遇見小麵 (MOKO新世紀廣場)

营业中

休息中

終於吃到開來香港的遇見小面了!走到門口就已經很香的花椒味，聞到就覺得對味了點了金牌酸辣粉，老麻抄手，紅碗豌雜面，爆漿豆腐串酸辣粉超級適合嗜辣人士，很香很辣很酸，口味超級過癮紅碗豌雜面的耙豌豆軟軟綿綿的，混合肉臊掛在面上有醬香味，分量也很足紅油抄手油油辣辣，很香爆漿豆腐串汁水豐盈，超級推薦!人均一碗面 40 多，在香港這個價格超級便宜，酸辣粉才 19，口味也很貼近重慶麻辣味，很不錯~🍽️ 遇見小麵 旺角太子道西193號MOKO新世紀廣場3樓345號舖#遇見小麵 #重慶地道美食 #紅碗豌雜麵 #金碗酸辣粉 #黄埔美食 #旺角美食 #冰粉

之前黃埔全港第一間分店開幕都有去食過 辣得好過癮知旺角開咗新分店 趁放假就再嚟食吓點幾2點好多人 要排隊等入座等咗大約10分鐘就有位🍢五串大拼盤因為我哋唔食羊 所以3串肉串都揀咗牛肉仲有一串麵筋同埋爆漿豆腐串串燒好惹味一定要食佢哋嘅豆腐串 炸得脆口不特止入面嘅豆腐保留全好滑秘制脆皮半隻雞如其名 食落好香脆雞肉juicy嫩滑🐮安格斯肥牛小鍋冒菜凍冰冰食冒菜是必須的佢鍋連埋爐一齊上 keep住熱辣辣除咗肥牛 仲有金菇 豆皮 魚腐 菜同埋薯粉 越食會越辣 食到滴汗🍜酸菜肥腸麵套餐麵質軟硬適中 酸菜同肥腸嘅份量都好足夠再加埋喺自助區拎嘅酸豆角撈埋一齊食味道昇華2款主食都食到熱血沸騰 建議平時食開10小辣嘅可以食番唔辣系列 😆🧊琥珀冰粉🥥白玉厚椰乳呢個甜品同飲品都係解辣一流冰粉同白玉好重桂花味

內地連鎖食店「遇見小麵」最近喺旺角MOKO新世紀廣場開咗新分店。店內燈光明亮，感覺乾淨衛生，門外有唔少顧客等緊位，好受歡迎爆漿豆腐串豆腐外脆內軟，口感獨特！表面加咗麻辣醬料，更添滋味天府鴨血小鍋冒菜小鍋冒菜以洋燭保溫，湯底香濃麻辣🌶️豐富配料包括：腐竹、鴨血、魚腐及薯粉等等，薯粉同腐竹都吸收晒湯底嘅精華，正呀脆骨丸子丸子口感不錯，啖啖肉，食到唔少脆骨安格斯肥牛陽光蕃茄湯麵屬於唔辣口味嘅選擇✨安格斯肥牛肥瘦均勻，肉質香軟，滿有牛肉香，幾好食👍🏻麵條軟硬適中，湯底酸酸甜甜，滿載蕃茄香，好開胃呢凍檸檬茶甜度適中的凍檸茶，濃濃茶香散發著陣陣檸檬香，清新解膩滋潤八寶茶八寶茶配料有紅棗、杞子及菊花等等，甜美可口，滋潤養身

𖤐ˊ˗內地連鎖品牌，在內地未試過，反而在香港嚐到，被平價下午茶吸引，裝潢很像內地設計風格，設自助小前菜區，在門口已聞到陣陣酸辣香味！｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼酸辣粉＋飲品 $21招牌菜，雖然點了微辣，依然辣勁十足，薯粉Q彈滑溜，有榨菜、肉醬等配料，是很正宗的重慶酸辣味道！✎ ̼軟骨丸子 $8入口有肉汁，肉餡中的軟骨帶點嚼口，想瘋狂Encore！✎ ̼琥珀冰粉 $2（飲品轉加）十分解辣，加了鮮奶，清香茶底，不會過甜。✎ ̼香嫩牛肉串（3串）$19重孜然粉，有肥有瘦，十分香口！

