遇見您

营业中

休息中

生活越忙，越需要me time去平衡下。喺土瓜灣呢個舊區發現咗一間新開的西餐廳，睇落幾精緻同有格調，揀咗呢度比自己獨處個下午。🔹香煎盲曹配白酒忌廉汁及薯菜🔹$118lunch menu選擇都幾多，跟餐可以配餐湯或沙律。今日餐湯係雜菌湯，一睇就知道係餐廳自己打的足料雜菌湯，口感同味道都好豐富。香煎盲曹皮脆肉嫩，一切開原來塊魚柳成吋厚！加埋個白酒忌廉汁同埋好creamy嘅薯蓉真係好夾。烤蔬菜亦煮得恰到好處。🔹蟹肉薯餅🔹跟餐追加$15炸到金黃色嘅薯餅入口鬆脆，入面係軟滑嘅忌廉蟹肉，好味！一路欣賞住餐廳窗外特地佈置嘅植物，一路慢慢品嚐用心製作嘅食物，間中會有好nice嘅staff過黎傾下計，絕對係令人心情放鬆嘅一個好地方。

幫襯咗兩次覺得坐得舒服又好味忍唔住留返個好評支持下！餐包居然係好好味！配埋牛油餐湯 甜甜地又鬆軟已經令人覺得有個好開始跟set dinner焗蠔都好好味個醬岩中意濃味嘅人士Main course 三文魚同豬扒都好出色食到食材本身原汁原味配嘅醬有唔會太濃味有時想轉一轉口味點下岩岩好！而且份量都好足夠伴菜味道都非常清甜唯一敗筆係甜品櫻花和菓子但純粹係我本人食唔慣呢種食物

在寂靜的土瓜環街頭，有家cafe靜靜地佇立著文青般的裝潢，坐得舒適的沙發椅，令人無論坐多久都不會感覺焗悶服務跟cafe一樣，在熱情跟冷靜之間取得平衡出品半日套餐（午餐）田園沙律清新的前菜香草烤鷄扒配薯菜$108大大塊的雞扒加上濃郁的醬汁，入口Juicy，加上薯蓉，茄子🍆，翠玉瓜的搭配，營養均衡之餘，飽足感十足另加小食水牛城雞翼$58新鮮炸起的五大隻雞翼！體積相當巨大，加上少量酸酸辣辣的水牛城醬汁，是日最好吃！海南雞飯全去骨的海南雞飯，沒想到能在cafe裏面吃到，令人意料之外是日中湯這個青紅蘿蔔煲粟米湯，入口沒有味精，味道出色蟹肉薯餅新鮮炸起的蟹餅也是creamy！青檸梳打去糖去冰的青檸梳打果然非常解膩，夏天喝非常正點！洛神花玫瑰茶(熱)別小看這個玫瑰花茶，只要沉浸的時間夠長，花香味還是十足的

在紅磡工作一段長時間，基本上附近餐廳都食到悶，唯有去土瓜灣找美食。 行經漆咸道北見到新開西餐廳，再在門口睇埋餐牌就行入去試試。餐廳門面和店內裝修很清新簡潔，空間感十足，感覺舒服………最令人意想不到，餐廳竟然有一個後花園，店主栽種了不少盆栽， 在市區餐廳很少見！👍👍午餐價錢算合理，而且有不少選擇👍Set Lunch 有包一個頭盤，可選擇餐湯或田園沙律。 是日餐湯：椰菜花忌廉湯忌廉令到整個湯好綿滑，但湯內帶有椰菜花粒粒，好有口感，味道相當不錯！😋💢蒜香魷魚鬚 HK$68在主菜上枱前，先嘆反個小食！魷魚新鮮，味鮮甜。外皮炸到脆卜卜，加上蒜香，好惹味！而且粉漿好薄，啖啖鮮魷肉，好正！😋😋😋💢 香蒜辣椒意粉 HK$88意粉軟硬度適中，香蒜味濃郁，辣味適中，不會太辣。意粉炒得好香並且一點都不會乾！Very good!👍👍👍💢 香煎盲曹配白酒忌廉汁及薯菜 HK$118盲曹魚皮煎得好香脆， 白酒忌廉汁有奶香味但絕不會搶走魚香味。 蔬菜和薯蓉牛油味剛剛好，還能保持蔬菜自然甜味，不錯不錯😁😁💢 焗法式啤梨撻配雲呢拿雪糕 HK$78食完主菜當然要order反個甜品，嘆個咖啡作為完美ending 啦！啤

