遊園

营业中

休息中

第一次嚟戲曲中心食飯，原來呢度有幾間餐廳，呢一間仲要對住個海景！雖然出面有個第盤，但係望住個海景食嘢都幾chill。😍😍😍————————————芫茜湯牛丸，墨丸及潮州魚片湯拉麵 $72麵上面有好多芫荽，但其實個湯就冇咩茜味，純粹係綠綠地色嘅魚湯。😟😟😟但值得一讚嘅係個d丸，好濃郁！尤其係個牛丸，食落真係好有牛味，呢個幾驚喜。🤩🤩🤩其實佢丸嘅份量都幾多，不過面就林左d，口感差少少。😟😟😟

今晚在附近有突發工作，立搜尋這區，發現有戲曲中心，阅後據寫評去試其網評出名芫荽麵，麵來到在眼前好大碗的，可是當食的時候好失望湯太鹹，表面好多芫荽但卻未有期望的味道

真心講句，有芫荽嘅地方就吸引到我，呢間係我暫時食過咁多間最滿意嘅！首先講吓佢個芫荽三文魚三文治，非常有驚喜，好濃烈嘅芫荽味不特止仲要係好夾👍🏻另外食咗佢個芫荽車仔麵，個湯勁好飲！好濃啊！絕對冇偷工減料仲要足料！如果你係好鍾意食芫荽嘅，你真係要試吓！

戲曲中心開幕後多了不少餐廳進駐 餐廳裝潢與戲曲中心互相映襯 懷舊而典雅 頗有特色🍁.多道菜式中較喜愛咸柑桔肉排 口感層次豐富 酸甜度配搭亦剛剛好🍖另外的脆皮鮑魚也很有驚喜 外層炸得香脆 鮑魚肉質爽滑不會乾身 口感不錯 聽説這裡的莞茜車仔麵也很受大眾歡迎 下次有機會也要一試🍜.這裡的食物選擇頗多 除車仔麵和各種港式茶餐廳的食物外 更有廣東燒味 潮州滷水 水煮魚等等 絕對可以滿足不同食客的口味💁🏻‍♀️.▪️咸柑桔肉排▪️鹽燒脆皮鮑魚

喺附近返工, lunch time食商場野食到悶. 同事suggest黎戲曲中心, 話有靚靚outdoor地方透下氣~離遠見到餐廳已經好喜歡, 中式設計, 餐廳外面有枱坐. 基於戲曲中心既設計, 成個area好通風, 好舒服.同事叫左魚香茄子飯, 飯餸分開上, 如果一班同事黎食可以share叫餸食飯~魚香茄子唔會好重口味, 但又夠香, 亦唔會太辣, 茄子大舊得黎都入味. 好岩OL食~份量亦都好足, 依個價錢之下, 性價比高.仲叫左個黑松露蝦粒蛋白炒飯,  一上枱真係有D嚇親因為真係好大碟飯身都夠乾, 重點係黑松露真係好香, 同埋蝦係新鮮彈牙既!不過佢D鹽唔係幾勻, 有幾啖食到粗鹽好咸但最後我都忍唔住清左8成~想埋單果陣, 老闆好nice咁送上西多士做甜品!西多士一舊舊磚咁, 好方便大家同事分享每舊都厚身, 外脆內鬆軟, 中間有層花生醬, 雖然好肥但都好好味大家有興趣都值得黎試~~

早兩日去咗荃灣眾安街一間火鍋店食芫荽點心，千里迢迢去完之後有啲失望。見今日得閒諗住去西九行吓，突然想起戲曲中心有間餐廳，有芫荽麵同三文治。先來叫咗個芫荽麵，一拎上枱青BB已經覺得一個字好勁，嗰碗湯係充滿芫荽嘅精華，食落口絕對冇得輸，碗麵入邊仲有牛丸魚蛋片同墨魚丸都好好味，整體都係要俾個讚。之後再試埋佢個芫荽三文治，可能係食咗碗麵全個口已經充滿芫荽味，雖然三文治內嘅蛋都係含有大量芫荽精華，但係相比起同煙三文魚一齊食味道就不是太濃，但都係好好味。作為一個芫荽控呢間餐廳絕對值得再次光臨。

599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講(Throwback 2021.2.28)食評有✍🏻·遊園•茶記@戲曲中心試食指數⭐️⭐️⭐️⭐店舖衛生⭐️⭐️侍應態度⭐️⭐️((每項5⭐️為滿分))·平時食午餐或下午茶第一次晚餐時段去選擇有限小食只有芫茜蛋治(我哋有點)荷蘭豆清炒白合+ 米粉⭐️⭐️⭐️/5火喉炒得剛剛好，荷蘭豆清脆爽口，馬蹄、白合清甜豆尤蒸肉餅+白飯⭐️⭐️⭐⭐️/5嘩。。。有驚喜的肉餅，汁撈飯簡直係邪惡😈乾炒牛河⭐️⭐️⭐⭐️/5同上都係有驚喜，牛肉片嫩，色濃但味不咸·但晚餐都係散點偏貴大概130/人