原來呢間係內地以重慶小面為主打既川渝風味連鎖品牌，係內地已經有300幾間分店，香港都開左幾間分店喇！一入到嚟就好香，係好地道既麻辣香氣。店面都幾大，入面座位好多！枱上面有QR code,scan qr code點菜同時要用alipay/wechatpay俾埋錢，如果現金就要叫人落單。🍜紅碗豌雜麵呢個係佢地既鎮店招牌，當然要試！簡單既肉碎、花生、豌豆，配埋獨特既醬料，拌埋一齊，微辣又惹味，幾特別，幾好食。🍅🐮🍜蕃茄牛肉麵有小朋友或者唔食辣既都唔怕，佢地有不辣推薦。呢個唔辣的，湯底超濃蕃茄味！都有幾多菜，牛肉係用牛展，麵質彈牙既。連埋野飲，好抵食！🐣脆皮半隻雞佢既脆皮雞又幾好食，炸得外皮脆脆，入面肉嫩juicy，估佢唔到，值得一試👍飲品要左檸檬茶同白玉厚椰乳。檸檬茶酸甜平衡。白玉厚椰乳幾好飲！椰味濃，入面有冰粉裝嘅啫哩，都幾不錯。佢仲有個自助台，免費自助調料,小菜同薄荷糖,仲可以自助酙水，服務細心。總體佢呢度啲嘢食都抵食唔貴，套餐仲抵食‼️難怪都幾full。

今次到訪呢間人氣川菜小店，喺內地好出名，主打正宗川渝風味嘅菜式，店內環境唔算好大，座位之間有適當距離，大件夾抵食，難怪大排長龍。我哋下午時段到訪都要攞飛仔等一段時間，建議大家可以先睇定想食咩，咁入到去就可以快啲落單等食物到。四大招牌包括紅碗豌雜麵、金碗酸辣粉、抄手系列同小鍋冒菜，要咗個酸辣粉試試，鮮紅色，上面舖滿配料，薯粉QQ哋又掛汁，辣度啱啱好，越食越過癮，果然有料到。如果唔食得辣嘅呢度都有好多其他選擇，私心推介蔥油拌麵，麵條軟硬度適中，而且都拌得開，加埋黃金豆可增添整體口感。而小食方面我最鍾意鍋巴土豆，外皮酥脆，內裏軟糯，熱辣辣，好好味。另外推介雞排同蔥油餅，雞排炸至脆身，咬落Juicy、蔥油餅集合麵包軟身同餅乾薄脆嘅口感，好得意。甜點同飲品方面都值得一試，有冰粉、厚奶等，甜度適中，解辣一流👍

餐廳成立於2014年，憑著口味獨特嘅重慶小麵殺入市場，至今已經有差唔多400間門店，遍布多個內地城市，依家香港都有3間分店，鐘意食川渝風味嘅朋友仔記得要去試試啦～ 其中一大招牌菜係金碗酸辣粉，薯粉軟硬適中，吸滿湯汁，上面有肉醬、黃金豆同榨菜，味道酸辣，十分開胃，令人越食越上癮。唔食得辣嘅建議叫蔥油拌麵或蔥酥骨湯抄手，前者唔乾且鹹度啱啱好，後者皮薄餡靚，性價比高。小食方面都有好多選擇，雞有半隻，外層微微脆，肉質滑嫩，啖啖肉、雞排同樣嫩又多汁、餃子外皮酥脆可口，金黃色，內裏爆餡、鍋巴土豆熱辣辣，外層夠薄，真材實料、蔥油餅反而比較特別，外皮似麵包，中間係薄脆，口感豐富。最後以甜點同飲品作結，冰粉份量比想像中多好多，搭配醬汁，甜度適中。飲品有白玉厚椰乳同白玉酸梅湯，前者好似冰粉嘅飲品版，食完辣嘢飲都有幫助，反而後者幾特別，酸酸甜甜夠開胃，整體性價比高，會回訪。

想試遇見小面好耐，見到旺角新開左，懷住興奮嘅心情去試一下，一行入去同女職員講想叫外賣，粒聲唔出，淨係指住個qr code,到叫完外賣，我問返同一個女職員外賣等幾耐，佢用普通話同我講「你說什麼？」，um….其實唔識講都唔緊要，但連聽都有問題，而且態度非常之差我諗貴公司都要好好培訓吓啲國內員工食物方面：紅碗豌雜面+丸子，可能因拌麵既關係，食到有啲乾，有機會其實都想試吓其他野，但咁嘅服務質素絕對唔會有下次

依間連鎖嘅湯粉麵店，喺深圳同大陸好多地方都有，係大陸都試過咁而家佢嚟咗香港都係以平價抵食做招徠😀咁當然個價格就比大陸貴啲啦，咁但係都算性價比高，特別係喺旺角新世紀商場裏便$4x-5x蚊食碗麵，仲有嘢飲，都算係平坐就不算太舒服的了，有啲似food court都幾迫，但係就勝在好快可以有位，如果兩個人嘅都有獨立枱坐，如果一個人嘅就多數喺張大長枱度搭枱我要咗個唔辣嘅抄手咁份量都幾足，差不多有10幾粒，套餐包埋杯凍檸茶，佢唔可以揀甜度，我本身平時會走甜職員都幾有禮貌