今日經過土瓜灣，偶然發現一間新開小店，叫“遇見您”，有d好奇就翻下門口餐牌來睇。價錢幾吸引，有套餐，又免加一，就入去試下。估唔到有驚喜添😋！我地叫咗兩個dinner set ，蘑菇湯，焗蠔，西冷牛扒。重點係果個焗蠔，好好味，大隻又鮮甜，加埋參巴醬來焗，口感好特別，到宜家都好掛住果個味道😋。蘑菇湯味道中立，不過不失，牛扒嫩口，跟餐薯菜係傳統styel，有懷舊西餐風格。員工都好nice架，仲同我地推介果杯荔枝玫瑰梳打，掛住傾解唔記得影相😅。朋友嗌咗豬胺扒配蘋果蓉，仲忍唔住問員工，點樣可以將豬扒整得貢嫩架🤭🤭。下次一定要再幫襯。

新地鐵站落成後，到土瓜灣區活動都變得方便起來，知道這兒開了不少新餐廳，特地到此開餐！遇見您地點就腳，環境新簇企理，座位寬敞，帶點綠色的布置，令人心情格外舒暢！點了一份套餐，另加一點自選。套餐包了前菜，森巴醬焗蠔，森巴醬微辣，蠔味香濃！多兩隻就更理想 😋😋蒜蓉飽 $18，蒜蓉醬夠多，全片麵包都變成金黃色，口感香脆濃味！好食！跟餐的田園沙律，蔬菜新鮮，配了沙律醋，口感清新醒胃。散點的炒蘑菇 $38，味道香濃，牛油略多，但勝在夠惹味，甚合口味！香煎紐西蘭西冷套餐 $328，牛扒相當有份量，加上大量薯菜，甚是吸引！牛扒軟熟有牛味，半生不熟正是食牛扒的風格！烤西班牙黑豚豬肋骨 $188，7支骨的豬肋骨，份量不少，黑豚無羶味，加上惹味醬汁，不錯不錯👍！薯條香脆，加入胡椒及鹽花，比起慣常的蕃茄醬，更合我心。是日精選甜品 - 和生菓子，是款日式小清新甜品，擺盤精緻！中間饀料是柔軟沙沙口感，帶點梅子酸微微味道，一解滯膩感！熱情果菠蘿🍍梳打 $38，香香甜甜，冰凍怡人！另跟餐的凍檸茶，目測也不錯的！

行過土瓜灣舊街，見到呢間新開既餐廳靚靚地一直想試下。今日收工又經過，望下餐牌，「紐西蘭肉眼扒」$328。心諗土瓜灣舊街求其一條街都敢收呢個價錢，應該有啲信心。驚中伏上黎OpenRice望下： 10好評、1中等、零負評。心諗應該無死就入左去。點左「紐西蘭肉眼扒」$328晚餐。首先上既係餐湯質地同口感幾特別，味道就一般。跟住上頭盤，一隻焗蠔，味道都唔差。點知上主菜，一望就覺得唔對路，塊扒出奇地大但極淡色、同塊肉旁邊既脂肪質地好唔對路，醃過粉既嘅脂肪先會咁質地/形狀。心諗無理由既，土瓜灣咁既價錢，應該錯覺黎架啫。切開一舊黎食，跟住我真係呆左…極鬆散既肉質，零牛味既肉，同好明顯係落過粉既口感，真係茶餐廳雜扒飯既質素。咁都收我328蚊？！我堅係呆左。呆多陣我切多一舊黎食，一樣咁難食。一路咬一路心諗都幾唔好彩，328大元食啲咁既野，又心諗生意係咁難做要賺到咁盡… 呆下呆下發現自己咬左好耐都無吞，原來真係難食到吞唔落。跟住我含住舊肉，呆左3-5分鐘。我都有唔少朋友搞餐廳，知生意唔易做，但我真係連吞都吞唔到，食唔落，我心諗係咪就咁埋單走算呢？但你生意難做我搵錢都唔易呀，無理由你咁難食收我300幾蚊架？