“芫茜湯牛丸,墨丸及潮州魚片湯米線”($72)“芫茜滑蛋煙三文魚三文治(加烘底)”($45+2)芫荽係一樣令人又愛又恨嘅嘢🤣唔鍾意芫荽嘅朋友可skip😂隨住香港芫荽黨嘅興起突然發現自己食芫荽嘅level只係bb班😂入咗黨之後就成日搵邊道有芫荽嘢食😛今次就嚟咗喺戲曲中心食芫荽大餐😝下午茶時間嚟到搵極menu都唔見碗芫荽麵原來供應時間係lunch hour 11:30~14:30不過店員都好好話可以照整比我🥺呢道嘅芫荽麵以前係用車仔麵嘅模式宜家就set死咗冇得揀餸所以配料只得牛丸,墨丸同魚片麵底就可自選米線/河粉/拉麵見店員拎過嚟嗰吓已經心心眼😍因為係有一座芫荽山仔喺個麵上面😆首先試一試個青bb嘅湯底芫荽味比想像中淡但個係幾好飲嘅碗麵嘅芫荽味來源主要係嚟自啲新鮮芫荽🤣話到明食芫荽大餐又點會只得一碗麵叫埋份烘底芫荽滑蛋煙三文魚治個滑蛋已經比芫荽整到變咗青色💚都係嗰句整熟咗嘅芫荽其實已經味道大減😂啲荽味比煙三文魚味遮咗😂似乎都係就咁食新鮮芫荽最正🤣不過各位芫荽黨友一試亦都冇妨😆

遊園·茶記試食指數⭐️⭐️⭐️店舖衛生⭐️⭐️⭐️侍應態度⭐️⭐️⭐️((每項5⭐️為滿分))第二次光顧位於戲曲中心的遊園·茶記今次點了🍜酒釀鮑魚雞拉麵🍚傳統蜜汁叉燒飯🥪經典西多士最快嚟到嘅係叉燒飯半肥瘦叉燒幾好味但最正都係蜜汁撈飯第二樣嚟到嘅係西多士佢都係厚磚造型🧱咁樣上碟造型上想抄襲一口西多但好可惜做得唔夠脆口味道正常可取之處就係花生醬冇傳統西多咁多『厚磚西多』花生醬份量食落去啱啱好我嗰碗拉麵價錢幾貴($118)好可惜上枱嘅速度實在太慢當我哋已經食晒大半碗叉燒飯同埋西多碗拉麵才施施然飄到上枱想速食嘅朋友就唔好揀啲太過特別嘅主食繁忙時間嘅店舖衛生同埋侍應態度都平平但係今日人唔多所以所有水準都拉高左大家經過戲曲中心可以食完飯向右走係海港城向左走係圓方總有一個方向啱你😆

戲曲中心開左咁耐，我都係第一次黎😮個設計做得幾有空間感！咁叫得戲曲中心，我諗裡面啲野都係走中國風架啦，而佢裡面呢間餐廳都唔例外蜜汁叉燒（例牌）$98收得呢個價錢既叉燒一定要有番咁上下水準，呢度就做得還可以既蜜汁豐盈，如果啲叉燒可以肥啲咁個口感就會更好啦魚香茄子煲 $88一向係我最鍾意既餸🍆🤩 幾乎每次食中餐都一定會點！好味既魚香茄子煲最緊要有鑊氣🔥 呢度做得幾好，個煲燒到好熱，個餸好惹味👍🏻蒜蓉粉絲蒸聖子 $116老公心血來潮想叫啲海鮮，咁就試下呢度既聖子啦🤤隻聖子係大隻同新鮮既，蒜蓉粉絲就不嬲香口架啦，所以係好食既！蒜片澳洲和牛粒 $198呢味餸比較貴，所以我對佢有比較高既期望🥴和牛粒好食，係香牛味既，但份量略嫌太少，同埋個汁可以甜多少少

去戲曲中心看表演，可以到這一家吃晚餐。我們叫了一個羊肝菌和馬卡燉烏雞燉湯，小炒王和乾炒牛河。湯還是很清甜的，用料也很足，對於我這個湯控來說是一個不錯的選擇。小炒王表現一般，沒有什麼驚喜。乾炒牛河炒得很乾身，還是挺有鑊氣的，就是牛肉略為少了點。

