道日本料理 (已搬遷) 新店位置

上open rice睇睇荃灣有咩日本嘢食，睇到呢間小店的食評，覺得可以一試喎。原本想堂食，但因舖仔坐位實在有限，唯有外賣。點咗蟹子沙律，南瓜薯餅，帆立貝刺身，廿幾件壽司。🥗$22的蟹子沙律好大兜，唔會好冰，又好夾脆。🥔南瓜薯餅兩大件脹卜卜，足料味濃🐚帆立貝刺身(6片) 好新鮮好美味🍣壽司無論熟的或生的都好味，特別係海膽軍艦好鮮味，青瓜小卷好脆口。呢間小店真係可以encore再encore👍👍

最近想食日本野聽到朋友推薦喱間日式小店於是就叫外賣試試佢，間野好好可以whatsapp落定單，完全講個信字👍🏻今次两個人食，本身唔太肚餓所以凈係叫左三樣野吉列南瓜薯餅炸得好好味，炸粉唔會太多，岩岩好，個餡唔會太甜！$18有两大舊，好抵食！絕對會再encore！壽司盛A 有12件壽司，平均一件7蚊左右，質素非常唔錯！而且有齊我鐘意食既壽司，唔洗單點咁麻煩😂好岩我最後單點蟹柳小卷同花之戀壽司！蟹柳小卷有12件，加埋花之戀真係飽曬😂😂😂好抵食！支持小店！👏🏻

一開始食呢間道料理係經過外賣平台叫嘅，覺得好有質素。點知有一日無意中行過呢度，先真正咁見到佢個門面，門面好細，相信佢都主要係做外賣。壽司即點即整，我就通常都會叫丼飯，汁燒三文魚丼$78，個汁好香三文魚半熟，份量都唔少唔錯。生薑豚肉飯$58，肉唔少，撈飯食一流。其他壽司嗰啲全部都好食！溫馨提示：現場買會比外賣app嗌抵食不少。

小店要喺呢個環境吓生活真喺唔容易，希望大家可以多多支持小店🥺雜錦魚生丼魚生都夠凍同新鮮，有三文魚八爪魚青瓜😂最鐘意面頭有隻溫泉蛋，吉串佢啲蛋汁可以撈飯食☺️治癒得嚟又好好味😌底部飯量十足，一定夠飽！燒汁三文魚丼 半熟嘅三文魚有4大塊，魚油香味濃郁🤤配搭魚子同溫泉蛋，呢個蛋有啲搞笑因為吉串個陣淨喺得蛋白🤣為咗無咁dry叫埋前菜中華沙律同味付螺肉，螺肉幾彈牙份量又多同埋好夠味👍🏻👍🏻👍🏻

食左第一次後會上癮既壽司店佢既價錢雖然會比元氣爭鮮貴但貴少少質素好多多 就抵啦特別推薦焦糖鵝肝壽司 💯每次去必食 超大件又好味另外 佢d火炙類壽司都好好食以上是集合之前食果時影既相片包括火炙類壽司、三文魚腩壽司、鰻魚壽司👌、北寄貝🙅‍♀️、花之戀👌、辣味三文魚軍艦👌睇完相又想即刻再食喇不過環境方面 由於堂食座位只有數個 我見好多客人都係外賣自取 但本人比較鍾意即做即食 所以每次都係堂食的食完咁多壽司 埋單都係150蚊一個人 真係超抵食位於大窩口近大窩口村既小店 由兩位年青人去打理真正既價廉物美啊~

係大窩口嘅一間唔起眼嘅小壽司店食之前以為佢用好廉價唔新鮮嘅材料食完先發現之前係錯嘅佢哋用嘅食材全部都好新鮮三文魚油脂好多 帆立貝都好有彈性 海膽超級鮮甜價格都唔算好貴 一個人$100左右就食得好滿足👍👍👍大家留意返佢以外賣自取為主

food panda 叫返黎，係運送過程中應該有d 拋，但睇得出係放得好好。因為黎到係最面個盒有訓低左2舊之外，其他都無影響。好有心機整，新鮮好食，👍🏻價錢唔貴，算係荃灣較少見既日式店

係大窩口附近，日式食店大多數係連鎖集團，亦只會開係大商場哩間店位置唔係大街，門口以日式佈置今日突然想食壽司，所以入去一試，店舖面積好細，大概三分二係廚房，三分一堂食位置，堂食位置，最多可容納4人叫左個廚司精選，壽司十貫，壽司係即叫即做，所以雖然位置唔多，但都決定堂食大約等左幾分鐘，壽司上枱壽司有十件，有四件刺身壽司，一件熟蝦壽司，三件火灸壽司，兩件軍艦壽司飯醋味唔重，好軟滑，三文魚，油甘魚，刺身就好新鮮，尤其係甜蝦，好彈牙，火灸壽司，有少少火燒香味，肉質好滑哩間雖然店鋪細細，但食品質素都幾高

今日搵咗一陣終於搵到呢間小食店，問咗老闆原來新開半個月店舖比的想像中細，基本上只能容納4人但我同男朋友決定堂食因為所有嘢有嘢即整，所以一定會等；等得唔算耐，10分鐘內嘢食全部到齊1）芝士炸蝦卷飯比我想像中大舊蝦有彈性，食落唔會霉炸皮啱啱好、脆口上面舖咗芝士，芝士唔會蓋過蝦嘅味道，十分好味2）生薑豚肉燒如果唔係大食的朋友建議揀少飯，實在好大碗我自己鍾意食薑，我會覺得薑味唔夠重豚肉好入味，上面舖滿蔥同肉惹味到不得了一定會再幫襯！