遇見您位於土瓜灣，提供多款精美的菜式同甜點😍員工友善，非常親切！ 晚餐套餐頭盤是森巴醬焗蠔和椰菜湯森巴醬焗蠔🦪的口感非常鮮嫩，椰菜湯creamy，非常美味。主菜有黑松露牛肝菌意大利飯 意大利飯有咬口，搭配上黑松露和牛肝菌的香氣，好惹味！ 跟餐甜品係日式菓子，賣相非常精緻😍跟餐還有咖啡或茶供應，非常貼心。 甜品是焗法式啤梨撻配雲呢拿雪糕，撻皮酥脆，啤梨的酸味和雲呢拿雪糕非常搭配🍦 黑松露薯條的口感脆卜卜🍟香草忌廉紐西蘭青口非常鮮甜😋茄汁芝士千層麵好足料味道濃郁！ 飲品方面，雪梨桂花烏龍茶☕非常清新，食甜品嘆茶非常適合。

今晚同朋友去了土瓜灣的【遇見您】食晚餐，小店無加一收費，而且價錢都比尖沙咀平一大截，晚餐包湯、沙律、前菜、主菜、甜品及飲品，都是每位二百至三百蚊，又平又正，而且份量十足。森巴醬焗蠔蠔肉表面舖滿了芝士醬汁，肉質鮮甜。椰菜花忌廉湯忌廉湯濃郁，有陣陣椰菜花粗粒口感。凱撒沙律羅馬生菜新鮮爽脆，有些炸煙肉碎及麵包粒，清新開胃。西班牙豬安扒配秘製蘋果蓉豬鞍煎至表面焦香，肉質嫩腍，保持肉汁豐富，配上有肉桂香味的蘋果蓉，更添風味。自家製鮮茄醬海鮮意大利意粉茄醬酸甜開胃，每條意粉都沾滿了醬汁，十分爽口，還有青口、蝦及帶子，十分新鮮好味。甜品是大福，很有心意地寫了餐廳名。

我地叫左兩個set 加 一個散叫 主菜。父親節set 係幾低 300 蚊左右黑毛豬安扒。煎三文魚吾會好乾，好juicy 🥰老細好好人，見我係街坊客住係附近，送左份禮物仔，希望我多啲去食。 野食真係算吾錯。正正常常🙌🏻 不過要改善一下環境衛生，都幾多蚊螆仔。衛生做番好的話，都會再番去食。 暫時有少少陰影 不過總算同事同老闆服務態度好，先冇拍枱直接投訴。都婉轉咁提左下衛生問題，我見隔離枱因為好多蚊螆黑面，我見餐廳其實都知道問題。始終新開，我會過一個月後再試，希望衛生有明顯改善。 不過總算過得去，好力潛力local 餐廳 🍴

今日近近地係屋企附近食午餐見到呢間新開既西餐都幾吸引Lunch Set 包左2款自選頭盤 主菜 飲品餐廳環境光猛 地方唔算特別大 但座位唔會好逼♥︎➜炸薯條 $58呢度既薯條係比較粗身 新鮮炸起仲配哂3款醬 有茄汁 芝士醬 黑松露醬我地嗌左2個Lunch Set頭盤揀左餐湯 粟米湯勁濃郁 仲加左麵包脆粒另外就揀左炸薯餅同吉列蠔 都好香脆➜傳統卡邦尼意粉 $108意粉掛滿香濃既蛋黃忌廉汁煙肉粒軟硬適中 加上芝士點綴就更正➜香草烤雞肶扒配薯菜 $118雞肶扒真係啖啖肉 仲好滑好多肉汁配上燒汁就更為惹味 質素真係唔錯香橙烏龍茶/雜果賓治唔會太甜 仲飲到果肉👍🏻

車爸媽及朋友去高山劇場看表演路過這間門面雅致的新餐廳。入內一看，感覺清新舒服，決定試吓他們的晚餐～ 很不錯！餐牌每樣菜式都頗吸引，於價錢亦優惠，所以我們叫了很多盡情吃😅～濃郁多料的蘑菇湯、龍蝦湯、大蝦沙律，香煎豬扒、燒牛扒，炭燒骨😌，兩款pasta 亦不錯。因為價錢吸引，亦點了一些小吃☺️⋯見到鄰座在喝的cocktail 很漂亮，亦要了兩款試試～ 都好好味！ 原來我們今天吃的是新推出的菜單～有水準😋👍🏻讓我們喜出望外！覺得小店用心經營，食材質素好，價格平易近人～ 值得支持！ 會推介給附近的朋友。友善的職員告訴我們附近交通很便利，除了地鐵，在中環亦有巴士直達。我們這次駕車就拍咗對面的停車場，亦十分方便！下次可以試坐車再來（就可以飲酒！）據說戲迷們一般會7:00pm前用膳，下次亦可試下7:00pm後來，可休閒嘆舒適的環境吃晚飯👍🏻