第一次黎到戲曲中心，竟然唔係黎睇粵劇，係黎食飯！呢橦building外觀真係好靚！好簡潔好簡約！今次就黎呢度試一試中菜館！呢間叫遊園·茶記嘅餐廳，唔知點解好似感覺到少少嘅詩意。我地叫左個例牌嘅叉燒，呢碟野真係好好食！成條叉燒上又厚切！啖啖肉好好食！肥瘦又適中，唔會乾，正！仲叫左菠蘿咕嚕肉，份量好多！色澤又靚！唔錯！仲有啫啫芥蘭煲！呢個真係熱辣辣上碟！好正！食落都覺得暖笠笠！芥蘭爽甜好食！仲有啲肉碎可以拎黎撈飯呀！不得了好食！最後仲叫左原隻鮑魚雞粒鍋燒飯！超級大鍋！三人份量黎！粒粒分明又好食！唔錯呀！最緊要抵食！下次一定會再黎試埋其他野！仲有上埋我地仲咁岩見到Lisa姐黎食飯tim！呢間野名氣爆曬登！

去開海港城聽講座，老婆係咁話要試芫荽湯🍜。查實本人對芫荽麻麻，但唔敢逆旨，唯有奉陪。😅呢間餐廳係戲曲中心入面，都吊吊地🦶🏻，再加上限聚，幾清幽下😅。雖然叫🍵記，但係有啲檔次個隻，店內懷舊主題都幾靚，幾啱打💳。🤗食物方面，絕對唔係普通茶記，我地叫左3️⃣樣野，全部都好掂，真係估佢唔到🤭！尤其是芫荽控，一定要試！！👍🏻除左少少吊腳，基本上冇乜缺點，高CP既非一般茶記，真係好想試下佢其他野，絕對值得期待。🤗

疫情又再一次來勢洶洶，難得約到大半年無見嘅好友相聚，我倆都決定搵一個特別d嘅地方一聚。好友就提議到戲曲中心入面嘅中式茶樓食晚餐聚聚。今次係小妹第一次嚟戲曲中心，唔講都唔知入面原來有餐廳，而且裝潢擺設仲好精緻，好似係中式庭園食飯咁，真係大開眼界。燒鵝燒味雙拼 💰158小妹就揀咗最愛嘅頭兩位燒味😋😋就係化皮燒腩仔同遊園金牌燒鵝。燒腩仔皮脆肉嫩，而且嚴選五花腩製成，層層分明又肥瘦適中，唔會淨係食脂肪咁😚燒鵝皮嘅色澤做得好好，無論係上色定脆度都係中上水準，今日嘅鵝油脂較多，未可試清楚味道，下次要叫半隻嚟試真d先。PS.如果你唔食燒鵝嘅話只係$138咋。九層塔薑蔥粉絲虎蝦煲 💰198哩個係必食推介，上台後打開煲蓋後就聞到一陣好香好強烈嘅薑蔥香氣，即刻流口水🤤用料絕不欺場，有成6隻新鮮大虎蝦，而且虎蝦應該係走過油，蝦殻🦐勁薄而且仲炸到好脆身。最驚喜嘅係哩到對蝦嘅處理好仔細，完全清理左蝦頭嘅內臟只留蝦肉，哩個小妹大讚👍🏻 粉絲完全索哂虎蝦嘅精華再加上薑蔥九層塔完全係絕配，記得要叫個「靚仔」送餸😋PS 全日都免加一同茶介，另外要讚下店員姐姐嘅好服務態度

駕車經過佐敦，經常被新落成不久的戲曲中心吸引，聽說內裡也有餐廳食肆等，如果平日星期一至四消費滿二佰元，星期五至日滿四佰元還可免費泊車，十分方便我們這些駕車人士，決定今晚和老公去試試！第一次到戲曲中心，充份感受到文化氣息，我和老公經過遊園、茶記這家餐廳就被它吸引進去了進去後果然充滿懷舊feel我急不及待立即翻開餐牌看看有什麼好菜式，但翻開菜牌第一頁就被它的介紹吸引了正當看得入神就被老公催我點菜，我慌忙下隨便叫了一個化皮燒腩仔，但不知是否錯有錯着，這個燒腩仔是我近年吃過最好吃的，肉質肥瘦均匀，最重要的皮真是做到化皮效果，一點也不誇張，再伴以黃芥末，只能用"正"字來形容！老公是台山人，他想叫個台山手工黃鱔煲仔飯，我當然順他意，這煲飯又是一巧手之作，黃鱔肉肥美可口，飯粒粒甘香，飯不黏底但又能做出煲仔飯的美味效果，難得！最後再叫了一個清淡的帶子粉絲雜菜煲，侍應端上來了，我立即被它的帶子吸引，帶子夠大而且數量也不少啊！一肉、一飯再加這個菜，這頓晚餐真是吃得開懷！由於這餐實在吃得滿意，已計劃下次再多找二人來吃這的四人套餐，價錢不貴，可試的菜式又多。