影片
港铁黄埔站 C2 出口, 步行约1分钟
继续阅读
开饭介绍
来自日本的大阪烧专门店，客人可亲身体验制作各款大阪烧。
继续阅读
营业时间
星期一至四
12:00 - 16:00
17:30 - 22:00
星期五至日
12:00 - 22:00
公众假期
12:00 - 22:00
公众假期前夕
12:00 - 22:00
以上资料只供参考，请与餐厅确认详情
食家推介
招牌菜
今日A姐M佬要帮手照顾两个小朋友，午餐就梗系唔可以求求其其，除咗要有营养，仲要够好玩先得嘅！所以我哋就嚟到主打自己动手自己烧嘅铁板烧：道顿堀御好烧专门店。道顿堀御好烧专门店除咗晚间放题又抵又多嘢食之外，近期仲推出咗期间限定，四款超得意嘅天竺鼠车车御好烧料理，可以自己设计成超得意嘅天竺鼠车车，够晒得意又可以打卡呀！Choco什锦御好烧我哋第一个挑战嘅天竺鼠车车御好烧料理就系Choco什锦御好烧，由于我哋大家都系第一次尝试，所以店员都好细心讲解烹调同设计嘅方法。呢个Choco什锦御好烧系嚟自动画入面，爽朗又贤淑嘅天竺鼠车车：朱古力！Choco什锦御好烧入面有香肠同虾仁，食嘅时候好有口感，加上味道浓郁，令人食指大动！Potato薯仔沙律御好烧2位小朋友同我哋讲，呢个系天竺鼠车车嘅主角马铃薯呀！为咗唔想极受欢迎嘅主角变样，所以我哋整嘅时候真系非常小心，尽量要将佢完美还原！好彩我都不负所望，大家可以打卡喇！呢个Potato薯仔沙律御好烧入面有好多薯仔，但重点系个沙律调味酱汁，唔会好溜，口感软绵，非常开胃。Shiromo烟肉生菜蕃茄班戟好多小朋友都唔钟意食蔬菜，但当蔬菜变成Shiromo烟肉生菜蕃茄班戟就大受欢迎喇！呢个Shiromo烟肉生菜蕃茄班戟灵感嚟自天竺鼠车车嘅西罗摩，佢最钟意就系食生菜呀！呢个班戟入面爽脆嘅生菜同烟肉当然系口感嘅来源，而酸甜嘅蕃茄就令到大家都非常开胃，就连平时少食菜嘅小朋友都好快就清咗碟啦！Choco朱古力班戟至于甜品就拣咗Choco朱古力班戟，同样嚟自动画入面，爽朗又贤淑嘅天竺鼠车车：朱古力！班戟本身嘅朱古力味已经非常浓郁，表面加埋朱古力酱，令朱古力更香浓，好好味呀！
继续阅读
-《道顿堀御好烧专门店》🏮🎎依间野一直都想试㗎喇、几得意大阪烧自己整自己食🧏🏼♀️提返大家、佢系有几种唔同野有唔同既整法、分别有御好烧、文字烧、广岛烧、野菜御好烧等等记得跟返佢个指示的整法😂😂当日我哋因为唔知有分别、全部整错晒一pat屎咁🤷🏻♀️另外佢有三款唔同价钱嘅放题分别系$208 $268 $328价钱高啲嘢食种类就多啲！咁今次就拣咗中间𠮶个$268🙋🏼♀️另外佢可以加$38任饮（生啤、清酒、汽水）老实讲嘢食就真系唔系话特别好食、唔系特别高质嘅食材！但系真系好好玩、环境好有feel🙆🏼但去chill下+DIY下大阪烧都好！同埋价钱又唔系贵！所以都系唔错嘅选择！推🙋🏼♀️佢有超级多分店㗎！自己去OpenRice拣一间就脚架啦😘
继续阅读
女朋友话想食铁板烧，但又想有d新意，今次就再佢黎到依间餐厅DIY放题啦。😊😊星期六晚人不算多，座位都算宽敞，我地今次拣左佢地56道菜既放题，有超过5款日本特色既烧物拣，真系整既时间多过食既时间，得两个钟其实比其他普通个半钟放题食得仲要赶。食物本身既味道系无乜，靠既都系酱汁同木鱼碎。同埋餐厅都提供足够指引去DIY，所以都几难失败，过程都几好玩👍除左有得DIY外，仲有其他烧肉同菜比大家选择，种类都算几丰富，唔够饱仲可以叫佢地既饭/炒面食添！
继续阅读
一站式自己为自己服务既日式御好烧饼店，叫完之后剩系比面粉汁同埋d材料你自己烧，其实性价比好低。烧既过程都要起码10几分钟，如果有时间先好去食。材料亦都唔多，而且亦冇其它野食。
继续阅读
之前去关西旅行，随便一间质素都有返咁上下，深深被当地嘅大阪烧、广岛烧吸引住。想念日本嘅日子，一于去道顿堀，自己整！ 餐牌分御好烧、广岛烧、文字烧、炒面炒饭、铁板烧、班戟，每个种类更有肉类、海鲜、芝士、蔬菜等配料选择，每客定价约$78-118不等。几款分享套餐包含御好烧、铁板烧、前菜、甜品同埋饮品，价格颇实惠，而且配搭多，系不错选择 👍 另有120分钟放题，有38品、57品及75品，分别$198/$258/$328每位，小童长者更有优惠价，最啱长期饿底嘅朋友，可以一试。餐牌更有每种食品嘅制作步骤，以及所需时间，扫QR Code仲有简单影片介绍，清晰易明，唔识煮野食嘅我都冇问题 💪🏼 =========================道顿堀杂锦文字烧 $98眼见「广岛烧」步骤相对复杂，今次试试简单嘅「文字烧」先～ 先将蔬菜拌炒后做成圆形，然后喺蔬菜配料中间挖个窿，将水水的面糊倒入窿中间，当面糊唔再流嚟流去就食得 👌🏼估唔到「文字烧」底部能形成锅巴，焦焦香香，但唔能够调节铁板温度嘅关系，放喺铁板上面未食嘅「文字烧」，㶶得好快 😕配料有：五花腩、鱿鱼、虾，味道一般般，猪冇腌，海鲜有雪味 软芝士厚烧班戟 $68职员细心清洁铁板，再上班戟 👍 职员提醒如要流心效果，每边煎2分钟，将面糊整到约一吋厚。可惜盖上镬盖后，班戟扁咗，口感似麦记热香饼，不过不失 🤔由于未达每人最低消费$100，店员建议我哋嗌多杯嘢饮，我哋叫咗冻乌龙茶（$15 ）及百事可乐（$15）。整体来讲，好玩、容易操作，而且可以试到自己手势 😆 不过抽气通风麻麻，整嘅时候烟雾离漫，头发同衫吸满气味。虽然餐厅提供衣服清新喷雾嚟治「标」，但系如果可以改善个「本」会更加好。=========================道顿堀御好烧专门店 (黄埔天地黄埔号) 📍 红磡黄埔天地黄埔号(第6期)AEON Style地下G01号舖
继续阅读