遊食手打烏冬 (已結業)

麵不算很好, 但可以接受.湯底不太好喝,不夠日本正宗味道,很失望.

係報紙睇到介紹依間咁既野,諗住試手打烏冬好耐,所以就被搵笨去左果到食,同埋朋友兩個人下午三點幾去,都叫有dd人食緊咁啦.間野d檯分左上下兩級,一般都係4人檯,上級仲有張12人大檯,入到去冇人想招呼我地,d waiter又冇野做,唔明點解冇人過來帶位,咁見有咁多空位就自己行入去坐啦,正想坐之際有條喵咀喵舌既waiter過來問幾多位,仲話唔比我地坐果張檯,話咩下面級果d檯要留0黎清潔唔比人坐喎,都唔知係咪做生意架,跟住仲迫我地坐果張十二人大檯同人搭檯坐,明明週圍仲有其他位都唔比人坐,攪到要望住d唔識既人食都幾反胃呀,睇完個餐牌,d set呃錢唔抵食,於是剩係叫左個滑蛋吉豬烏冬&叉燒烏冬,等左好鬼死耐都未有,2,3十分鐘都有啦,個滑蛋吉豬完全唔得,個賣相好似一堆乜乜咁,叉燒剩係得果薄薄4塊,咁既價錢出面街打把烏冬好過佢,叫到對面對男女食完都未0黎雞翼,佢地都好慶咁同個waiter講等左咁鬼耐唔要啦,d人入來食野都被迫坐埋張12人大檯到,有冇攪錯,個收銀亦都好串同d客人嘈,有個呀婆話要用廁所佢地竟然話唔比外借喎,下,依間野d service真係差到爆,請埋d 咁既人返0黎真係遲早執啦!

首先, 係唔係都迫人坐張大既share台, 每有人進來都叫人坐, 但9 成都是要求坐其他位.海苔牛肉烏冬-湯底過咸, 烏冬分量少..鴨肉大蔥烏冬-湯底過咸,d鴨內很少, 個皮好厚,肉很細件.

我地5個人, 等左約10分鐘到, 門口個經理竟然叫我地有位, 原來迫我地坐張4人枱, 意思係一邊坐3人, 一邊坐2人, 根本就無可能坐到, 咁我地話等下張, 跟住個經理話會留第邊的枱比我地, 點知又等左一陣, 發現佢根本無留其他枱比我地, 不斷咁比d 2人枱入. 咁我地咪去問佢, 如果你咁樣不斷入2人枱, 呢世都輪到我地5人枱啦. 個經理竟然好不滿咁話, 你地見我地張紙都寫到滿晒, 有幾多人等緊位架啦! 你地體諒下d 2人好唔好...跟住又話唔通尤得d位空左係度唔比人入呀.但注意: 之前明明係佢話會留d枱比我地.跟住佢又解釋, 我話如果有3張2人枱同時走, 就可以留比你地囉! 有冇可能咁o岩有3張2人枱呀! 於是我地等左半粒鐘都無位, 仲要個經理咁o既態度, 我地即刻過左去有骨氣打邊爐無咁嬲....而係等的期間, 不時聽到食緊的人追d野未黎, 話好耐先出品.....

睇見報紙報導,又近我番學,所以上堂先來先個晚飯. 試了蕃茄湯牛肉烏冬, 柚子梳打. 經理推介呢款, 佢話有少少辣同幾惹味. 食落個湯係ok, 不過就唔辣囉...不過我覺得烏冬少左d,女人食都係剛飽, 男仔就......! 柚子梳打唔好寄望好飲囉.

在它試業期間路經此地，手打烏冬？好窩，試下先。要了海鮮窩烏冬，麵噌烏冬，芝士炸餃子。烏冬麵質幾滑，湯底夠味，但料子"海鮮"就麻麻地喇。芝士炸餃子就略嫌太熱氣。主打找烏冬吃的話，也是不錯的選擇。