又係紅土系列，住呢邊真係好幸福😝有好多好西食～今次試下呢間新開無耐既餐廳🍴保姆兄最愛西餐，滿足佢願望🥲前菜超正每人可以揀兩款，#凱撒沙律 #鴨胸沙律 #蟹肉薯餅 #是日餐湯，本身以為前菜係好細份，嚟到發現比想像中大份有驚喜，抵食🤭最鍾意個湯，係忌廉粟米湯，超豐富嘅粟米蓉，好creamy又好香😍主菜 #安格斯牛肉漢堡配煙肉芝士蛋+#鮮茄醬海鮮意大利飯，漢堡好大份，牛肉味道都ok👌🏻，仲有薯條🍟 反而個飯有驚喜，好重茄汁味🥫酸酸地好開胃～#甜品 伯爵茶朱古力蛋糕🍰呢個蛋糕唔會好甜，仲有淡淡既茶味🍵唔錯😽價錢平均每人$150，有齊咁多野食都ok，行過路過唔好錯過，記得幫我like下啦💜

成日覺得土瓜灣都係舊區，冇乜興趣嚟搵嘢食，呢日臨搭巴士離開土瓜灣，立眼見到開咗一間裝修精緻嘅西餐廳「遇見您」，於是同朋友決定入嚟一試，啲食物都幾高質素，慶幸偶爾間也可遇見「遇見您」。☺️☺️意大利巴馬火腿伴蜜瓜🥙🥙作為開胃菜，口感清新、輕盈，非常適合在夏季享用。巴馬火腿味道鮮美咸香，蜜瓜則甜美多汁，產生一種令人難以忘懷的口感體驗。餐包暖暖脆脆送上檯，非常味美😋😋龍蝦汁蟹肉燴意大利飯🦞🦞意大利飯口感細膩、鮮美，非常適合搭配各種食材。龍蝦汁非常濃郁，與蟹肉的鮮美味道相得益彰。意大利飯則充分吸收了龍蝦汁和蟹肉的香氣和味道，使得每一口都能夠感受到濃郁的海鮮風味。野茵忌廉濃湯配松露油🫕🫕口感豐富、味道濃郁，非常適合作為前菜享用。野菌非常濃郁，與奶油、牛奶等搭配後可以形成一種豐富口感，口感順滑柔和。松露油則為濃湯增添更多的層次感。慢煮西班牙豬胺扒配秘製蘋果醬🐷🐽非常美味、口感豐富，豬胺扒是非常嫩的瘦肉，慢煮後口感更柔軟，秘制蘋果醬非常特別，酸甜適中，非常搭配豬胺扒的口感。參巴醬焗蠔🦪🦪這道菜的主要特色是使用參巴醬，大約是以以辣椒、蒜、魚露和其他香料製成的調味醬，賦予了蠔肉一種獨特的風味，亦呈現出燒烤後

#遇見您看到餐廳名就覺得特別有緣分😄店內佈置讓人眼前一亮🤩桌椅綠色系，好吸睛🤩座位非常舒適！裝修明亮乾淨！特別適合情侶拍拖的好去處😊服務好~上菜快💯我哋兩個人叫佐2个晚餐套餐🍴套餐有奉送咖啡或茶👍 🍴香煎三文魚配伏特加牛油汁【紅菜頭沙律】【參巴醬焗蠔】【是日餐湯】【是日甜品】套餐搭配非常豐富👍一人份量剛剛好！三文魚厚切大大塊🤩外香里嫩，鮮美多汁！伴碟蔬菜也非常之豐富！搭配一杯玫瑰荔枝蘇打滿足感💯參巴醬焗蠔真係無法拒絕的誘惑🤤 蠔又大又肥！入口蠔肉肥美，醬汁香甜🤤甜品係泡芙! 奶香味濃郁！好吃不膩👍👍🍴黑松露牛肝菌意大利飯【紅菜頭沙律】【參巴醬焗蠔】【是日餐湯】【是日甜品】黑松露牛肝菌意大利飯係我最愛😍口感軟糯，黑松露很香，米飯吸滿了蘑菇汁和黑松露香味，好味道‼️🦑蒜香魷魚鬚炸的非常酥脆可口！蒜香味很濃郁！一定要試試這个，必點‼️📍遇見你紅磡漆咸道北423-433號怡輝大廈地下1號舖