道頓堀御好燒專門店 (黃埔天地黃埔號) (已結業)

我老公最愛日本，香港有新的日本餐廳 ， 仲有得玩，梗係要試一試新嘢。好有趣， 圖文並茂，有步驟、仲有片睇， 教你如何做「奄列蛋包炒麵 」「文字燒」、「 廣島燒」、「禦好燒」 ，仲可以自己做「班戟甜品 」。老公炒得好投入，企曬起身炒，仲好似好有研究， 分析每一種材料放在鐵板上的先後次序， 又要影相，又要擺post、 又要在禦品燒上「畫公仔」，如果是一班人都幾好玩，枱上仲有個計時器， 夠曬認真。點了「武士禦好燒 」、「道頓崛炒麵」、「 上級牛肋肉」，在星期日，黃埔花園這個地區，幾十蚊一個餐，真係一啲都唔貴，仲有得玩。食物質素 、服務及味道，都可以啦，因為重點不是食，而是玩煮飯仔。食物真係幾細份 ，唔夠飽，由於要做完一份餐，再做另外一份餐，又要限時，真係食得好趕 、玩得好趕。我對這些咁有鑊氣，濃煙密佈的環境，認真麻麻地。但係老公好鍾意、好投入，仲話要過幾個星期食中午 食放題，到時唯有陪下佢，同佢開心煮飯仔啦。

上網見到呢間餐廳有我最鍾意食嘅日本菜式，便來試吓。但坐低先發現原來係要自己炒或者煎自己點嘅餸菜，都幾特別，難得嘅體驗。上級牛肋肉價錢都唔平，只有6片牛肉，牛肉嘅質素普普通通，牛肉好似無腌製過，冇乜嘢味道，而佢嘅調味料冇鹽同胡椒粉或七味粉等，所以燒完後都冇乜味道。肉類雜錦炒麵睇落好似好大份量，但主要都係芽菜同一啲椰菜做底，肉只有3片牛肉同3片雞肉，炒菜時要好似日本師傅企起身炒，覺得自己好似好專業，如果有多啲唔同款式嘅調味料，炒出嚟嘅味道一定會好啲。之前兩個菜好快上到，但武士御好燒要等了差不多30分鐘才到，唔知咩原因，佢哋有個圖解同YouTube片介紹點樣自己做御好燒，阿仔好容易都跟到佢哋做，做出嚟個效果都唔錯，反而呢一御好燒佢哋一早調好晒味道組合，效果最理想。

「道頓堀御好燒」終於在黃埔有分店啦！日後出去黃埔行街又多個食嘢好地方。去日本旅行超喜歡吃大阪燒！日本過江龍「道頓堀御好燒專門店」推出全港首創的全新鐵板燒。款式由「大阪燒」、「御好燒」、「廣島燒」、「文字燒」到甜品都有！完成後淋上醬汁和日本蛋黃醬，撒上紫菜粉及鰹魚粉即成。足料加上炒麵底，絕對飽肚之選！更可以讓你與親朋好友一起盡情感受DIY的樂趣！

食物好唔掂 (道頓堀豪華7品)冰鮮食物都好正常但係啲海鮮變變地有陣味牛肉完全冇血色椰菜完全係變酸左啲沙律既菜係有生銹咁既色都攞出黎比人食店員唔知係咪太得閒搶住黎幫我燒唔係應該比客人自己燒咩？咁擺個爐係客位到有咩意義？抽氣系統又差油煙完全散唔到食完出黎成身味去食快餐店都無咁嬲 下次唔再幫襯

今晚同屋企人嚟試吓呢間餐廳，餐廳都幾受歡迎，平日夜晚嚟到都要等一陣位。之前喺尖沙咀食過，試過廣島燒同御好燒。我比較鍾意廣島燒，因為有炒麵，又有麵糊，咩都有少少，多啲口感。今日唔係好肚餓，二揀一就淨係叫咗個廣島燒。另外健康少少，我哋就叫咗一碟炒菜，同鐵板魷魚。魷魚裏面夾有泡菜，好香口。我哋將炒菜同埋啲魷魚撈埋一齊食，好味。最後叫左甜品野莓班㦸。之前試過軟芝士厚班㦸，俾呢個好味，今次的班㦸係薄身啲，比較乾。呢間餐廳真係唔錯，好玩又幾好味，大人同小朋友都好啱玩。

因為可以自己燒覺得好有樂趣，所以見到黃埔新開左間又聚玩下🤪道頓堀雜錦(御好燒) $98御好燒算是比較容易製作，店家上菜時已將所有材料放進大杯中，攪拌好後按提供的指示製作完成。主要心得是要攪拌均勻，這能將空氣打進御好燒中，令質感更鬆軟😉雜錦御好燒的材料不算最豐富，但份量可接受。味道方面主要來自醬料。所以無論你食御好燒或廣島燒，味道都是差不多😅雜錦廣島燒 $118製法和御好燒完全不同，需要更高技巧才能製成一個美觀的廣島燒🤭好處是製作時間比御好燒少很多。廣島燒的材料一開始是分開的，需按店家的指示逐一加在鐵板上製作。材料方面除了基本的椰菜絲、豬肉、炒麵和雞蛋外，亦有一定份量的海鮮粒。因為醬料的原故，味道和雜錦御好燒差不多，但內容更豐富😆個人較喜歡店家的炒麵，煙韌好食，加進炒麵醬油後完全是日本的風味👍🏼牛五花 $58牛肉脂肪較多，切得很薄。醃料帶葱蒜味，醃汁有點過多，令味道偏咸。雖然如此，但仍食到牛肉味，算是不錯。白桃活乳酸梳打 $25白桃味很淡，感覺只像是乳酸味汽水，沒什麼特別。

之前係沙田食過OK, 今次新開，諗住帶小朋友去玩下食下。都知道實多人，所以拎左飛就行一陣，張飛有QR CODE可以睇到叫號，唔洗係門口呆等的，大約一小時後有位了，不過一入去就覺得張枱好乍，野食放一樣還可以，第2樣黎就已經冇位放，還好今次我3個人去，4人枱所以有一個位放多少少野。不過食物就保持水準，幾好食，唔知係咪新張優惠，等位張飛有食物送，散叫滿2百就送一款唔記得咩，滿3百就送御好燒，都幾抵架，唔散叫都有幾款套餐，不過我地有想食既野，就冇叫餐，3個人叫左3杯飲品，廣島燒，御好燒，煙肉斯撒沙律，雜錦抄麵，芝士厚班戟，埋單只係$430，食到好滿足。但通風系統好差，d煙跟本散唔到，散得好慢，食完出黎成個人都係燒烤味，比較之下，感覺沙田分店比較好。不過整體都食得開心的。