪藏味。三文魚刺身(6片，$68)呢個真係好驚喜！厚度係出面兩陪禁多！非常厚實又肥美油甘，食落唔會太冰凍，魚味濃郁，油脂分佈鮮明，三文魚油從口中溶化脂香十足。吉列廣島蠔(4件，$56)炸蠔外脆內軟，十分酥脆，出面炸粉唔會太多太厚，恰到好處。裏面的生蠔唔會乾身，咬落又有蠔汁，保留鮮味天婦羅軟殼蝦蟹($58)熱辣辣入口，份量有一隻左右，配上天婦羅汁加入蘿蔔蓉，甜甜地好味道釀蟹蓋(4件，$58)蟹蓋最上係一層濃郁既芝士，裏面搭配了不同的海鮮🦞餡料，食前加檸檬汁更有層次感！鵝肝帶子炒飯($108)熱辣辣上台，鵝肝油脂香味濃郁，飯炒飯至乾身，粒粒分明有咬口。帶子份量都多，食落鮮甜可口31 TakaRa 琉球果汁酒($35)入口味甜，🍍菠蘿味的果汁酒🍹配上三文魚是絕配喔PS:老闆娘聲音好溫柔好靚女💕

話說今日去佐搵細妹食飯💓見到間餐廳都幾多人覺得冇伏就入佐去😂😂😂.大蔥雞肉（$22）雞肉好嫩滑🤩大蔥同雞肉都燒得啱啱好🐣好juicy一啲都唔乾🙈🙈 鰻魚炒飯（$98）鰻魚炒飯熱辣辣😻鰻魚份量好多😗😗食落真係啖啖肉呀🥰飯粒炒得幾好💚粒粒分明🤔🤔有咬口😂😂.軟殼蟹手卷（$28）軟殼蟹炸得好酥脆又唔會有好多油 口感十足😍😍蟹味突出🦀.釀蟹蓋（$58）釀蟹蓋入面係啲唔同嘅海鮮混合一齊🦐🦀上面又有一層好香嘅芝士🧀食之前加少少檸檬汁🤤🍋好有層次感🥰🥰